ਐੱਮਪੀ ਸੋਨੀਆ ਸਿੱਧੂ ਦਾ ਦਾਅਵਾ: ਮਾਰਕ ਕਾਰਨੀ ਦਾ ਕੈਨੇਡਾ ਲਈ ਵਿਜ਼ਨ ਦੇਸ਼ ਲਈ ਨਵੀਂ ਆਸ ਅਤੇ ਤਾਕਤ

ਅਮਰੀਕਾ ਵੱਲੋਂ ਆ ਰਹੀਆਂ ਮੌਜੂਦਾ ਧਮਕੀਆਂ ਅਤੇ ਇਨ੍ਹਾਂ ਦੇ ਕੈਨੇਡਾ ਵੱਲੋਂ ਦਿੱਤੇ ਜਾ ਰਹੇ ਜੁਆਬ ਬਾਰੇ ਗੱਲ ਕਰਦਿਆਂ ਸੋਨੀਆ ਸਿੱਧੂ ਨੇ ਕਿਹਾ, “ਅਸੀਂ ਇਸ ਲੜਾਈ ਲਈ ਅਮਰੀਕਾ ਨੂੰ ਸੱਦਾ ਨਹੀਂ ਦਿੱਤਾ। ਇਸ ਦੀ ਸ਼ੁਰੂਆਤ ਤਾਂ ਅਮਰੀਕਾ ਵੱਲੋਂ ਹੋਈ ਹੈ ਅਤੇ ਜਦੋਂ ਦੂਸਰਾ ਕੋਈ ਲੜਾਈ ਕਰਨ ਲਈ ਆਪਣੇ ਕਫ਼ ਉੱਪਰ ਕਰਦਾ ਹੈ ਤਾਂ ਕੈਨੇਡਾ-ਵਾਸੀ ਇਸ ਦਾ ਮੁਕਾਬਲਾ ਕਰਨ ਲਈ ਹਮੇਸ਼ਾ ਤਿਆਰ ਹਨ।“

MP Sonia Sidhu claims: ਲਿਬਰਲ ਪਾਰਟੀ ਦੀ ਲੀਡਰਸ਼ਿਪ ਦੀ ਦੌੜ ਵਿੱਚ ਕਾਮਯਾਬ ਹੋਣ ਅਤੇ ਕੈਨੇਡਾ ਦੇ ਅਗਲੇ ਪ੍ਰਧਾਨ ਮੰਤਰੀ ਨਿਯੁਕਤ ਹੋਣ ‘ਤੇ ਬਰੈਂਪਟਨ ਸਾਊਥ ਦੀ ਮੈਂਬਰ ਪਾਰਲੀਮੈਂਟ ਸੋਨੀਆ ਸਿੱਧੂ ਵੱਲੋਂ ਮਾਰਕ ਕਾਰਨੀ ਨੂੰ ਮੁਬਾਰਕਬਾਦ ਦਿੱਤੀ ਗਈ ਹੈ। ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਐੱਮਪੀ ਸੋਨੀਆ ਸਿੱਧੂ ਨੇ ਕਿਹਾ, “ਮਾਰਕ ਕਾਰਨੀ ਦਾ ਕੈਨੇਡਾ ਲਈ ਵਿਜ਼ਨ ਦੇਸ਼ ਲਈ ਇੱਕ ਨਵੀਂ ਆਸ ਅਤੇ ਤਾਕਤ ਹੈ। ਉਨ੍ਹਾਂ ਦੀ ਆਪਸੀ ਮੇਲ਼-ਜੋਲ਼ ਨੂੰ ਵਧਾਉਣ, ਆਜ਼ਾਦੀ ਤੇ ਲੋਕਤੰਤਰ ਲਈ ਖੜ੍ਹਨ ਲਈ ਸੁਹਿਰਦਤਾ ਬਰੈਂਪਟਨ ਦੀਆਂ ਕਦਰਾਂ-ਕੀਮਤਾਂ ਨਾਲ ਪੂਰਾ ਮੇਲ਼ ਖਾਂਦੀਆਂ ਹਨ ਅਤੇ ਕੈਨੇਡਾ-ਵਾਸੀਆਂ ਦੇ ਜੀਵਨ ‘ਤੇ ਵਧੀਆ ਪ੍ਰਭਾਵ ਪਾਉਂਦੀਆਂ ਹਨ। ਇਨ੍ਹਾਂ ਉਦੇਸ਼ਾਂ ਦੀ ਪੂਰਤੀ ਲਈ ਅਤੇ ਸਮੂਹ-ਕੈਨੇਡਾ ਵਾਸੀਆਂ ਦੇ ਜੀਵਨ ਨੂੰ ਖ਼ੁਸ਼ਹਾਲ ਬਨਾਉਣ ਲਈ ਮੈਂ ਉਨ੍ਹਾਂ ਦੇ ਨਾਲ ਮਿਲ ਕੇ ਕੰਮ ਕਰਾਂਗੀ।“

