New Rail Line: ਹੁਣ ਪੰਜਾਬ ਤੋਂ ਬਿਹਾਰ ਆਸਾਨੀ ਨਾਲ ਭੇਜਿਆ ਜਾ ਸਕੇਗਾ ਮਾਲ, ਜਾਣੋ ਕਿਵੇਂ

New Rail Line: ਸਾਹਨੇਵਾਲ ਤੋਂ ਖੁਜਰਾ ਤੱਕ 401 ਕਿਲੋਮੀਟਰ ਨਵੀਂ ਲਾਈਨ ਰਾਹੀਂ ਹੁਣ ਮਾਲ ਭੇਜਿਆ ਜਾਵੇਗਾ। ਖੁਜਰਾ ਤੋਂ ਦਾਦਰੀ 46 ਕਿਲੋਮੀਟਰ ਅਤੇ ਖੁਜਰਾ ਤੋਂ ਸੋਨ ਨਗਰ 890 ਕਿਲੋਮੀਟਰ ਵਿਛਾਈ ਗਈ ਹੈ। ਇਸੇ ਤਰ੍ਹਾਂ 1337 ਕਿਲੋਮੀਟਰ ਦਾ ਇਹ ਪ੍ਰਾਜੈਕਟ 100 ਫੀਸਦੀ ਮੁਕੰਮਲ ਹੋ ਗਿਆ ਹੈ। ਇਸੇ ਤਰ੍ਹਾਂ 938 ਕਿਲੋਮੀਟਰ ਪੱਛਮੀ ਕੋਰੀਡੋਰ ਲਾਈਨ ਵਿਛਾਈ ਜਾ ਚੁੱਕੀ ਹੈ।

Last Updated : 28 January 2024, 11:21 AM IST

New Rail Line: ਹੁਣ ਪੰਜਾਬ ਤੋਂ ਬਿਹਾਰ ਆਸਾਨੀ ਨਾਲ ਮਾਲ ਭੇਜਿਆ ਜਾ ਸਕੇਗਾ। ਇਸ ਲਈ ਲੁਧਿਆਣਾ ਤੋਂ ਬਿਹਾਰ ਦੇ ਸੋਨਾਨਗਰ ਤੱਕ ਮਾਲ ਦੀ ਢੁਲਾਈ ਲਈ ਵਿਸ਼ੇਸ਼ ਰੇਲ ਲਾਈਨ ਵਿਛਾਈ ਗਈ ਹੈ। ਸਾਹਨੇਵਾਲ ਤੋਂ ਖੁਜਰਾ ਤੱਕ 401 ਕਿਲੋਮੀਟਰ ਨਵੀਂ ਲਾਈਨ ਰਾਹੀਂ ਹੁਣ ਮਾਲ ਭੇਜਿਆ ਜਾਵੇਗਾ। ਖੁਜਰਾ ਤੋਂ ਦਾਦਰੀ 46 ਕਿਲੋਮੀਟਰ ਅਤੇ ਖੁਜਰਾ ਤੋਂ ਸੋਨ ਨਗਰ 890 ਕਿਲੋਮੀਟਰ ਵਿਛਾਈ ਗਈ ਹੈ। ਇਸੇ ਤਰ੍ਹਾਂ 1337 ਕਿਲੋਮੀਟਰ ਦਾ ਇਹ ਪ੍ਰਾਜੈਕਟ 100 ਫੀਸਦੀ ਮੁਕੰਮਲ ਹੋ ਗਿਆ ਹੈ। ਇਸੇ ਤਰ੍ਹਾਂ 938 ਕਿਲੋਮੀਟਰ ਪੱਛਮੀ ਕੋਰੀਡੋਰ ਲਾਈਨ ਵਿਛਾਈ ਜਾ ਚੁੱਕੀ ਹੈ। ਹੁਣ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਸਦਾ ਪ੍ਰੋਜੈਕਟ ਦਾ ਉਦਘਾਟਨ ਹਰੀ ਝੰਡੀ ਦਿਖਾ ਕੇ ਕਰਨਗੇ। ਅਜੇ ਉਦਘਾਟਨ ਦੀ ਤਰੀਕ ਨਹੀਂ ਹੋ ਪਾਈ ਹੈ, ਪਰ ਦਸਿਆ ਜਾ ਰਿਹਾ ਹੈ ਕਿ ਜਲਦ ਹੀ ਇਸ ਪ੍ਰੋਜੈਕਟ ਦਾ ਉਦਘਾਟਨ ਕੀਤਾ ਜਾਵੇਗਾ। ਇਸ ਨੂੰ ਲੈ ਕੇ ਤਿਆਰੀ ਵੀ ਸ਼ੁਰੂ ਹੋ ਚੁੱਕੀ ਹੈ।

ਜਾਣੋ ਕੀ ਹੋਵੇਗਾ ਨਵੀਂ ਰੇਲਵੇ ਲਾਈਨ ਵਿਛਾਉਣ ਦਾ ਫਾਇਦਾ?

