ਪਾਕਿਸਤਾਨ 'ਚ ਅੱਤਵਾਦੀ ਹਮਲਾ, ਪੁਲਿਸ ਦੀ ਵੈਨ ਨੂੰ ਬਣਾਇਆ ਨਿਸ਼ਾਨਾ, ਕਾਂਸਟੇਬਲ ਤੇ ਕੈਦੀ ਦੀ ਮੌਤ

ਦੱਸਿਆ ਜਾ ਰਿਹਾ ਹੈ ਕਿ ਇਹ ਹਮਲਾ ਪਾਕਿਸਤਾਨ ਦੇ ਡੇਰਾ ਇਸਮਾਈਲ ਖਾਨ ਜ਼ਿਲ੍ਹੇ ਦੇ ਚੌਧਵਾਨ ਥਾਣਾ ਖੇਤਰ ਵਿੱਚ ਹੋਇਆ। ਪੁਲਿਸ ਨੇ ਦੱਸਿਆ ਕਿ ਇਹ ਹਮਲਾ ਉਸ ਸਮੇਂ ਹੋਇਆ ਜਦੋਂ ਇੱਕ ਕੈਦੀ ਨੂੰ ਸੁਣਵਾਈ ਲਈ ਅਦਾਲਤ ਲਿਜਾਇਆ ਜਾ ਰਿਹਾ ਸੀ।

ਪਾਕਿਸਤਾਨ ਵਿੱਚ ਅੱਤਵਾਦੀ ਹਮਲੇ ਰੁਕਣ ਦੇ ਕੋਈ ਸੰਕੇਤ ਨਹੀਂ ਮਿਲ ਰਹੇ ਹਨ। ਹਰ ਰੋਜ਼ ਕਿਸੇ ਨਾ ਕਿਸੇ ਸ਼ਹਿਰ ਵਿੱਚ ਹੋਣ ਵਾਲੇ ਅੱਤਵਾਦੀ ਹਮਲਿਆਂ ਨੇ ਲੋਕਾਂ ਵਿੱਚ ਦਹਿਸ਼ਤ ਫੈਲਾ ਦਿੱਤੀ ਹੈ। ਤਾਜ਼ਾ ਹਮਲਾ ਸ਼ੁੱਕਰਵਾਰ ਨੂੰ ਪਾਕਿਸਤਾਨ ਦੇ ਅਸ਼ਾਂਤ ਖੈਬਰ ਪਖਤੂਨਖਵਾ ਸੂਬੇ ਵਿੱਚ ਹੋਇਆ, ਜਿੱਥੇ ਅੱਤਵਾਦੀਆਂ ਨੇ ਇੱਕ ਪੁਲਿਸ ਵੈਨ 'ਤੇ ਹਮਲਾ ਕੀਤਾ। ਇਸ ਕਾਰਨ ਵੈਨ ਪੂਰੀ ਤਰ੍ਹਾਂ ਤਬਾਹ ਹੋ ਗਈ। ਇਸ ਘਾਤਕ ਹਮਲੇ ਵਿੱਚ ਇੱਕ ਪੁਲਿਸ ਕਾਂਸਟੇਬਲ ਅਤੇ ਇੱਕ ਕੈਦੀ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ।

ਕੈਦੀ ਨੂੰ ਸੁਣਵਾਈ ਲਈ ਲਿਜਾ ਰਹੇ ਸੀ 

ਦੱਸਿਆ ਜਾ ਰਿਹਾ ਹੈ ਕਿ ਇਹ ਹਮਲਾ ਪਾਕਿਸਤਾਨ ਦੇ ਡੇਰਾ ਇਸਮਾਈਲ ਖਾਨ ਜ਼ਿਲ੍ਹੇ ਦੇ ਚੌਧਵਾਨ ਥਾਣਾ ਖੇਤਰ ਵਿੱਚ ਹੋਇਆ। ਪੁਲਿਸ ਨੇ ਦੱਸਿਆ ਕਿ ਇਹ ਹਮਲਾ ਉਸ ਸਮੇਂ ਹੋਇਆ ਜਦੋਂ ਇੱਕ ਕੈਦੀ ਨੂੰ ਸੁਣਵਾਈ ਲਈ ਅਦਾਲਤ ਲਿਜਾਇਆ ਜਾ ਰਿਹਾ ਸੀ। ਉਸੇ ਸਮੇਂ ਦੌਰਾਨ, ਅੱਤਵਾਦੀਆਂ ਨੇ ਵੈਨ 'ਤੇ ਘਾਤ ਲਗਾ ਕੇ ਹਮਲਾ ਕਰ ਦਿੱਤਾ। ਪੁਲਿਸ ਨੇ ਦੱਸਿਆ ਕਿ ਚੌਦਵਾਂ ਥਾਣੇ ਦਾ ਇੰਚਾਰਜ ਇਸ ਹਮਲੇ ਵਿੱਚ ਵਾਲ-ਵਾਲ ਬਚ ਗਿਆ।

