IPL: ਸਭ ਤੋਂ ਉਮਰਦਰਾਜ਼ ਵਾਲੇ ਖਿਡਾਰੀ ਬਣੇ MS Dhoni , ਫੀਲਡਰ ਵਜੋਂ ਬੱਲੇਬਾਜ਼ਾਂ ਨੂੰ ਆਊਟ ਕਰਨ ਦੇ ਮਾਮਲੇ ਵਿੱਚ ਵੀ ਮਾਰੀ ਬਾਜੀ

Dhoni ਨੇ ਸਭ ਤੋਂ ਵੱਧ ਬੱਲੇਬਾਜ਼ਾਂ ਨੂੰ ਆਊਟ ਕਰਨ ਦਾ ਰਿਕਾਰਡ ਵੀ ਬਣਾਇਆ। ਧੋਨੀ ਨੇ ਆਈਪੀਐਲ ਵਿੱਚ 201 ਵਾਰ ਬੱਲੇਬਾਜ਼ਾਂ ਨੂੰ ਪੈਵੇਲੀਅਨ ਭੇਜਿਆ ਹੈ। ਇਸ ਵਿੱਚ ਕੈਚ ਆਊਟ, ਸਟੰਪ ਅਤੇ ਰਨਆਊਟ ਸ਼ਾਮਲ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਸਰਗਰਮ ਖਿਡਾਰੀਆਂ ਵਿੱਚੋਂ, ਸਿਰਫ਼ ਵਿਰਾਟ ਕੋਹਲੀ ਹੀ ਉਨ੍ਹਾਂ ਤੋਂ ਪਿੱਛੇ ਹੈ। 

ਚੇਨਈ ਸੁਪਰ ਕਿੰਗਜ਼ (CSK) ਨੇ ਸੋਮਵਾਰ ਨੂੰ ਲਖਨਊ ਸੁਪਰ ਜਾਇੰਟਸ (LSG) ਨੂੰ ਪੰਜ ਵਿਕਟਾਂ ਨਾਲ ਹਰਾ ਕੇ ਜਿੱਤ ਦੇ ਰਾਹ 'ਤੇ ਵਾਪਸੀ ਕੀਤੀ। ਲਗਾਤਾਰ ਪੰਜ ਮੈਚ ਹਾਰਨ ਤੋਂ ਬਾਅਦ ਇਹ ਉਨ੍ਹਾਂ ਦੀ ਪਹਿਲੀ ਜਿੱਤ ਹੈ। ਏਕਾਨਾ ਸਟੇਡੀਅਮ ਵਿੱਚ ਖੇਡੇ ਗਏ ਇਸ ਮੈਚ ਵਿੱਚ, ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ ਆਪਣੀ ਸ਼ਾਨਦਾਰ ਬੱਲੇਬਾਜ਼ੀ ਨਾਲ ਟੀਮ ਨੂੰ ਜਿੱਤ ਵੱਲ ਲੈ ਗਏ ਅਤੇ ਨਵੇਂ ਰਿਕਾਰਡ ਬਣਾਏ। ਲਖਨਊ ਵਿਰੁੱਧ ਸੱਤਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਆਏ ਧੋਨੀ ਨੇ 11 ਗੇਂਦਾਂ 'ਤੇ ਚਾਰ ਚੌਕੇ ਅਤੇ ਇੱਕ ਛੱਕੇ ਦੀ ਮਦਦ ਨਾਲ 26 ਦੌੜਾਂ ਬਣਾਈਆਂ। ਉਸਨੇ ਸ਼ਿਵਮ ਦੂਬੇ ਨਾਲ 50 ਤੋਂ ਵੱਧ ਦੌੜਾਂ ਦੀ ਅਜੇਤੂ ਸਾਂਝੇਦਾਰੀ ਕਰਕੇ ਟੀਮ ਨੂੰ ਜਿੱਤ ਦਿਵਾਈ। ਇਸ ਮੈਚ ਵਿੱਚ 'ਥਲਾ' ਨੂੰ ਪਲੇਅਰ ਆਫ਼ ਦ ਮੈਚ ਚੁਣਿਆ ਗਿਆ। 43 ਸਾਲਾ ਬੱਲੇਬਾਜ਼ ਆਈਪੀਐਲ ਵਿੱਚ ਇਹ ਪੁਰਸਕਾਰ ਜਿੱਤਣ ਵਾਲਾ ਸਭ ਤੋਂ ਉਮਰਦਰਾਜ ਖਿਡਾਰੀ ਬਣ ਗਏ ਹਨ।

