ਦੁਬਈ ਤੋਂ ਆਏ ਇੱਕ ਵਿਅਕਤੀ ਕੋਲੋਂ 905.20 ਗ੍ਰਾਮ ਸੋਨਾ ਬਰਾਮਦ

ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਅੰਮ੍ਰਿਤਸਰ ਕਸਟਮ ਪ੍ਰੀਵੈਂਟਿਵ ਨੇ ਦੁਬਈ ਤੋਂ ਆਏ ਇੱਕ ਵਿਅਕਤੀ ਕੋਲੋਂ 905.20 ਗ੍ਰਾਮ ਸੋਨਾ ਬਰਾਮਦ ਕੀਤਾ ਹੈ। ਇਸ ਦੀ ਬਾਜ਼ਾਰੀ ਕੀਮਤ ਲਗਭਗ 54,98,185 ਰੁਪਏ ਹੈ। ਫਿਲਹਾਲ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਸੋਨਾ ਜ਼ਬਤ ਕਰ ਲਿਆ ਗਿਆ ਹੈ। ਸਰੀਰਕ ਜਾਂਚ ਵਿੱਚ ਫੜਿਆ ਗਿਆਕਸਟਮ ਵਿਭਾਗ ਦੇ ਬੁਲਾਰੇ […]

Last Updated : 05 November 2023, 04:27 PM IST

ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਅੰਮ੍ਰਿਤਸਰ ਕਸਟਮ ਪ੍ਰੀਵੈਂਟਿਵ ਨੇ ਦੁਬਈ ਤੋਂ ਆਏ ਇੱਕ ਵਿਅਕਤੀ ਕੋਲੋਂ 905.20 ਗ੍ਰਾਮ ਸੋਨਾ ਬਰਾਮਦ ਕੀਤਾ ਹੈ। ਇਸ ਦੀ ਬਾਜ਼ਾਰੀ ਕੀਮਤ ਲਗਭਗ 54,98,185 ਰੁਪਏ ਹੈ। ਫਿਲਹਾਲ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਸੋਨਾ ਜ਼ਬਤ ਕਰ ਲਿਆ ਗਿਆ ਹੈ।

ਸਰੀਰਕ ਜਾਂਚ ਵਿੱਚ ਫੜਿਆ ਗਿਆ
ਕਸਟਮ ਵਿਭਾਗ ਦੇ ਬੁਲਾਰੇ ਮੁਤਾਬਕ ਸ਼ਾਰਜਾਹ ਤੋਂ ਆ ਰਹੇ ਇਕ ਵਿਅਕਤੀ ਨੂੰ ਰੋਕਿਆ ਗਿਆ। ਉਸ ਦੇ ਸਾਮਾਨ ਵਿੱਚੋਂ ਕੁਝ ਵੀ ਨਹੀਂ ਮਿਲਿਆ ਪਰ ਜਦੋਂ ਸਰੀਰਕ ਜਾਂਚ ਕੀਤੀ ਗਈ ਤਾਂ ਉਸ ਨੇ ਆਪਣੇ ਗੁਦਾ ਵਿੱਚ ਤਿੰਨ ਕੈਪਸੂਲ ਦੇ ਰੂਪ ਵਿੱਚ ਸੋਨਾ ਛੁਪਾ ਰੱਖਿਆ ਸੀ। ਕੈਪਸੂਲ ਦਾ ਭਾਰ ਲਗਭਗ 1054.70 ਗ੍ਰਾਮ ਹੈ। ਜਦੋਂ ਇਸ ਨੂੰ ਪ੍ਰੋਸੈਸ ਕਰਨ ਤੋਂ ਬਾਅਦ ਸੋਨਾ ਕੱਢਿਆ ਗਿਆ ਤਾਂ ਇਹ 905.20 ਗ੍ਰਾਮ ਪਾਇਆ ਗਿਆ, ਜਿਸ ਦੀ ਬਾਜ਼ਾਰੀ ਕੀਮਤ 54,98,185 ਰੁਪਏ ਹੈ। ਫਿਲਹਾਲ ਕਸਟਮ ਐਕਟ 1962 ਦੀ ਧਾਰਾ 110 ਦੇ ਤਹਿਤ ਸੋਨਾ ਜ਼ਬਤ ਕਰ ਲਿਆ ਗਿਆ ਹੈ ਅਤੇ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।

ਕਸਟਮ ਵੱਲੋਂ ਸੋਨਾ ਬਰਾਮਦ ਕਰਨ ਦੀ ਛੇਵੀਂ ਘਟਨਾ
ਕਸਟਮ ਵਿਭਾਗ ਦੇ ਅੰਕੜਿਆਂ ਅਨੁਸਾਰ 3 ਅਕਤੂਬਰ ਨੂੰ ਅਟਾਰੀ ਬਾਰਡਰ ‘ਤੇ ਸਥਿਤ ਆਈਸੀਪੀ ਰਾਹੀਂ ਪਾਕਿਸਤਾਨ ਤੋਂ ਆਏ 13 ਲੋਕਾਂ ਕੋਲੋਂ 5.95 ਕਿਲੋ (ਕੀਮਤ 3.47 ਕਰੋੜ ਰੁਪਏ) ਦਾ ਸੋਨਾ ਬਰਾਮਦ ਕੀਤਾ ਗਿਆ ਸੀ। ਇਸੇ ਦਿਨ ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਦੁਬਈ ਤੋਂ ਆ ਰਹੇ ਇੱਕ ਵਿਅਕਤੀ ਕੋਲੋਂ 3.40 ਕਿਲੋਗ੍ਰਾਮ (ਕੀਮਤ 1.95 ਕਰੋੜ ਰੁਪਏ),14 ਤਰੀਕ ਨੂੰ 450 ਗ੍ਰਾਮ (26,50,950 ਰੁਪਏ ਦੀ ਕੀਮਤ) ਦਾ ਸੋਨਾ ਬਰਾਮਦ ਕੀਤਾ ਗਿਆ ਸੀ। 29, 30 ਅਕਤੂਬਰ ਨੂੰ ਏਅਰਪੋਰਟ ਤੋਂ 593 ਗ੍ਰਾਮ ਸੋਨਾ (ਕੀਮਤ 36.5 ਲੱਖ ਰੁਪਏ) ਜ਼ਬਤ ਕੀਤਾ ਗਿਆ ਸੀ।

Tags :