ਭਗਵਾਨ ਰਾਮ ਦਾ ਪਸੰਦੀਦਾ ਤੇ ਸਿਹਤ ਦਾ ਖ਼ਜਾਨਾ ਹੈ ਰਾਮਫਲ, ਜਾਣੋ ਇਸਨੂੰ ਖਾਣ ਦੇ ਅਨੇਕ ਫਾਇਦੇ

ਅੱਜ ਜਿੱਥੇ ਰਾਮ ਮੰਦਿਰ ਨੂੰ ਲੈ ਕੇ ਦੇਸ਼ ਭਰ ਅੰਦਰ ਦੀਵਾਲੀ ਵਰਗਾ ਮਾਹੌਲ ਹੈ ਤਾਂ ਉੱਥੇ ਹੀ ਤੁਹਾਨੂੰ ਅੱਜ ਭਗਵਾਨ ਰਾਮ ਜੀ ਨਾਲ ਜੁੜੇ ਇੱਕ ਫਲ ਬਾਰੇ ਦੱਸਣ ਜਾ ਰਹੇ ਹਾਂ ਜੋਕਿ ਸਿਹਤ ਲਈ ਬਹੁਤ ਲਾਹੇਵੰਦ ਹੈ। ਇਸਨੂੰ ਖਾਣ ਨਾਲ ਕਈ ਰੋਗਾਂ ਤੋਂ ਬਚਿਆ ਜਾ ਸਕਦਾ ਹੈ।

Last Updated : 22 January 2024, 04:23 PM IST

ਹਾਈਲਾਈਟਸ

ਰਾਮਫਲ ਪੌਸ਼ਕ ਤੱਤਾਂ ਨਾਲ ਭਰਪੂਰ ਹੁੰਦਾ ਹੈ
ਰਿਸ਼ੀਕੇਸ਼ ਦੇ ਰਾਮ ਝੂਲਾ 'ਤੇ ਇਹ ਫਲ ਤੁਹਾਨੂੰ ਆਸਾਨੀ ਨਾਲ ਮਿਲ ਜਾਵੇਗਾ।

Health benefits of Ramphal : ਰਾਮਲਲਾ ਅਯੁੱਧਿਆ ਦੇ ਵਿਸ਼ਾਲ ਰਾਮ ਮੰਦਿਰ ਵਿੱਚ ਬਿਰਾਜਮਾਨ ਹੋ ਗਏ ਹਨ। ਅੱਜ ਦੀਵਾਲੀ ਤੋਂ ਵੱਧ ਖੁਸ਼ੀਆਂ ਤੇ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਜੈ ਸ਼੍ਰੀ ਰਾਮ ਦੀ ਧੁਨ ਦੇਸ਼ ਹੀ ਨਹੀਂ ਵਿਦੇਸ਼ਾਂ ਵਿੱਚ ਵੀ ਗੂੰਜ ਰਹੀ ਹੈ। ਭਗਵਾਨ ਰਾਮ ਨੂੰ ਖੀਰ ਅਤੇ ਰਬੜੀ ਦਾ ਭੋਗ ਲਗਾਇਆ ਜਾ ਰਿਹਾ ਹੈ। ਪਰ ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੇ ਫਲ ਬਾਰੇ ਦੱਸ ਰਹੇ ਹਾਂ ਜੋ ਭਗਵਾਨ ਰਾਮ ਨੂੰ ਪਸੰਦ ਹੈ। ਇਸਨੂੰ ਰਾਮਫਲ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਇਹ ਫਲ ਸਵਾਦ ਵਿੱਚ ਸੀਤਾਫਲ ਵਰਗਾ ਹੁੰਦਾ ਹੈ, ਪਰ ਥੋੜ੍ਹਾ ਛੋਟਾ ਹੁੰਦਾ ਹੈ।

