Viral Video: ਤੁਸੀਂ ਕਈ ਵਾਰ ਸੁਣਿਆ ਹੋਵੇਗਾ ਕਿ ਵੱਡੇ ਜਾਨਵਰਾਂ ਦੇ ਸਾਹਮਣੇ ਆਉਣ 'ਤੇ ਵੀ ਟਰੇਨ ਨਹੀਂ ਰੁਕਦੀ। ਇਸ ਕਾਰਨ ਪੇਂਡੂ ਖੇਤਰਾਂ 'ਚ ਕਈ ਜਾਨਵਰ ਵੀ ਇਸ ਦਾ ਸ਼ਿਕਾਰ ਹੋ ਜਾਂਦੇ ਹਨ ਪਰ ਕੀ ਤੁਸੀਂ ਸੋਚਿਆ ਹੈ ਕਿ ਹੰਸ ਵਰਗੇ ਛੋਟੇ ਪੰਛੀ ਨੂੰ ਦੇਖ ਕੇ ਰੇਲ ਗੱਡੀਆਂ ਰੁਕ ਜਾਣਗੀਆਂ। ਇਹ ਸੁਣ ਕੇ ਤੁਸੀਂ ਜ਼ਰੂਰ ਹੈਰਾਨ ਹੋਵੋਗੇ। ਆਓ ਇਸ ਦੇ ਪਿੱਛੇ ਦੀ ਕਹਾਣੀ ਦੱਸਦੇ ਹਾਂ। ਜਿਸ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ।
ਘਟਨਾ ਇਸ ਤਰ੍ਹਾਂ ਦੀ ਸੀ ਕਿ ਜਦੋਂ ਟਰੇਨ ਪਲੇਟਫਾਰਮ 'ਤੇ ਖੜ੍ਹੀ ਸੀ ਤਾਂ ਇਕ ਹੰਸ ਰੇਲਵੇ ਟਰੈਕ 'ਤੇ ਆ ਗਿਆ। ਜਿਸ ਤੋਂ ਬਾਅਦ ਟਰੇਨ ਡਰਾਈਵਰ ਨੇ ਸੋਚਿਆ ਕਿ ਸ਼ਾਇਦ ਕੁਝ ਸਮੇਂ ਬਾਅਦ ਹੰਸ ਉੱਡ ਜਾਵੇਗਾ। ਪਰ ਉਹ ਕਿਧਰੇ ਨਹੀਂ ਜਾ ਰਿਹਾ ਸੀ ਸਗੋਂ ਟ੍ਰੈਕ 'ਤੇ ਹੀ ਖੁਸ਼ੀ ਨਾਲ ਇੱਕ ਥਾਂ ਤੋਂ ਦੂਜੀ ਥਾਂ ਘੁੰਮ ਰਿਹਾ ਸੀ। ਟਰੇਨ ਰੁਕਣ ਕਾਰਨ ਯਾਤਰੀਆਂ ਨੂੰ ਵੀ ਪ੍ਰੇਸ਼ਾਨੀ ਹੋ ਰਹੀ ਸੀ। ਹਾਲਾਂਕਿ ਟਰੇਨ ਕਰੀਬ 15 ਮਿੰਟ ਬਾਅਦ ਹੀ ਅੱਗੇ ਵਧ ਸਕੀ ਜਦੋਂ ਹੰਸ ਟ੍ਰੈਕ ਤੋਂ ਹਟ ਗਿਆ।
ਵੀਡੀਓ ਵੇਖ ਲੋਕ ਹੋਏ ਪਰੇਸ਼ਾਨ
ਹੰਸ ਦੀ ਇਸ ਵਾਇਰਲ ਵੀਡੀਓ ਨੂੰ @rt ਨਾਮ ਦੇ ਯੂਜ਼ਰ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਹੈ। ਜਿਸ ਨੂੰ 20 ਲੱਖ ਲੋਕ ਦੇਖ ਚੁੱਕੇ ਹਨ ਅਤੇ 1 ਲੱਖ ਤੋਂ ਵੱਧ ਲੋਕਾਂ ਨੇ ਪਸੰਦ ਕੀਤਾ ਹੈ। ਜਿਸ ਦੇ ਕੈਪਸ਼ਨ ਵਿੱਚ ਇਸਦੀ ਪੂਰੀ ਕਹਾਣੀ ਲਿਖੀ ਹੋਈ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਕਈ ਯੂਜ਼ਰਸ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ ਹੈ ਕਿ ਹੰਸ ਦੀ ਤਾਕਤ ਨੂੰ ਇਸ ਗੱਲ ਤੋਂ ਸਮਝਿਆ ਜਾ ਸਕਦਾ ਹੈ ਕਿ ਟਰੇਨ ਆਪਣੇ ਆਪ ਰੁਕ ਰਹੀ ਹੈ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ ਹੈ ਕਿ ਲੋਕੋ ਪਾਇਲਟ ਬਹੁਤ ਦਿਆਲੂ ਸੀ ਨਹੀਂ ਤਾਂ ਉਹ ਟਰੇਨ ਸਟਾਰਟ ਕਰ ਦਿੰਦਾ।
