ਬਸੰਤ ਪੰਚਮੀ ਨੂੰ ਤੀਜਾ ਅੰਮ੍ਰਿਤ ਇਸ਼ਨਾਨ ਸ਼ੁਰੂ, ਅਖਾੜਿਆਂ ਦੇ ਸੰਤਾਂ ਨੇ ਕੀਤਾ ਪਵਿੱਤਰ ਇਸ਼ਨਾਨ

ਸੂਚਨਾ ਨਿਰਦੇਸ਼ਕ ਸ਼ਿਸ਼ਿਰ ਨੇ ਦੱਸਿਆ ਕਿ ਸਵੇਰੇ 4 ਵਜੇ ਤੱਕ 16.58 ਲੱਖ ਸ਼ਰਧਾਲੂ ਪਵਿੱਤਰ ਇਸ਼ਨਾਨ ਕਰ ਚੁੱਕੇ ਸਨ। 13 ਜਨਵਰੀ ਤੋਂ ਬਾਅਦ ਡੁੱਬਕੀ ਲੈਣ ਵਾਲੇ ਲੋਕਾਂ ਦੀ ਕੁੱਲ ਗਿਣਤੀ 34.97 ਕਰੋੜ ਤੱਕ ਪਹੁੰਚ ਗਈ ਹੈ। ਇਸ ਵਿੱਚ 10 ਲੱਖ ਕਲਪਵਾਸੀ ਅਤੇ 6.58 ਲੱਖ ਤੀਰਥ ਯਾਤਰੀ ਸ਼ਾਮਲ ਹਨ। ਉੱਤਰ ਪ੍ਰਦੇਸ਼ ਸਰਕਾਰ ਨੂੰ ਉਮੀਦ ਹੈ ਕਿ ਸੋਮਵਾਰ ਨੂੰ ਹੀ ਲਗਭਗ ਪੰਜ ਕਰੋੜ ਸ਼ਰਧਾਲੂ ਪਹੁੰਚਣਗੇ।

ਮਹਾਂਕੁੰਭ 2025: ਬਸੰਤ ਪੰਚਮੀ ਦੇ ਮੌਕੇ 'ਤੇ ਅਖਾੜੇ ਤੀਜੇ ਅੰਮ੍ਰਿਤ ਇਸ਼ਨਾਨ ਲਈ ਤ੍ਰਿਵੇਣੀ ਸੰਗਮ ਘਾਟ ਪਹੁੰਚੇ। ਇੱਥੇ ਵੱਖ-ਵੱਖ ਅਖਾੜਿਆਂ ਦੇ ਸੰਤਾਂ ਅਤੇ ਰਿਸ਼ੀਆਂ ਨੇ ਅੰਮ੍ਰਿਤ ਇਸ਼ਨਾਨ ਕੀਤਾ। ਸੋਮਵਾਰ ਸਵੇਰ ਤੋਂ ਹੀ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂਆਂ ਨੇ ਸੰਗਮ ਵਿੱਚ ਧਾਰਮਿਕ ਡੁਬਕੀ ਲਗਾਈ। ਵੱਖ-ਵੱਖ ਅਖਾੜਿਆਂ ਦੇ ਮਹਾਮੰਡਲੇਸ਼ਵਰਾਂ ਨੇ ਜਲੂਸ ਦੀ ਅਗਵਾਈ ਕੀਤੀ। ਸਵਾਮੀ ਬਾਲਕਾ ਨੰਦ ਗਿਰੀ ਜੀ ਨੇ ਮੁੱਖ ਮੰਤਰੀ ਯੋਗੀ ਦੀ ਪ੍ਰਸ਼ੰਸਾ ਕੀਤੀ। ਉਨ੍ਹਾਂ ਕਿਹਾ ਕਿ ਯੂਪੀ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਅਤੇ ਪ੍ਰਸ਼ਾਸਨ ਨੇ ਬਹੁਤ ਵਧੀਆ ਪ੍ਰਬੰਧ ਕੀਤੇ ਹਨ। ਸਵਾਮੀ ਕੈਲਾਸ਼ਾਨੰਦ ਗਿਰੀ ਜੀ ਨੇ ਕਿਹਾ ਕਿ ਅੱਜ ਬਸੰਤ ਪੰਚਮੀ ਦੇ ਮੌਕੇ 'ਤੇ, ਦੇਵੀ ਸਰਸਵਤੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਅੱਜ ਤੀਜਾ 'ਅੰਮ੍ਰਿਤ ਇਸ਼ਨਾਨ' ਵੀ ਹੈ। ਅੱਜ ਬਹੁਤ ਹੀ ਪਵਿੱਤਰ ਦਿਨ ਹੈ। ਅੰਮ੍ਰਿਤ ਇਸ਼ਨਾਨ ਲਈ ਨਾਗਾ ਸਾਧੂ ਵੀ ਵੱਡੀ ਗਿਣਤੀ ਵਿੱਚ ਤ੍ਰਿਵੇਣੀ ਸੰਗਮ ਪਹੁੰਚੇ ਹਨ।

