New Course: ਵਿਦੇਸ਼ਾਂ ਵਿੱਚ ਰੁਜ਼ਗਾਰ ਪਾਉਣ ਦੇ ਚਾਹਵਾਨਾਂ ਨੂੰ GNDU ਨੇ ਦਿੱਤੀ ਵੱਡੀ ਖ਼ੁਸ਼ਖਬਰੀ, ਜਾਣੋ ਕੋਰਸ ਕਰਨ ਦੇ ਕੀ ਫਾਇਦੇ?

New Course: ਇਹ ਕੋਰਸ ਵਿਦੇਸ਼ਾਂ ਵਿੱਚ ਅਰਲੀ ਚਾਈਲਡਹੁੱਡ ਪੇਸ਼ੇਵਰਾਂ ਦੀ ਮੰਗ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਇਹ ਕੋਰਸ ਕਰਨ ਵਾਲਿਆਂ ਨੂੰ ਹੁਣ ਪ੍ਰਾਈਵੇਟ ਸੰਸਥਾਵਾਂ ਤੋਂ ਛੋਟੇ ਕੋਰਸ ਕਰਨ ਦੀ ਲੋੜ ਨਹੀਂ ਪਵੇਗੀ। 

New Course: ਹੁਣ ਵਿਦੇਸ਼ਾਂ ਵਿੱਚ ਰੁਜ਼ਗਾਰ ਪਾਉਣ ਦੇ ਚਾਹਵਾਨ ਨੌਜਵਾਨਾਂ ਲਈ ਵੱਡੀ ਖ਼ਬਰ ਆ ਰਹੀ ਹੈ। ਅੰਮ੍ਰਿਤਸਰ ਦੀ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ (GNDU) ਨੇ ਬੈਚਲਰ ਆਫ਼ ਸਾਇੰਸ ਅਰਲੀ ਚਾਈਲਡਹੁੱਡ ਕੇਅਰ ਐਂਡ ਐਜੂਕੇਸ਼ਨ ਕੋਰਸ ਸ਼ੁਰੂ ਕੀਤਾ ਹੈ। GNDU ਦੇਸ਼ ਦੀ ਅਜਿਹੀ ਦੂਜੀ ਅਤੇ ਉੱਤਰੀ ਭਾਰਤ ਦੀ ਪਹਿਲੀ ਯੂਨੀਵਰਸਿਟੀ ਹੈ, ਜਿੱਥੇ ਇਹ ਕੋਰਸ ਸ਼ੁਰੂ ਕੀਤਾ ਗਿਆ ਹੈ। ਇਹ ਕੋਰਸ ਵਿਦੇਸ਼ਾਂ ਵਿੱਚ ਅਰਲੀ ਚਾਈਲਡਹੁੱਡ ਪੇਸ਼ੇਵਰਾਂ ਦੀ ਮੰਗ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਇਹ ਕੋਰਸ ਕਰਨ ਵਾਲਿਆਂ ਨੂੰ ਹੁਣ ਪ੍ਰਾਈਵੇਟ ਸੰਸਥਾਵਾਂ ਤੋਂ ਛੋਟੇ ਕੋਰਸ ਕਰਨ ਦੀ ਲੋੜ ਨਹੀਂ ਪਵੇਗੀ। ਨਾਲ ਹੀ ਡਿਗਰੀ ਧਾਰਕ ਨੂੰ ਬਿਨਾਂ ਕਿਸੇ ਮੁਸ਼ਕਲ ਦੇ ਵਿਦੇਸ਼ਾਂ ਵਿੱਚ ਛੋਟੇ ਬੱਚਿਆਂ ਨੂੰ ਪੜ੍ਹਾਉਣ ਅਤੇ ਉਨ੍ਹਾਂ ਦੀ ਦੇਖਭਾਲ ਕਰਨ ਲਈ ਆਸਾਨੀ ਨਾਲ ਰੁਜ਼ਗਾਰ ਮਿਲੇਗਾ। 

