ਇੰਝ ਬਚਾਓ ਅਲਮਾਰੀ ਨੂੰ ਫੰਗਸ ਤੋਂ

ਗਿੱਲੇ ਕੱਪੜੇ ਨਾ ਰੱਖੋ

ਕੱਪੜਿਆਂ ਨੂੰ ਅਲਮਾਰੀ ਵਿਚ ਰੱਖਣ ਤੋਂ ਪਹਿਲਾਂ ਇਹ ਯਕੀਨੀ ਬਣਾਓ ਕਿ ਕੱਪੜੇ ਪੂਰੀ ਤਰ੍ਹਾਂ ਸੁੱਕੇ ਹੋਣ। ਕਦੇ ਵੀ ਗਿੱਲੇ ਕੱਪੜੇ ਅਲਮਾਰੀ ਵਿੱਚ ਨਾ ਰੱਖੋ।

ਖਿੜਕੀਆਂ ਖੁੱਲ੍ਹੀਆਂ ਰੱਖੋ

ਅਲਮਾਰੀ ਨੂੰ ਉੱਲੀ ਤੋਂ ਬਚਾਉਣ ਲਈ ਕਮਰੇ ਦੀਆਂ ਖਿੜਕੀਆਂ ਨੂੰ ਦਿਨ ਵੇਲੇ ਖੁੱਲ੍ਹਾ ਰੱਖੋ ਅਤੇ ਤਾਜ਼ੀ ਹਵਾ ਅਤੇ ਸੂਰਜ ਦੀ ਰੌਸ਼ਨੀ ਕਮਰੇ ਵਿੱਚ ਦਾਖਲ ਹੋਣ ਦਿਓ।

ਅਲਮਾਰੀ ਗਿੱਲੀ ਨਾ ਹੋਣ ਦਵੋ

ਕੱਪੜਿਆਂ ਨੂੰ ਸਟੋਰ ਕਰਨ ਤੋਂ ਪਹਿਲਾਂ, ਇਹ ਯਕੀਨੀ ਬਣਾਓ ਕਿ ਅਲਮਾਰੀ ਗਿੱਲੀ ਨਾ ਹੋਵੇ। ਇਸ ਦੇ ਨਾਲ ਹੀ ਕੀਮਤੀ ਅਤੇ ਮਹਿੰਗੇ ਕੱਪੜਿਆਂ ਨੂੰ ਹਮੇਸ਼ਾ ਪਲਾਸਟਿਕ ਦੇ ਪੈਕੇਟ ਜਾਂ ਮੋਟੇ ਕਾਗਜ਼ ਚ ਲਪੇਟ ਕੇ ਰੱਖੋ।

ਰਬਿੰਗ ਅਲਕੋਹਲ ਲਗਾਓ

ਅਲਮਾਰੀ ਵਿੱਚ ਜਿੱਥੇ ਵੀ ਉੱਲੀ ਲੱਗੀ ਹੈ ਉੱਥੇ ਇੱਕ ਸਾਫ਼ ਕੱਪੜੇ ਦੀ ਮਦਦ ਨਾਲ ਰਬਿੰਗ ਅਲਕੋਹਲ ਲਗਾਓ। ਇਸ ਨਾਲ ਉੱਲੀ ਖਤਮ ਹੋ ਜਾਵੇਗੀ ਅਤੇ ਅੱਗੇ ਨਹੀਂ ਫੈਲੇਗੀ।

ਅਲਮਾਰੀ ਨੂੰ ਖੁੱਲਾ ਛੱਡੋ

ਹਫਤੇ ਵਿੱਚ ਇੱਕ ਵਾਰ ਅਲਮਾਰੀ ਨੂੰ ਕੁਝ ਸਮੇਂ ਲਈ ਖੁੱਲ੍ਹਾ ਛੱਡ ਦਿਓ, ਇਹ ਦਰਾਜ਼ ਵਿੱਚ ਹਵਾ ਨੂੰ ਦਾਖਲ ਹੋਣ ਦੇਵੇਗਾ, ਜਿਸ ਨਾਲ ਨਮੀ ਨਹੀਂ ਹੋਵੇਗੀ।

ਫਲੋਰੋਸੈੰਟ ਲਾਈਟਾਂ ਲਗਾਓ

ਜੇਕਰ ਕਮਰੇ ਵਿੱਚ ਲੋੜੀਂਦੀ ਰੋਸ਼ਨੀ ਨਹੀਂ ਹੈ, ਤਾਂ ਅਜਿਹੀ ਸਥਿਤੀ ਵਿੱਚ ਵੀ ਕੰਧਾਂ ਵਿੱਚ ਨਮੀ ਅਤੇ ਅਲਮਾਰੀ ਵਿੱਚ ਫੰਗਸ ਹੋਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਅਜਿਹੀ ਸਥਿਤੀ ਵਿੱਚ ਫਲੋਰੋਸੈਂਟ ਲਾਈਟਾਂ ਦੀ ਵਰਤੋਂ ਕਰੋ।

ਚੌਲਾਂ ਦੇ ਦਾਣੇ ਰੱਖੋ

ਅਲਮਾਰੀ ਵਿੱਚ ਚੌਲਾਂ ਦੇ ਦਾਣੇ ਰੱਖਣ ਦੀ ਤਰਕੀਬ ਬਹੁਤ ਪੁਰਾਣੀ ਹੈ ਚੌਲਾਂ ਦੇ ਦਾਣੇ ਨਮੀ ਨੂੰ ਸੋਖ ਲੈਂਦੇ ਹਨ, ਜਿਸ ਕਾਰਨ ਇਹ ਤੁਹਾਡੀ ਅਲਮਾਰੀ ਦੀਆਂ ਕੰਧਾਂ ਤੇ ਫੰਗਸ ਨਹੀਂ ਵਧਣ ਦਿੰਦਾ।