ਸਖ਼ਤ ਸੁਰੱਖਿਆ ਪ੍ਰਬੰਧ

ਵਧੀਕ ਮੇਲਾ ਅਧਿਕਾਰੀ ਵਿਵੇਕ ਚਤੁਰਵੇਦੀ ਨੇ ਕਿਹਾ ਕਿ ਅੱਜ ਬਸੰਤ ਪੰਚਮੀ ਦੇ ਮੌਕੇ 'ਤੇ 'ਅੰਮ੍ਰਿਤ ਇਸ਼ਨਾਨ' ਹੈ ਅਤੇ ਮਹਾਂਨਿਰਵਾਣੀ ਅਖਾੜਾ ਅਤੇ ਸ਼੍ਰੀ ਸ਼ੰਭੂ ਪੰਚਾਇਤੀ ਅਟਲ ਅਖਾੜਾ ਦਾ ਜਲੂਸ ਸੰਗਮ ਘਾਟ ਵੱਲ ਵਧ ਰਿਹਾ ਹੈ। ਸੁਰੱਖਿਆ ਲਈ ਢੁਕਵੇਂ ਪ੍ਰਬੰਧ ਕੀਤੇ ਗਏ ਹਨ। ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਸਵੇਰੇ 3.30 ਵਜੇ ਤੋਂ ਆਪਣੇ ਸਰਕਾਰੀ ਨਿਵਾਸ ਸਥਾਨ 'ਤੇ ਵਾਰ ਰੂਮ ਵਿੱਚ ਡੀਜੀਪੀ, ਪ੍ਰਮੁੱਖ ਸਕੱਤਰ ਗ੍ਰਹਿ ਅਤੇ ਆਪਣੇ ਦਫ਼ਤਰ ਦੇ ਅਧਿਕਾਰੀਆਂ ਤੋਂ ਬਸੰਤ ਪੰਚਮੀ ਦੇ ਅੰਮ੍ਰਿਤ ਇਸ਼ਨਾਨ ਬਾਰੇ ਲਗਾਤਾਰ ਅੱਪਡੇਟ ਲਏ ਅਤੇ ਜ਼ਰੂਰੀ ਨਿਰਦੇਸ਼ ਜਾਰੀ ਕੀਤੇ।