ਭਗਵਾਨ ਰਾਮ ਦਾ ਪਸੰਦੀਦਾ ਫਲ

ਰਾਮਫਲ ਪੌਸ਼ਕ ਤੱਤਾਂ ਨਾਲ ਭਰਪੂਰ ਹੁੰਦਾ ਹੈ, ਜਿਸਨੂੰ ਖਾਣ ਨਾਲ ਸਰੀਰ ਨੂੰ ਸਾਰੇ ਜ਼ਰੂਰੀ ਪੌਸ਼ਟਿਕ ਤੱਤ ਮਿਲਦੇ ਹਨ। ਗਰਮੀਆਂ ਦੀ ਸ਼ੁਰੂਆਤ ਵਿੱਚ ਰਾਮਫਲ ਦਿਖਾਈ ਦੇਣ ਲੱਗਦਾ ਹੈ। ਬਾਜ਼ਾਰ ਵਿੱਚ ਰਾਮਫਲ (Ramphal) ਆਸਾਨੀ ਨਾਲ ਨਹੀਂ ਮਿਲਦਾ। ਜਾਣੋ ਰਾਮਫਲ ਖਾਣ ਦੇ ਕੀ ਫਾਇਦੇ ਹਨ ਅਤੇ ਇਸ ਫਲ ਦਾ ਭਗਵਾਨ ਰਾਮ ਨਾਲ ਕੀ ਸਬੰਧ ਹੈ।

ਜਾਣੋ ਕੀ ਹੈ ਭਗਵਾਨ ਰਾਮ ਨਾਲ ਸਬੰਧ

ਕਿਹਾ ਜਾਂਦਾ ਹੈ ਕਿ ਭਗਵਾਨ ਰਾਮ ਆਪਣੇ ਬਨਵਾਸ ਦੌਰਾਨ ਸਿਰਫ਼ ਕੰਦ, ਮੂਲ ਅਤੇ ਫਲਾਂ ਦਾ ਹੀ ਸੇਵਨ ਕਰਦੇ ਸਨ। ਉਸ ਸਮੇਂ ਭਗਵਾਨ ਰਾਮ ਨੂੰ ਇਹ ਫਲ ਖਾਣਾ ਬਹੁਤ ਪਸੰਦ ਸੀ। ਉਦੋਂ ਤੋਂ ਇਸਦਾ ਨਾਂ ਰਾਮਫਲ ਪੈ ਗਿਆ। ਇਹ ਵੀ ਮੰਨਿਆ ਜਾਂਦਾ ਹੈ ਕਿ ਜਦੋਂ ਭਗਵਾਨ ਰਾਮ ਨੇ ਤ੍ਰੇਤਾ ਯੁੱਗ ਵਿੱਚ ਰਾਵਣ ਨੂੰ ਮਾਰਿਆ ਸੀ, ਉਹਨਾਂ ਨੂੰ ਬ੍ਰਹਮ ਦੋਸ਼ ਲੱਗਿਆ ਸੀ। ਇਸਤੋਂ ਛੁਟਕਾਰਾ ਪਾਉਣ ਲਈ ਭਗਵਾਨ ਰਾਮ ਨੇ ਰਿਸ਼ੀਕੇਸ਼ ਜਾ ਕੇ ਇਸ ਫਲ ਦਾ ਸੁਆਦ ਚੱਖਿਆ ਸੀ। ਇਸ ਫਲ ਨੂੰ ਖਾਣ ਨਾਲ ਰਾਮ ਸਾਰੇ ਪਾਪਾਂ ਤੋਂ ਮੁਕਤ ਹੋ ਗਏ ਸੀ ਅਤੇ ਉਦੋਂ ਤੋਂ ਹੀ ਲੋਕ ਇਸ ਫਲ ਨੂੰ ਰਾਮਫਲ ਦੇ ਨਾਮ ਨਾਲ ਜਾਣਨ ਲੱਗੇ ਹਨ। ਰਿਸ਼ੀਕੇਸ਼ ਦੇ ਰਾਮ ਝੂਲਾ 'ਤੇ ਇਹ ਫਲ ਤੁਹਾਨੂੰ ਆਸਾਨੀ ਨਾਲ ਮਿਲ ਜਾਵੇਗਾ।

