ਅੰਮ੍ਰਿਤਸਰ 'ਚ ਨਵਾਂ ਮੇਅਰ ਬਣਦੇ ਹੀ ਵੱਡੇ ਪੱਧਰ 'ਤੇ ਬਦਲੀਆਂ, ਜਾਣੋ ਕਿਸਨੂੰ ਕਿੱਥੇ ਲਗਾਇਆ

ਨਿਗਮ ਕਮਿਸ਼ਨਰ ਦੇ ਹੁਕਮਾਂ 'ਤੇ ਨਗਰ ਨਿਗਮ ਯੋਜਨਾ ਵਿਭਾਗ ਅਤੇ ਹੋਰਨਾਂ ਵਿਭਾਗਾਂ 'ਚ ਵੱਡਾ ਫੇਰਬਦਲ ਕੀਤਾ ਹੈ। ਸਭ ਤੋਂ ਵੱਧ ਫੇਰਬਦਲ ਕੇਂਦਰੀ ਜ਼ੋਨ ਵਿੱਚ ਦੇਖਿਆ ਗਿਆ ਹੈ। ਇਨ੍ਹਾਂ ਪ੍ਰਸ਼ਾਸਕੀ ਤਬਦੀਲੀਆਂ ਦਾ ਉਦੇਸ਼ ਨਗਰ ਨਿਗਮ ਦੇ ਕੰਮਕਾਜ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣਾ ਹੈ, ਤਾਂ ਜੋ ਸ਼ਹਿਰ ਵਿੱਚ ਵਿਕਾਸ ਕਾਰਜ ਸੁਚਾਰੂ ਢੰਗ ਨਾਲ ਨੇਪਰੇ ਚਾੜ੍ਹੇ ਜਾ ਸਕਣ। 

ਪੰਜਾਬ ਨਿਊਜ਼। ਅੰਮ੍ਰਿਤਸਰ ਨਗਰ ਨਿਗਮ ਨੂੰ ਨਵਾਂ ਮੇਅਰ ਮਿਲਣ ਤੋਂ ਬਾਅਦ ਮੁਲਾਜ਼ਮਾਂ ਦੀਆਂ ਬਦਲੀਆਂ ਦਾ ਦੌਰ ਵੀ ਸ਼ੁਰੂ ਹੋ ਗਿਆ ਹੈ। ਨਵੇਂ ਮੇਅਰ ਮੋਤੀ ਭਾਟੀਆ ਨੇ ਆਉਂਦੇ ਹੀ ਬਦਲੀਆਂ ਦੀ ਝੜੀ ਲਗਾ ਦਿੱਤੀ ਹੈ। ਜਿਸਤੋਂ ਬਾਅਦ ਨਗਰ ਨਿਗਮ ਕਮਿਸ਼ਨਰ ਦੇ ਹੁਕਮਾਂ 'ਤੇ ਨਗਰ ਨਿਗਮ ਯੋਜਨਾ ਵਿਭਾਗ ਅਤੇ ਹੋਰਨਾਂ ਵਿਭਾਗਾਂ 'ਚ ਵੱਡਾ ਫੇਰਬਦਲ ਕੀਤਾ ਹੈ। ਸਭ ਤੋਂ ਵੱਧ ਫੇਰਬਦਲ ਕੇਂਦਰੀ ਜ਼ੋਨ ਵਿੱਚ ਦੇਖਿਆ ਗਿਆ ਹੈ। ਨਗਰ ਨਿਗਮ ਐਮਟੀਪੀ ਵਿਭਾਗ ਵਿੱਚ ਫੇਰਬਦਲ ਦੇ ਤਹਿਤ, ਐਮਟੀਪੀ ਮੇਹਰਬਾਨ ਸਿੰਘ ਨੂੰ ਕੇਂਦਰੀ ਜ਼ੋਨ ਦੇ ਸੈਕਟਰ 1 ਅਤੇ 4 ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ, ਜਦੋਂ ਕਿ ਐਮਟੀਪੀ ਨਰਿੰਦਰ ਸ਼ਰਮਾ ਨੂੰ ਸੈਕਟਰ  2 ਤੇ 3 ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ। 

