927 ਕਰੋੜ ਦੀ ਕੁੱਲ ਜਾਇਦਾਦ ਬਣਾਉਣ ਵਾਲੇ ਵਿਰਾਟ ਕੋਹਲੀ ਨੇ 16 ਸੀਜ਼ਨਾਂ ‘ਚ ਆਈਪੀਐੱਲ ਤੋਂ ਕਿੰਨੇ ਕਰੋੜ ਕਮਾਏ

ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰਸੀਬੀ) ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐੱਲ) 2023 ਵਿੱਚ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ।  ਵਿਰਾਟ ਕੋਹਲੀ ਅਤੇ ਫਾਫ ਡੂ ਪਲੇਸਿਸ ਵਿਚਕਾਰ ਸ਼ਾਨਦਾਰ ਸਾਂਝੇਦਾਰੀ ਦੀ ਮਦਦ ਨਾਲ ਆਰਸੀਬੀ ਨੇ ਮੁੰਬਈ ਇੰਡੀਅਨਜ਼ (ਐੱਮਆਈ) ਦੇ ਖਿਲਾਫ ਸਿਰਫ 16.2 ਓਵਰਾਂ ਵਿੱਚ 172 ਦੌੜਾਂ ਬਣਾਈਆਂ। ਕੋਹਲੀ, ਸਾਬਕਾ ਆਰਸੀਬੀ ਕਪਤਾਨ, 49 ਗੇਂਦਾਂ ਵਿੱਚ 82 ਦੌੜਾਂ ਬਣਾ ਕੇ ਨਾਬਾਦ ਰਿਹਾ, ਜਿਹਨਾਂ […]

ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰਸੀਬੀ) ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐੱਲ) 2023 ਵਿੱਚ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ।

 ਵਿਰਾਟ ਕੋਹਲੀ ਅਤੇ ਫਾਫ ਡੂ ਪਲੇਸਿਸ ਵਿਚਕਾਰ ਸ਼ਾਨਦਾਰ ਸਾਂਝੇਦਾਰੀ ਦੀ ਮਦਦ ਨਾਲ ਆਰਸੀਬੀ ਨੇ ਮੁੰਬਈ ਇੰਡੀਅਨਜ਼ (ਐੱਮਆਈ) ਦੇ ਖਿਲਾਫ ਸਿਰਫ 16.2 ਓਵਰਾਂ ਵਿੱਚ 172 ਦੌੜਾਂ ਬਣਾਈਆਂ। ਕੋਹਲੀ, ਸਾਬਕਾ ਆਰਸੀਬੀ ਕਪਤਾਨ, 49 ਗੇਂਦਾਂ ਵਿੱਚ 82 ਦੌੜਾਂ ਬਣਾ ਕੇ ਨਾਬਾਦ ਰਿਹਾ, ਜਿਹਨਾਂ ਨੂੰ ਉਸਨੇ 167 ਤੋਂ ਵੱਧ ਦੀ ਸਟ੍ਰਾਈਕ ਰੇਟ ਨਾਲ ਬਣਾਇਆ।

ਕੋਹਲੀ ਆਈਪੀਐਲ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਹਨ। ਰਨ ਮਸ਼ੀਨ ਨੇ 36.43 ਦੀ ਔਸਤ ਅਤੇ ਲਗਭਗ 130 ਦੀ ਸਟ੍ਰਾਈਕ ਰੇਟ ਨਾਲ 6000 ਤੋਂ ਵੱਧ ਦੌੜਾਂ ਬਣਾਈਆਂ ਹਨ। ਇਸ ਤਰ੍ਹਾਂ ਇਹ ਹੈਰਾਨੀ ਦੀ ਗੱਲ ਨਹੀਂ ਹੈ ਕਿ ਉਹ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲਿਆਂ ਵਿੱਚੋਂ ਇੱਕ ਹੈ।