ਏਕਤਾ ਅਤੇ ਲਚਕੀਲੇਪਣ ਉੱਪਰ ਜ਼ੋਰ

ਆਪਣੇ ਜੇਤੂ ਭਾਸ਼ਨ ਵਿੱਚ ਮਾਰਕ ਕਾਰਨੀ ਨੇ ਇਸ ਚੁਣੌਤੀ ਭਰਪੂਰ ਸਮੇਂ ਵਿੱਚ ਏਕਤਾ ਅਤੇ ਲਚਕੀਲੇਪਣ ਦੋਹਾਂ ਉੱਪਰ ਹੀ ਜ਼ੋਰ ਦਿੱਤਾ ਸੀ। ਉਨ੍ਹਾਂ ਨੇ ਆਪਣੇ ਪਰਿਵਾਰ ਦੇ ਮੈਂਬਰਾਂ, ਸਮੱਰਥਕਾਂ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਉਨ੍ਹਾਂ ਨੂੰ ਹਰ ਪੱਖੋਂ ਸਹਿਯੋਗ ਦੇਣ ‘ਤੇ ਉਨ੍ਹਾਂ ਦਾ ਧੰਨਵਾਦ ਕੀਤਾ ਸੀ। ਉਨ੍ਹਾਂ ਨੇ ਕੈਨੇਡਾ ਨੂੰ ਹਰੇਕ ਦੇ ਲਈ ਹੋਰ ਮਜ਼ਬੂਤ ਕਰਨ, ਆਰਥਿਕ ਜ਼ਿੰਮੇਂਵਾਰੀਆਂ, ਸਮਾਜਿਕ ਨਿਆਂ ਅਤੇ ਅੰਤਰਰਾਸ਼ਟਰੀ ਲੀਡਰਸ਼ਿਪ ਲਈ ਲੋੜੀਂਦੇ ਫ਼ਰਜ਼ ਨਿਭਾਉਣ ਦੀ ਆਪਣੀ ਵਚਨਬੱਧਤਾ ਨੂੰ ਦੁਹਰਾਇਆ।

ਬੈਂਕ ਆਫ਼ ਇੰਗਲੈਂਡ ਦੇ ਗਵਰਨਰ ਰਹੇ

ਮਾਰਕ ਕਾਰਨੀ ਇਸ ਤੋਂ ਪਹਿਲਾਂ ਬੈਂਕ ਆਫ਼ ਕੈਨੇਡਾ ਅਤੇ ਬੈਂਕ ਆਫ਼ ਇੰਗਲੈਂਡ ਦੇ ਗਵਰਨਰ ਦੀਆਂ ਮਹੱਤਵਪੂਰਨ ਅਹੁਦਿਆਂ ‘ਤੇ ਬਿਰਾਜਮਾਨ ਰਹੇ ਹਨ ਜਿੱਥੇ ਕੰਮ ਕਰਦਿਆਂ ਉਨ੍ਹਾਂ ਨੇ ਲਚਕੀਲੀ ਆਰਥਿਕਤਾ ਦੀ ਹਾਮੀ ਭਰਦਿਆਂ ਆਪਣੀਆਂ ਵਿਸ਼ੇਸ਼ ਭੂਮਿਕਾਵਾਂ ਨਿਭਾਈਆਂ ਹਨ। ਸੀਨੀਅਰ ਐਸੋਸੀਏਟ ਡਿਪਟੀ ਫ਼ਾਈਨਾਂਸ ਮਨਿਸਟਰ ਅਤੇ ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਦੇ ਵਿੱਤੀ ਸਲਾਹਕਾਰ ਵਜੋਂ ਉਨ੍ਹਾਂ ਦਾ ਤਜਰਬਾ ਕੈਨੇਡਾ ਦੀ ਆਰਥਿਕ ਖ਼ੁਸ਼ਹਾਲੀ ਵਿੱਚ ਆਪਣਾ ਭਰਪੂਰ ਯੋਗਦਾਨ ਪਾਏਗਾ।

