ਮੋਹਾਲੀ 'ਚ ਮਾਲ ਗੱਡੀ ਦੇ 5 ਟੈਂਕਰ ਪੱਟੜੀ ਤੋਂ ਉਤਰੇ, ਰੇਲਗੱਡੀ ਡੀਜ਼ਲ ਲੈ ਕੇ ਜਾ ਰਹੀ ਸੀ, ਚੰਡੀਗੜ੍ਹ-ਅੰਬਾਲਾ ਰੂਟ 'ਤੇ ਕਈ ਰੇਲਗੱਡੀਆਂ ਪ੍ਰਭਾਵਿਤ

ਇੱਕ ਡੀਜ਼ਲ ਇੰਜਣ ਵਾਲੀ ਮਾਲ ਗੱਡੀ ਸੀ, ਜਿਸ ਵਿੱਚੋਂ 4 ਤੋਂ 5 ਕੈਂਟਰ ਪਟੜੀ ਤੋਂ ਉਤਰ ਗਏ। ਹਾਲਾਂਕਿ, ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਇਹ ਹਾਦਸਾ ਕਿਸ ਕਾਰਨ ਹੋਇਆ। ਰੇਲਵੇ ਪ੍ਰਸ਼ਾਸਨ ਅਤੇ ਸਥਾਨਕ ਅਧਿਕਾਰੀ ਮੌਕੇ 'ਤੇ ਪਹੁੰਚ ਗਏ ਹਨ ਅਤੇ ਸਥਿਤੀ ਦਾ ਜਾਇਜ਼ਾ ਲੈ ਰਹੇ ਹਨ।

ਪੰਜਾਬ ਦੇ ਮੋਹਾਲੀ ਜ਼ਿਲ੍ਹੇ ਦੇ ਲਾਲੜੂ ਇਲਾਕੇ ਵਿੱਚ ਇੱਕ ਰੇਲ ਹਾਦਸਾ ਵਾਪਰਿਆ। ਡੀਜ਼ਲ ਲੈ ਕੇ ਜਾ ਰਹੀ ਇੱਕ ਮਾਲ ਗੱਡੀ ਦੇ ਪੰਜ ਕੈਂਟਰ ਪਟੜੀ ਤੋਂ ਉਤਰ ਗਏ। ਇਸ ਹਾਦਸੇ ਵਿੱਚ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਖ਼ਬਰ ਨਹੀਂ ਹੈ, ਪਰ ਇਸ ਘਟਨਾ ਕਾਰਨ ਅੰਬਾਲਾ-ਚੰਡੀਗੜ੍ਹ ਰੇਲਵੇ ਰੂਟ ਲਗਭਗ ਚਾਰ ਘੰਟੇ ਤੱਕ ਠੱਪ ਰਿਹਾ, ਜਿਸ ਕਾਰਨ ਕਈ ਰੇਲਗੱਡੀਆਂ ਦਾ ਸੰਚਾਲਨ ਪ੍ਰਭਾਵਿਤ ਹੋਇਆ। 

ਇਹ ਗੱਡੀਆਂ ਹੋਈਆਂ ਪ੍ਰਭਾਵਿਤ 

ਮਾਲ ਗੱਡੀ ਦੇ ਪਟੜੀ ਤੋਂ ਉਤਰਨ ਕਾਰਨ ਇਸ ਰੂਟ ਤੋਂ ਲੰਘਣ ਵਾਲੀਆਂ ਕਈ ਮਹੱਤਵਪੂਰਨ ਰੇਲਗੱਡੀਆਂ ਨੂੰ ਰੋਕਣਾ ਪਿਆ। ਇਨ੍ਹਾਂ ਵਿੱਚ 15011 ਲਖਨਊ-ਚੰਡੀਗੜ੍ਹ ਐਕਸਪ੍ਰੈਸ, 12925 ਪੱਛਮ ਸੁਪਰਫਾਸਟ ਅਤੇ 74991 ਅੰਬਾਲਾ-ਚੰਡੀਗੜ੍ਹ-ਦੌਲਤਪੁਰ ਪੈਸੇਂਜਰ ਟ੍ਰੇਨਾਂ ਸ਼ਾਮਲ ਹਨ। ਰੇਲਗੱਡੀਆਂ ਦੀ ਆਵਾਜਾਈ ਵਿੱਚ ਵਿਘਨ ਪੈਣ ਕਾਰਨ ਯਾਤਰੀਆਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।