ਵਿਰਾਟ ਕੋਹਲੀ ਦੀ ਪਿਛਲੇ ਸਾਲਾਂ ਵਿੱਚ ਆਈ.ਪੀ.ਐੱਲ ਤੋਂ ਪ੍ਰਾਪਤ ਕਮਾਈ

ਆਈਪੀਐਲ ਦੇ 15 ਸਾਲਾਂ ਦੇ ਇਤਿਹਾਸ ਵਿੱਚ, ਕੋਹਲੀ ਕਦੇ ਵੀ ਆਈਪੀਐਲ ਨਿਲਾਮੀ ਦੇ ਘਾਟੇ ਵਿੱਚ ਨਹੀਂ ਵਿਕਿਆ ਹੈ। ਆਰਸੀਬੀ ਨੇ 2008 ਵਿੱਚ ਟੂਰਨਾਮੈਂਟ ਦੇ ਸ਼ੁਰੂਆਤੀ ਐਡੀਸ਼ਨ ਲਈ ਅੰਡਰ 19 ਖਿਡਾਰੀਆਂ ਦੇ ਡਰਾਫਟ ਵਿੱਚੋਂ ਬੱਲੇਬਾਜ਼ ਨੂੰ ਸਿਰਫ਼ 12 ਲੱਖ ਰੁਪਏ ਵਿੱਚ ਸਾਈਨ ਕੀਤਾ ਸੀ। ਉਸ ਸਮੇਂ, ਕੋਹਲੀ ਨੇ ਭਾਰਤ ਨੂੰ ਅੰਡਰ 19 ਵਿਸ਼ਵ ਕੱਪ ਟਰਾਫੀ ਦਿਲਵਾਈ ਸੀ। ਕੋਹਲੀ ਦੀ ਤਨਖਾਹ ਅਗਲੇ ਤਿੰਨ ਸੀਜ਼ਨਾਂ ਵਿੱਚ ਲਈ 12 ਲੱਖ ਰੁਪਏ ਪ੍ਰਤੀ ਸੀਜਨ ਰਹੀ, 2011 ਵਿੱਚ ਇਹ 8.2 ਕਰੋੜ ਰੁਪਏ ਹੋ ਗਈ। 2011 ਤੋਂ 2014 ਤੱਕ ਉਹ ਹਰ ਸਾਲ 8.2 ਕਰੋੜ ਰੁਪਏ ਲੈਂਦਾ ਰਿਹਾ। ਜ਼ਿਕਰਯੋਗ ਹੈ ਕਿ 2013 ‘ਚ ਉਨ੍ਹਾਂ ਨੂੰ ਟੀਮ ਦਾ ਫੁੱਲ ਟਾਈਮ ਕਪਤਾਨ ਬਣਾਇਆ ਗਿਆ।

2015 ਤੋਂ 2017 ਤੱਕ, ਕੋਹਲੀ ਨੇ 12.5 ਕਰੋੜ ਰੁਪਏ ਦੀ ਤਨਖ਼ਾਹ ਲਈ। ਕੋਹਲੀ 2016 ਵਿੱਚ ਸ਼ਾਨਦਾਰ ਫਾਰਮ ਵਿੱਚ ਸੀ ਜਦੋਂ ਉਸਨੇ 81.08 ਦੀ ਹੈਰਾਨੀਜਨਕ ਔਸਤ ਅਤੇ 152.03 ਦੀ ਸਟ੍ਰਾਈਕ ਰੇਟ ਨਾਲ 973 ਦੌੜਾਂ ਬਣਾਈਆਂ ਸਨ।

ਆਈਪੀਐੱਲ 2018 ਲਈ ਮੇਗਾ ਨਿਲਾਮੀ ਤੋਂ ਪਹਿਲਾਂ, ਆਰਸੀਬੀ ਨੇ ਕੋਹਲੀ ਨੂੰ 18 ਕਰੋੜ ਰੁਪਏ ਵਿੱਚ ਬਰਕਰਾਰ ਰੱਖਿਆ, ਜੋ ਉਸਨੇ 2021 ਤੱਕ ਹਰ ਸੀਜ਼ਨ ਵਿੱਚ ਕਮਾਏ। 2022 ਦੀ ਮੇਗਾ ਨਿਲਾਮੀ ਤੋਂ ਪਹਿਲਾਂ, ਫ੍ਰੈਂਚਾਇਜ਼ੀ ਨੇ ਉਸਨੂੰ 15 ਕਰੋੜ ਰੁਪਏ ਵਿੱਚ ਬਰਕਰਾਰ ਰੱਖਿਆ। ਉਹ ਚੱਲ ਰਹੇ 2023 ਸੀਜ਼ਨ ਲਈ ਵੀ ਇਹੀ ਰਕਮ ਕਮਾਏਗਾ। ਆਈਪੀਐਲ ਦੇ 16 ਸੀਜ਼ਨ ਵਿੱਚ ਕੁੱਲ ਮਿਲਾ ਕੇ ਕੋਹਲੀ ਨੇ 173 ਕਰੋੜ 20 ਲੱਖ ਰੁਪਏ ਕਮਾਏ ਹਨ।

