UWW ਨੇ ਭਾਰਤ ਨੂੰ ਮੁਅੱਤਲ ਕਰਨ ਦੀ ਦਿੱਤੀ ਧਮਕੀ, ਕਰੋਸ਼ੀਆ ਇਨਵੀਟੇਸ਼ਨਲ ਟੂਰਨਾਮੈਂਟ ਲਈ ਅਜੇ ਤੱਕ ਨਹੀਂ ਮਿਲੀ ਹਰੀ ਝੰਡੀ

ਮੁਅੱਤਲੀ ਦੀ ਸਥਿਤੀ ਵਿੱਚ, ਭਾਰਤੀ ਪਹਿਲਵਾਨਾਂ ਨੂੰ UWW ਦੇ ਝੰਡੇ ਹੇਠ ਖੇਡਣਾ ਪਵੇਗਾ। ਦੇਸ਼ ਵਿੱਚ ਕੁਸ਼ਤੀ ਗਤੀਵਿਧੀਆਂ ਬੰਦ ਹਨ। ਮੁਅੱਤਲੀ ਦੇ ਕਾਰਨ, ਪਹਿਲਵਾਨਾਂ ਦਾ ਕੋਈ ਰਾਸ਼ਟਰੀ ਕੈਂਪ ਨਹੀਂ ਲਗਾਇਆ ਜਾ ਰਿਹਾ ਹੈ।

United World Wrestling : ਕੁਸ਼ਤੀ ਦੀ ਸਿਖਰਲੀ ਵਿਸ਼ਵ ਸੰਸਥਾ, ਯੂਨਾਈਟਿਡ ਵਰਲਡ ਰੈਸਲਿੰਗ (UWW) ਨੇ ਭਾਰਤ ਨੂੰ ਮੁਅੱਤਲ ਕਰਨ ਦੀ ਧਮਕੀ ਦਿੱਤੀ ਹੈ। ਸੰਗਠਨ ਦੇ ਪ੍ਰਧਾਨ ਨੇਨਾਦ ਲਾਲੋਵਿਕ ਨੇ ਲਿਖਿਆ ਹੈ ਕਿ ਜੇਕਰ ਭਾਰਤੀ ਕੁਸ਼ਤੀ ਸੰਘ (WFI) ਦੇ ਅੰਦਰੂਨੀ ਮਾਮਲਿਆਂ ਵਿੱਚ ਰਾਜਨੀਤਿਕ ਦਖਲਅੰਦਾਜ਼ੀ ਬੰਦ ਨਹੀਂ ਹੁੰਦੀ ਅਤੇ ਇਸਦੀ ਖੁਦਮੁਖਤਿਆਰੀ ਬਣਾਈ ਨਹੀਂ ਰੱਖੀ ਜਾਂਦੀ, ਤਾਂ ਇਸ 'ਤੇ ਪਾਬੰਦੀ ਲਗਾਈ ਜਾ ਸਕਦੀ ਹੈ। ਖੇਡ ਮੰਤਰਾਲੇ ਨੇ ਕੁਸ਼ਤੀ ਫੈਡਰੇਸ਼ਨ ਨੂੰ ਦਸੰਬਰ 2023 ਤੋਂ ਮੁਅੱਤਲ ਕਰ ਰੱਖਿਆ ਹੈ। ਟੀਮ ਨੂੰ ਵਿਸ਼ਵ ਚੈਂਪੀਅਨਸ਼ਿਪ ਲਈ ਭੇਜਿਆ ਗਿਆ ਸੀ, ਪਰ ਟੀਮ ਹੋਰ ਟੂਰਨਾਮੈਂਟਾਂ ਵਿੱਚ ਜਾਣ ਦੇ ਯੋਗ ਨਹੀਂ ਹੈ। ਕਰੋਸ਼ੀਆ ਇਨਵੀਟੇਸ਼ਨਲ ਟੂਰਨਾਮੈਂਟ ਲਈ ਮੰਤਰਾਲੇ ਤੋਂ ਅਜੇ ਤੱਕ ਹਰੀ ਝੰਡੀ ਨਹੀਂ ਮਿਲੀ ਹੈ।

