ਮੋਟੀ-ਮੋਟੀ ਕਹਿ ਕੇ ਛੇੜਦੇ ਸਨ ਲੋਕ, 18 ਸਾਲਾ ਕੁੜੀ 3 ਮਹੀਨੇ ਕਰਦੀ ਰਹੀ ਲੋੜ ਤੋਂ ਵੱਧ Dieting, Death

ਸ਼੍ਰੀਨੰਦਾ ਦੇ ਕੇਸ ਹਿਸਟਰੀ ਦੀ ਸਮੀਖਿਆ ਕਰਦੇ ਹੋਏ, ਡਾਕਟਰਾਂ ਨੇ ਉਸਦੀਆਂ ਪੁਰਾਣੀਆਂ ਤਸਵੀਰਾਂ ਦੀ ਜਾਂਚ ਕੀਤੀ। ਇਸ ਦੌਰਾਨ, ਡਾਕਟਰਾਂ ਨੇ ਪਾਇਆ ਕਿ ਪਹਿਲਾਂ ਉਸਦਾ ਭਾਰ ਲਗਭਗ 50 ਕਿਲੋ ਸੀ, ਪਰ ਜਦੋਂ ਉਸਨੂੰ ਹਸਪਤਾਲ ਲਿਆਂਦਾ ਗਿਆ, ਤਾਂ ਉਸਦਾ ਭਾਰ 25 ਕਿਲੋ ਤੋਂ ਘੱਟ ਸੀ। ਉਹ ਤਿੰਨ ਮਹੀਨਿਆਂ ਦੇ ਅੰਦਰ-ਅੰਦਰ ਇਸ ਗੰਭੀਰ ਹਾਲਤ ਵਿੱਚ ਪਹੁੰਚ ਗਈ।

Excessive dieting : ਕੇਰਲ ਵਿੱਚ ਬਹੁਤ ਜ਼ਿਆਦਾ ਡਾਇਟਿੰਗ ਕਾਰਨ 18 ਸਾਲਾ ਇੱਕ ਕੁੜੀ ਦੀ ਮੌਤ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਲੋਕ ਉਸਨੂੰ ਉਸਦੇ ਮੋਟਾਪੇ ਬਾਰੇ ਛੇੜਦੇ ਸਨ। ਬਹੁਤ ਜ਼ਿਆਦਾ ਡਾਇਟਿੰਗ ਕਾਰਨ ਉਸਨੂੰ ਗੰਭੀਰ ਸਿਹਤ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ ਅਤੇ ਉਸਨੂੰ ਥੈਲੇਸਰੀ ਸਹਿਕਾਰੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। ਜਿੱਥੇ ਇਲਾਜ ਦੌਰਾਨ ਉਸਦੀ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਸ਼੍ਰੀਨੰਦਾ ਨਿਵਾਸੀ ਕੰਨੂਰ ਵਜੋਂ ਹੋਈ ਹੈ।

ਯੂਟਿਊਬ ਤੋਂ ਭਾਰ ਘਟਾਉਣ ਲਈ ਸਲਾਹ ਲਈ

ਲੜਕੀ ਦਾ ਇਲਾਜ ਕਰ ਰਹੇ ਡਾਕਟਰਾਂ ਨੇ ਉਸਦੇ ਮਾਪਿਆਂ ਦੇ ਹਵਾਲੇ ਨਾਲ ਕਿਹਾ ਕਿ ਸ਼੍ਰੀਨੰਦਾ ਨੇ ਯੂਟਿਊਬ ਤੋਂ ਭਾਰ ਘਟਾਉਣ ਲਈ ਖੁਰਾਕ ਬਾਰੇ ਸਲਾਹ ਲਈ ਸੀ ਕਿਉਂਕਿ ਉਹ ਸਰੀਰਕ ਤੌਰ 'ਤੇ ਸ਼ਰਮਿੰਦਾ ਹੋ ਰਹੀ ਸੀ। ਉਸ ਦੇ ਡਾਕਟਰ, ਡਾ. ਨਾਗੇਸ਼ ਮਨੋਹਰ ਪ੍ਰਭੂ ਨੇ ਕਿਹਾ ਕਿ ਸ਼੍ਰੀਨੰਦਾ ਦੀ ਹਾਲਤ ਐਨੋਰੈਕਸੀਆ ਨਰਵੋਸਾ ਨਾਲ ਜੁੜੀ ਹੋਈ ਸੀ, ਜੋ ਕਿ ਇੱਕ ਗੰਭੀਰ ਖਾਣ-ਪੀਣ ਸੰਬੰਧੀ ਵਿਕਾਰ ਹੈ। ਇਸ ਵਿੱਚ, ਲੋਕ ਜ਼ਿਆਦਾ ਖਾਣਾ ਖਾਣ ਤੋਂ ਪਰਹੇਜ਼ ਕਰਦੇ ਹਨ ਅਤੇ ਭਾਰ ਵਧਣ ਤੋਂ ਡਰਦੇ ਹਨ।

