ਲੁਧਿਆਣਾ 'ਚ ਦੇਖਿਆ ਗਿਆ ਚੀਤਾ, ਲੋਕਾਂ 'ਚ ਦਹਿਸ਼ਤ ਦਾ ਮਾਹੌਲ, ਜੰਗਲਾਤ ਮਹਿਕਮਾ ਭਾਲ 'ਚ ਲੱਗਿਆ 

ਰਾਤ ਨੂੰ ਲਗਭਗ 2 ਵਜੇ ਘਰ ਦੀ ਛੱਤ 'ਤੇ ਬਹੁਤ ਆਵਾਜ਼ ਆਈ। ਉਸਨੇ ਸੋਚਿਆ ਕਿ ਸ਼ਾਇਦ ਚੋਰ ਹੋਣਗੇ। ਫਿਰ ਦੇਖਿਆ ਗਿਆ ਕਿ ਇੱਕ ਚੀਤਾ ਸੀ ਜੋ ਉੱਥੋਂ ਭੱਜ ਗਿਆ। ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ ਜੋ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ ਹੈ।

ਲੁਧਿਆਣਾ ਦੇ ਸਮਰਾਲਾ ਵਿੱਚ ਇੱਕ ਘਰ ਵਿੱਚ ਚੀਤਾ ਵੜ ਗਿਆ। ਇਸਦਾ ਸੀਸੀਟੀਵੀ ਵੀ ਸਾਹਮਣੇ ਆਇਆ ਹੈ। ਦੇਰ ਰਾਤ ਚੀਤਾ ਟੋਡਰਪੁਰ ਪਿੰਡ ਦੇ ਇੱਕ ਘਰ ਦੀ ਛੱਤ 'ਤੇ ਸੀ। ਪੂਰੇ ਪਿੰਡ ਵਿੱਚ ਦਹਿਸ਼ਤ ਦਾ ਮਾਹੌਲ ਹੈ ਅਤੇ ਲੋਕ ਘਰਾਂ ਤੋਂ ਬਾਹਰ ਨਿਕਲਣ ਤੋਂ ਡਰ ਰਹੇ ਹਨ। ਦੂਜੇ ਪਾਸੇ, ਜੰਗਲਾਤ ਵਿਭਾਗ ਨੇ ਚੀਤੇ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਪਿੰਡ ਵਾਸੀ ਖੁਦ ਰਾਤ ਨੂੰ ਪਹਿਰਾ ਵੀ ਦੇਣਗੇ।

ਸ਼ੋਸ਼ਲ ਮੀਡੀਆ 'ਤੇ ਵੀਡਿਓ ਵਾਇਰਲ 

ਟੋਡਰਪੁਰ ਦੇ ਗੁਰਦੀਪ ਸਿੰਘ ਨੇ ਦੱਸਿਆ ਕਿ ਰਾਤ ਨੂੰ ਲਗਭਗ 2 ਵਜੇ ਘਰ ਦੀ ਛੱਤ 'ਤੇ ਬਹੁਤ ਆਵਾਜ਼ ਆਈ। ਉਸਨੇ ਸੋਚਿਆ ਕਿ ਸ਼ਾਇਦ ਚੋਰ ਹੋਣਗੇ। ਫਿਰ ਦੇਖਿਆ ਗਿਆ ਕਿ ਇੱਕ ਚੀਤਾ ਸੀ ਜੋ ਉੱਥੋਂ ਭੱਜ ਗਿਆ। ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ ਜੋ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ ਹੈ। ਸਵੇਰੇ 3 ਵਜੇ ਪਿੰਡ ਦੇ ਲੋਕ ਇਕੱਠੇ ਹੋਏ ਅਤੇ ਪਿੰਡ ਦੇ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਰਾਹੀਂ ਪਿੰਡ ਵਿੱਚ ਮੁਨਾਦੀ ਕਰਾਈ ਕਿ ਇੱਕ ਜੰਗਲੀ ਜਾਨਵਰ ਪਿੰਡ ਵਿੱਚ ਆ ਗਿਆ ਹੈ। ਆਪਣਾ, ਆਪਣੇ ਬੱਚਿਆਂ ਦਾ ਅਤੇ ਆਪਣੇ ਜਾਨਵਰਾਂ ਦਾ ਧਿਆਨ ਰੱਖੋ। ਇਹ ਜਾਣਕਾਰੀ ਸਮਰਾਲਾ ਪੁਲਿਸ ਅਤੇ ਸਬੰਧਤ ਵਿਭਾਗ ਨੂੰ ਦੇ ਦਿੱਤੀ ਗਈ। ਸਮਰਾਲਾ ਪੁਲਿਸ ਸਵੇਰੇ ਪਿੰਡ ਪਹੁੰਚੀ। 

