ਰਿਪੋਰਟ ਵਿੱਚ ਖੁਲਾਸਾ, 2023 ਤੋਂ 2024 ਦੇ ਦਰਮਿਆਨ ਕੈਨੇਡਾ ਵਿੱਚ 15,000 ਲੋਕ ਸਰਜਰੀ ਦੀ ਉਡੀਕ ਕਰਦਿਆਂ ਮਰੇ

ਜ਼ਿਕਰਯੋਗ ਹੈ ਕਿ ਇਸ ਰਿਪੋਰਟ ਵਿੱਚ ਅਲਬਰਟਾ, ਕਿਊਬੇਕ, ਨਿਊਫਾਊਂਡਲੈਂਡ ਅਤੇ ਮੈਨੀਟੋਬਾ ਦੇ ਜ਼ਿਆਦਾਤਰ ਹਿੱਸਿਆਂ ਤੋਂ ਅਜੇ ਸ਼ਾਮਲ ਨਹੀਂ ਕੀਤਾ ਗਿਆ। ਜੇਕਰ ਇਨ੍ਹਾਂ ਦਾ ਡਾਟਾ ਵੀ ਸ਼ਾਮਲ ਕੀਤਾ ਜਾਵੇ ਤਾਂ ਇੱਕ ਅੰਦਾਜ਼ੇ ਅਨੁਸਾਰ ਮਰਨ ਵਾਲਿਆਂ ਦੀ ਸੂਚੀ ਵਿੱਚ 28 ਹਜ਼ਾਰ ਤੋਂ ਵੱਧ ਹੋ ਸਕਦੀ ਹੈ।

ਸਾਲ 2023 ਤੋਂ 2024 ਦੇ ਦਰਮਿਆਨ ਕੈਨੇਡਾ ਵਿੱਚ ਲਗਭਗ 15,000 ਲੋਕ ਸਰਜਰੀ ਜਾਂ ਡਾਇਗਨੋਸਟਿਕ ਦੀ ਉਡੀਕ ਕਰਦਿਆਂ ਮਰ ਗਏ। ਇਨ੍ਹਾਂ ਵਿੱਚੋਂ 30 ਫੀਸਦੀ ਮੌਤਾਂ ਬ੍ਰਿਟਿਸ਼ ਕੋਲੰਬੀਆ (ਬੀਸੀ) ਵਿੱਚ ਹੋਈਆਂ। ਇਹ ਖੁਲਾਸਾ ਹਾਲ ਹੀ ਵਿੱਚ ਜਾਰੀ ਇਕ ਰਿਪੋਰਟ ਵਿੱਚ ਹੋਇਆ ਹੈ। ਸੈਕੰਡਸਟ੍ਰੀਟ ਵੱਲੋਂ ਜਾਰੀ ਕੀਤੀ ਰਿਪੋਰਟ ਅਨੁਸਾਰ ਇਸ ਮਿਆਦ ਦੌਰਾਨ 988 ਬ੍ਰਿਟਿਸ਼ ਕੋਲੰਬੀਆ ਵਾਸੀਆਂ ਦੀ ਸਰਜਰੀ ਦੀ ਉਡੀਕ ਕਰਦਿਆਂ ਮੌਤ ਹੋਈ, ਜਦੋਂ ਕਿ 3,528 ਲੋਕ ਡਾਇਗਨੋਸਟਿਕ ਟੈਸਟਾਂ ਦੀ ਉਡੀਕ ਕਰਦਿਆਂ ਆਪਣੀ ਜਾਨ ਗੁਆ ਬੈਠੇ।
ਸਕੈਨਾਂ ਲਈ ਇੱਕ ਸਾਲ ਤੱਕ ਉਡੀਕ
ਡਾਕਟਰਾਂ ਨੇ ਇਸ ਸਥਿਤੀ ਨੂੰ ”ਅਸਵੀਕਾਰਯੋਗ” ਦੱਸਿਆ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਇਹ ਸਮੱਸਿਆ ਹਾਲੀਆ ਸਾਲਾਂ ਵਿੱਚ ਕਾਫ਼ੀ ਵਧ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਜਦੋਂ ਕੁਝ ਸਾਲ ਪਹਿਲਾਂ ਸਕੈਨ ਇੱਕ ਮਹੀਨੇ ਵਿੱਚ ਹੋ ਜਾਂਦੇ ਸਨ। ਹੁਣ, ਇਹ ਸਕੈਨਾਂ ਲਈ ਇੱਕ ਸਾਲ ਤੱਕ ਉਡੀਕ ਕਰਨੀ ਪੈਂਦੀ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਸੈਕੰਡਸਟ੍ਰੀਟ ਦੋਵੇਂ ਸੰਗਠਨਾਂ ਨੇ ਪਾਰਦਰਸ਼ੀਤਾ ਦੀ ਘਾਟ ਨੂੰ ਇਸ ਸਮੱਸਿਆ ਦਾ ਮੁੱਖ ਕਾਰਨ ਕਰਾਰ ਦਿੱਤਾ ਹੈ। ਸਰਕਾਰਾਂ ਨੂੰ ਉਡੀਕ ਸਮਿਆਂ ਅਤੇ ਮੌਤ ਦਰਾਂ ਬਾਰੇ ਪਾਰਦਰਸ਼ਤਾ ਨਾਲ ਡਾਟਾ ਜਾਰੀ ਕਰਨਾ ਚਾਹੀਦਾ ਹੈ।