ਪਾਣੀ ਪੀਣ ਵਿੱਚ ਆਈ ਮੁਸ਼ਕਲ 

ਸ਼੍ਰੀਨੰਦਾ ਨੇ ਆਪਣੀ ਖੁਰਾਕ ਕਾਫ਼ੀ ਘਟਾ ਦਿੱਤੀ ਸੀ। ਇਸ ਤੋਂ ਪਹਿਲਾਂ, ਉਸਨੂੰ ਪਾਣੀ ਪੀਣ ਵਿੱਚ ਮੁਸ਼ਕਲ ਆਉਣ ਕਾਰਨ ਕੋਜ਼ੀਕੋਡ ਦੇ ਸਰਕਾਰੀ ਮੈਡੀਕਲ ਕਾਲਜ ਹਸਪਤਾਲ ਲਿਜਾਇਆ ਗਿਆ। ਉੱਥੋਂ ਦੇ ਡਾਕਟਰਾਂ ਨੇ ਉਸਦੇ ਮਾਪਿਆਂ ਨੂੰ ਮਨੋਵਿਗਿਆਨੀ ਨੂੰ ਮਿਲਣ ਦੀ ਸਲਾਹ ਦਿੱਤੀ, ਪਰ ਕੋਈ ਕਦਮ ਨਹੀਂ ਚੱਕਿਆ ਗਿਆ । ਅਖੀਰ, ਜਦੋਂ ਉਸਨੂੰ ਖਾਣ ਵਿੱਚ ਮੁਸ਼ਕਲ ਆਈ, ਤਾਂ ਉਸਨੂੰ ਥੈਲਸੇਰੀ ਸਹਿਕਾਰੀ ਹਸਪਤਾਲ ਲਿਆਂਦਾ ਗਿਆ।

ਕੁਪੋਸ਼ਣ ਕਾਰਨ ਮਾਸਪੇਸ਼ੀਆਂ ਵਿੱਚ ਆਈ ਕਮੀ

ਡਾ: ਪ੍ਰਭੂ ਨੇ ਕਿਹਾ, 'ਜਦੋਂ ਉਸ ਨੂੰ ਦਾਖਲ ਕੀਤਾ ਗਿਆ ਸੀ, ਤਾਂ ਉਸਦਾ ਬਲੱਡ ਪ੍ਰੈਸ਼ਰ 70, ਆਕਸੀਜਨ ਦਾ ਪੱਧਰ 70-72 ਅਤੇ ਬਲੱਡ ਸ਼ੂਗਰ 45 ਸੀ।' ਉਸਦੇ ਸੋਡੀਅਮ ਅਤੇ ਪੋਟਾਸ਼ੀਅਮ ਦਾ ਪੱਧਰ ਵੀ ਬਹੁਤ ਘੱਟ ਸੀ। ਡਾ. ਪ੍ਰਭੂ ਨੇ ਕਿਹਾ ਕਿ ਭਾਰ ਘਟਾਉਣ ਦੇ ਰੁਟੀਨ ਦੇ ਕਾਰਨ ਲੰਬੇ ਸਮੇਂ ਤੱਕ ਕੁਪੋਸ਼ਣ ਕਾਰਨ ਉਸ ਦੀਆਂ ਮਾਸਪੇਸ਼ੀਆਂ ਵਿੱਚ ਕਾਫ਼ੀ ਕਮੀ ਆਈ ਹੈ। ਜਦੋਂ ਉਸਨੂੰ ਹਸਪਤਾਲ ਲਿਆਂਦਾ ਗਿਆ ਤਾਂ ਉਸਦਾ ਭਾਰ 25 ਕਿਲੋ ਸੀ।

• 

  ਬਜਟ ਸੈਸ਼ਨ ਦਾ ਤੀਜਾ ਦਿਨ,ਟ੍ਰਾਈ ਲੈਗਵਿਜ਼ ਅਤੇ ਵੋਟਰ ਸੂਚੀ 'ਤੇ ਅੱਜ ਚਰਚਾ ਸੰਭਵ

  National

• 

  ਕੇਜਰੀਵਾਲ ਖਿਲਾਫ ਦਰਜ ਕੀਤੀ ਜਾਵੇ FIR, ਦਿੱਲੀ ਅਦਾਲਤ ਨੇ ਦਿੱਤੇ ਹੁਕਮ, ਸਰਕਾਰੀ ਪੈਸੇ ਦੀ ਦੁਰਵਰਤੋਂ ਦਾ ਦੋਸ਼

  National

• 

  ED ਦੀ ਕਾਂਗਰਸ ਵਿਧਾਇਕ ਸੁਖਪਾਲ ਖਹਿਰਾ ਖਿਲਾਫ ਵੱਡੀ ਕਾਰਵਾਈ, ਚੰਡੀਗੜ੍ਹ ਸਥਿਤ ਕੋਠੀ ਕੀਤੀ ਅਟੈਚ, 3.84 ਕਰੋੜ ਕੀਮਤ

  National

• 

  400 ਕੁੜੀਆਂ ਲਾਪਤਾ..., ਈਸਾਈ ਭਾਈਚਾਰੇ ਲਈ ਜਾਰਜ ਦੇ ਬਿਆਨ ਨੇ ਮਚਾ ਦਿੱਤੀ ਹਲਚਲ! 'ਕੇਰਲ ਕਹਾਣੀ'

  National

• 

  Gangster ਅਮਨ ਸਾਹੂ Police encounter ਵਿੱਚ ਢੇਰ, ਸਾਥੀਆਂ ਨੇ ਛੁਡਾਉਣ ਲਈ Scorpio'ਤੇ ਸੁੱਟਿਆ ਬੰਬ

  National