ਵਿਰਾਟ ਕੋਹਲੀ ਨੇ ਰਾਹੁਲ ਦ੍ਰਾਵਿੜ ਦੇ ਨਾਲ ਅਤੀਤ ਨੂੰ ਸਾਂਝਾ ਕੀਤਾ

ਭਾਰਤ ਵੈਸਟਇੰਡੀਜ਼ ਵਿਰੁੱਧ ਆਪਣੇ ਪਹਿਲੇ ਟੈਸਟ ਲਈ ਤਿਆਰ ਹੈ ਜੋ ਕੈਰੇਬੀਅਨ ਟਾਪੂਆਂ ਦੇ ਦੌਰੇ ਨਾਲ ਸ਼ੁਰੂ ਹੋਵੇਗਾ। ਇਹ ਮੈਚ ਡੋਮਿਨਿਕਾ ਵਿੱਚ 12 ਤੋਂ 16 ਜੁਲਾਈ ਤੱਕ ਖੇਡਿਆ ਜਾਵੇਗਾ। ਇਹ 2017 ਤੋਂ ਬਾਅਦ ਵਿੰਡਸਰ ਪਾਰਕ ਵਿੱਚ ਹੋਣ ਵਾਲਾ ਪਹਿਲਾ ਅਤੇ ਕੁੱਲ ਮਿਲਾ ਕੇ ਪੰਜਵਾਂ ਟੈਸਟ ਹੋਵੇਗਾ। ਇਤਫਾਕਨ, ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਡੋਮਿਨਿਕਾ ਵਿੱਚ ਪਹਿਲਾ ਟੈਸਟ ਮੈਚ […]

ਭਾਰਤ ਵੈਸਟਇੰਡੀਜ਼ ਵਿਰੁੱਧ ਆਪਣੇ ਪਹਿਲੇ ਟੈਸਟ ਲਈ ਤਿਆਰ ਹੈ ਜੋ ਕੈਰੇਬੀਅਨ ਟਾਪੂਆਂ ਦੇ ਦੌਰੇ ਨਾਲ ਸ਼ੁਰੂ ਹੋਵੇਗਾ। ਇਹ ਮੈਚ ਡੋਮਿਨਿਕਾ ਵਿੱਚ 12 ਤੋਂ 16 ਜੁਲਾਈ ਤੱਕ ਖੇਡਿਆ ਜਾਵੇਗਾ। ਇਹ 2017 ਤੋਂ ਬਾਅਦ ਵਿੰਡਸਰ ਪਾਰਕ ਵਿੱਚ ਹੋਣ ਵਾਲਾ ਪਹਿਲਾ ਅਤੇ ਕੁੱਲ ਮਿਲਾ ਕੇ ਪੰਜਵਾਂ ਟੈਸਟ ਹੋਵੇਗਾ।

ਇਤਫਾਕਨ, ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਡੋਮਿਨਿਕਾ ਵਿੱਚ ਪਹਿਲਾ ਟੈਸਟ ਮੈਚ ਵੀ ਖੇਡਿਆ ਗਿਆ ਸੀ। ਇਹ ਮੈਚ ਜੁਲਾਈ 2011 ਵਿੱਚ ਖੇਡਿਆ ਗਿਆ ਸੀ ਅਤੇ ਵਿਰਾਟ ਕੋਹਲੀ ਉਸ ਭਾਰਤੀ ਟੀਮ ਵਿੱਚੋਂ ਇੱਕਲੌਤਾ ਖਿਡਾਰੀ ਹੈ ਜੋ ਅਜੇ ਵੀ ਆਗਾਮੀ ਟੈਸਟ ਵਿੱਚ ਟੀਮ ਦਾ ਹਿੱਸਾ ਹੈ। ਹਾਲਾਂਕਿ, ਉਹ 2011 ਵਿੱਚ ਭਾਰਤੀ ਟੀਮ ਦਾ ਮੌਜੂਦ ਇਕੱਲਾ ਖਿਡਾਰੀ ਨਹੀਂ ਹੈ। ਭਾਰਤ ਦੇ ਮੌਜੂਦਾ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਉਸ ਸਮੇਂ ਟੀਮ ਦੇ ਸੀਨੀਅਰ ਮੈਂਬਰ ਸਨ ਅਤੇ ਕੋਹਲੀ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲਜ਼ ‘ਤੇ ਇੱਕ ਪੋਸਟ ਨਾਲ ਇਸ ਗੱਲ ਨੂੰ ਸਵੀਕਾਰ ਵੀ ਕੀਤਾ ਹੈ।