ਪੰਜਾਬ ਹੁਣ ਬਿਹਾਰ ਅਤੇ ਮੁੰਬਈ ਨੂੰ ਮਾਲ ਢੋਆ-ਢੁਆਈ ਲਈ ਜੁੜਨ ਜਾ ਰਿਹਾ ਹੈ। ਸਿਰਫ਼ ਮਾਲ ਗੱਡੀਆਂ ਲਈ ਵਿਛਾਈ ਵਿਸ਼ੇਸ਼ ਲਾਈਨ ਦੇ ਨਿਰਮਾਣ ਨਾਲ ਯਾਤਰੀ ਰੇਲ ਗੱਡੀਆਂ ਦੀ ਗਿਣਤੀ ਵੀ ਵਧੇਗੀ। ਫਿਲਹਾਲ ਯਾਤਰੀ ਅਤੇ ਮਾਲ ਗੱਡੀਆਂ ਇੱਕੋ ਲਾਈਨ 'ਤੇ ਚੱਲ ਰਹੀਆਂ ਹਨ। ਇਸ ਰੂਟ 'ਤੇ ਹੋਰ 13 ਸਟੇਸ਼ਨਾਂ ਤੋਂ ਵੀ ਮਾਲ ਗੱਡੀਆਂ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਜਾਵੇਗਾ। ਮਾਲ ਗੱਡੀਆਂ ਨੂੰ ਵੱਖਰੇ ਤੌਰ 'ਤੇ ਚਲਾਉਣ ਨਾਲ ਜਿੱਥੇ ਯਾਤਰੀ ਟ੍ਰੇਨਾਂ ਦੀ ਰਫ਼ਤਾਰ ਵਧਾਈ ਜਾਵੇਗੀ, ਉੱਥੇ ਹੀ ਨਵੀਆਂ ਟ੍ਰੇਨਾਂ ਵੀ ਮਿਲਣੀਆਂ ਸ਼ੁਰੂ ਹੋ ਜਾਣਗੀਆਂ।

ਕਈ-ਕਈ ਘੰਟੇ ਫਸੀਆਂ ਰਹਿੰਦੀਆਂ ਟ੍ਰੇਨਾਂ

ਮਾਲ ਗੱਡੀਆਂ ਦੀ ਰਫ਼ਤਾਰ ਘੱਟ ਹੋਣ ਜਾਂ ਉਨ੍ਹਾਂ ਦੇ ਲੇਟ ਹੋਣ ਦੇ ਕਈ ਕਾਰਨ ਹਨ। ਕਈ ਵਾਰ ਇਨ੍ਹਾਂ ਮਾਲ ਗੱਡੀਆਂ ਨੂੰ ਜ਼ਰੂਰੀ ਟ੍ਰੇਨਾਂ ਨੂੰ ਲੰਘਣ ਲਈ ਰੋਕ ਦਿੱਤਾ ਜਾਂਦਾ ਹੈ। ਇਨ੍ਹਾਂ ਨੂੰ ਉਦੋਂ ਤੱਕ ਨਹੀਂ ਚਲਾਇਆ ਜਾਂਦਾ ਜਦੋਂ ਤੱਕ ਟਰੇਨ ਪਾਰ ਨਹੀਂ ਹੋ ਜਾਂਦੀ। ਇਸੇ ਤਰ੍ਹਾਂ ਕਈ ਵਾਰ ਇਨ੍ਹਾਂ ਗੱਡੀਆਂ ਨੂੰ ਵਿਹੜੇ ਵਿੱਚ ਹੀ ਰੋਕ ਦਿੱਤਾ ਜਾਂਦਾ ਹੈ, ਜਿੱਥੇ ਇਹ ਕਈ-ਕਈ ਘੰਟੇ ਫਸੀਆਂ ਰਹਿੰਦੀਆਂ ਹਨ। ਇਸ ਕਾਰਨ ਇਹ ਟ੍ਰੇਨਾਂ ਲੇਟ ਹੋ ਰਹੀਆਂ ਹਨ। ਇਸ ਨਾਲ ਉਨ੍ਹਾਂ ਦੀ ਸਪੀਡ ਵੀ ਪ੍ਰਭਾਵਿਤ ਹੁੰਦੀ ਹੈ।

ਕਾਰੋਬਾਰੀਆਂ ਨੂੰ ਕੀ ਹੋਵੇਗਾ ਫਾਇਦਾ?

ਨਵੀਂ ਲਾਈਨ ਬਿਛਣ ਦਾ ਸਭ ਤੋਂ ਵੱਧ ਫਾਇਦਾ ਲੁਧਿਆਣਾ, ਜਲੰਧਰ ਦੇ ਕਾਰੋਬਾਰੀਆਂ ਨੂੰ ਹੋਵੇਗਾ। ਲੁਧਿਆਣਾ ਤੋਂ ਸਾਈਕਲ, ਸਾਈਕਲ ਪਾਰਟਸ, ਸਵੈਟਰ, ਸ਼ਾਲ, ਕੰਬਲ ਆਦਿ ਭੇਜੇ ਜਾਂਦੇ ਹਨ। ਇਸਦੇ ਨਾਲ ਹੀ ਜਲੰਧਰ ਵਿੱਚ ਤਿਆਰ ਹੋਣ ਵਾਲਾ ਸਪੋਰਟਸ ਦਾ ਸਮਾਨ ਵੀ ਆਸਾਨੀ ਨਾਲ ਬਿਹਾਰ ਭੇਜਿਆ ਜਾ ਸਕੇਗਾ।