ਆਈਪੀਐਲ ਵਿੱਚ 201 ਵਾਰ ਬੱਲੇਬਾਜ਼ਾਂ ਨੂੰ ਪੈਵੇਲੀਅਨ ਭੇਜਿਆ 

ਇਸ ਮੈਚ ਵਿੱਚ, ਧੋਨੀ ਨੇ ਇੱਕ ਫੀਲਡਰ ਦੇ ਤੌਰ 'ਤੇ ਇੱਕ ਹੋਰ ਰਿਕਾਰਡ ਬਣਾਇਆ। ਉਸਨੇ ਸਭ ਤੋਂ ਵੱਧ ਬੱਲੇਬਾਜ਼ਾਂ ਨੂੰ ਆਊਟ ਕਰਨ ਦਾ ਰਿਕਾਰਡ ਵੀ ਬਣਾਇਆ। ਧੋਨੀ ਨੇ ਆਈਪੀਐਲ ਵਿੱਚ 201 ਵਾਰ ਬੱਲੇਬਾਜ਼ਾਂ ਨੂੰ ਪੈਵੇਲੀਅਨ ਭੇਜਿਆ ਹੈ। ਇਸ ਵਿੱਚ ਕੈਚ ਆਊਟ, ਸਟੰਪ ਅਤੇ ਰਨਆਊਟ ਸ਼ਾਮਲ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਸਰਗਰਮ ਖਿਡਾਰੀਆਂ ਵਿੱਚੋਂ, ਸਿਰਫ਼ ਵਿਰਾਟ ਕੋਹਲੀ ਹੀ ਉਨ੍ਹਾਂ ਤੋਂ ਪਿੱਛੇ ਹੈ ਜਿਸਨੇ ਫੀਲਡਰ ਵਜੋਂ ਵਿਰੋਧੀ ਟੀਮ ਦੇ ਬੱਲੇਬਾਜ਼ਾਂ ਨੂੰ 116 ਵਾਰ ਆਊਟ ਕੀਤਾ ਹੈ।

ਬੱਲੇਬਾਜ਼ਾਂ ਨੂੰ ਸਭ ਤੋਂ ਵੱਧ ਵਾਰ ਆਊਟ ਕਰਨ ਵਾਲੇ ਖਿਡਾਰੀ

ਮਹਿੰਦਰ ਸਿੰਘ ਧੋਨੀ 201*
ਦਿਨੇਸ਼ ਕਾਰਤਿਕ 182
ਏਬੀ ਡਿਵਿਲੀਅਰਜ਼ 126
ਰੌਬਿਨ ਉਥੱਪਾ 124
ਰਿੱਧੀਮਾਨ ਸਾਹਾ 118
ਵਿਰਾਟ ਕੋਹਲੀ 116