ਆਭਾਰ ਵਿਅਕਤ ਕਰਦੇ ਹੋਏ ਕੋਹਲੀ ਨੇ ਸਟੇਡੀਅਮ ਵਿੱਚ ਦ੍ਰਾਵਿੜ ਨਾਲ ਇੱਕ ਤਸਵੀਰ ਨੂੰ ਪੋਸਟ ਕੀਤਾ ਅਤੇ ਕਿਹਾ ਕਿ 2011 ਦੇ ਡੋਮਿਨਿਕਾ ਵਿੱਚ ਖੇਡੇ ਗਏ ਆਖਰੀ ਟੈਸਟ ਮੈਚ ਵਿੱਚ ਹਿੱਸਾ ਲੈਣ ਵਾਲੇ ਅਸੀਂ ਸਿਰਫ ਦੋ ਹਾਂ ਜੋ ਦੁਬਾਰਾ ਇਥੇ ਇਕੱਠੇ ਹੋਏ ਹਾਂ। ਮੈਂ ਕਦੇ ਨਹੀਂ ਸੋਚਿਆ ਸੀ ਕਿ ਇਹ ਯਾਤਰਾ ਸਾਨੂੰ ਦੁਬਾਰਾ ਇੱਥੇ ਇਕੱਠਾ ਕਰੇਗੀ। 

ਦੋਵੇਂ ਖਿਡਾਰੀ ਉਸ ਸਮੇਂ ਆਪਣੇ ਕਰੀਅਰ ਦੇ ਅੱਲਗ-ਅਲੱਗ ਮੋੜ ‘ਤੇ ਸਨ। ਇਹ ਦ੍ਰਾਵਿੜ ਅਤੇ ਉਸ ਦੇ ਲੰਬੇ ਸਮੇਂ ਦੇ ਸਾਥੀ ਵੀਵੀਐਸ ਲਕਸ਼ਮਣ ਦੇ ਵੈਸਟਇੰਡੀਜ਼ ਵਿੱਚ ਸ਼ਾਨਦਾਰ ਕਰੀਅਰ ਦਾ ਆਖਰੀ ਟੈਸਟ ਸੀ। ਦੂਜੇ ਪਾਸੇ ਕੋਹਲੀ ਨੇ ਸੀਰੀਜ਼ ਦੇ ਪਹਿਲੇ ਮੈਚ ‘ਚ ਹੀ ਆਪਣਾ ਟੈਸਟ ਡੈਬਿਊ ਕੀਤਾ ਸੀ। ਸਾਬਕਾ ਆਲਰਾਊਂਡਰ ਡੈਰੇਨ ਸੈਮੀ ਦੀ ਅਗਵਾਈ ਵਾਲੀ ਵੈਸਟਇੰਡੀਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕੀਤੀ ਅਤੇ ਇਸ਼ਾਂਤ ਸ਼ਰਮਾ ਦੀਆਂ ਪੰਜ ਵਿਕਟਾਂ ਨਾਲ 204 ਦੌੜਾਂ ‘ਤੇ ਆਲ ਆਊਟ ਹੋ ਗਈ ਸੀ। ਭਾਰਤ ਨੇ ਕਪਤਾਨ ਐਮਐਸ ਧੋਨੀ ਦੀਆਂ 133 ਗੇਂਦਾਂ ਵਿੱਚ 74 ਦੌੜਾਂ ਦੀ ਸ਼ਾਨਦਾਰ ਪਾਰੀ ਨਾਲ 347 ਦੌੜਾਂ ਬਣਾਈਆਂ ਸਨ। ਵੈਸਟਇੰਡੀਜ਼ ਨੇ ਆਪਣੇ ਮਹਾਨ ਬੱਲੇਬਾਜ਼ ਸ਼ਿਵਨਾਰਾਇਣ ਚੰਦਰਪਾਲ ਅਤੇ ਕਿਰਕ ਐਡਵਰਡਜ਼ ਦੇ ਸੈਂਕੜੇ ਦੀ ਬਦੌਲਤ ਆਪਣੀ ਦੂਜੀ ਪਾਰੀ ਵਿੱਚ 322 ਦੌੜਾਂ ਬਣਾਈਆਂ ਸਨ। ਇਸ ਤਰ੍ਹਾਂ ਭਾਰਤ ਨੂੰ ਆਖਰੀ ਦਿਨ ਸਿਰਫ਼ ਇੱਕ ਸੈਸ਼ਨ ਵਿੱਚ 180 ਦੌੜਾਂ ਦਾ ਟੀਚਾ ਮਿਲਿਆ ਸੀ। ਇਹ ਮੈਚ ਡਰਾਅ ਰਿਹਾ। ਦ੍ਰਾਵਿੜ ਭਾਰਤੀ ਪਹਿਲੀ ਪਾਰੀ ਵਿੱਚ ਪੰਜ ਦੌੜਾਂ ਬਣਾ ਕੇ ਸੈਮੀ ਦੇ ਹੱਥੋਂ ਆਉਟ ਹੋਇਆ ਅਤੇ ਦੂਜੀ ਪਾਰੀ ਵਿੱਚ 34 ਦੌੜਾਂ ਬਣਾ ਕੇ ਅਜੇਤੂ ਰਿਹਾ। ਕੋਹਲੀ ਨੇ ਪਹਿਲੀ ਪਾਰੀ ਵਿੱਚ 30 ਦੌੜਾਂ ਬਣਾਈਆਂ ਸਨ ਅਤੇ ਦੂਜੀ ਵਿੱਚ ਬੱਲੇਬਾਜ਼ੀ ਨਹੀਂ ਮਿਲੀ ਸੀ।

