ਪੁਣੇ: ਸਰਕਾਰੀ ਬੱਸ ਵਿੱਚ ਬਲਾਤਕਾਰ ਦਾ ਮਾਮਲਾ, ਮੁਲਜ਼ਮ ਗ੍ਰਿਫ਼ਤਾਰ, ਪੁਲਿਸ ਅਧਿਕਾਰੀ ਨੇ ਕਿਹਾ- ਪਿੰਡ ਵਾਸੀਆਂ ਦੀ ਮਦਦ ਨਾਲ ਫੜਿਆ

ਇਸ ਘਟਨਾ ਤੋਂ ਬਾਅਦ, ਮਹਾਰਾਸ਼ਟਰ ਦੇ ਟਰਾਂਸਪੋਰਟ ਮੰਤਰੀ ਪ੍ਰਤਾਪ ਸਰਨਾਇਕ ਨੇ ਸਹਾਇਕ ਟਰਾਂਸਪੋਰਟ ਸੁਪਰਡੈਂਟ ਅਤੇ ਬੱਸ ਡਿਪੂ ਮੈਨੇਜਰ ਵਿਰੁੱਧ ਵਿਭਾਗੀ ਜਾਂਚ ਦੇ ਹੁਕਮ ਦਿੱਤੇ ਹਨ। ਉਨ੍ਹਾਂ ਕਿਹਾ ਕਿ ਜੇਕਰ ਦੋਸ਼ੀ ਪਾਏ ਜਾਂਦੇ ਹਨ ਤਾਂ ਉਨ੍ਹਾਂ ਨੂੰ ਮੁਅੱਤਲ ਕਰ ਦਿੱਤਾ ਜਾਵੇਗਾ।

ਪੁਣੇ ਵਿੱਚ ਇੱਕ ਖੜ੍ਹੀ ਬੱਸ ਦੇ ਅੰਦਰ 26 ਸਾਲਾ ਔਰਤ ਨਾਲ ਬਲਾਤਕਾਰ ਦੇ ਦੋਸ਼ੀ ਨੂੰ ਵੀਰਵਾਰ ਦੇਰ ਰਾਤ ਮਹਾਰਾਸ਼ਟਰ ਦੇ ਸ਼ਿਰੂਰ ਤੋਂ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਕ੍ਰਾਈਮ ਬ੍ਰਾਂਚ ਪੁਣੇ ਦੇ ਡੀਸੀਪੀ ਨਿਖਿਲ ਪਿੰਗਲੇ ਨੇ ਕਿਹਾ ਕਿ ਦੋਸ਼ੀ ਨੂੰ ਦੁਪਹਿਰ 1:30 ਵਜੇ ਪਿੰਡ ਦੇ ਇੱਕ ਖੇਤ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਡੀਸੀਪੀ ਪਿੰਗਲੇ ਨੇ ਕਿਹਾ ਕਿ ਗ੍ਰਿਫ਼ਤਾਰੀ ਦੀ ਪੂਰੀ ਪ੍ਰਕਿਰਿਆ ਦੌਰਾਨ ਪਿੰਡ ਦੇ ਲੋਕ ਸਾਡੇ ਨਾਲ ਜੁੜੇ ਹੋਏ ਸਨ। ਪਿੰਡ ਵਾਸੀਆਂ ਨੇ ਦੋਸ਼ੀ ਨੂੰ ਪਛਾਣ ਲਿਆ ਅਤੇ ਪੁਲਿਸ ਨੂੰ ਸੂਚਿਤ ਕੀਤਾ। ਫੜਨ ਵਿੱਚ ਵੀ ਮਦਦ ਕੀਤੀ। ਦੋਸ਼ੀ ਨੂੰ ਅੱਗੇ ਦੀ ਜਾਂਚ ਲਈ ਪੁਣੇ ਭੇਜ ਦਿੱਤਾ ਗਿਆ ਹੈ। ਦੋਸ਼ੀ ਦੱਤਾਤ੍ਰੇਯ ਰਾਮਦਾਸ ਗਾਡੇ ਨੇ 25 ਫਰਵਰੀ ਨੂੰ ਸਰਕਾਰੀ ਸਵਾਰਗੇਟ ਡਿਪੂ 'ਤੇ ਇਹ ਅਪਰਾਧ ਕੀਤਾ ਸੀ। ਉਸ 'ਤੇ 1 ਲੱਖ ਰੁਪਏ ਦਾ ਇਨਾਮ ਸੀ।