ਸੰਪਰਕ ਵਿੱਚ ਰਹਿਣ ਦੀ ਗੱਲ ਵੀ ਕਹੀ 

ਕੁਸ਼ਤੀ ਫੈਡਰੇਸ਼ਨ ਦੇ ਮੌਜੂਦਾ ਅਹੁਦੇਦਾਰਾਂ ਨੂੰ ਮਾਨਤਾ ਦਿੰਦੇ ਹੋਏ, UWW ਨੇ ਅੰਤਰਰਾਸ਼ਟਰੀ ਟੂਰਨਾਮੈਂਟਾਂ ਅਤੇ ਹੋਰ ਗਤੀਵਿਧੀਆਂ ਲਈ ਉਨ੍ਹਾਂ ਨਾਲ ਸੰਪਰਕ ਵਿੱਚ ਰਹਿਣ ਦੀ ਗੱਲ ਵੀ ਕਹੀ ਹੈ। ਮੁਅੱਤਲੀ ਦੀ ਸਥਿਤੀ ਵਿੱਚ, ਭਾਰਤੀ ਪਹਿਲਵਾਨ ਦੇਸ਼ ਦੇ ਝੰਡੇ ਹੇਠ ਕਿਸੇ ਵੀ ਕੁਸ਼ਤੀ ਟੂਰਨਾਮੈਂਟ ਵਿੱਚ ਨਹੀਂ ਖੇਡ ਸਕਣਗੇ। ਮੁਅੱਤਲੀ ਦੀ ਸਥਿਤੀ ਵਿੱਚ, ਭਾਰਤੀ ਪਹਿਲਵਾਨਾਂ ਨੂੰ UWW ਦੇ ਝੰਡੇ ਹੇਠ ਖੇਡਣਾ ਪਵੇਗਾ। ਦੇਸ਼ ਵਿੱਚ ਕੁਸ਼ਤੀ ਗਤੀਵਿਧੀਆਂ ਬੰਦ ਹਨ। ਮੁਅੱਤਲੀ ਦੇ ਕਾਰਨ, ਪਹਿਲਵਾਨਾਂ ਦਾ ਕੋਈ ਰਾਸ਼ਟਰੀ ਕੈਂਪ ਨਹੀਂ ਲਗਾਇਆ ਜਾ ਰਿਹਾ ਹੈ।

ਸੰਵਿਧਾਨ ਦਾ ਉਲੰਘਣ ਕਰਨ ਦੇ ਆਰੋਪ

ਫੈਡਰੇਸ਼ਨ ਨੇ ਦਸੰਬਰ ਦੇ ਆਖਰੀ ਹਫਤੇ ਉੱਤਰ ਪ੍ਰਦੇਸ਼ ਦੇ ਗੋਂਡਾ ਵਿੱਚ ਕੌਮੀ ਖੇਡਾਂ ਦੀ ਮੇਜ਼ਬਾਨੀ ਕਰਨ ਦਾ ਐਲਾਨ ਵੀ ਕੀਤਾ ਸੀ। ਇਸ ਤੋਂ ਬਾਅਦ ਖੇਡ ਮੰਤਰਾਲੇ ਨੇ ਆਪਣੇ ਹੀ ਸੰਵਿਧਾਨ ਦੀ ਉਲੰਘਣਾ ਕਰਕੇ ਚੋਣਾਂ ਕਰਵਾਉਣ ਦੇ ਆਰੋਪਾਂ ਤਹਿਤ ਇਸ ਬਾਡੀ ਨੂੰ ਮੁਅੱਤਲ ਕਰ ਦਿੱਤਾ ਸੀ। ਖੇਡ ਮੰਤਰਾਲੇ ਨੇ ਚੋਣਾਂ ਦੇ ਤਿੰਨ ਦਿਨ ਬਾਅਦ ਡਬਲਿਊਐੱਫਆਈ ਨੂੰ ਇਹ ਕਹਿ ਕੇ ਮੁਅੱਤਲ ਕਰ ਦਿੱਤਾ ਸੀ ਕਿ ਇਸ ਵੱਲੋਂ ਕਰਵਾਈ ਜਾ ਰਹੀ ਚੈਂਪੀਅਨਸ਼ਿਪ ਨੂੰ ਮਾਨਤਾ ਨਹੀਂ ਦਿੱਤੀ ਜਾਵੇਗੀ, ਜਦ ਕਿ ਫੈਡਰੇਸ਼ਨ ਪੁਣੇ ਵਿੱਚ ਚੈਂਪੀਅਨਸ਼ਿਪ ਕਰਾਉਣ ਲਈ ਬਜ਼ਿੱਦ ਸੀ। ਫੈਡਰੇਸ਼ਨ ਦੇ ਪ੍ਰਧਾਨ ਸੰਜੈ ਸਿੰਘ ਨੇ ਕਿਹਾ ਸੀ ਕਿ ਭਾਰਤੀ ਕੁਸ਼ਤੀ ਫੈਡਰੇਸ਼ਨ ਫ੍ਰੀਸਟਾਈਲ, ਗ੍ਰੀਕੋ ਰੋਮਨ ਅਤੇ ਮਹਿਲਾ ਕੁਸ਼ਤੀ ਵਿੱਚ ਆਪਣੀ 2023 ਸੀਨੀਅਰ ਕੌਮੀ ਕੁਸ਼ਤੀ ਚੈਂਪੀਅਨਸ਼ਿਪ ਕਰਵਾ ਰਹੀ ਹੈ। ਇਸ ਚੈਂਪੀਅਨਸ਼ਿਪ ਦਾ ਆਯੋਜਨ ਮਹਾਰਾਸ਼ਟਰ ਰਾਜ ਕੁਸ਼ਤੀ ਸੰਘ ਦੁਆਰਾ 29 ਤੋਂ 31 ਜਨਵਰੀ ਤੱਕ ਪੁਣੇ ਵਿੱਚ ਕੀਤਾ ਜਾ ਰਿਹਾ ਹੈ। ਇਸ ਵਿੱਚ ਦੇਸ਼ ਭਰ ਤੋਂ ਲਗਪਗ 700 ਪਹਿਲਵਾਨ ਹਿੱਸਾ ਲੈ ਰਹੇ ਹਨ। ਪੰਜਾਬ ਅਤੇ ਉੜੀਸਾ ਨੂੰ ਛੱਡ ਕੇ ਫੈਡਰੇਸ਼ਨ ਦੀਆਂ ਸਾਰੀਆਂ ਮਾਨਤਾ ਪ੍ਰਾਪਤ ਰਾਜ ਇਕਾਈਆਂ ਨੇ ਇਸ ਵਿੱਚ ਹਿੱਸਾ ਲੈਣ ਲਈ ਆਪਣੀਆਂ ਟੀਮਾਂ ਸ਼ਾਮਲ ਕੀਤੀਆਂ ਹਨ। 

