Telangana Tunnel Accident: ਬਚਾਅ ਕਾਰਜ ਦਾ 7ਵਾਂ ਦਿਨ, ਰੈਸਕਿਉ ਅਪਰੇਸ਼ਨ ‘ਚ ਰੇਲਵੇ ਦੀ ਟੀਮ ਵੀ ਜੁਟੀ

ਰਿਪੋਰਟਾਂ ਅਨੁਸਾਰ, ਹਾਦਸੇ ਤੋਂ ਬਾਅਦ ਸੁਰੰਗ ਵਿੱਚ ਕੰਮ ਕਰ ਰਹੇ ਕੁਝ ਕਾਮੇ ਡਰ ਕਾਰਨ ਆਪਣਾ ਕੰਮ ਛੱਡ ਕੇ ਚਲੇ ਗਏ ਹਨ। ਇੱਕ ਸੀਨੀਅਰ ਸਰਕਾਰੀ ਅਧਿਕਾਰੀ ਨੇ ਦੱਸਿਆ ਕਿ ਸ਼੍ਰੀਸੈਲਮ ਲੈਫਟ ਬੈਂਕ ਕੈਨਾਲ (SLBC) ਪ੍ਰੋਜੈਕਟ 'ਤੇ 800 ਲੋਕ ਕੰਮ ਕਰ ਰਹੇ ਹਨ। ਅਧਿਕਾਰੀ ਨੇ ਇਹ ਵੀ ਕਿਹਾ ਕਿ ਸ਼ੁਰੂ ਵਿੱਚ ਮਜ਼ਦੂਰਾਂ ਵਿੱਚ ਜ਼ਰੂਰ ਡਰ ਹੈ। ਹਾਲਾਂਕਿ, ਕੰਪਨੀ ਨੇ ਉਨ੍ਹਾਂ ਲਈ ਰਿਹਾਇਸ਼ੀ ਕੈਂਪ ਬਣਾਏ ਹਨ। ਕੁਝ ਲੋਕ ਵਾਪਸ ਜਾਣਾ ਚਾਹ ਸਕਦੇ ਹਨ, ਪਰ ਸਾਡੇ ਕੋਲ ਸਾਰੇ ਕਾਮਿਆਂ ਦੇ ਇਕੱਠੇ ਜਾਣ ਦੀ ਕੋਈ ਰਿਪੋਰਟ ਨਹੀਂ ਹੈ।

Telangana Tunnel Accident: ਤੇਲੰਗਾਨਾ ਦੇ ਨਾਗਰਕੁਰਨੂਲ ਵਿੱਚ ਨਿਰਮਾਣ ਅਧੀਨ ਸ਼੍ਰੀਸੈਲਮ ਲੈਫਟ ਬੈਂਕ ਨਹਿਰ (SLBC) ਸੁਰੰਗ ਦਾ ਇੱਕ ਹਿੱਸਾ 22 ਫਰਵਰੀ ਨੂੰ ਢਹਿ ਗਿਆ ਸੀ। ਘਟਨਾ ਨੂੰ 7 ਦਿਨ ਬੀਤ ਚੁੱਕੇ ਹਨ, ਪਰ ਸੁਰੰਗ ਵਿੱਚ ਫਸੇ 8 ਮਜ਼ਦੂਰਾਂ ਨੂੰ ਅਜੇ ਤੱਕ ਬਚਾਇਆ ਨਹੀਂ ਗਿਆ ਹੈ। ਬਚਾਅ ਕਾਰਜ ਜਾਰੀ ਹੈ। ਸ਼ੁੱਕਰਵਾਰ ਨੂੰ, ਦੱਖਣੀ ਮੱਧ ਰੇਲਵੇ (SCR) ਦੀਆਂ ਦੋ ਟੀਮਾਂ ਵੀ ਬਚਾਅ ਲਈ ਪਹੁੰਚੀਆਂ। ਟੀਮ ਪਲਾਜ਼ਮਾ ਕਟਰ ਅਤੇ ਬਰੌਕ ਕੱਟਣ ਵਾਲੀਆਂ ਮਸ਼ੀਨਾਂ ਵਰਗੇ ਆਧੁਨਿਕ ਉਪਕਰਣਾਂ ਦੀ ਵਰਤੋਂ ਕਰਕੇ ਭਾਰੀ ਧਾਤਾਂ ਨੂੰ ਹਟਾ ਰਹੀ ਹੈ। ਨੈਸ਼ਨਲ ਜੀਓਫਿਜ਼ੀਕਲ ਰਿਸਰਚ ਇੰਸਟੀਚਿਊਟ (ਐਨਜੀਆਰਆਈ) ਦੇ ਵਿਗਿਆਨੀ ਵੀ ਮੌਕੇ 'ਤੇ ਮੌਜੂਦ ਹਨ। ਗਰਾਊਂਡ ਪੈਨੇਟਰੇਟਿੰਗ ਰਾਡਾਰ (ਜੀਪੀਆਰ) ਦੀ ਮਦਦ ਨਾਲ, ਮਲਬੇ ਹੇਠਾਂ ਦੱਬੇ ਮਜ਼ਦੂਰਾਂ ਨੂੰ ਲੱਭਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।

