ਸਿਰਸਾ ਵਿੱਚ ਦਰਦਨਾਕ ਹਾਦਸਾ: ਰੂਪਾਵਾਸ ਨੇੜੇ ਟਰੈਕਟਰ-ਟਰਾਲੀ ਪਲਟੀ, 4 ਸ਼ਰਧਾਲੂਆਂ ਦੀ ਮੌਤ, ਕਈ ਜ਼ਖ਼ਮੀ

ਜ਼ਖਮੀਆਂ ਨੂੰ ਨਾਥੂਸਰੀ ਚੋਪਟਾ ਦੇ ਕਮਿਊਨਿਟੀ ਹੈਲਥ ਸੈਂਟਰ ਲਿਜਾਇਆ ਗਿਆ, ਜਿੱਥੇ ਡਾਕਟਰ ਨਾ ਹੋਣ ਕਾਰਨ ਸਾਰਿਆਂ ਨੂੰ ਸਿਰਸਾ ਰੈਫਰ ਕਰ ਦਿੱਤਾ ਗਿਆ।

ਪੰਜਾਬ ਵਿੱਚ ਦਰਦਨਾਕ ਹਾਦਸਾ ਹੋਣ ਦੀ ਖਬਰ ਸਾਹਮਣੇ ਆਈ ਹੈ। ਪਾਤੜਾ ਮੰਡੀ ਤੋਂ ਰਾਜਸਥਾਨ ਗੋਗਾਮੇੜੀ  ਨੂੰ ਜਾ ਰਹੀ ਸ਼ਰਧਾਲੂਆਂ ਦੀ ਟਰਾਲੀ ਵੀਰਵਾਰ ਰਾਤ ਪਿੰਡ ਰੂਪਾਵਾਸ ਨੇੜੇ ਚੋਪਟਾ ਨੌਹਰ ਰੋਡ 'ਤੇ ਟਰੈਕਟਰ ਦੀ ਹੁੱਕ ਟੁੱਟਣ ਕਾਰਨ ਪਲਟ ਗਈ। ਇਸ ਹਾਦਸੇ ਦੇ ਵਿੱਚ ਦੋ ਵਿਅਕਤੀਆਂ ਅਤੇ ਦੋ ਬੱਚਿਆਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਜਦਕਿ ਔਰਤਾਂ ਤੇ ਬੱਚਿਆਂ ਸਮੇਤ 16 ਲੋਕ ਜ਼ਖ਼ਮੀ ਹੋ ਗਏ।

 

ਪਿੰਡ ਵਾਸੀਆਂ ਨੇ ਲੋਕਾਂ ਨੂੰ ਕੱਢਿਆ ਬਾਹਰ

ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਵੀਰਵਾਰ ਰਾਤ ਕਰੀਬ 8 ਵਜੇ ਚੋਪਟਾ ਨੌਹਰ ਰੋਡ ਨੇੜੇ ਔਰਤਾਂ ਅਤੇ ਬੱਚਿਆਂ ਦੇ ਰੋਣ ਦੀ ਆਵਾਜ਼ ਸੁਣਾਈ ਦਿੱਤੀ। ਜਦੋਂ ਅਸੀਂ ਮੌਕੇ 'ਤੇ ਪਹੁੰਚੇ ਤਾਂ ਦੇਖਿਆ ਕਿ ਟਰਾਲੀ ਪਲਟ ਚੁੱਕੀ ਸੀ ਅਤੇ ਲੋਕ ਹੇਠਾਂ ਦੱਬੇ ਹੋਏ ਸਨ। ਆਸ-ਪਾਸ ਦੇ ਖੇਤਾਂ ਅਤੇ ਪਿੰਡਾਂ ਦੇ ਲੋਕ ਮੌਕੇ 'ਤੇ ਪਹੁੰਚ ਗਏ। ਐਂਬੂਲੈਂਸ ਅਤੇ ਪੁਲਿਸ ਨੂੰ ਵੀ ਸੂਚਿਤ ਕੀਤਾ ਗਿਆ। ਪਿੰਡ ਵਾਸੀਆਂ ਨੇ ਪਲਟੀ ਟਰਾਲੀ ਨੂੰ ਹਟਾ ਕੇ ਹੇਠਾਂ ਦੱਬੇ ਲੋਕਾਂ ਨੂੰ ਬਾਹਰ ਕੱਢਿਆ। ਹਾਦਸੇ ਵਿੱਚ 60 ਸਾਲਾ ਭੀਲ ਸਿੰਘ, ਇੱਕ ਹੋਰ ਵਿਅਕਤੀ ਅਤੇ ਦੋ ਬੱਚਿਆਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਬਾਕੀ ਜ਼ਖਮੀਆਂ ਨੂੰ ਐਂਬੂਲੈਂਸ ਰਾਹੀਂ ਨਾਥੂਸਰੀ ਚੋਪਟਾ ਕਮਿਊਨਿਟੀ ਹੈਲਥ ਸੈਂਟਰ ਲਿਜਾਇਆ ਗਿਆ। ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਜਨਰਲ ਹਸਪਤਾਲ ਸਿਰਸਾ ਭੇਜ ਦਿੱਤਾ ਗਿਆ ਹੈ।