• 

  ਇੱਕ ਹੋਰ ਸਾਬਕਾ ਬੱਲੇਬਾਜ ਦੀਆਂ ਸੋਸ਼ਲ ਮੀਡੀਆ ਤੇ ਤਲਾਕ ਦੀਆਂ ਉੱਡੀਆ ਅਫਵਾਹਾ, ਪਤਨੀ ਨੂੰ ਕੀਤਾ ਇੰਸਟਾਗ੍ਰਾਮ 'ਤੇ ਅਨਫਾਲੋ

  Sports

• 

  ਅੰਡਰ-19 ਵਿਸ਼ਵ ਕੱਪ: ਭਾਰਤ ਨੇ ਸ਼੍ਰੀਲੰਕਾ ਨੂੰ 60 ਦੌੜਾਂ ਨਾਲ ਹਰਾਇਆ, ਸੁਪਰ ਸਿਕਸ 'ਚ ਜਗ੍ਹਾ ਪੱਕੀ

  Sports

• 

  ਰਣਜੀ ਟਰਾਫੀ ਵਿੱਚ ਭਾਰਤ ਦੇ ਸਟਾਰ ਖਿਡਾਰੀਆਂ ਦੀ ਨਿਰਾਸ਼ਾਜਨਕ ਵਾਪਸੀ

  Sports

• 

  ਹਾਰ ਦੇ ਬਾਅਦ ਇੰਗਲੈਂਡ ਦੇ ਕਪਤਾਨ ਜੋਸ ਬਟਲਰ ਨੇ ਭਾਰਤੀ ਟੀਮ ਦੇ ਹਮਲਾਵਰ ਰਵੱਈਏ ਦੀ ਕੀਤੀ ਪ੍ਰਸ਼ੰਸਾ

  Sports

• 

  ਕੋਲਕਾਲਾ ਦੇ ਈਡਨ ਗਾਰਡਨ ਵਿੱਚ ਅੱਜ ਖੇਡਿਆ ਜਾਵੇਗਾ ਪਹਿਲਾ ਟੀ-20 ਮੈਚ, ਵਿਕੇਟਕੀਪਰ ਸੰਜੂ ਸੈਮਸਨ ਕੋਲ ਧੋਨੀ ਦਾ ਰਿਕਾਰਡ ਤੋੜਨ ਦਾ ਮੌਕਾ

  Sports