ਹਾਦਸਾ ਕਿਵੇਂ ਹੋਇਆ? ਜਾਂਚ ਜਾਰੀ 

ਮਿਲੀ ਜਾਣਕਾਰੀ ਅਨੁਸਾਰ, ਇਹ ਇੱਕ ਡੀਜ਼ਲ ਇੰਜਣ ਵਾਲੀ ਮਾਲ ਗੱਡੀ ਸੀ, ਜਿਸ ਵਿੱਚੋਂ 4 ਤੋਂ 5 ਕੈਂਟਰ ਪਟੜੀ ਤੋਂ ਉਤਰ ਗਏ। ਹਾਲਾਂਕਿ, ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਇਹ ਹਾਦਸਾ ਕਿਸ ਕਾਰਨ ਹੋਇਆ। ਰੇਲਵੇ ਪ੍ਰਸ਼ਾਸਨ ਅਤੇ ਸਥਾਨਕ ਅਧਿਕਾਰੀ ਮੌਕੇ 'ਤੇ ਪਹੁੰਚ ਗਏ  ਅਤੇ ਸਥਿਤੀ ਦਾ ਜਾਇਜ਼ਾ ਲਿਆ। ਰੇਲਵੇ ਦੀ ਤਕਨੀਕੀ ਟੀਮ ਨੇ ਹਾਦਸੇ ਦੇ ਅਸਲ ਕਾਰਨਾਂ ਦਾ ਪਤਾ ਲਗਾਉਣ ਲਈ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਅੰਬਾਲਾ-ਚੰਡੀਗੜ੍ਹ ਰੇਲ ਲਾਈਨ ਠੱਪ ਹੋ ਗਈ, ਯਾਤਰੀਆਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਰੇਲ ਹਾਦਸੇ ਕਾਰਨ ਇਸ ਮਹੱਤਵਪੂਰਨ ਰੇਲ ਰੂਟ 'ਤੇ ਘੰਟਿਆਂ ਤੱਕ ਆਵਾਜਾਈ ਪ੍ਰਭਾਵਿਤ ਰਹੀ। ਅੰਬਾਲਾ-ਚੰਡੀਗੜ੍ਹ ਰੇਲ ਸੈਕਸ਼ਨ 'ਤੇ ਰੇਲਗੱਡੀਆਂ ਦੇ ਰੁਕਣ ਕਾਰਨ ਯਾਤਰੀਆਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਬਹੁਤ ਸਾਰੇ ਯਾਤਰੀਆਂ ਨੂੰ ਆਪਣੀ ਮੰਜ਼ਿਲ 'ਤੇ ਪਹੁੰਚਣ ਲਈ ਦੂਜੇ ਸਾਧਨਾਂ ਦਾ ਸਹਾਰਾ ਲੈਣਾ ਪਿਆ। ਘਟਨਾ ਤੋਂ ਬਾਅਦ, ਰੇਲਵੇ ਵਿਭਾਗ ਨੇ ਤੁਰੰਤ ਟਰੈਕ ਦੀ ਮੁਰੰਮਤ ਸ਼ੁਰੂ ਕਰ ਦਿੱਤੀ ਅਤੇ ਚਾਰ ਘੰਟਿਆਂ ਦੀ ਸਖ਼ਤ ਮਿਹਨਤ ਤੋਂ ਬਾਅਦ, ਰੇਲ ਸੇਵਾ ਬਹਾਲ ਕਰ ਦਿੱਤੀ ਗਈ। ਰੇਲਵੇ ਅਧਿਕਾਰੀਆਂ ਅਨੁਸਾਰ ਹਾਦਸੇ ਦੀ ਵਿਸਤ੍ਰਿਤ ਰਿਪੋਰਟ ਜਲਦੀ ਹੀ ਤਿਆਰ ਕੀਤੀ ਜਾਵੇਗੀ ਅਤੇ ਜੇਕਰ ਕੋਈ ਲਾਪਰਵਾਹੀ ਪਾਈ ਗਈ ਤਾਂ ਢੁਕਵੀਂ ਕਾਰਵਾਈ ਕੀਤੀ ਜਾਵੇਗੀ।

• 

  High Court ਨੇ ਸੁਣਾਈ ਕਲਯੁਗੀ ਪਿਤਾ ਨੂੰ ਉਮਰ ਕੈਦ ਦੀ ਸਜ੍ਹਾ,6 ਸਾਲ ਦੀ ਧੀ ਨਾਲ ਬਲਾਤਕਾਰ ਕਰਨ ਤੋਂ ਬਾਅਦ ਕੀਤੀ ਸੀ ਹੱਤਿਆ 

  Punjab

• 

  ਸ਼ਿਵਸੈਨਾ ਪ੍ਰਧਾਨ ਦੀ ਗੋਲੀਆਂ ਮਾਰ ਕੇ ਕੀਤੀ ਹੱਤਿਆ, ਦੁੱਧ ਲੈ ਕੇ ਜਾ ਰਿਹਾ ਸੀ ਘਰ, ਮੁਲਜ਼ਮ ਗ੍ਰਿਫਤਾਰ

  Punjab

• 

  ਪਠਾਨਕੋਟ ਵਿੱਚ ਫਿਰ ਤੋਂ ਘੁੰਮਦੇ ਹੋਏ ਵੇਖੇ ਗਏ 3 ਸ਼ੱਕੀ, ਜੰਗਲ ਵਿੱਚ ਵੜੇ, ਸੁਰੱਖਿਆ ਏਜੰਸੀਆਂ ਹੋਈ Alert

  Punjab

• 

  ਮੋਹਾਲੀ ਵਿੱਚ ਵੱਡਾ ਹਾਦਸਾ ਟਲਿਆ, ਮਾਲਗੱਡੀ ਦੇ ਕਈ ਡਿੱਬੇ ਪਟਰੀ ਤੋਂ ਉਤਰੇ, ਹਜਾਰਾਂ ਲੀਟਰ ਪੈਟਰੋਲ ਲੈ ਕੇ ਜਾ ਰਹੀ ਟ੍ਰੇਨ  

  Punjab

• 

  ਬੱਚਾ ਨਾ ਹੋਣ ਕਾਰਨ ਸੱਸ ਨੇ ਬੇਟੇ ਨਾਲ ਮਿਲ ਕੇ ਕਰ ਦਿੱਤੀ ਨੂੰਹ ਦੀ ਹੱਤਿਆ, ਪੁਲਿਸ ਜਾਂਚ ਵਿੱਚ ਹੋਇਆ ਖੁਲਾਸਾ, ਮੁਲਜ਼ਮ ਗ੍ਰਿਫਤਾਰ

  Punjab