ਲਾਪਰਵਾਹੀ ਦੀਆਂ ਹੱਦਾਂ ਪਾਰ - ਇੱਕੋ ਸਕੂਟਰੀ ਦਾ 311 ਵਾਰ ਚਲਾਨ, 1.61 ਲੱਖ ਰੁਪਏ ਜੁਰਮਾਨਾ 

ਕਾਨੂੰਨ ਦੀ ਉਲੰਘਣਾ ਤਾਂ ਬਹੁਤ ਦੇਖੀ ਹੋਵੇਗੀ ਪ੍ਰੰਤੂ ਅਜਿਹਾ ਮਾਮਲਾ ਸ਼ਾਇਦ ਹੀ ਸਾਮਣੇ ਆਇਆ ਹੋਵੇ ਕਿ ਕਿਸੇ ਵਿਅਕਤੀ ਨੇ ਆਪਣੇ ਸ਼ਹਿਰ ਅੰਦਰ ਵਾਰ ਵਾਰ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕੀਤੀ ਹੋਵੇ ਤੇ ਉਸਦਾ ਤਿੰਨ ਸੌ ਤੋਂ ਵੱਧ ਵਾਰ ਚਲਾਨ ਹੋਇਆ ਹੋਵੇ। ਇਸਦੇ ਜੁਰਮਾਨੇ ਵਜੋਂ ਭਰੀ ਰਕਮ ਦੀ ਕੀਮਤ ਵੀ ਸਕੂਟਰੀ ਨਾਲੋਂ ਕਿਤੇ ਜ਼ਿਆਦਾ ਦੱਸੀ ਜਾ ਰਹੀ ਹੈ। 

ਕਰਨਾਟਕ ਦੇ ਬੈਂਗਲੁਰੂ ਵਿੱਚ ਇੱਕ ਵਿਅਕਤੀ ਨੇ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ। ਉਸਨੇ ਸਕੂਟਰੀ 'ਤੇ ਸੈਂਕੜੇ ਵਾਰ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕੀਤੀ। ਇੰਨੇ ਚਲਾਨ ਕੀਤੇ ਗਏ ਕਿ ਚਲਾਨ ਵਾਹਨ ਦੀ ਕੀਮਤ ਤੋਂ ਵੱਧ ਗਏ। ਇਹ ਮਾਮਲਾ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ ਅਤੇ ਲੋਕ ਤਿੱਖੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਕੇਰਲ ਰਜਿਸਟ੍ਰੇਸ਼ਨ ਨੰਬਰ ਵਾਲੇ ਦੋਪਹੀਆ ਵਾਹਨ ਨੂੰ 311 ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ 'ਤੇ 1.61 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ ਹੈ।

ਵਾਹਨ ਮਾਲਕਾਂ ਨੂੰ ਕਈ ਵਾਰ ਨੋਟਿਸ ਭੇਜੇ 

ਸੂਤਰਾਂ ਅਨੁਸਾਰ ਮਾਰਚ 2023 ਤੱਕ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ 'ਤੇ ਵਾਹਨ ਨੂੰ 311 ਵਾਰ ਜੁਰਮਾਨਾ ਲਗਾਇਆ ਗਿਆ ਸੀ। ਇਹ ਚਲਾਨ ਜ਼ਿਆਦਾਤਰ ਸ਼ਹਿਰ ਵਿੱਚ ਵੱਖ-ਵੱਖ ਥਾਵਾਂ ’ਤੇ ਲੱਗੇ ਕੈਮਰਿਆਂ ਦੀ ਵਰਤੋਂ ਕਰਕੇ ਜਾਰੀ ਕੀਤੇ ਗਏ। ਬੈਂਗਲੁਰੂ ਪੁਲਿਸ ਨੇ ਇੱਕ ਵਾਇਰਲ ਪੋਸਟ ਦੇ ਜਵਾਬ ਵਿੱਚ ਦਾਅਵਾ ਕੀਤਾ ਕਿ ਇੱਕ ਵਿਅਕਤੀ ਨੂੰ ਟ੍ਰੈਫਿਕ ਜੁਰਮਾਨੇ ਵਜੋਂ 1.61 ਲੱਖ ਰੁਪਏ ਤੋਂ ਵੱਧ ਦਾ ਜੁਰਮਾਨਾ ਕੀਤਾ ਗਿਆ ਹੈ।  ਪਿਛਲੇ ਸਾਲ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ 'ਤੇ ਜੁਰਮਾਨਾ 105500 ਰੁਪਏ ਸੀ, ਪਰ ਇਸ ਸਾਲ ਇਹ ਵਧ ਕੇ 161500 ਰੁਪਏ ਹੋ ਗਿਆ ਹੈ। ਇਸ ਸਬੰਧੀ ਵਾਹਨ ਮਾਲਕਾਂ ਨੂੰ ਕਈ ਵਾਰ ਨੋਟਿਸ ਵੀ ਦਿੱਤੇ ਜਾ ਚੁੱਕੇ ਹਨ।

