Punjab Congress : ਲੁਧਿਆਣਾ 'ਚ ਉਲਝੇ ਕਾਂਗਰਸੀ, ਜਿਲ੍ਹਾ ਅਹੁਦੇਦਾਰ ਨੂੰ ਬੋਲਣ ਤੋਂ ਰੋਕਿਆ, ਧੱਕੇ ਮਾਰ ਕੱਢਿਆ ਬਾਹਰ 

Punjab Congress : ਭੜਕੇ ਅਹੁਦੇਦਾਰ ਨੇ ਕਈ ਆਗੂਆਂ ਖਿਲਾਫ ਭੜਾਸ ਕੱਢੀ। ਜਿਲ੍ਹਾ ਕਮੇਟੀ ਦੇ ਮੀਤ ਪ੍ਰਧਾਨ ਸੰਨੀ ਪਾਹੂਜਾ ਨੇ ਕਿਹਾ ਕਿ ਚਹੇਤਿਆਂ ਨੂੰ ਨੇੜੇ ਲਾਇਆ ਜਾਂਦਾ। ਪਾਰਟੀ ਦਾ ਝੰਡਾ ਚੁੱਕਣ ਵਾਲਿਆਂ ਦੀ ਕੋਈ ਕਦਰ ਨਹੀਂ ਰਹੀ। 

Punjab Congress : ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਪਾਰਟੀ ਨੂੰ ਮਜ਼ਬੂਤ ​​ਕਰਨ ਲਈ ਕਾਂਗਰਸ ਵੱਲੋਂ ‘ਖੁੱਲ੍ਹੀ ਚਰਚਾ’ ਨਾਂ ਦੇ ਸਿਆਸੀ ਪ੍ਰੋਗਰਾਮ ਕੀਤੇ ਜਾ ਰਹੇ ਹਨ। ਇਨ੍ਹਾਂ ਪ੍ਰੋਗਰਾਮਾਂ ਵਿੱਚ ਹਰ ਰੋਜ਼ ਕਾਂਗਰਸੀ ਆਪਸ ਵਿੱਚ ਭਿੜਦੇ ਨਜ਼ਰ ਆ ਰਹੇ ਹਨ। ਲੁਧਿਆਣਾ ਵਿੱਚ ਵੀ ਕਾਂਗਰਸ ਦੇ ਇਸ ਪ੍ਰੋਗਰਾਮ ਵਿੱਚ ਕਾਂਗਰਸੀਆਂ ਦੀ ਆਪਸੀ ਫੁੱਟ ਸਾਹਮਣੇ ਆਈ। ਇੱਥੇ ਜ਼ਿਲ੍ਹਾ ਕਾਂਗਰਸ ਕਮੇਟੀ ਦੇ ਮੀਤ ਪ੍ਰਧਾਨ ਨੂੰ ਸੁਝਾਅ ਦੇਣ ਤੋਂ ਰੋਕਿਆ ਗਿਆ। ਮੀਟਿੰਗ ਵਿੱਚੋਂ ਬਾਹਰ ਕੱਢ ਦਿੱਤਾ ਗਿਆ। ਦੱਸ ਦੇਈਏ ਕਿ ਇਸ ਸਮਾਗਮ 'ਚ ਕਾਂਗਰਸ ਦੇ ਇੰਚਾਰਜ ਦੇਵੇਂਦਰ ਯਾਦਵ ਸਮੇਤ ਕਈ ਸੀਨੀਅਰ ਆਗੂ ਪਹੁੰਚੇ ਹੋਏ ਸਨ। 