ATP ਕੀਤੇ ਇੱਧਰ-ਉੱਧਰ

ਇਸੇ ਤਰ੍ਹਾਂ, ਸੈਂਟਰਲ ਜ਼ੋਨ ਵਿੱਚ ਤਿੰਨ ਏਟੀਪੀ (ਸਹਾਇਕ ਟਾਊਨ ਪਲੈਨਰ) ਤਾਇਨਾਤ ਕੀਤੇ ਗਏ ਹਨ। ਏਟੀਪੀ ਵਰਿੰਦਰ ਮੋਹਨ ਨੂੰ ਸੈਕਟਰ 1 ਅਤੇ 4 ਦਾ ਚਾਰਜ, ਏਟੀਪੀ ਗੁਰਵਿੰਦਰ ਸਿੰਘ ਨੂੰ ਸੈਕਟਰ 2 ਦਾ ਚਾਰਜ ਅਤੇ ਏਟੀਪੀ ਪਰਮਿੰਦਰ ਜੀਤ ਸਿੰਘ ਨੂੰ ਸੈਕਟਰ 3 ਦਾ ਚਾਰਜ ਦਿੱਤਾ ਗਿਆ ਹੈ। ਨਗਰ ਨਿਗਮ ਪ੍ਰਸ਼ਾਸਨ ਨੇ ਹੋਰ ਵਿਭਾਗਾਂ ਦੇ 19 ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਦੇ ਤਬਾਦਲੇ ਕੀਤੇ ਹਨ।  ਨਗਰ ਨਿਗਮ ਕਮਿਸ਼ਨਰ ਗੁਲਪ੍ਰੀਤ ਸਿੰਘ ਔਲਖ ਨੇ ਕਿਹਾ ਕਿ ਇਨ੍ਹਾਂ ਪ੍ਰਸ਼ਾਸਕੀ ਤਬਦੀਲੀਆਂ ਦਾ ਉਦੇਸ਼ ਨਗਰ ਨਿਗਮ ਦੇ ਕੰਮਕਾਜ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣਾ ਹੈ, ਤਾਂ ਜੋ ਸ਼ਹਿਰ ਵਿੱਚ ਵਿਕਾਸ ਕਾਰਜ ਸੁਚਾਰੂ ਢੰਗ ਨਾਲ ਨੇਪਰੇ ਚਾੜ੍ਹੇ ਜਾ ਸਕਣ। 