ਕਿਸੇ ਵੀ ਮਜ਼ਦੂਰ ਦੀ ਜਿੰਦਾ ਮਿਲਣ ਦੀ ਸੰਭਾਵਨਾ ਘੱਟ

TOI ਦੀ ਰਿਪੋਰਟ ਦੇ ਅਨੁਸਾਰ, ਕਿਸੇ ਵੀ ਵਰਕਰ ਦੇ ਜ਼ਿੰਦਾ ਮਿਲਣ ਦੀ ਸੰਭਾਵਨਾ ਬਹੁਤ ਘੱਟ ਜਾਪਦੀ ਹੈ। ਨਗਰਕੁਰੂਨੂਲ ਦੇ ਐਸਪੀ ਵੈਭਵ ਗਾਇਕਵਾੜ ਨੇ ਕਿਹਾ ਕਿ ਮਲਬਾ ਹਟਾਉਣ ਅਤੇ ਲੋਹੇ ਦੀਆਂ ਰਾਡਾਂ ਨੂੰ ਕੱਟਣ ਦਾ ਕੰਮ ਲਗਾਤਾਰ ਜਾਰੀ ਹੈ। ਮਲਬਾ ਸਾਫ਼ ਕਰਨ ਅਤੇ ਸੁਰੰਗ ਵਿੱਚੋਂ ਪਾਣੀ ਕੱਢਣ ਦਾ ਕੰਮ ਵੀਰਵਾਰ ਸਵੇਰ ਤੋਂ ਹੀ ਜਾਰੀ ਹੈ। ਸ਼ੁੱਕਰਵਾਰ ਸਵੇਰੇ 7 ਵਜੇ ਇੱਕ ਟੀਮ ਸੁਰੰਗ ਵਿੱਚ ਗਈ।

600 ਕਰਮਚਾਰੀ ਬਚਾਅ ਕਰਜ ਵਿੱਚ ਲੱਗੇ

ਫੌਜ, ਐਨਡੀਆਰਐਫ, ਐਸਡੀਆਰਐਫ ਤੋਂ ਇਲਾਵਾ, ਹੋਰ ਰਾਜ ਸਰਕਾਰੀ ਏਜੰਸੀਆਂ ਦੇ ਲਗਭਗ 600 ਕਰਮਚਾਰੀ ਬਚਾਅ ਕਾਰਜ ਵਿੱਚ ਲੱਗੇ ਹੋਏ ਹਨ। ਉੱਤਰਾਖੰਡ ਦੀ ਸਿਲਕਾਰਿਆ ਸੁਰੰਗ ਵਿੱਚ ਫਸੇ ਲੋਕਾਂ ਨੂੰ ਬਚਾਉਣ ਵਾਲੀ ਟੀਮ ਵੀ ਇਸ ਵਿੱਚ ਸ਼ਾਮਲ ਹੈ।