ਲੋਕਾਂ ਨੇ ਵੀ ਸ਼ਿਕਾਇਤਾਂ ਕਰਵਾਈਆਂ ਦਰਜ  
ਇਸ ਸਬੰਧੀ ਲੋਕਾਂ ਵਲੋਂ ਕਈ ਸ਼ਿਕਾਇਤਾਂ ਲਗਾਤਾਰ ਦਰਜ ਕਰਵਾਈਆਂ ਗਈਆਂ ਹਨ ਕਿ ਹਸਪਤਾਲ ‘ਚ ਕਈ ਕਈ ਦਿਨ ਚੱਕਰ ਮਾਰਨ ਅਤੇ ਫੋਨ-ਈਮੇਲ ਕਰਨ ਦੇ ਬਾਵਜੂਦ ਕੋਈ ਜਵਾਬ ਨਹੀਂ ਦਿੱਤਾ ਜਾਂਦਾ। ਡਾਕਟਰਾਂ ਨੇ ਕਿਹਾ ਕਿ ”ਸਰਕਾਰ ਨੂੰ ਇਹ ਸਪੱਸ਼ਟ ਕਰਨਾ ਚਾਹੀਦਾ ਹੈ ਕਿ ਸਰਜਰੀਆਂ ਲਈ ਉਡੀਕ ਸਮੇਂ ਕੀ ਹਨ, ਕਿੰਨੇ ਲੋਕ ਇਲਾਜ ਦੀ ਉਡੀਕ ‘ਚ ਹੀ ਮਰ ਰਹੇ ਹਨ ਅਤੇ ਅਸੀਂ ਇਸ ਨੂੰ ਬਿਹਤਰ ਬਣਾਉਣ ਲਈ ਕੀ ਕੀਤਾ ਜਾ ਰਿਹਾ ਹੈ।ਇਹ ਗੱਲ ਪਾਰਟੀ ਰਾਜਨੀਤੀ ਤੋਂ ਉਪਰ ਹੋਣੀ ਚਾਹੀਦੀ ਹੈ।” ਸਰਕਾਰੀ ਬੁਲਾਰੇ ਦਾ ਕਹਿਣਾ ਹੈ ਕਿ ਸਰਕਾਰ ਇਸ ਸਮੱਸਿਆ ਦੇ ਹਲ ਲਈ ਸਟਾਫ਼ ਦੀ ਭਰਤੀ, ਓਪਰੇਟਿੰਗ ਰੂਮ ਘੰਟਿਆਂ ਵਿੱਚ ਵਾਧਾ ਕਰਨ ਅਤੇ ਨਵੇਂ ਡਾਇਗਨੋਸਟਿਕ ਇਮੀਜਿੰਗ ਉਪਕਰਣ ਜੋੜਨ ਵਿੱਚ ਜੁਟੀ ਹੋਈ ਹੈ। ਰਿਪੋਰਟ ਵਿੱਚ ਦਰਸਾਏ ਸਮੇਂ ਦੌਰਾਨ ਬੀਸੀ ਵਿੱਚ ਸਭ ਤੋਂ ਜ਼ਿਆਦਾ ਸਰਜਰੀਆਂ ਕੀਤੀਆਂ ਗਈਆਂ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਸੂਬੇ ਨੇ ਨੌ ਨਵੇਂ ਸੀਟੀ ਸਕੈਨ ਯੂਨਿਟ ਅਤੇ 18 ਨਵੇਂ ਐਮਆਰਈ ਯੂਨਿਟ ਸਥਾਪਤ ਕੀਤੇ ਗਏ ਹਨ। ਦੂਜੇ ਪਾਸੇ ਉਨ੍ਹਾਂ ਇਹ ਵੀ ਕਿਹਾ ਕਿ ਸਾਲ 2016/17 ਨਾਲੋਂ ਅੱਜ ਐਮ.ਆਰ.ਆਈ. ਸਕੈਨ ਦੀ ਗਿਣਤੀ 83% ਅਤੇ ਸੀ.ਟੀ. ਸਕੈਨ ਦੀ ਗਿਣਤੀ 43% ਵਧ ਗਈ ਹੈ।
 