ਇੱਕ ਨਵੇਂ ਅਧਿਆਇ ਦੀ ਸ਼ੁਰੂਆਤ

ਅਮਰੀਕਾ ਵੱਲੋਂ ਆ ਰਹੀਆਂ ਮੌਜੂਦਾ ਧਮਕੀਆਂ ਅਤੇ ਇਨ੍ਹਾਂ ਦੇ ਕੈਨੇਡਾ ਵੱਲੋਂ ਦਿੱਤੇ ਜਾ ਰਹੇ ਜੁਆਬ ਬਾਰੇ ਗੱਲ ਕਰਦਿਆਂ ਸੋਨੀਆ ਸਿੱਧੂ ਨੇ ਕਿਹਾ, “ਅਸੀਂ ਇਸ ਲੜਾਈ ਲਈ ਅਮਰੀਕਾ ਨੂੰ ਸੱਦਾ ਨਹੀਂ ਦਿੱਤਾ। ਇਸ ਦੀ ਸ਼ੁਰੂਆਤ ਤਾਂ ਅਮਰੀਕਾ ਵੱਲੋਂ ਹੋਈ ਹੈ ਅਤੇ ਜਦੋਂ ਦੂਸਰਾ ਕੋਈ ਲੜਾਈ ਕਰਨ ਲਈ ਆਪਣੇ ਕਫ਼ ਉੱਪਰ ਕਰਦਾ ਹੈ ਤਾਂ ਕੈਨੇਡਾ-ਵਾਸੀ ਇਸ ਦਾ ਮੁਕਾਬਲਾ ਕਰਨ ਲਈ ਹਮੇਸ਼ਾ ਤਿਆਰ ਹਨ।“ ਉਨ੍ਹਾਂ ਹੋਰ ਕਿਹਾ, “ਇਸ ਲਈ ਅਮਰੀਕਨਾਂ ਨੂੰ ਹਾਕੀ ਵਾਂਗ ਵਿਓਪਾਰ ਵਿੱਚ ਗ਼ਲਤੀ ਨਹੀਂ ਕਰਨੀ ਚਾਹੀਦੀ। ਇਸ ਵਿਚ ਵੀ ਕੈਨੇਡਾ ਹੀ ਜਿੱਤੇਗਾ।“ ਕਾਰਨੀ ਵੱਲੋਂ ਲਿਬਰਲ ਪਾਰਟੀ ਅਤੇ ਕੈਨੇਡਾ ਦੀ ਅਗਵਾਈ ਨਾਲ ਇੱਕ ਨਵੇਂ ਅਧਿਆਇ ਦੀ ਸ਼ੁਰੂਆਤ ਹੋਈ ਹੈ। ਉਨ੍ਹਾਂ ਦੀ ਯੋਗਤਾ ਅਤੇ ਤਜਰਬਾ ਚੁਣੌਤੀਆਂ ਦੇ ਇਸ ਨਾਜ਼ੁਕ ਸਮੇਂ ਦੇਸ਼ ਦੀ ਵਧੀਆ ਅਗਵਾਈ ਕਰੇਗਾ ਅਤੇ ਸਮੂਹ ਕੈਨੇਡਾ-ਵਾਸੀਆਂ ਲਈ ਉੱਜਲੇ ਭਵਿੱਖ ਨੂੰ ਯਕੀਨੀ ਬਣਾਏਗਾ।
 

• 

  ਮਾਰਕ ਕਾਰਨੀ ਮੰਤਰੀ ਮੰਡਲ ਨਾਲ ਭਲਕੇ Canada ਦੇ 24ਵੇਂ ਪ੍ਰਧਾਨ ਮੰਤਰੀ ਦੇ ਰੂਪ ਵਿੱਚ ਚੁੱਕਣਗੇ ਸਹੁੰ

  punjabtocanada

• 

  Brampton ਵਿੱਚ 50 ਟ੍ਰੈਫਿਕ ਚੌਰਾਹਿਆਂ 'ਤੇ ਲੱਗਣਗੇ 360-degree camera, ਅਪਰਾਧੀਆਂ ਦੀ ਖੈਰ ਨਹੀਂ

  punjabtocanada

• 

  ਟਰੰਪ ਦੇ ਟੈਰਿਫ਼ਾਂ ਖਿਲ਼ਾਫ਼ Ontario ਦਾ ਕਰਾਰਾ ਜਵਾਬ, SpaceX ਨਾਲ 100 ਮਿਲੀਅਨ ਡਾਲਰ ਦਾ ਸਮਝੌਤਾ ਰੱਦ

  punjabtocanada

• 

  Trump ਦੇ ਟੈਰਿਫਾਂ ਦੇ ਖਿਲਾਫ਼ Quebec ਸਰਕਾਰ ਤਿਆਰ, ਕੰਪਨੀਆਂ ਨੂੰ ਮਿਲੇਗਾ $ 50 ਮਿਲੀਅਨ ਤੱਕ ਕਰਜ਼ਾ

  punjabtocanada

• 

  4 ਮਿਲੀਅਨ ਡਾਲਰ ਦੀ ਲਾਗਤ ਨਾਲ ਬਨਣਗੀਆਂ Surrey ਦੀਆਂ ਸੜਕਾਂ, 17.8 KM ਦਾ ਠੇਕਾ ਮੰਜ਼ੂਰ

  punjabtocanada