ਰਾਜਾ ਵੜਿੰਗ ਨੇ ਪੰਜਾਬ 'ਚ ਪਏ ਚੌਲਾਂ ਦੇ ਵੱਡੇ ਸਟਾਕ ਦਾ ਮੁੱਦਾ ਲੋਕ ਸਭਾ 'ਚ ਚੁੱਕਿਆ, ਹੱਲ ਦੀ ਕੀਤੀ ਮੰਗ

ਉਨ੍ਹਾਂ ਦੱਸਿਆ ਕਿ ਚਾਵਲ ਦੇ ਵੱਡੇ ਸਟਾਕ ਜੋ ਮਹੀਨੇ ਪਹਿਲਾਂ ਬੰਦ ਕੀਤੇ ਗਏ ਸਨ, ਨੂੰ ਭਾਰਤ ਸਰਕਾਰ ਨੇ ਕਲੀਅਰ ਨਹੀਂ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਨੂੰ ਭਾਰਤੀ ਖੁਰਾਕ ਨਿਗਮ ਨੂੰ ਸੌਂਪਿਆ ਜਾਣਾ ਚਾਹੀਦਾ ਹੈ।

ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਤੇ ਲੁਧਿਆਣਾ ਤੋਂ ਸੰਸਦ ਮੈਂਬਰ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਅੱਜ ਕੇਂਦਰ ਸਰਕਾਰ ਨੂੰ ਪੰਜਾਬ ਦੇ ਗੋਦਾਮਾਂ ਵਿੱਚ ਪਏ ਚਾਵਲ ਦੇ ਵੱਡੇ ਸਟਾਕ ਨੂੰ ਖਾਲੀ ਕਰਨ ਲਈ ਵਿਸ਼ੇਸ਼ ਮਾਲ ਗੱਡੀਆਂ ਚਲਾਉਣ ਦੀ ਅਪੀਲ ਕੀਤੀ। ਸੰਸਦ ਵਿੱਚ ਇਹ ਮਾਮਲਾ ਉਠਾਉਂਦੇ ਹੋਏ ਵੜਿੰਗ ਨੇ ਕਿਹਾ ਕਿ ਪਿਛਲੇ ਤਿੰਨ ਸਾਲਾਂ ਤੋਂ ਪੰਜਾਬ ਦੀ ਖੇਤੀਬਾੜੀ ਅਧਾਰਿਤ ਆਰਥਿਕਤਾ ਨੂੰ ਵਿਗਾੜਨ ਲਈ ਇੱਕ ਜਾਣਬੁੱਝ ਕੇ ਆਪਣਾਈ ਨੀਤੀ ਜਾਪਦੀ ਹੈ।