ਹੁਣ ਤੱਕ ਅਮਰੀਕਾ, ਕੈਨੇਡਾ, ਆਸਟ੍ਰੇਲੀਆ ਵਿੱਚ ਕਰਵਾਏ ਜਾਂਦੇ ਸੀ ਅਜਿਹੇ ਕੋਰਸ

ਇਸ ਕੋਰਸ ਦਾ ਸਿਲੇਬਸ ਵਿਸ਼ੇਸ਼ ਤੌਰ 'ਤੇ ਕੇਂਦਰੀ ਸਿੱਖਿਆ ਵਿਭਾਗ ਦੇ ਹੁਕਮਾਂ ਅਤੇ ਨਵੀਂ ਸਿੱਖਿਆ ਨੀਤੀ ਦੀ ਮੱਦਦ ਨਾਲ ਤਿਆਰ ਕੀਤਾ ਗਿਆ ਹੈ। ਇਸ ਨੂੰ ਪੜ੍ਹਣ ਵਾਲੇ ਅਧਿਆਪਕ ਛੋਟੇ ਬੱਚਿਆਂ ਦੇ ਹੁਨਰ ਦੀ ਪਛਾਣ ਕਰਕੇ ਉਨ੍ਹਾਂ ਨੂੰ ਉਸੇ ਤਰ੍ਹਾਂ ਦੀ ਸਿੱਖਿਆ ਦੇਣਗੇ ਤਾਂ ਜੋ ਬੱਚੇ ਵੱਡੇ ਹੋ ਕੇ ਆਪਣੇ ਕਿੱਤੇ ਦੇ ਮਾਲਕ ਬਣ ਸਕਣ। ਹੁਣ ਤੱਕ ਅਜਿਹੇ ਕੋਰਸ ਸਿਰਫ਼ ਅਮਰੀਕਾ, ਕੈਨੇਡਾ, ਆਸਟ੍ਰੇਲੀਆ, ਚੀਨ, ਜਾਪਾਨ ਅਤੇ ਨਿਊਜ਼ੀਲੈਂਡ ਵਿੱਚ ਕਰਵਾਏ ਜਾ ਰਹੇ ਹਨ। ਖਾਸ ਗੱਲ ਇਹ ਹੈ ਕਿ ਇਹ ਕੋਰਸ ਵਿਦੇਸ਼ਾਂ ਵਿੱਚ ਰੁਜ਼ਗਾਰ ਪੈਦਾ ਕਰਨ ਵਿੱਚ ਬਹੁਤ ਸਹਾਈ ਸਿੱਧ ਹੋ ਰਹੇ ਹਨ, ਇਸੇ ਕਰਕੇ ਇਸ ਕੋਰਸ ਦੀਆਂ ਸਾਰੀਆਂ ਸੀਟਾਂ ਪਹਿਲੇ ਬੈਚ ਤੋਂ ਹੀ ਭਰੀਆਂ ਜਾ ਰਹੀਆਂ ਹਨ।