40 ਮਿੰਟ ਦਾ ਸਮਾਂ ਦਿੱਤਾ ਗਿਆ

ਅਖਿਲ ਭਾਰਤੀ ਅਖਾੜਾ ਪ੍ਰੀਸ਼ਦ ਦੇ ਪ੍ਰਧਾਨ ਮਹੰਤ ਰਵਿੰਦਰ ਪੁਰੀ ਨੇ ਕਿਹਾ ਕਿ ਅੱਜ ਬਸੰਤ ਪੰਚਮੀ ਦੇ ਮੌਕੇ 'ਤੇ ਆਖਰੀ ਅੰਮ੍ਰਿਤ ਇਸ਼ਨਾਨ ਹੈ। ਅੰਮ੍ਰਿਤ ਇਸ਼ਨਾਨ ਤੋਂ ਬਾਅਦ ਅਸੀਂ ਵਾਰਾਣਸੀ ਲਈ ਰਵਾਨਾ ਹੋਵਾਂਗੇ। ਸਾਨੂੰ ਨਹਾਉਣ ਲਈ 40 ਮਿੰਟ ਦਿੱਤੇ ਗਏ ਹਨ। ਮੈਂ ਸਾਰੇ ਸ਼ਰਧਾਲੂਆਂ ਨੂੰ ਬੇਨਤੀ ਕਰਦਾ ਹਾਂ ਕਿ ਉਹ ਬੇਲੋੜੇ ਸੰਗਮ ਘਾਟ 'ਤੇ ਨਾ ਆਉਣ। ਉਨ੍ਹਾਂ ਕਿਹਾ ਕਿ ਕੱਲ੍ਹ ਸਾਡੀ ਪ੍ਰਸ਼ਾਸਨ ਨਾਲ ਮੀਟਿੰਗ ਹੋਈ ਸੀ ਅਤੇ ਉਨ੍ਹਾਂ ਨੇ ਬਹੁਤ ਵਧੀਆ ਪ੍ਰਬੰਧ ਕੀਤੇ ਹਨ।

• 

  ਦਿੱਲੀ ਵਿੱਚ ਚੋਣ ਪ੍ਰਚਾਰ ਅੱਜ ਸ਼ਾਮ 5 ਵਜੇ ਹੋਵੇਗਾ ਬੰਦ, 699 ਉਮੀਦਵਾਰ ਮੈਦਾਨ ਵਿੱਚ, 2696 ਪੋਲਿੰਗ ਸਟੇਸ਼ਨ ਬਣਾਏ

  National

• 

  ਪਹਿਲਾਂ ਪਤੀ ਦਾ 10,00,000 ਰੁਪਏ ਵਿੱਚ ਵੇਚਿਆ ਗੁਰਦਾ, ਫਿਰ ਪੈਸੇ ਲੈ ਕੇ ਪ੍ਰੇਮੀ ਨਾਲ ਹੋ ਗਈ ਫਰਾਰ

  National

• 

  ਗਟਾਰੂ ਕਤਲ ਕੇਸ ਵਿੱਚ ਸ਼ਾਮਲ ਮੁਲਜ਼ਮਾਂ ਦੀਆਂ ਤਸਵੀਰਾਂ ਸਾਂਝਾ ਕਰਦੇ ਹੀ ਦਿੱਲੀ ਤੋਂ ਫੜੇ ਗਏ ਤਿੰਨ ਗੈਂਗਸਟਰ

  National

• 

  ਜਿਵੇਂ ਰੇਲਗੱਡੀ ਦੇ ਡੱਬੇ ਪੱਟੜੀ ਬਦਲਣ ਸਮੇਂ ਕੰਬਦੇ ਹਨ, ਉਵੇਂ ਲੱਗੇ ਭੂਚਾਲ ਦੇ ਝਟਕੇ

  National

• 

  ਜਦੋਂ ਚੱਲਦੇ ਸਤਿਸੰਗ 'ਚ ਰਾਮ ਰਹੀਮ ਕੋਲੋਂ ਸ਼ਰਧਾਲੂ ਨੇ ਪੁੱਛਿਆ ਜਿਨਸ਼ੀ ਸ਼ੋਸ਼ਣ ਦਾ ਸਵਾਲ, ਜਾਣੋ ਫਿਰ ਕੀ ਹੋਇਆ...... 

  National