• 

  Ireland ਨੂੰ 304 ਦੌੜਾਂ ਨਾਲ ਹਰਾ ਕੇ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਇਤਿਹਾਸਕ ਜਿੱਤ

  Sports

• 

  ਆਸਟ੍ਰੇਲੀਆ 'ਚ ਹਾਰ ਤੋਂ ਬਾਅਦ ਐਕਸ਼ਨ 'ਚ BCCI, ਪੂਰੇ ਦੌਰੇ ਦੌਰਾਨ ਨਹੀਂ ਰਹਿ ਸਕਣਗੀਆਂ ਕ੍ਰਿਕਟਰਾਂ ਦੀਆਂ ਪਤਨੀਆਂ, ਬਣਾਏ ਇਹ ਨਿਯਮ

  Sports

• 

  'ਕੀ ਰੋਹਿਤ ਸ਼ਰਮਾ ਤੋਂ ਬਾਅਦ ਯਸ਼ਸਵੀ ਜੈਸਵਾਲ ਹੋਣਗੇ ਭਾਰਤ ਦੇ ਅਗਲੇ ਕਪਤਾਨ?'

  Sports

• 

  ਬੀਸੀਸੀਆਈ ਨੇ ਕੇਐਲ ਰਾਹੁਲ 'ਤੇ ਲਿਆ ਵੱਡਾ ਯੂ-ਟਰਨ, ਭਾਰਤ ਦੀ ਚੈਂਪੀਅਨਜ਼ ਟਰਾਫੀ 2025 ਟੀਮ 'ਤੇ ਸਸਪੈਂਸ ਵਧਿਆ: ਰਿਪੋਰਟ

  Sports

• 

  ਬੀਜੀਟੀ ਜਿੱਤਣ ਤੋਂ ਬਾਅਦ ਬਦਲਿਆ ਆਸਟ੍ਰੇਲੀਆ ਦਾ ਕਪਤਾਨ, ਪੀਟ ਕਮਿੰਸ ਦੀ ਜਗ੍ਹਾ ਇਸ ਦਿੱਗਜ ਨੂੰ ਮਿਲੀ ਕਮਾਨ

  Sports