ਸੀਤਾਫਲ ਵਰਗਾ ਸਵਾਦ

ਜੇਕਰ ਤੁਸੀਂ ਰਾਮਫਲ ਨਹੀਂ ਖਾਧਾ ਹੈ ਤਾਂ ਤੁਹਾਨੂੰ ਦੱਸ ਦਈਏ ਕਿ ਰਾਮਫਲ ਦਾ ਸਵਾਦ ਸੀਤਾਫਲ ਵਰਗਾ ਹੀ ਹੁੰਦਾ ਹੈ। ਹਾਲਾਂਕਿ, ਇਸਦਾ ਛਿਲਕਾ ਕਾਫ਼ੀ ਮੁਲਾਇਮ ਅਤੇ ਪਤਲਾ ਹੁੰਦਾ ਹੈ। ਰਾਮਫਲ ਕੁਦਰਤ ਵਿਚ ਗਰਮ ਹੈ। ਇਹ ਫਲ ਮਾਰਚ ਤੋਂ ਅਪ੍ਰੈਲ ਤੱਕ ਆਸਾਨੀ ਨਾਲ ਮਿਲ ਜਾਂਦਾ ਹੈ। ਰਾਮਫਲ ਦੀ ਤਾਸੀਰ ਗਰਮ ਹੁੰਦੀ ਹੈ। ਮਾਰਚ ਦੇ ਅੰਤ ਜਾਂ ਅਪ੍ਰੈਲ ਮਹੀਨੇ ਇਹ ਫਲ ਆਸਾਨੀ ਨਾਲ ਮਿਲ ਜਾਂਦਾ ਹੈ। ਰਾਮਫਲ ਦਾ ਦਰੱਖਤ ਵੀ ਸੀਤਾਫਲ ਵਰਗਾ ਹੀ ਹੁੰਦਾ ਹੈ। ਇਸਦੇ ਫਾਇਦਿਆਂ ਦੀ ਗੱਲ ਕਰੀਏ ਤਾਂ ਸ਼ੂਗਰ ਦੇ ਰੋਗੀਆਂ ਲਈ ਰਾਮਫਲ ਬਹੁਤ ਫਾਇਦੇਮੰਦ ਹੈ।

ਰਾਮਫਲ ਖਾਣ ਦੇ ਫਾਇਦੇ

ਮੌਸਮੀ ਫਲਾਂ ਦੀ ਸੂਚੀ 'ਚ ਰਾਮਫਲ ਨੂੰ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ।ਗਰਮੀਆਂ 'ਚ ਆਉਣ ਵਾਲਾ ਰਾਮਫਲ ਐਂਟੀਆਕਸੀਡੈਂਟ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ, ਜੋ ਸਿਹਤ ਲਈ ਚੰਗਾ ਮੰਨਿਆ ਜਾਂਦਾ ਹੈ।ਰਾਮਫਲ ਵਿਟਾਮਿਨ ਅਤੇ ਖਣਿਜਾਂ ਨਾਲ ਭਰਪੂਰ ਹੁੰਦਾ ਹੈ, ਜੋ ਇਮਿਊਨਿਟੀ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਕਰਦਾ ਹੈ।ਰਾਮਫਲ ਦਾ ਸੇਵਨ ਸ਼ੂਗਰ ਵਿੱਚ ਵੀ ਕੀਤਾ ਜਾ ਸਕਦਾ ਹੈ। ਇਹ ਸਰੀਰ ਵਿੱਚ ਬਲੱਡ ਸ਼ੂਗਰ ਨੂੰ ਘਟਾਉਂਦਾ ਹੈ।ਰਾਮਫਲ ਵਿੱਚ ਫਾਈਬਰ, ਵਿਟਾਮਿਨ ਏ ਅਤੇ ਪੋਟਾਸ਼ੀਅਮ ਭਰਪੂਰ ਮਾਤਰਾ ਵਿੱਚ ਹੁੰਦਾ ਹੈ, ਜੋ ਦਿਲ ਨੂੰ ਸਿਹਤਮੰਦ ਰੱਖਦੇ ਹਨ।