• 

  ਕੈਨੇਡਾ ਦੇ ਇਨ੍ਹਾਂ ਸ਼ਹਿਰਾਂ ਅਤੇ ਪ੍ਰਾਂਤਾਂ ਵਿੱਚ ਸਾਲਮੋਨੇਲਾ ਦੀ ਚਿੰਤਾ ਕਾਰਨ ਆਂਡੇ ਵਾਪਸ ਮੰਗੇ ਗਏ | ਸੂਚੀ

  punjabtocanada

• 

  ਰਿਪੋਰਟ ‘ਚ ਖੁਲਾਸਾ: 20 ਹਜ਼ਾਰ ਭਾਰਤੀ ਵਿਦਿਆਰਥੀ ਜੋ ਕੈਨੇਡਾ ਤਾਂ ਪੁੱਜੇ ਪਰ ਕਾਲਜ ਨਹੀਂ

  punjabtocanada

• 

  ਕੈਨੇਡਾ 'ਚੋਂ 20 ਹਜ਼ਾਰ ਭਾਰਤੀ ਵਿਦਿਆਰਥੀ ਅਚਾਨਕ ਹੋਏ ਗਾਇਬ, ਰਿਪੋਰਟ 'ਚ ਹੈਰਾਨ ਕਰਨ ਵਾਲੇ ਖੁਲਾਸੇ

  punjabtocanada

• 

  ਸਭ ਤੋਂ ਪਿਆਰੇ ਅਤੇ ਫਿਰ ਨਫ਼ਰਤ ਜਾਣ ਵਾਲੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਕੀ ਛੱਡ ਦੇਣਗੇ ਰਾਜਨੀਤੀ?

  punjabtocanada

• 

  Canadian Prime Minister: ਪਹਿਲਾ ਅਨੀਤਾ ਆਨੰਦ ਅਤੇ ਹੁਣ ਫ੍ਰਾਂਸਵਾ-ਫਿਲਿਪ ਸ਼ੈਂਪੇਨ ਵੀ ਪੀਐੱਮ ਦੀ ਰੇਸ ਵਿਚੋਂ ਬਾਹਰ

  punjabtocanada