4 ਸਾਲਾਂ ਦੇ ਡਿਗਰੀ ਕੋਰਸ ਤੋਂ ਬਾਅਦ ਮਿਲੇਗੀ ਡਿਗਰੀ

• ਕਿਸੇ ਵੀ ਵਿਸ਼ੇ ਵਿੱਚ 12ਵੀਂ ਪਾਸ ਕਰਨ ਵਾਲੇ ਵਿਦਿਆਰਥੀ ਇਸ ਕੋਰਸ ਵਿੱਚ ਦਾਖਲਾ ਲੈ ਸਕਦੇ ਹਨ। ਇਸ 4 ਸਾਲਾਂ ਦੇ ਡਿਗਰੀ ਕੋਰਸ ਤੋਂ ਬਾਅਦ ਬੀਐਸਸੀ ਅਰਲੀ ਚਾਈਲਡਹੁੱਡ ਕੇਅਰ ਐਂਡ ਐਜੂਕੇਸ਼ਨ ਵਿੱਚ ਆਨਰਜ਼ ਦੀ ਡਿਗਰੀ ਦਿੱਤੀ ਜਾਂਦੀ ਹੈ। 
• ਇਹ ਇੱਕ ਅਜਿਹਾ ਕੋਰਸ ਹੈ, ਜਿਸ ਵਿੱਚ ਜੇਕਰ ਵਿਦਿਆਰਥੀ ਇੱਕ ਸਾਲ ਦੀ ਪੜ੍ਹਾਈ ਕਰਨ ਤੋਂ ਬਾਅਦ ਕੋਰਸ ਛੱਡ ਦਿੰਦਾ ਹੈ, ਤਾਂ ਉਸਨੂੰ ਸਰਟੀਫਿਕੇਟ ਕੋਰਸ ਦਾ ਡਿਪਲੋਮਾ ਸਰਟੀਫਿਕੇਟ ਪ੍ਰਦਾਨ ਕੀਤਾ ਜਾਂਦਾ ਹੈ। 
• ਜੇਕਰ ਉਹ 2 ਸਾਲ ਬਾਅਦ ਕੋਰਸ ਛੱਡਦਾ ਹੈ ਤਾਂ ਉਸ ਨੂੰ ਡਿਪਲੋਮਾ ਸਰਟੀਫਿਕੇਟ ਦਿੱਤਾ ਜਾਂਦਾ ਹੈ, ਜੇਕਰ ਉਹ 3 ਸਾਲ ਬਾਅਦ ਕੋਰਸ ਛੱਡਦਾ ਹੈ ਤਾਂ ਉਸਨੂੰ ਬੀ.ਐਸ.ਸੀ. ਦੀ ਡਿਗਰੀ ਦਿੱਤੀ ਜਾਂਦੀ ਹੈ ਅਤੇ ਜੇਕਰ ਉਹ 4 ਸਾਲ ਪੂਰੇ ਕਰ ਲੈਂਦਾ ਹੈ ਤਾਂ ਉਸ ਨੂੰ ਬੀ.ਐਸ.ਸੀ. ਡਿਗਰੀ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵੀ ਪੰਜਾਬ ਸਰਕਾਰ ਰਾਹੀਂ ਇਸ ਕੋਰਸ ਨੂੰ ਆਂਗਣਵਾੜੀ, ਪ੍ਰਾਇਮਰੀ, ਪ੍ਰੀ-ਪ੍ਰਾਇਮਰੀ ਸਕੂਲਾਂ ਲਈ ਪੇਸ਼ੇਵਰ ਅਧਿਆਪਕਾਂ ਲਈ ਲੋੜੀਂਦੇ ਕੋਰਸ ਵਜੋਂ ਲਾਗੂ ਕਰਨ ਲਈ ਯਤਨਸ਼ੀਲ ਹੈ।

• 

  ਚੰਡੀਗੜ੍ਹ ਤੱਕ ਮੈਟਰੋ ਦਾ ਸੁਪਨਾ ਜਲਦੀ ਹੋਵੇਗਾ ਪੂਰਾ, 24 ਹਜ਼ਾਰ ਕਰੋੜ ਦੇ ਪ੍ਰੋਜੈਕਟ ਬਾਰੇ ਜਾਣੋ 

  Punjab

• 

  ED ਨੇ ਕੀਤੀ ਵੱਡੀ ਕਾਰਵਾਈ - ਲੁਧਿਆਣਾ ਇੰਪਰੂਵਮੈਂਟ ਟਰੱਸਟ ਦੇ ਸਾਬਕਾ ਚੇਅਰਮੈਨ ਦੀ ਜਾਇਦਾਦ ਜ਼ਬਤ

  Punjab

• 

  ਲਾਰੈਂਸ ਬਿਸ਼ਨੋਈ ਹੋਇਆ ਬਰੀ, ਅਦਾਲਤ ਨੇ ਸੁਣਾਇਆ ਹੁਕਮ

  Punjab

• 

  ਅੰਮ੍ਰਿਤਸਰ ਮੇਅਰ ਚੋਣ - ਕਾਂਗਰਸ ਨੂੰ ਝਟਕਾ, ਹਾਈਕੋਰਟ ਨੇ ਰੱਦ ਕੀਤੀ ਪਟੀਸ਼ਨ 

  Punjab

• 

  ਫਤਿਹਗੜ੍ਹ ਸਾਹਿਬ 'ਚ ਵਕੀਲ ਉਪਰ ਹਮਲੇ ਦਾ ਮਾਮਲਾ - 37 ਦਿਨਾਂ ਬਾਅਦ FIR ਦਰਜ

  Punjab