Last Updated :
05 July 2023, 06:05 PM IST
ਨਵਾਂ ਜੀਓਭਾਰਤ 4ਜੀ ਹੈਂਡਸੈੱਟ ਭਾਰਤ ਵਿੱਚ ਡਿਜੀਟਲ ਪਾੜੇ ਨੂੰ ਪੂਰਨ ਲਈ ਹੈ। ਜਦੋਂ ਕਿ ਭਾਰਤ ਵਿੱਚ ਇੱਕ ਪਾਸੇ ਲੋਕ 5ਜੀ ਕਨੈਕਟੀਵਿਟੀ ਵਾਲੇ ਨਵੀਨਤਮ ਆਈਫੋਨ ਦੀ ਵਰਤੋਂ ਕਰ ਰਹੇ ਹਨ ਅਤੇ ਦੂਜੇ ਪਾਸੇ ਲਗਭਗ 250 ਮਿਲੀਅਨ ਭਾਰਤੀ ਅਜੇ ਵੀ 2ਜੀ ਹੈਂਡਸੈੱਟਾਂ ਦੀ ਵਰਤੋਂ ਕਰਨ ਲਈ ਮਜਬੂਰ ਹਨ। ਹੁਣ ਰਿਲਾਇੰਸ ਜੀਓ ਦਾ ਉਦੇਸ਼ ਅਜਿਹੇ ਲੋਕਾਂ ਨੂੰ ਇੱਕ ਉਹ ਮੌਕਾ ਪ੍ਰਦਾਨ ਕਰਨਾ ਹੈ ਜਿਸ ਨਾਲ ਕਿ ਉਹਨਾਂ ਨੂੰ ਇੱਕ ‘ਡਿਜੀਟਲ ਮੋਬਾਈਲ ਜੀਵਨ ਸ਼ੈਲੀ’ ਬਾਰੇ ਪਤਾ ਲੱਗ ਸਕੇ।
999 ਰੁਪਏ ਦੀ ਕੀਮਤ ਦੇ ਹੈਂਡਸੈੱਟ ਲਈ 123 ਰੁਪਏ ਪ੍ਰਤੀ ਮਹੀਨਾ ਵਾਧੂ ਡਾਟਾ ਪਲਾਨ ਨਾਲ ਜੀਓਭਾਰਤ ਫੋਨ ਉਪਭੋਗਤਾ ਆਈਪੀਐੱਲ ਕ੍ਰਿਕਟ ਮੈਚ, ‘ਅਸੂਰ’, ‘ਇੰਸਪੈਕਟਰ ਅਵਿਨਾਸ਼’ ਅਤੇ ‘ਰਫੂਚੱਕਰ’ ਵਰਗੇ ਪ੍ਰਸਿੱਧ ਸ਼ੋਅ ਦੇਖ ਸਕਦੇ ਹਨ। ਏਕੀਕ੍ਰਿਤ ਜੀਓਸਿਨੇਮਾ ਐਪ ਦਾ ਧੰਨਵਾਦ। ਇਹ ਵੀ ਸਮਝਣ ਯੋਗ ਹੈ ਕਿ ਜੀਓਭਾਰਤ 4ਜੀ ਹੈਂਡਸੈੱਟ ਦੇ ਛੋਟੇ ਸਕ੍ਰੀਨ ਕਾਰਨ ਪ੍ਰੋਗਰਾਮ ਦੇਖਣ ਦਾ ਅਨੁਭਵ ਸੀਮਤ ਰਹੇਗਾ ਪਰ ਘੱਟੋ-ਘੱਟ ਇਸ ਫੀਚਰ ਫੋਨ ਉਪਭੋਗਤਾਵਾਂ ਕੋਲ ਹੁਣ ਇੱਕ ਵਿਕਲਪ ਤਾਂ ਹੋਵੇਗਾ।
ਜੀਓਸਿਨੇਮਾ ਨੇ ਹਾਲ ਹੀ ਵਿੱਚ ਆਈਪੀਐੱਲ 2023 ਨੂੰ ਮੁਫ਼ਤ ਵਿੱਚ ਦਿਖਾਇਆ ਸੀ ਅਤੇ 2022 ਫ਼ੀਫ਼ਾ ਵਿਸ਼ਵ ਕੱਪ ਵੀ ਮੁਫ਼ਤ ਵਿੱਚ ਉਪਲੱਬਧ ਕਰਵਾਇਆ ਸੀ। ਜੀਓਸਿਨੇਮਾ ਨੇ 2027 ਤੱਕ ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਡਿਜੀਟਲ ਅਧਿਕਾਰ ਹਾਸਲ ਕਰ ਲਏ ਹਨ। ਇਸ ਸਾਲ ਸਾਰੇ ਆਈਪੀਐੱਲ ਮੈਚਾਂ ਨੂੰ 12 ਭਾਸ਼ਾਵਾਂ ਵਿੱਚ ਮੁਫ਼ਤ ਦਿਖਾਇਆ ਕੀਤਾ ਗਿਆ ਸੀ। ਜੀਓਸਿਨੇਮਾ ਨੇ ਨਵੀਂ ਕ੍ਰਿਕਟ ਮਹਿਲਾ ਪ੍ਰੀਮੀਅਰ ਲੀਗ ਦੇ ਡਿਜੀਟਲ ਅਧਿਕਾਰ ਵੀ ਹਾਸਲ ਕਰ ਲਏ ਹਨ।
ਇਹ ਕਦਮ ਸਾਫਟਵੇਅਰ ਨਵੀਨਤਾ ਦੇ ਰੂਪ ਵਿੱਚ ਇੱਕ ਮੀਲ ਪੱਥਰ ਹੈ ਕਿਉਂਕਿ ਕਿਸੇ ਹੋਰ ਓਟੀਟੀ ਪਲੇਅਰ ਨੇ ਭਾਰਤ ਵਿੱਚ 250 ਮਿਲੀਅਨ ਫੀਚਰ ਫੋਨ ਉਪਭੋਗਤਾਵਾਂ ਲਈ ਸਮੱਗਰੀ ਪ੍ਰਦਾਨ ਕਰਨ ਬਾਰੇ ਨਹੀਂ ਸੋਚਿਆ ਹੈ। ਜੀਓਭਾਰਤ 4ਜੀ ਹੈਂਡਸੈੱਟ ਸਮਾਰਟਫੋਨ ਵਾਲੇ ਕਿਸੇ ਵਿਅਕਤੀ ਲਈ ਸ਼ਾਇਦ ਇਹ ਮਾਅਨੇ ਨਾ ਰੱਖਦਾ ਹੋਵੇ ਪਰ ਇੱਕ ਫੀਚਰ ਫੋਨ ‘ਤੇ 1000 ਰੁਪਏ ਖਰਚ ਕਰਕੇ ਸੰਗੀਤ ਅਤੇ ਐੱਫ਼ਐਮ ਰੇਡੀਓ ਹੀ ਸੁਣਨ ਵਾਲੇ ਲਈ ਬਹੁਤ ਅਹਿਮ ਕਦਮ ਹੈ।
ਮਨੋਰੰਜਨ ਤੋਂ ਇਲਾਵਾ ਜੀਓਭਾਰਤ 4ਜੀ ਹੈਂਡਸੈੱਟ ਲੋਕਾਂ ਨੂੰ ਯੂਪੀਆਈ ਦੀ ਵਰਤੋਂ ਕਰਕੇ ਡਿਜੀਟਲ ਭੁਗਤਾਨ ਕਰਨ ਵਿੱਚ ਵੀ ਮਦਦ ਕਰੇਗਾ। ਬਹੁਤ ਘੱਟ ਫੀਚਰ ਫੋਨ ਯੂਪੀਆਈ ਦੀ ਸੁਵਿਧਾ ਦਿੰਦੇ ਹਨ ਅਤੇ ਪੂਰੀ ਤਰਾਂ ਤਿਆਰ’ ਇੱਕ ਯੂਪੀਆਈ -ਸਮਰੱਥ ਐਪ ਦੇ ਨਾਲ ਆਉਂਦੇ ਹਨ। ਬੇਸ਼ੱਕ, ‘*99# UPI’ ਸੇਵਾ ਸਾਰੇ ਮੋਬਾਈਲਾਂ ਲਈ ਉਪਲਬਧ ਹੈ ਪਰ ਇਹ ਯੂਐੱਸਐੱਸਡੀ ਕੋਡ ਇੰਟਰਫੇਸ ਦੇ ਕਾਰਨ ਬਹੁਤ ਜ਼ਿਆਦਾ ਲੈਣ-ਦੇਣ ਕਰਨ ਵਿੱਚ ਅਸਫਲ ਰਹੀ ਹੈ। ਜੀਓ ਐਪ ਨਾਲ ਉਪਭੋਗਤਾ ਸਕੈਨ ਕਰ ਸਕਦੇ ਹਨ ਅਤੇ ਭੁਗਤਾਨ ਕਰ ਸਕਦੇ ਹਨ।