ਗਰਮੀਆਂ ਕਾਰਨ ਸਟਾਕ ਨੂੰ ਖ਼ਤਰਾ 

ਉਨ੍ਹਾਂ ਦੱਸਿਆ ਕਿ ਚਾਵਲ ਦੇ ਵੱਡੇ ਸਟਾਕ ਜੋ ਮਹੀਨੇ ਪਹਿਲਾਂ ਬੰਦ ਕੀਤੇ ਗਏ ਸਨ, ਨੂੰ ਭਾਰਤ ਸਰਕਾਰ ਨੇ ਕਲੀਅਰ ਨਹੀਂ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਨੂੰ ਭਾਰਤੀ ਖੁਰਾਕ ਨਿਗਮ ਨੂੰ ਸੌਂਪਿਆ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਜਦੋਂ ਤੱਕ ਇਨ੍ਹਾਂ ਸਟਾਕਾਂ ਨੂੰ ਕਲੀਅਰ ਨਹੀਂ ਕੀਤਾ ਜਾਂਦਾ ਅਤੇ ਗੋਦਾਮ ਖਾਲੀ ਨਹੀਂ ਹੋ ਜਾਂਦੇ, ਉਦੋਂ ਤੱਕ ਤਾਜ਼ਾ ਸਟਾਕ ਸਟੋਰ ਨਹੀਂ ਕੀਤਾ ਜਾ ਸਕਦਾ। ਵੜਿੰਗ ਨੇ ਕਿਹਾ ਕਿ ਗਰਮੀਆਂ ਦੇ ਨੇੜੇ ਆਉਣ ਨਾਲ ਪੰਜਾਬ ਦੇ ਗੋਦਾਮਾਂ ਅਤੇ ਚਾਵਲ ਦੇ ਸ਼ੈਲਰਾਂ ਵਿੱਚ ਪਏ ਸਟਾਕ ਦੇ ਨੁਕਸਾਨੇ ਜਾਣ ਦਾ ਗੰਭੀਰ ਖ਼ਤਰਾ ਹੈ। ਉਨ੍ਹਾਂ ਸਰਕਾਰ ਨੂੰ ਪੰਜਾਬ ਤੋਂ ਚੌਲਾਂ ਦੇ ਸਟਾਕ ਨੂੰ ਤੁਰੰਤ ਕਲੀਅਰ ਕਰਨ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਹੋਰ ਉਦਯੋਗਾਂ ਵਾਂਗ, ਚੌਲ ਸ਼ੈਲਰ ਉਦਯੋਗ ਵੀ ਮੁਸ਼ਕਿਲ ਸਮੇਂ ਦਾ ਸਾਹਮਣਾ ਕਰ ਰਹੇ ਹਨ । ਉਨ੍ਹਾਂ ਖੁਲਾਸਾ ਕੀਤਾ ਕਿ ਪਿਛਲੇ ਤਿੰਨ ਸਾਲਾਂ ਦੌਰਾਨ ਸੂਬੇ ਵਿੱਚ ਲਗਭਗ 500 ਚਾਵਲ ਦੇ ਸ਼ੈਲਰ ਪਹਿਲਾਂ ਹੀ ਬੰਦ ਕੀਤੇ ਜਾ ਚੁੱਕੇ ਹਨ।

• 

  ਫਾਜ਼ਿਲਕਾ 'ਚ 40 ਲੱਖ ਤੋਂ ਵੱਧ ਦੀ ਹੈਰੋਇਨ ਬਰਾਮਦ, ਡਰੋਨ ਰਾਹੀਂ ਸਰਹੱਦ ਪਾਰ ਕਰਾਉਣ ਦੀ ਕੋਸ਼ਿਸ਼ ਨਾਕਾਮ

  Punjab

• 

  ਕਿਸਾਨ ਮੋਰਚੇ 'ਤੇ ਐਕਸ਼ਨ ਮਗਰੋਂ ਰਵਨੀਤ ਬਿੱਟੂ ਨੇ ਘੇਰੀ ਆਪ ਸਰਕਾਰ, ਕਿਹਾ - ਜ਼ਿਮਨੀ ਚੋਣਾਂ ਕਰਕੇ ਗੈਰ-ਲੋਕਤੰਤਰਿਕ ਕਾਰਵਾਈ ਕੀਤੀ

  Punjab

• 

  13 ਮਹੀਨਿਆਂ ਤੋਂ ਬੰਦ ਪੰਜਾਬ-ਹਰਿਆਣਾ ਸ਼ੰਭੂ ਬਾਰਡਰ ਖੋਲ੍ਹਣ ਦੀ ਤਿਆਰੀ, ਪੁਲਿਸ ਨੇ ਖਦੇੜੇ ਕਿਸਾਨ, ਸ਼ੈੱਡ, ਤੰਬੂ ਤੋੜੇ

  Punjab

• 

  ਖੰਨਾ 'ਚ ਨਸ਼ਾ ਤਸਕਰ ਦੇ ਘਰ ਉਪਰ ਬੁਲਡੋਜ਼ਰ ਕਾਰਵਾਈ, ਮੇਨ ਗੇਟ ਸਮੇਤ ਕਾਫੀ ਹਿੱਸਾ ਤੋੜਿਆ 

  Punjab

• 

  ਕੈਬਨਿਟ ਮੰਤਰੀ ਹਰਦੀਪ ਮੁੰਡੀਆਂ ਵੱਲੋਂ ਗਲਾਡਾ ਦਫ਼ਤਰ ਦੀ ਅਚਨਚੇਤ ਚੈਕਿੰਗ

  Punjab