ਗਵਰਨਰ ਨੇ ਮੰਗੀ ਰਿਪੋਰਟ 

ਖੈਬਰ ਪਖਤੂਨਖਵਾ ਸੂਬੇ ਦੇ ਗਵਰਨਰ ਫੈਜ਼ਲ ਕਰੀਮ ਕੁੰਡੀ ਨੇ ਇਸ ਘਾਤਕ ਅੱਤਵਾਦੀ ਹਮਲੇ 'ਤੇ ਚਿੰਤਾ ਪ੍ਰਗਟ ਕੀਤੀ ਹੈ। ਇਸਦੇ ਨਾਲ ਹੀ ਸੀਨੀਅਰ ਅਧਿਕਾਰੀਆਂ ਤੋਂ ਇੱਕ ਵਿਸਥਾਰਤ ਰਿਪੋਰਟ ਮੰਗੀ ਗਈ ਹੈ। ਉਨ੍ਹਾਂ ਨੇ ਮ੍ਰਿਤਕ ਦੇ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟ ਕੀਤੀ ਅਤੇ ਜ਼ਖਮੀਆਂ ਦੇ ਜਲਦੀ ਠੀਕ ਹੋਣ ਦੀ ਕਾਮਨਾ ਕੀਤੀ। ਕੁੰਡੀ ਨੇ ਸੂਬਾਈ ਸਰਕਾਰ ਦੀ ਆਲੋਚਨਾ ਕੀਤੀ ਅਤੇ ਇਸ ਘਟਨਾ ਨੂੰ ਕਾਨੂੰਨ ਵਿਵਸਥਾ ਬਣਾਈ ਰੱਖਣ ਵਿੱਚ "ਅਪਰਾਧਿਕ ਲਾਪਰਵਾਹੀ" ਦੱਸਿਆ। ਪਿਛਲੇ ਕੁਝ ਮਹੀਨਿਆਂ ਤੋਂ ਪਾਕਿਸਤਾਨ ਵਿੱਚ ਅੱਤਵਾਦੀ ਹਮਲਿਆਂ ਦਾ ਦੌਰ ਜਾਰੀ ਹੈ।