ਪੁਲਿਸ ਨੇ ਵਾਹਨ ਕੀਤਾ ਜ਼ਬਤ 

ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਸ਼ਿਕਾਇਤਾਂ ਵਧਣ ਤੋਂ ਬਾਅਦ ਬੈਂਗਲੁਰੂ ਟ੍ਰੈਫਿਕ ਪੁਲਿਸ ਨੇ ਕਾਰਵਾਈ ਕੀਤੀ। ਇਸ ਦੇ ਆਧਾਰ ’ਤੇ ਸਿਟੀ ਮਾਰਕੀਟ ਟਰੈਫਿਕ ਪੁਲੀਸ ਨੇ ਦੋਪਹੀਆ ਵਾਹਨ ਜ਼ਬਤ ਕਰ ਲਿਆ। ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਵਿੱਚ ਸਵਾਰੀਆਂ ਵੱਲੋਂ ਹੈਲਮੇਟ ਨਾ ਪਾਉਣਾ, ਜੰਪਿੰਗ ਸਿਗਨਲ, ਵਨ-ਵੇ ਡਰਾਈਵਿੰਗ ਅਤੇ ਪਾਬੰਦੀਸ਼ੁਦਾ ਖੇਤਰਾਂ ਵਿੱਚ ਪਾਰਕਿੰਗ ਸਮੇਤ ਕਈ ਹੋਰ ਟਰੈਫਿਕ ਨਿਯਮ ਸ਼ਾਮਲ ਹਨ। ਇਹ ਜੁਰਮਾਨਾ ਦੋਪਹੀਆ ਵਾਹਨ ਦੀ ਕੀਮਤ ਤੋਂ ਵੱਧ ਹੈ। 

• 

  ਪੰਜਾਬ 'ਚ ਪੋਲੀਥੀਨ ਦੀ ਵਰਤੋਂ ਦਾ ਮਸਲਾ - ਹਾਈਕਰੋਟ ਨੇ ਸਰਕਾਰ ਤੋਂ ਮੰਗਿਆ ਜਵਾਬ

  Punjab

• 

  Murder: ਬਠਿੰਡਾ ਵਿੱਚ ਗੈਂਗਸਟਰ ਦਾ ਕਤਲ, ਗੁਆਂਢੀ ਨੇ ਮਾਰੀਆਂ 2 ਗੋਲੀਆਂ

  Punjab

• 

  33 ਸਾਲਾ ਮਾਨਸਿਕ ਤੌਰ 'ਤੇ ਬਿਮਾਰ ਨੌਜਵਾਨ ਦੇ ਪੇਟ ਵਿੱਚੋਂ 300 ਰੁਪਏ ਦੇ 33 ਸਿੱਕੇ ਕੱਢੇ, ਪੇਟ ਦਰਦ ਦੀ ਸ਼ਿਕਾਇਤ ਲੈ ਕੇ ਪਹੁੰਚਿਆ ਸੀ ਹਸਪਤਾਲ

  Punjab

• 

  4 ਸਾਲ ਪੁਰਾਣਾ ਮਾਮਲਾ: ਪੰਜਾਬ ਦੇ 3 'ਆਪ' ਆਗੂਆਂ ਵਿਰੁੱਧ ਟ੍ਰਾਈਲ ਸ਼ੁਰੂ

  Punjab

• 

  70 ਦਿਨ ਤੇ 11 ਬੰਬ ਹਮਲੇ, ਅੰਮ੍ਰਿਤਸਰ ਵਿੱਚ ਧਮਾਕੇ ਵਾਲੀ ਥਾਂ 'ਤੇ ਮਿਲਿਆ ਗ੍ਰਨੇਡ ਲੀਵਰ, ਸੀਸੀਟੀਵੀ ਵਿੱਚ ਦਿਖੇ ਦੋ ਸ਼ੱਕੀ,ਸਵਾਲਾਂ ਦੇ ਘੇਰੇ ਵਿੱਚ ਪੰਜਾਬ ਪੁਲਿਸ

  Punjab