ਡਿਪੂ ਮੈਨੇਜਰ ਖਿਲਾਫ਼ ਜਾਂਚ ਦੇ ਹੁਕਮ

ਇਸ ਘਟਨਾ ਤੋਂ ਬਾਅਦ, ਮਹਾਰਾਸ਼ਟਰ ਦੇ ਟਰਾਂਸਪੋਰਟ ਮੰਤਰੀ ਪ੍ਰਤਾਪ ਸਰਨਾਇਕ ਨੇ ਸਹਾਇਕ ਟਰਾਂਸਪੋਰਟ ਸੁਪਰਡੈਂਟ ਅਤੇ ਬੱਸ ਡਿਪੂ ਮੈਨੇਜਰ ਵਿਰੁੱਧ ਵਿਭਾਗੀ ਜਾਂਚ ਦੇ ਹੁਕਮ ਦਿੱਤੇ ਹਨ। ਉਨ੍ਹਾਂ ਕਿਹਾ ਕਿ ਜੇਕਰ ਦੋਸ਼ੀ ਪਾਏ ਜਾਂਦੇ ਹਨ ਤਾਂ ਉਨ੍ਹਾਂ ਨੂੰ ਮੁਅੱਤਲ ਕਰ ਦਿੱਤਾ ਜਾਵੇਗਾ। ਉਨ੍ਹਾਂ ਬੱਸ ਡਿਪੂ 'ਤੇ ਤੈਨਾਤ ਪੁਰਾਣੇ ਸੁਰੱਖਿਆ ਕਰਮਚਾਰੀਆਂ ਨੂੰ ਹਟਾਉਣ ਦੇ ਵੀ ਨਿਰਦੇਸ਼ ਦਿੱਤੇ।

ਮੁਲਜ਼ਮ ਦਾ ਭਾਲ ਕਰ ਰਹੀਆਂ ਸਨ ਪੁਲਿਸ ਦੀਆਂ 13 ਟੀਮਾਂ

ਪੁਣੇ ਸਿਟੀ ਪੁਲਿਸ ਨੇ ਕਿਹਾ ਕਿ ਕ੍ਰਾਈਮ ਬ੍ਰਾਂਚ ਯੂਨਿਟ ਦੀਆਂ 8 ਟੀਮਾਂ ਅਤੇ ਸਵਾਰਗੇਟ ਪੁਲਿਸ ਸਟੇਸ਼ਨ ਦੀਆਂ 5 ਟੀਮਾਂ ਮੁਲਜ਼ਮ ਦੀ ਭਾਲ ਕਰ ਰਹੀਆਂ ਹਨ। ਟੀਮਾਂ ਨੂੰ ਜ਼ਿਲ੍ਹੇ ਤੋਂ ਬਾਹਰ ਵੀ ਭੇਜਿਆ ਗਿਆ ਹੈ। ਰਾਜ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਰੂਪਾਲੀ ਚਾਕਾਂਕਰ ਨੇ ਕਿਹਾ ਕਿ ਇਹ ਘਟਨਾ ਬਹੁਤ ਹੀ ਮੰਦਭਾਗੀ ਹੈ। ਪੁਲਿਸ ਨੇ ਸ਼ਿਕਾਇਤ 'ਤੇ ਤੁਰੰਤ ਕਾਰਵਾਈ ਕੀਤੀ ਹੈ। ਦੋਸ਼ੀ ਦੋ-ਤਿੰਨ ਦਿਨਾਂ ਵਿੱਚ ਫੜਿਆ ਜਾਵੇਗਾ।

• 

  ਕੇਜਰੀਵਾਲ ਖਿਲਾਫ ਦਰਜ ਕੀਤੀ ਜਾਵੇ FIR, ਦਿੱਲੀ ਅਦਾਲਤ ਨੇ ਦਿੱਤੇ ਹੁਕਮ, ਸਰਕਾਰੀ ਪੈਸੇ ਦੀ ਦੁਰਵਰਤੋਂ ਦਾ ਦੋਸ਼

  National

• 

  ED ਦੀ ਕਾਂਗਰਸ ਵਿਧਾਇਕ ਸੁਖਪਾਲ ਖਹਿਰਾ ਖਿਲਾਫ ਵੱਡੀ ਕਾਰਵਾਈ, ਚੰਡੀਗੜ੍ਹ ਸਥਿਤ ਕੋਠੀ ਕੀਤੀ ਅਟੈਚ, 3.84 ਕਰੋੜ ਕੀਮਤ

  National

• 

  400 ਕੁੜੀਆਂ ਲਾਪਤਾ..., ਈਸਾਈ ਭਾਈਚਾਰੇ ਲਈ ਜਾਰਜ ਦੇ ਬਿਆਨ ਨੇ ਮਚਾ ਦਿੱਤੀ ਹਲਚਲ! 'ਕੇਰਲ ਕਹਾਣੀ'

  National

• 

  Gangster ਅਮਨ ਸਾਹੂ Police encounter ਵਿੱਚ ਢੇਰ, ਸਾਥੀਆਂ ਨੇ ਛੁਡਾਉਣ ਲਈ Scorpio'ਤੇ ਸੁੱਟਿਆ ਬੰਬ

  National

• 

  ਤੇਲੰਗਾਨਾ ਸੁਰੰਗ ਹਾਦਸੇ ਵਿੱਚ ਹੁਣ Robots ਵੀ ਬਚਾਅ ਕਾਰਜ ਵਿੱਚ ਹੋਏ ਸ਼ਾਮਲ, ਵਰਤੋਂ 'ਤੇ 4 Crore ਖਰਚ ਕਰੇਗੀ Government

  National