ਰਾਜਾ ਵੜਿੰਗ ਨੇ ਦਿੱਤੀ ਧਮਕੀ 

ਮੀਟਿੰਗ ਤੋਂ ਬਾਹਰ ਆਏ ਜ਼ਿਲ੍ਹਾ ਕਾਂਗਰਸ ਕਮੇਟੀ ਦੇ ਮੀਤ ਪ੍ਰਧਾਨ ਸੰਨੀ ਪਾਹੂਜਾ ਨੇ ਕਿਹਾ ਕਿ ਕਾਂਗਰਸ ਵਿੱਚ ਵਰਕਰਾਂ ਦੀ ਕੋਈ ਇੱਜ਼ਤ ਨਹੀਂ ਹੈ। ਅੱਜ ਜਦੋਂ ਉਹ ਖੁੱਲ੍ਹੀ ਚਰਚਾ ਦੌਰਾਨ ਆਪਣਾ ਸੁਝਾਅ ਦੇਣ ਲਈ ਖੜ੍ਹੇ ਹੋਏ ਤਾਂ ਪੰਜਾਬ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਉਨ੍ਹਾਂ ਨੂੰ ਧਮਕੀ ਦਿੱਤੀ ਕਿ ਜੇਕਰ ਉਨ੍ਹਾਂ ਨੇ ਕਿਸੇ ਦੀ ਸ਼ਾਨ ਵਿਰੁੱਧ ਗੱਲ ਕੀਤੀ ਤਾਂ ਇਸਦੇ ਗੰਭੀਰ ਨਤੀਜੇ ਭੁਗਤਣੇ ਪੈਣਗੇ। ਫਿਰ ਉਸਨੂੰ ਧੱਕੇ ਮਾਰੇ ਗਏ। ਬੋਲਣ ਤੋਂ ਰੋਕ ਦਿੱਤਾ ਗਿਆ।
 

ਪਾਰਟੀ ਨੂੰ ਕਮਜ਼ੋਰ ਕਰ ਰਹੇ ਕਾਂਗਰਸੀ

ਸੰਨੀ ਪਾਹੂਜਾ ਨੇ ਕਿਹਾ ਕਿ ਲੁਧਿਆਣਾ ਵਿੱਚ ਕਾਂਗਰਸ ਦਾ ਕੋਈ ਦਫ਼ਤਰ ਨਹੀਂ ਹੈ। ਲੋਕ ਸੰਸਦ ਮੈਂਬਰ ਨੂੰ ਜਿੱਤਣ ਤੋਂ ਬਾਅਦ ਮਿਲਣ ਲਈ ਤਰਸ ਰਹੇ ਹਨ। ਕਾਂਗਰਸੀ ਸੰਸਦ ਮੈਂਬਰ ਨੂੰ ਭੰਬਲਭੂਸੇ ਵਿੱਚ ਰੱਖ ਕੇ ਪਾਰਟੀ ਨੂੰ ਕਮਜ਼ੋਰ ਕਰ ਰਹੇ ਹਨ। ਸਾਂਸਦ ਰਵਨੀਤ ਬਿੱਟੂ ਨੇ ਕਦੇ ਵੀ ਉਹਨਾਂ ਦੀ ਸਾਰ ਨਹੀਂ ਲਈ। ਅੱਜ ਸੀਨੀਅਰ ਲੀਡਰਸ਼ਿਪ ਦੇ ਸਾਹਮਣੇ ਵੀ ਉਨ੍ਹਾਂ ਨੂੰ ਬੋਲਣ ਦਾ ਮੌਕਾ ਨਹੀਂ ਦਿੱਤਾ ਗਿਆ।

ਵੜਿੰਗ ਨੇ ਮੁੜ 13 ਸੀਟਾਂ ਉਪਰ ਲੜਨ ਦੀ ਗੱਲ ਆਖੀ 

ਇਸ ਦੌਰਾਨ ਪੰਜਾਬ ਪ੍ਰਧਾਨ ਰਾਜਾ ਵੜਿੰਗ ਨੇ ਕਿਹਾ ਕਿ ਕਾਂਗਰਸ ਵਿੱਚ ਸਭ ਕੁਝ ਠੀਕ ਹੈ। ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਖੁੱਲ੍ਹੀ ਚਰਚਾ ਰਾਹੀਂ ਵਰਕਰਾਂ ਦੀ ਰਾਏ ਜਾਣੀ ਜਾ ਰਹੀ ਹੈ। ਕਾਂਗਰਸ ਪੰਜਾਬ ਦੀਆਂ ਸਾਰੀਆਂ 13 ਸੀਟਾਂ 'ਤੇ ਚੋਣ ਲੜੇਗੀ। ਜਿਸ ਦੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਚੰਡੀਗੜ੍ਹ 'ਚ 'ਆਪ' ਨਾਲ ਗਠਜੋੜ 'ਤੇ ਰਾਜਾ ਵੜਿੰਗ ਨੇ ਕਿਹਾ ਕਿ ਉਹ ਪੰਜਾਬ ਨਾਲ ਜੁੜੇ ਸਵਾਲਾਂ ਦੇ ਜਵਾਬ ਹੀ ਦੇ ਸਕਦੇ ਹਨ। ਪੋਸਟਰਾਂ 'ਤੇ ਨਵਜੋਤ ਸਿੱਧੂ ਦੀ ਫੋਟੋ ਨਾ ਲਗਾਉਣ 'ਤੇ ਰਾਜਾ ਨੇ ਕਿਹਾ ਕਿ ਸਿੱਧੂ ਕੋਲ ਕੋਈ ਅਹੁਦਾ ਨਹੀਂ ਹੈ।

