Liberal Party leader Race; ਮਾਰਕ ਕਾਰਨੀ ਫੰਡ ਇਕੱਤਰ ਕਰਨ ‘ਚ ਅੱਗੇ, ਰੂਬੀ ਢੱਲਾ ਸਭ ਤੋਂ ਪਿੱਛੇ

ਇਹ ਡਾਟਾ ਮੁਕਾਬਲੇ ਦੇ ਪਹਿਲੇ ਦਿਨ ਤੋਂ ਲੈ ਕੇ, ਪਾਰਟੀ ਵੋਟਿੰਗ ਦਿਨ (9 ਮਾਰਚ) ਤੋਂ ਚਾਰ ਹਫ਼ਤੇ ਪਹਿਲਾਂ ਤੱਕ ਦੇ ਫੰਡਾਂ ਨੂੰ ਦਰਸਾਉਂਦਾ ਹੈ। ਮਾਰਕ ਕਾਰਨੀ ਦੀ ਅਗਵਾਈ ਦੇ ਨਾਲ, ਇਹ ਸਾਫ਼ ਦਿਸ ਰਿਹਾ ਹੈ ਕਿ ਉਹ ਲਿਬਰਲ ਆਗੂ ਬਣਨ ਦੀ ਦੌੜ ਵਿੱਚ ਸਭ ਤੋਂ ਅੱਗੇ ਹਨ। ਹਾਲਾਂਕਿ, ਫ਼ਰੀਲੈਂਡ ਅਤੇ ਹੋਰ ਉਮੀਦਵਾਰ ਵੀ ਅੰਤਿਮ ਪੜਾਅ ਵਿੱਚ ਨਤੀਜੇ ਬਦਲ ਸਕਦੇ ਹਨ।

Race to become Liberal Party leader : ਲਿਬਰਲ ਪਾਰਟੀ ਦੇ ਆਗੂ ਬਣਨ ਦੀ ਦੌੜ ਵਿੱਚ ਸ਼ਾਮਲ ਉਮੀਦਵਾਰ ਮਾਰਕ ਕਾਰਨੀ ਫੰਡ ਇਕੱਤਰ ਕਰਨ ਦੇ ਮਾਮਲੇ ਵਿੱਚ ਆਪਣੇ ਵਿਰੋਧੀ ਉਮੀਦਵਾਰਾਂ ਤੋਂ ਕਿਤੇ ਅੱਗੇ ਨਿਕਲ ਗਏ ਹਨ। ਇਲੈਕਸ਼ਨਜ਼ ਕੈਨੇਡਾ ਵੱਲੋਂ ਜਾਰੀ ਕੀਤੇ ਆਰਥਿਕ ਅੰਕੜਿਆਂ ਅਨੁਸਾਰ, ਕਾਰਨੀ ਨੇ 3,289 ਦਾਨੀਆਂ ਤੋਂ $1.9 ਮਿਲੀਅਨ ਇਕੱਤਰ ਕੀਤੇ ਹਨ। ਕਾਰਨੀ ਦੇ ਮੁਕਾਬਲੇ ਵਿੱਚ, ਸਾਬਕਾ ਲਿਬਰਲ ਹਾਊਸ ਲੀਡਰ ਕਰੀਨਾ ਗੁਲਡ ਨੇ 600 ਤੋਂ ਵੱਧ ਦਾਨੀਆਂ ਤੋਂ $236,000 ਇਕੱਤਰ ਕੀਤੇ।

ਫ੍ਰੈਂਕ ਬੇਲਿਸ ਨੇ $227,000 ਹਾਸਲ ਕੀਤੇ 

ਮੌਂਟਰੀਅਲ ਦੇ ਵਪਾਰੀ ਫ੍ਰੈਂਕ ਬੇਲਿਸ ਨੇ $227,000 ਹਾਸਲ ਕੀਤੇ, ਪਰ ਉਨ੍ਹਾਂ ਦੇ ਸਿਰਫ 59 ਦਾਨੀ ਸੱਜਣ ਹੀ ਰਹੇ। ਸਾਬਕਾ ਵਿੱਤ ਮੰਤਰੀ ਕ੍ਰਿਸਟੀਆ ਫ਼ਰੀਲੈਂਡ, ਜੋ ਮਾਰਕ ਕਾਰਨੀ ਦੀ ਮੁੱਖ ਮੁਕਾਬਲੇਬਾਜ਼ ਮੰਨੀ ਜਾ ਰਹੀ ਹੈ, ਨੇ 300 ਦਾਨੀ ਸੱਜਣਾਂ ਤੋਂ ਲਗਭਗ $227,000 ਇਕੱਤਰ ਕੀਤੇ। ਇਸ ਦੌੜ ਵਿੱਚ ਰੂਬੀ ਢੱਲਾ ਸਭ ਤੋਂ ਪਿੱਛੇ ਰਹੀ, ਜੋ ਸਿਰਫ $115,000 ਇਕੱਤਰ ਕਰ ਸਕੀ।