ਅਬੂ ਕਤਾਲ ਦਾ ਖਾਤਮਾ 

ਭਾਰਤ ਦਾ ਮੋਸਟ ਵਾਂਟਡ ਲਸ਼ਕਰ-ਏ-ਤੋਇਬਾ ਦਾ ਅੱਤਵਾਦੀ ਅਬੂ ਕਤਾਲ ਪਾਕਿਸਤਾਨ 'ਚ ਮਾਰਿਆ ਗਿਆ ਸੀ। ਬੀਤੇ ਮਹੀਨੇ ਇੱਕ ਹਮਲੇ 'ਚ ਉਸਦੀ ਮੌਤ ਹੋ ਗਈ ਸੀ। ਅਬੂ ਕਤਾਲ ਨੇ ਭਾਰਤ 'ਚ ਕਈ ਅੱਤਵਾਦੀ ਹਮਲਿਆਂ ਨੂੰ ਅੰਜਾਮ ਦਿੱਤਾ ਸੀ। ਉਸਦੇ ਖਿਲਾਫ NIA ਨੇ ਚਾਰਜਸ਼ੀਟ ਵੀ ਦਰਜ ਕੀਤੀ ਹੋਈ ਸੀ। ਰਿਪੋਰਟਾਂ ਮੁਤਾਬਕ, ਪਾਕਿਸਤਾਨ ਦੇ ਝੇਲਮ 'ਚ ਜਦੋਂ ਅਬੂ ਕਤਾਲ 'ਤੇ ਹਮਲਾ ਹੋਇਆ, ਉਸ ਵੇਲੇ ਅੱਤਵਾਦੀ ਹਾਫਿਜ਼ ਸਈਦ ਵੀ ਉਸਦੇ ਨਾਲ ਮੌਜੂਦ ਸੀ। ਹਮਲੇ ਤੋਂ ਬਾਅਦ ਤੋਂ ਹੀ ਹਾਫਿਜ਼ ਸਈਦ ਗੁੰਮਸ਼ੁਦਾ ਹੈ। ਅੱਤਵਾਦੀ ਅਬੂ ਕਤਾਲ, ਹਾਫਿਜ਼ ਸਈਦ ਦਾ ਬਹੁਤ ਨੇੜਲਾ ਮੰਨਿਆ ਜਾਂਦਾ ਸੀ। ਹਾਫਿਜ਼ ਮੂੰਬਈ ਹਮਲਿਆਂ ਦਾ ਮਾਸਟਰਮਾਈਂਡ ਹੈ। 26/11 ਮੂੰਬਈ ਅਟੈਕ 'ਚ 166 ਲੋਕਾਂ ਦੀ ਮੌਤ ਹੋਈ ਸੀ। ਲਸ਼ਕਰ ਦੇ ਲਗਭਗ 10 ਅੱਤਵਾਦੀਆਂ ਨੇ ਮੂੰਬਈ ਵਿੱਚ ਵੱਖ-ਵੱਖ ਥਾਵਾਂ 'ਤੇ ਹਮਲੇ ਕੀਤੇ ਸਨ।

• 

  ਪ੍ਰਧਾਨ ਮੰਤਰੀ ਮੋਦੀ ਦੋ ਦਿਨਾਂ ਸਾਊਦੀ ਦੌਰੇ 'ਤੇ ਜਾਣਗੇ, ਰਣਨੀਤਕ ਭਾਈਵਾਲੀ ਹੋਵੇਗੀ ਮਜ਼ਬੂਤ ​​

  National

• 

  ਖੁਸ਼ਖ਼ਬਰੀ: ਇਸ ਰੂਟ 'ਤੇ ਚਲੇਗੀ ਪਹਿਲੀ Slipper ਵੰਦੇ ਭਾਰਤ ਟ੍ਰੇਨ, ਲੰਬੀ ਦੂਰੀ ਜਾਣ ਵਾਲੇ ਯਾਤਰੀ ਬੈਠਣ ਦੀ ਬਜਾਏ ਸੌਂ ਕੇ ਕਰ ਸਕਣਗੇ ਸਫਰ

  National

• 

  ਹੈਲੀਕਾਪਟਰ ਸੰਕਟ! ਧਰੁਵ ਲਈ ਉਡਾਣਾਂ 'ਤੇ ਪਾਬੰਦੀ, ਚੇਤਕ ਅਤੇ ਚੀਤਾ ਦੇ ਹਾਦਸਿਆਂ ਨੇ ਵਧਾਇਆ ਤਣਾਅ

  National

• 

  Uttar Pardesh: ਚਲਦੀ ਕਾਰ ਵਿੱਚ ਚਚੇਰੀ ਭੈਣਾਂ ਨਾਲ ਬਲਾਤਕਾਰ ਕਰਨ ਦੀ ਕੋਸ਼ਿਸ਼, ਵਿਰੋਧ ਕਰਨ ‘ਤੇ ਪਲਟੀ ਕਾਰ, ਹਾਦਸੇ ਵਿੱਚ ਬਿਊਟੀਸ਼ੀਅਨ ਦੀ ਗਈ ਜਾਨ

  National

• 

  ਦਿੱਲੀ ਦੇ ਮੁਸਤਫਾਬਾਦ ਵਿੱਚ ਇਮਾਰਤ ਹੋਈ ਢਹਿ ਢੇਰੀ, ਲੋਕ ਮਲਬੇ ਥੱਲੇ ਦੱਬੇ,NDRF ਅਤੇ ਦਿੱਲੀ ਪੁਲਿਸ ਬਚਾਅ ਕਾਰਜ ਵਿੱਚ ਜੁਟੀ

  National