ਬਿੱਟੂ ਬੋਲੇ - ਮਾਹੌਲ ਖਰਾਬ ਕਰਨ ਆਉਂਦੇ ਹਨ ਕੁੱਝ ਲੋਕ 

ਦੂਜੇ ਪਾਸੇ ਸੰਸਦ ਮੈਂਬਰ ਬਿੱਟੂ ਨੇ ਕਿਹਾ ਕਿ ਮੀਟਿੰਗ ਵਿੱਚ ਹਰੇਕ ਵਰਕਰ ਤੋਂ ਸੁਝਾਅ ਲਏ ਗਏ ਹਨ। ਕਿਸੇ ਨੂੰ ਬਾਹਰ ਨਹੀਂ ਕੱਢਿਆ ਗਿਆ। ਕੁਝ ਲੋਕ ਮਾਹੌਲ ਖਰਾਬ ਕਰਨ ਆਉਂਦੇ ਹਨ। ਸਿੱਧੂ ਦੀ ਫੋਟੋ ਨਾ ਲਗਾਉਣ 'ਤੇ ਬਿੱਟੂ ਨੇ ਵੀ ਕਿਹਾ ਕਿ ਸਿੱਧੂ ਦਾ ਪਾਰਟੀ 'ਚ ਕੋਈ ਅਹੁਦਾ ਨਹੀਂ ਹੈ। ਸਿਰਫ਼ ਅਹੁਦੇਦਾਰਾਂ ਦੀਆਂ ਤਸਵੀਰਾਂ ਹੀ ਲਗਾਈਆਂ ਗਈਆਂ।

• 

  ਭਾਰਤ ਖਿਲਾਫ ਅੱਤਵਾਦੀ ਪੰਨੂ ਦੀ ਨਵੀਂ ਸ਼ਾਜਿਸ਼, ਖਾਲਿਸਤਾਨ ਰੈਫਰੈਂਡਮ ਲਈ ਵੋਟ ਕਰਨ ਲਈ ਕਿਹਾ, QR ਕੋਡ ਅਤੇ ਔਨਲਾਈਨ ਰਜਿਸਟ੍ਰੇਸ਼ਨ ਕਰਵਾਈ ਸ਼ੁਰੂ

  Punjab

• 

  Farmer Protest: ਅੱਜ SKM ਦੇ ਆਗੂ ਦੀ ਮੀਟਿੰਗ,26 ਜਨਵਰੀ ਨੂੰ ਕੀਤੇ ਜਾਣ ਵਾਲੇ ਟਰੈਕਟ ਮਾਰਚ ਤੇ ਬਣਾਈ ਜਾਵੇਗੀ ਰਣਨੀਤੀ

  Punjab

• 

  PM ਮੋਦੀ ਖਿਲਾਫ ਦਰਜ ਕੇਸ ਖਿਲਾਫ ਪ੍ਰਦਰਸ਼ਨ: ਮਾਨਸਾ 'ਚ ਕਿਸਾਨਾਂ ਨੇ ਕਾਲੀ ਪੱਗ ਬੰਨ੍ਹੀ, ਕਿਹਾ- ਸਰਕਾਰ ਕੇਸ ਵਾਪਸ ਲਵੇ

  Punjab

• 

  ਪੀਐਮ ਦੀ ਸੁਰੱਖਿਆ 'ਚ ਲਾਪਰਵਾਹੀ ਦਾ ਮਾਮਲਾ: 25 ਮੁਲਜ਼ਮਾਂ ਖਿਲਾਫ ਵਾਰੰਟ ਜਾਰੀ, ਦੋਸ਼ੀ ਅਧਿਕਾਰੀਆਂ ਖਿਲਾਫ ਵੀ ਚੱਲ ਰਹੀ ਜਾਂਚ

  Punjab

• 

  3 ਨਗਰ ਕੌਂਸਲਾਂ ਦੀਆਂ ਚੋਣਾਂ 10 ਮਾਰਚ ਤੱਕ ਹੋਣਗੀਆਂ: ਪੰਜਾਬ ਚੋਣ ਕਮਿਸ਼ਨ ਨੇ ਹਾਈਕੋਰਟ 'ਚ ਦਿੱਤਾ ਜਵਾਬ, 27 ਜਨਵਰੀ ਨੂੰ ਹੋਵੇਗੀ ਸੁਣਵਾਈ

  Punjab