ਅੰਕੜੇ ਅਧੂਰੇ ਹੋਣ ਦਾ ਦਾਅਵਾ

ਫ਼ਰੀਲੈਂਡ ਦੀ ਟੀਮ ਨੇ ਦਾਅਵਾ ਕੀਤਾ ਕਿ ਇਲੈਕਸ਼ਨਜ਼ ਕੈਨੇਡਾ ਵਲੋਂ ਜਾਰੀ ਕੀਤੇ ਅੰਕੜੇ ਅਧੂਰੇ ਹਨ। ਇਕ ਮੁਹਿੰਮ ਮੈਂਬਰ ਨੇ ਦੱਸਿਆ ਕਿ ਉਨ੍ਹਾਂ ਕੋਲ 2,000 ਦਾਨੀ ਸੱਜਣ ਹਨ ਅਤੇ ਉਹ ਹੁਣ ਤਕ ਲਗਭਗ $600,000 ਇਕੱਤਰ ਕਰ ਚੁੱਕੇ ਹਨ। ਉਨ੍ਹਾਂ ਨੇ ਦਲੀਲ ਦਿੱਤੀ ਕਿ ਲਿਬਰਲ ਪਾਰਟੀ ਨੇ ਹਾਲੇ ਵੀ ਉਹਨਾਂ ਦੇ ਕੁਝ ਦਾਨ-ਰਾਸ਼ੀਆਂ ਨਹੀਂ ਭੇਜੀਆਂ, ਜੋ ਕਿ ਹਜਾਰਾਂ ਡਾਲਰ ਹੋ ਸਕਦੇ ਹਨ, ਜੋ ਇਸ ਅੰਕੜਿਆਂ ਵਿੱਚ ਨਹੀਂ ਹਨ।

ਤਿੱਖੇ ਮੁਕਾਬਲੇ ਦੇ ਆਸਾਰ

ਇਹ ਡਾਟਾ ਮੁਕਾਬਲੇ ਦੇ ਪਹਿਲੇ ਦਿਨ ਤੋਂ ਲੈ ਕੇ, ਪਾਰਟੀ ਵੋਟਿੰਗ ਦਿਨ (9 ਮਾਰਚ) ਤੋਂ ਚਾਰ ਹਫ਼ਤੇ ਪਹਿਲਾਂ ਤੱਕ ਦੇ ਫੰਡਾਂ ਨੂੰ ਦਰਸਾਉਂਦਾ ਹੈ। ਮਾਰਕ ਕਾਰਨੀ ਦੀ ਅਗਵਾਈ ਦੇ ਨਾਲ, ਇਹ ਸਾਫ਼ ਦਿਸ ਰਿਹਾ ਹੈ ਕਿ ਉਹ ਲਿਬਰਲ ਆਗੂ ਬਣਨ ਦੀ ਦੌੜ ਵਿੱਚ ਸਭ ਤੋਂ ਅੱਗੇ ਹਨ। ਹਾਲਾਂਕਿ, ਫ਼ਰੀਲੈਂਡ ਅਤੇ ਹੋਰ ਉਮੀਦਵਾਰ ਵੀ ਅੰਤਿਮ ਪੜਾਅ ਵਿੱਚ ਨਤੀਜੇ ਬਦਲ ਸਕਦੇ ਹਨ। ਮੁਕਾਬਲਾ ਤਿੱਖਾ ਹੈ, ਪਰ ਫ਼ਰੀਲੈਂਡ ਵੱਲੋਂ ਪੂਰੇ ਫੰਡ ਡਿਸਕਲੋਜ਼ ਕਰਨ ਮਗਰੋਂ ਹੀ ਅਸਲ ਤਸਵੀਰ ਸਾਹਮਣੇ ਆਵੇਗੀ।
 

• 

  ਮਾਰਕ ਕਾਰਨੀ ਮੰਤਰੀ ਮੰਡਲ ਨਾਲ ਭਲਕੇ Canada ਦੇ 24ਵੇਂ ਪ੍ਰਧਾਨ ਮੰਤਰੀ ਦੇ ਰੂਪ ਵਿੱਚ ਚੁੱਕਣਗੇ ਸਹੁੰ

  punjabtocanada

• 

  Brampton ਵਿੱਚ 50 ਟ੍ਰੈਫਿਕ ਚੌਰਾਹਿਆਂ 'ਤੇ ਲੱਗਣਗੇ 360-degree camera, ਅਪਰਾਧੀਆਂ ਦੀ ਖੈਰ ਨਹੀਂ

  punjabtocanada

• 

  ਟਰੰਪ ਦੇ ਟੈਰਿਫ਼ਾਂ ਖਿਲ਼ਾਫ਼ Ontario ਦਾ ਕਰਾਰਾ ਜਵਾਬ, SpaceX ਨਾਲ 100 ਮਿਲੀਅਨ ਡਾਲਰ ਦਾ ਸਮਝੌਤਾ ਰੱਦ

  punjabtocanada

• 

  Trump ਦੇ ਟੈਰਿਫਾਂ ਦੇ ਖਿਲਾਫ਼ Quebec ਸਰਕਾਰ ਤਿਆਰ, ਕੰਪਨੀਆਂ ਨੂੰ ਮਿਲੇਗਾ $ 50 ਮਿਲੀਅਨ ਤੱਕ ਕਰਜ਼ਾ

  punjabtocanada

• 

  4 ਮਿਲੀਅਨ ਡਾਲਰ ਦੀ ਲਾਗਤ ਨਾਲ ਬਨਣਗੀਆਂ Surrey ਦੀਆਂ ਸੜਕਾਂ, 17.8 KM ਦਾ ਠੇਕਾ ਮੰਜ਼ੂਰ

  punjabtocanada