ਬਿਲਡਿੰਗ ਇੰਸਪੈਕਟਰਾਂ ਦੀਆਂ ਨਵੀਆਂ ਨਿਯੁਕਤੀਆਂ 

ਕੇਂਦਰੀ ਜੋਨ ਵਿੱਚ ਬਿਲਡਿੰਗ ਇੰਸਪੈਕਟਰਾਂ ਦੀਆਂ ਨਵੀਆਂ ਨਿਯੁਕਤੀਆਂ ਵੀ ਕੀਤੀਆਂ ਗਈਆਂ। ਬਿਲਡਿੰਗ ਇੰਸਪੈਕਟਰ ਮਨੀਸ਼ ਅਰੋੜਾ ਨੂੰ ਸੈਕਟਰ 1 ਅਤੇ 4 ਦਾ ਚਾਰਜ ਦਿੱਤਾ ਗਿਆ ਹੈ ਅਤੇ ਬਿਲਡਿੰਗ ਇੰਸਪੈਕਟਰ ਨਿਤਿਨ ਧੀਰ ਨੂੰ ਸੈਕਟਰ 2 ਅਤੇ 3 ਦਾ ਚਾਰਜ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ, ਏਟੀਪੀ ਪਰਮਿੰਦਰ ਜੀਤ ਸਿੰਘ ਨੂੰ ਉੱਤਰੀ ਜ਼ੋਨ ਵਿੱਚ ਤਾਇਨਾਤ ਕੀਤਾ ਗਿਆ ਹੈ। ਬਿਲਡਿੰਗ ਇੰਸਪੈਕਟਰ ਅਰੁਣ ਅਰੋੜਾ ਨੂੰ ਉੱਤਰੀ ਜ਼ੋਨ ਦੇ ਸੈਕਟਰ 1 ਦਾ ਚਾਰਜ ਦਿੱਤਾ ਗਿਆ ਹੈ, ਜਦੋਂ ਕਿ ਬਿਲਡਿੰਗ ਇੰਸਪੈਕਟਰ ਕੁਲਵਿੰਦਰ ਕੌਰ ਨੂੰ ਸੈਕਟਰ 2, 3 ਅਤੇ 4 ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ। ਏਟੀਪੀ ਅੰਗਦ ਸਿੰਘ ਨੂੰ ਪੱਛਮੀ ਜ਼ੋਨ ਵਿੱਚ ਜ਼ਿੰਮੇਵਾਰੀ ਸੌਂਪੀ ਗਈ ਹੈ। ਬਿਲਡਿੰਗ ਇੰਸਪੈਕਟਰ ਨਵਜੋਤ ਕੌਰ ਨੂੰ ਪੱਛਮੀ ਜ਼ੋਨ ਦੇ ਸੈਕਟਰ 1 ਅਤੇ 2 ਦਾ ਚਾਰਜ ਦਿੱਤਾ ਗਿਆ ਹੈ, ਜਦੋਂ ਕਿ ਏਟੀਪੀ ਅੰਗਦ ਸਿੰਘ ਨੂੰ ਸੈਕਟਰ 3 ਅਤੇ 4 ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਦੱਖਣੀ ਜ਼ੋਨ ਵਿੱਚ ਵੀ ਵੱਡੇ ਬਦਲਾਅ ਕੀਤੇ ਗਏ ਹਨ। ਏਟੀਪੀ ਵਜ਼ੀਰ ਰਾਜ ਨੂੰ ਦੱਖਣੀ ਜ਼ੋਨ ਦਾ ਚਾਰਜ ਦਿੱਤਾ ਗਿਆ ਹੈ। ਬਿਲਡਿੰਗ ਇੰਸਪੈਕਟਰ ਰਾਜਰਾਣੀ ਨੂੰ ਦੱਖਣੀ ਜ਼ੋਨ ਦੇ ਸੈਕਟਰ 1 ਅਤੇ 3 ਦਾ ਚਾਰਜ ਦਿੱਤਾ ਗਿਆ ਹੈ ਅਤੇ ਬਿਲਡਿੰਗ ਇੰਸਪੈਕਟਰ ਪਾਰਸ ਨੂੰ ਸੈਕਟਰ 2 ਅਤੇ 4 ਦਾ ਚਾਰਜ ਦਿੱਤਾ ਗਿਆ ਹੈ। ਪੂਰਬੀ ਜ਼ੋਨ ਵਿੱਚ ਵੀ ਤਬਾਦਲੇ ਕੀਤੇ ਗਏ ਹਨ। ਏਟੀਪੀ ਗੁਰਵਿੰਦਰ ਸਿੰਘ ਨੂੰ ਪੂਰਬੀ ਜ਼ੋਨ ਦਾ ਚਾਰਜ ਦਿੱਤਾ ਗਿਆ ਹੈ, ਜਦੋਂ ਕਿ ਬਿਲਡਿੰਗ ਇੰਸਪੈਕਟਰ ਰੋਹਿਣੀ ਨੂੰ ਸੈਕਟਰ 1 ਅਤੇ 2 ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ ਅਤੇ ਬਿਲਡਿੰਗ ਇੰਸਪੈਕਟਰ ਸੁਖਵਿੰਦਰ ਸਿੰਘ ਨੂੰ ਸੈਕਟਰ 3 ਅਤੇ 4 ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ।

• 

  ਲਾਰੈਂਸ ਇੰਟਰਵਿਊ ਮਾਮਲਾ - DGP ਪ੍ਰਬੋਧ ਕੁਮਾਰ ਹੀ ਕਰਨਗੇ ਜਾਂਚ, 31 ਜਨਵਰੀ ਨੂੰ ਹੋ ਰਹੇ ਰਿਟਾਇਰ 

  Punjab

• 

  ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਦਿੱਲੀ ਸਥਿਤ ਘਰ 'ਤੇ ਛਾਪਾ! ਚੋਣ ਕਮਿਸ਼ਨ ਨੇ ਕੀਤਾ ਇਨਕਾਰ

  Punjab

• 

  ਅੰਮ੍ਰਿਤਸਰ ਘਟਨਾ - ਰਾਜਪਾਲ ਨੂੰ ਮਿਲੇ ਭਾਜਪਾ ਆਗੂ, ਗੰਭੀਰਤਾ ਨਾਲ ਜਾਂਚ ਦੀ ਮੰਗ

  Punjab

• 

  Special 30: ਲੁਧਿਆਣਾ ਅਤੇ ਅੰਮ੍ਰਿਤਸਰ ਦੇ ਅਧਿਕਾਰੀਆਂ ਦੀ ਛਾਪੇਮਾਰੀ, 79.4 ਕਰੋੜ ਰੁਪਏ ਦੀ ਜਾਅਲੀ ਬਿਲਿੰਗ ਦਾ ਪਰਦਾਫਾਸ਼

  Punjab

• 

  Chandighar: 'ਆਪ'-ਕਾਂਗਰਸ ਗੱਠਜੋੜ ਕੋਲ ਬਹੁਮਤ ਹੋਣ ਬਾਵਜੂਦ ਭਾਜਪਾ ਦਾ ਬਣਿਆ ਮੇਅਰ,ਕਿੱਥੇ ਪਲਟ ਗਈ ਬਾਜ਼ੀ

  Punjab