ਕੁੱਤਿਆਂ ਨੂੰ ਖਾ ਗਿਆ ਚੀਤਾ 

ਗੁਰਦੀਪ ਸਿੰਘ ਨੇ ਦੱਸਿਆ ਕਿ ਪਿੰਡ ਵਿੱਚ ਜਾਗਰ ਸਿੰਘ ਦੇ ਘਰ ਦੀ ਛੱਤ 'ਤੇ ਇੱਕ ਚੀਤਾ ਸੀ। ਇਹ ਉਸਦੇ ਕੈਮਰੇ ਵਿੱਚ ਵੀ ਕੈਦ ਹੋ ਗਿਆ। ਪਿੰਡ ਵਿੱਚ ਚੌਕਸੀ ਵਧਾ ਦਿੱਤੀ ਗਈ ਹੈ। ਪਹਿਰਾ ਲਾਇਆ ਜਾ ਰਿਹਾ ਹੈ। ਉਸਨੇ ਦੱਸਿਆ ਕਿ ਦੋ ਦਿਨ ਪਹਿਲਾਂ ਪਿੰਡ ਵਿੱਚ ਦੋ ਕੁੱਤਿਆਂ ਨੂੰ ਬੁਰੀ ਤਰ੍ਹਾਂ ਨੋਚ ਕੇ ਮਾਰ ਦਿੱਤਾ ਗਿਆ ਸੀ। ਇਸਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਚੀਤਾ ਇਸ ਇਲਾਕੇ ਵਿੱਚ ਕਈ ਦਿਨਾਂ ਤੋਂ ਘੁੰਮ ਰਿਹਾ ਹੈ। ਮੌਕੇ 'ਤੇ ਪਹੁੰਚੇ ਐਸਐਚਓ ਸਮਰਾਲਾ ਪਵਿੱਤਰ ਸਿੰਘ ਨੇ ਕਿਹਾ ਕਿ ਸੀਸੀਟੀਵੀ ਵਿੱਚ ਇਹ ਜਾਨਵਰ ਚੀਤੇ ਵਰਗਾ ਦਿਖਾਈ ਦੇ ਰਿਹਾ ਹੈ। ਜੰਗਲਾਤ ਵਿਭਾਗ ਇਸਦੀ ਜਾਂਚ ਕਰ ਰਿਹਾ ਹੈ। ਪਿੰਡ ਦੇ ਲੋਕਾਂ ਨੂੰ ਜਾਗਰੂਕ ਕਰ ਦਿੱਤਾ ਗਿਆ ਹੈ।

• 

  Punjab Budget: 'ਬਦਲਦਾ ਪੰਜਾਬ' ਰੱਖੀ ਇਸ ਵਾਰ ਥੀਮ,ਟੈਬ ਤੇ ਚੜਾਇਆ ਗਿਆ ਫੁਲਕਾਰੀ ਕਵਰ, ਵਿੱਤ ਮੰਤਰੀ ਨੇ ਬਜਟ ਕਾਪੀ 'ਤੇ ਕੀਤੇ ਦਸਤਖਤ

  Punjab

• 

  ਚੰਡੀਗੜ੍ਹ ਵਿੱਚ 2394 ਖਿਡਾਰੀਆਂ ਨੂੰ ਸਕਾਲਰਸ਼ਿਪ ਮਿਲੀ, ਰਾਜਪਾਲ ਨੇ 10.18 ਕਰੋੜ ਰੁਪਏ ਦੇ ਵਜ਼ੀਫੇ ਦਿੱਤੇ

  Punjab

• 

  Weather Report: ਪੰਜਾਬ ਵਿੱਚ ਅੱਜ ਪੈ ਸਕਦਾ ਹੈ ਮੀਂਹ,ਮੌਸਮ ਵਿਭਾਗ ਨੇ ਜਾਰੀ ਕੀਤਾ ਯੈਲੋ ਅਲਰਟ

  Punjab

• 

  Punjab Budget: 'ਆਪ' ਸਰਕਾਰ ਦਾ ਅੱਜ ਚੌਥਾ ਬਜਟ,ਉਦਯੋਗ,ਸਿੱਖਿਆ,ਸਿਹਤ ਅਤੇ ਨਸ਼ਾ ਮੁਕਤ ਪੰਜਾਬ ਤੇ ਫੋਕਸ

  Punjab

• 

  ED ਨੇ ਬਰਖਾਸਤ ਨਾਇਬ ਤਹਿਸੀਲਦਾਰ ਤੇ ਸਾਬਕਾ ਪਟਵਾਰੀ ਦੀ ਕਰੋੜਾਂ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ

  Punjab