 

ਹੁੱਕ ਟੁੱਟਣ ਕਾਰਨ ਵਾਪਰਿਆ ਹਾਦਸਾ

ਪਿੰਡ ਵਾਸੀਆਂ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਟਰਾਲੀ ਤੇ ਬੀਡ ਬਣਾ ਕੇ ਉੱਪਰ ਅਤੇ ਹੇਠਾਂ ਔਰਤਾਂ, ਬੱਚੇ ਅਤੇ ਮਰਦ ਬੈਠੇ ਸਨ। ਜਦੋਂ ਇਹ ਟਰੈਕਟਰ ਚੋਪਟਾ ਨੌਹਰ ਰੋਡ 'ਤੇ ਪਹੁੰਚਿਆ ਤਾਂ ਅਚਾਨਕ ਕੰਟਰੋਲ ਤੋਂ ਬਾਹਰ ਹੋ ਗਿਆ। ਇਸ ਕਾਰਨ ਟਰੈਕਟਰ ਦੀ ਹੁੱਕ ਟੁੱਟ ਗਈ ਅਤੇ ਟਰਾਲੀ ਪਲਟ ਗਈ। ਜਿਸਦੇ ਕਾਰਨ ਇਹ ਹਾਦਸਾ ਵਾਪਰਿਆ।

• 

  ਦਿੱਲੀ ਚੋਣ ਪ੍ਰਚਾਰ ਦੀ ਜਿੰਮੇਵਾਰੀ ਸੰਭਾਲਣਗੇ ਸੀਐੱਮ ਮਾਨ, ਸਟਾਰ ਪ੍ਰਚਾਰਕਾਂ ਵਿੱਚ ਨਾਮ ਸ਼ਾਮਲ

  Punjab

• 

  ਸ਼ੰਭੂ ਬਾਰਡਰ ਤੋਂ ਅੱਜ ਕਿਸਾਨੀ ਸ਼ੰਘਰਸ਼ ਨੂੰ ਲੈ ਕੇ ਕੀਤਾ ਜਾ ਸਕਦਾ ਹੈ ਵੱਡਾ ਐਲਾਨ,ਪੁਲਿਸ ਹਾਈ ਅਲਰਟ ‘ਤੇ

  Punjab

• 

  ਅੱਤਵਾਦੀ ਸੰਗਠਨ ਦੀ ਧਮਕੀ ਤੋਂ ਬਾਅਦ ਗੁਮਟਾਲ ਚੌਂਕੀ ਦੀ ਵਧਾਈ ਜਾ ਰਹੀ ਸੁਰੱਖਿਆ, ਫਲਾਈਓਵਰ 'ਤੇ ਲਾਈਆਂ ਜਾ ਰਹੀਆਂ ਟੀਨ ਦੀਆਂ ਚਾਦਰਾਂ

  Punjab

• 

  Punjab Weather: ਮੌਸਮ ਵਿਭਾਗ ਨੇ ਪੰਜਾਬ ਦੇ 9 ਜ਼ਿਲ੍ਹਿਆਂ ਵਿੱਚ ਜਾਰੀ ਕੀਤਾ ਧੁੰਦ ਦੀ ਅਲਰਟ,ਤਾਪਮਾਨ ਵਿੱਚ ਗਿਰਾਵਟ

  Punjab

• 

  ਧਮਾਕੇ ਨਾਲ ਫਿਰ ਹਿਲਿਆ ਅੰਮ੍ਰਿਤਸਰ, ਹੁਣ ਸ਼ਰਾਬ ਦੇ ਠੇਕੇਦਾਰ ਘਰ ਸੁੱਟਿਆ ਹੈਂਡ ਗ੍ਰਨੇਡ

  Punjab