ਹਾਰ ਤੋਂ ਬਾਅਦ ਵੀ ਵਧਾਇਆ ਆਤਮ ਵਿਸ਼ਵਾਸ਼ 

ਸੀਜ਼ਨ ਦੀ ਦੂਜੀ ਜਿੱਤ ਦਰਜ ਕਰਨ ਤੋਂ ਬਾਅਦ ਕਪਤਾਨ ਧੋਨੀ ਨੇ ਕਿਹਾ ਕਿ ਜਿੱਤ ਕੇ ਚੰਗਾ ਲੱਗ ਰਿਹਾ ਹੈ। ਬਦਕਿਸਮਤੀ ਨਾਲ ਅਸੀਂ ਆਖਰੀ ਮੈਚ ਨਹੀਂ ਜਿੱਤ ਸਕੇ ਪਰ ਇਸ ਜਿੱਤ ਨੇ ਸਾਡਾ ਆਤਮਵਿਸ਼ਵਾਸ ਵਧਾ ਦਿੱਤਾ ਹੈ। ਇਹ ਇੱਕ ਔਖਾ ਮੈਚ ਸੀ ਅਤੇ ਮੈਂ ਜਿੱਤ ਕੇ ਖੁਸ਼ ਹਾਂ। ਉਮੀਦ ਹੈ ਕਿ ਇਹ ਟੀਮ ਦੀ ਲੈਅ ਸੈੱਟ ਕਰੇਗਾ। ਪਿਛਲੇ ਮੈਚਾਂ ਵਿੱਚ, ਗੇਂਦਬਾਜ਼ੀ ਕਰਦੇ ਸਮੇਂ, ਅਸੀਂ ਪਹਿਲੇ ਛੇ ਓਵਰਾਂ ਵਿੱਚ ਸੰਘਰਸ਼ ਕਰ ਰਹੇ ਸੀ ਪਰ ਵਿਚਕਾਰਲੇ ਓਵਰਾਂ ਵਿੱਚ ਵਾਪਸੀ ਕੀਤੀ। ਬੱਲੇਬਾਜ਼ੀ ਇਕਾਈ ਦੇ ਤੌਰ 'ਤੇ ਵੀ, ਸਾਨੂੰ ਲੋੜੀਂਦੀ ਸ਼ੁਰੂਆਤ ਨਹੀਂ ਮਿਲ ਰਹੀ ਸੀ। ਸ਼ਾਇਦ ਚੇਨਈ ਦੀ ਵਿਕਟ ਕਰਕੇ। ਉਮੀਦ ਹੈ ਕਿ ਅਸੀਂ ਭਵਿੱਖ ਵਿੱਚ ਬਿਹਤਰ ਵਿਕਟਾਂ 'ਤੇ ਬਿਹਤਰ ਪ੍ਰਦਰਸ਼ਨ ਕਰਾਂਗੇ।

• 

  IPL: KKR ਦੇ ਗੇਂਦਬਾਜਾਂ ਦਾ ਚੱਲਿਆ ਜਾਦੂ, Punjab Kings ਨੇ ਦਿੱਤਾ 112 ਸਕੋਰ ਦਾ Target

  Sports

• 

  ਪੰਜਾਬ-ਕੋਲਕਾਤਾ ਵਿਚਕਾਰ ਮੁੱਲਾਂਪੁਰ ਸਟੇਡੀਅਮ ਵਿੱਚ ਅੱਜ ਹੋਵੇਗਾ ਜ਼ਬਰਦਸਤ ਮੁਕਾਬਲਾ,KKR ਆਪਣੀ ਜਿੱਤ ਨੂੰ ਲੜੀ ਨੂੰ ਕਾਇਮ ਰੱਖਣ ਦੀ ਕਰੇਗੀ ਕੋਸ਼ਿਸ਼

  Sports

• 

  ਐਮਐਸ ਧੋਨੀ ਦਾ ਇੱਕ ਹੋਰ ਕਾਰਨਾਮਾ, IPL 'ਚ ਅਜਿਹਾ ਕਰਨ ਵਾਲੇ ਪਹਿਲੇ ਖਿਡਾਰੀ ਬਣੇ, ਜਾਣੋ ਕਿਹੜਾ ਰਿਕਾਰਡ ਬਣਾਇਆ

  Sports

• 

  ਲਖਨਾਊ ਦੀ ਟੀਮ ਨੇ ਚੇਨਈ ਖਿਲਾਫ ਬਣਾਏ 167 ਸਕੋਰ, ਡਾਵਾਂਡੋਲ ਹੋਈ ਟੀਮ ਨੂੰ ਪੰਤ ਨੇ ਸੰਭਾਲਿਆ 

  Sports

• 

  ਦਿੱਲੀ ਕੈਪੀਟਲਜ਼ ਨੇ IPL ਵਿੱਚ ਪਹਿਲਾ ਮੈਚ ਵੀ ਹਾਰਿਆ, BCCI ਨੇ ਵੀ ਟੀਮ ਨੂੰ ਠੋਕਿਆ 12 ਲੱਖ ਰੁਪਏ ਦਾ ਜੁਰਮਾਨਾ

  Sports