ਵਿਰਾਟ ਕੋਹਲੀ ਦੀ ਕੁੱਲ ਜਾਇਦਾਦ

ਕੋਹਲੀ ਦੀ ਕੁੱਲ ਜਾਇਦਾਦ $112 ਮਿਲੀਅਨ (ਲਗਭਗ 927 ਕਰੋੜ ਰੁਪਏ) ਹੈ। ਫੋਰਬਸ ਦੇ ਅਨੁਸਾਰ, ਕੋਹਲੀ 2022 ਵਿੱਚ ਦੁਨੀਆ ਦਾ 61ਵਾਂ ਸਭ ਤੋਂ ਵੱਧ ਕਮਾਈ ਕਰਨ ਵਾਲਾ ਖਿਡਾਰੀ ਰਿਹਾ ਅਤੇ ਸਭ ਤੋਂ ਵੱਧ ਕਮਾਈ ਕਰਨ ਵਾਲਾ ਕ੍ਰਿਕਟਰ ਵੀ ਰਿਹਾ। ਉਹ BCCI ਦੀ A+ ਸ਼੍ਰੇਣੀ ਦੇ ਤਹਿਤ ਕਰਾਰ ਕੀਤੇ ਜਾਣ ਵਾਲੇ ਸਿਰਫ਼ ਚਾਰ ਕ੍ਰਿਕਟਰਾਂ ਵਿੱਚੋਂ ਇੱਕ ਹੈ, ਜਿਸਦਾ ਸਾਲਾਨਾ 7 ਕਰੋੜ ਰੁਪਏ ਦਾ ਮਿਹਨਤਾਨਾ ਹੈ।

• 

  T20 World Cup 2024 'ਚ ਡੁਬੋਈ ਸੀ PAK ਦੀ ਲੁਟੀਆ! ਹੁਣ ਹੈਟ੍ਰਿਕ ਲਗਾਕੇ ਤੋੜਿਆ ਵਿਰੋਧੀ ਟੀਮ ਦਾ ਲੱਕ 

  Sports

• 

  ਦਾਦਾ ਅਤੇ ਪੜਦਾਦਾ ਸਨ ਮਹਾਨ ਕ੍ਰਿਕਟਰ, ਕੀ ਤੈਮੂਰ ਵੀ...? ਸੈਫ ਅਲੀ ਖਾਨ ਦੀ ਵੀਡੀਓ 'ਚ ਦਿਖਾਈ ਦਿੱਤੀ ਭਵਿੱਖ ਦੀ ਯੋਜਨਾ!

  Entertainment

• 

  ਚੁਣਿਆ ਗਿਆ ਟੀਮ ਇੰਡੀਆ ਦਾ ਨਵਾਂ ਕੋਚ , ਜੈ ਸ਼ਾਹ ਨੇ ਨਵੇਂ ਟੀ-20 ਕਪਤਾਨ ਬਾਰੇ ਕੀ ਕਿਹਾ?

  Sports

• 

  T20 World Cup 2024 Final: 10 ਸੂਰਮਿਆਂ ਵਿਚਾਲੇ ਹੈ ਅਸਲੀ ਜੰਗ, ਤਕੜੇ ਹੋਕੇ ਖੇਡ ਰਹੇ ਸਾਰੇ ਦਿੱਗਜ਼

  Sports

• 

  'ਮੈਂ ਬਸ ਏਨਾ ਹੀ ਕਹਿ ਸਕਦਾ ਹਾਂ', Final ਤੋਂ ਪਹਿਲਾਂ Rohit Sharma ਨੇ ਕਰ ਦਿੱਤਾ ਅਪਣੀ ਪਲਾਨਿੰਗ ਦਾ ਖੁਲਾਸਾ 

  Sports