ਸੁਰੰਗ ਵਿੱਚ ਫਸੇ ਮਜ਼ਦੂਰਾਂ ਦੇ ਪਰਿਵਾਰ ਬੋਲੇ- ਅੰਦਰੋਂ ਕੋਈ ਖ਼ਬਰ ਨਹੀਂ ਆਈ

ਸੁਰੰਗ ਦੇ ਅੰਦਰ ਫਸੇ ਪੰਜਾਬ ਦੇ ਗੁਰਪ੍ਰੀਤ ਸਿੰਘ ਦੇ ਚਾਚੇ ਨੇ ਦੱਸਿਆ ਕਿ ਅੱਜ 7 ਦਿਨ ਹੋ ਗਏ ਹਨ। ਅੰਦਰ ਦੀ ਕੋਈ ਖ਼ਬਰ ਨਹੀਂ ਹੈ। ਅਸੀਂ ਸਰਕਾਰ ਨੂੰ ਬੇਨਤੀ ਕਰਦੇ ਹਾਂ ਕਿ ਸਾਨੂੰ ਜਲਦੀ ਦੱਸੇ ਕਿ ਉਨ੍ਹਾਂ ਨੂੰ ਬਾਹਰ ਕੱਢਣ ਲਈ ਕਦੋਂ ਸਮਾਂ ਲੱਗੇਗਾ। ਉਨ੍ਹਾਂ ਕਿਹਾ ਕਿ ਪਿੰਡ ਵਿੱਚ ਸਾਡੇ ਪਰਿਵਾਰਕ ਮੈਂਬਰ ਚਿੰਤਤ ਹਨ ਅਤੇ ਖਾਣਾ ਨਹੀਂ ਖਾ ਰਹੇ ਹਨ।  ਝਾਰਖੰਡ ਦੇ ਸੰਤੋਸ਼ ਸਾਹੂ ਦੇ ਰਿਸ਼ਤੇਦਾਰ ਸਰਵਣ ਨੇ ਕਿਹਾ ਕਿ 22 ਫਰਵਰੀ ਨੂੰ ਸੂਚਨਾ ਮਿਲੀ ਕਿ ਮੇਰਾ ਜੀਜਾ ਸੁਰੰਗ ਵਿੱਚ ਫਸ ਗਿਆ ਹੈ। ਘਟਨਾ ਨੂੰ 7 ਦਿਨ ਹੋ ਗਏ ਹਨ ਪਰ ਸਾਨੂੰ ਕੋਈ ਜਾਣਕਾਰੀ ਨਹੀਂ ਮਿਲੀ ਹੈ ਕਿ ਉਹ ਠੀਕ ਹੈ ਜਾਂ ਨਹੀਂ।

• 

  ਬ੍ਰੇਕਿੰਗ - ਪੰਜਾਬ 'ਚ ਹਿਮਾਚਲ ਰੋਡਵੇਜ਼ ਦੀ ਬੱਸ ਉਪਰ ਹਮਲਾ, ਨਕਾਬਪੋਸ਼ਾਂ ਨੇ ਕੀਤੀ ਵਾਰਦਾਤ 

  National

• 

  ਪੰਜਾਬ ਦੇ ਸੈਲਾਨੀ ਨੂੰ ਸ਼ਰਾਬ ਪੀ ਕੇ ਗੱਡੀ ਚਲਾਉਣਾ ਪਿਆ ਮਹਿੰਗਾ, ਹਿਮਾਚਲ ਪੁਲਿਸ ਨੇ ਕੱਟਿਆ 27,500 ਰੁਪਏ ਦਾ ਚਲਾਨ 

  National

• 

  ਹਿੰਸਾ ਭੜਕਣ ਤੋਂ ਬਾਅਦ ਨਾਗਪੁਰ ਦੇ 11 ਇਲਾਕਿਆਂ ਵਿੱਚ Curfew, 33 ਪੁਲਿਸ ਵਾਲੇ ਜ਼ਖਮੀ, 50 ਲੋਕ ਗ੍ਰਿਫ਼ਤਾਰ

  National

• 

  Seema Haider ਇੱਕ ਵਾਰ ਫਿਰ ਖ਼ਬਰਾਂ ਵਿੱਚ, ਗ੍ਰੇਟਰ ਨੋਇਡਾ ਦੇ ਹਸਪਤਾਲ ਵਿੱਚ ਸਚਿਨ ਮੀਣਾ ਦੀ ਬੱਚੀ ਨੂੰ ਦਿੱਤਾ ਜਨਮ

  National

• 

  ਹਾਥਰਸ ਵਿੱਚ ਬਲਾਤਕਾਰ ਦਾ ਸ਼ਿਕਾਰ ਹੋਈ ਬੱਚੀ ਦੀ ਹਾਲਤ ਵਿੱਚ ਹੋ ਰਿਹਾ ਸੁਧਾਰ, ਬੁੱਲ 'ਤੇ ਵੱਢਿਆ, ਗਰਦਨ ਤੇ ਝਰੀਟ ਅਤੇ ਸਿਰ ਵਿੱਚ ਲੱਗੀ ਸੱਟ

  National