ਯੂਪੀ ਵਿੱਚ ਦਰਦਨਾਕ ਹਾਦਸਾ, ਨਹਾਉਣ ਗਏ ਨੌਜਵਾਨ ਨਦੀ ਵਿੱਚ ਡੁੱਬੇ, ਦੋ ਦੀਆਂ ਲਾਸ਼ਾ ਬਰਾਮਦ, ਤੀਜੇ ਦੀ ਭਾਲ ਜਾਰੀ

ਮ੍ਰਿਤਕ ਗੰਗਾ ਵਿੱਚ ਇਸ਼ਨਾਨ ਕਰ ਰਹੇ ਸਨ। ਨਹਾਉਂਦੇ ਸਮੇਂ ਤਿੰਨੋਂ ਡੂੰਘੇ ਪਾਣੀ ਵਿੱਚ ਡੁੱਬ ਗਏ। ਸੂਚਨਾ ਮਿਲਣ ‘ਤੇ ਪਰਿਵਾਰਕ ਮੈਂਬਰ ਘਾਟ 'ਤੇ ਪਹੁੰਚੇ। ਇਸ ਤੋਂ ਬਾਅਦ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ। ਗੋਤਾਖੋਰਾਂ ਦੀ ਮਦਦ ਨਾਲ ਭਾਲ ਸ਼ੁਰੂ ਕਰ ਦਿੱਤੀ ਗਈ। ਕੁੱਝ ਹੀ ਘੰਟਿਆਂ ਬਾਅਦ 2 ਨੌਜਵਾਨਾਂ ਦੀ ਲਾਸ਼ਾ ਨੂੰ ਬਰਾਮਦ ਕੀਤਾ ਗਿਆ। ਹਾਲਾਂਕਿ ਤੀਜੇ ਦਾ ਅਜੇ ਕੁੱਝ ਵੀ ਪਤਾ ਨਹੀਂ ਚੱਲ ਸਕਿਆ ਹੈ। 

ਮਿਰਜ਼ਾਪੁਰ ਦੇ ਚੁਨਾਰ ਥਾਣਾ ਖੇਤਰ ਦੇ ਸੱਦੂਪੁਰ ਦੇ ਰਹਿਣ ਵਾਲੇ ਤਿੰਨ ਨੌਜਵਾਨ ਗੰਗਾ ਨਦੀ ਵਿੱਚ ਨਹਾਉਣ ਲਈ ਰਾਮ ਘਾਟ ਗਏ ਸਨ, ਜਿੱਥੇ ਨਹਾਉਂਦੇ ਸਮੇਂ ਡੂੰਘੇ ਪਾਣੀ ਵਿੱਚ ਜਾਣ ਕਾਰਨ ਡੁੱਬ ਗਏ। ਉਨ੍ਹਾਂ ਨਾਲ ਆਏ ਚੌਥੇ ਨੌਜਵਾਨ ਨੇ ਘਰ ਜਾ ਕੇ ਪੂਰੀ ਜਾਣਕਾਰੀ ਦਿੱਤੀ। ਜਿਸ ਤੋਂ ਬਾਅਦ ਪਰਿਵਾਰਕ ਮੈਂਬਰ ਘਾਟ 'ਤੇ ਪਹੁੰਚ ਗਏ। ਸੂਚਨਾ ਮਿਲਦੇ ਹੀ ਪੁਲਿਸ ਮੌਕੇ 'ਤੇ ਪਹੁੰਚ ਗਈ ਅਤੇ ਗੋਤਾਖੋਰਾਂ ਦੀ ਮਦਦ ਨਾਲ ਭਾਲ ਸ਼ੁਰੂ ਕਰ ਦਿੱਤੀ। ਡੇਢ ਘੰਟੇ ਬਾਅਦ ਇੱਕ ਲਾਸ਼ ਮਿਲੀ ਅਤੇ ਸਾਢੇ ਤਿੰਨ ਘੰਟੇ ਬਾਅਦ ਦੂਜੀ ਲਾਸ਼ ਮਿਲੀ। ਤੀਜੇ ਦੀ ਭਾਲ ਕੀਤੀ ਜਾ ਰਹੀ ਹੈ। ਤਹਿਸੀਲਦਾਰ ਅਤੇ ਕੋਤਵਾਲ ਪੁਲਿਸ ਟੀਮ ਸਮੇਤ ਮੌਕੇ 'ਤੇ ਮੌਜੂਦ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਡੁੱਬਣ ਵਾਲੇ ਆਪਸ ਵਿੱਚ ਚਚੇਰੇ ਭਰਾ ਸਨ। 

ਨਾਨਕੇ ਪਿੰਡ ਆਏ ਹੋਏ ਸਨ ਮ੍ਰਿਤਕ

ਪ੍ਰਤਾਪਗੜ੍ਹ ਦੇ ਕੁੰਡਾ ਵਾਸੀ ਯੋਗੇਸ਼ ਤਿਵਾੜੀ (9) ਪੁੱਤਰ ਯੋਗੇਸ਼ ਤਿਵਾੜੀ ਆਪਣੇ ਚਚੇਰੇ ਭਾਈ ਪਨਾਰੂ ਤਿਵਾੜੀ (9) ਪੁੱਤਰ ਮੁੰਨਾ ਤਿਵਾੜੀ ਵਾਸੀ ਮਛਲੀ ਸ਼ਹਿਰ ਜੌਨਪੁਰ ਨਾਲ ਨਾਨਕੇ ਚੁਨਾਰ ਦੇ ਸੱਦੂਪੁਰ ਵਾਸੀ ਮਾਮਾ ਵਿਕਾਸ ਤਿਵਾੜੀ ਦੇ ਘਰ ਆਇਆ ਹੋਇਆ ਸੀ। ਸ਼ੁੱਕਰਵਾਰ ਸ਼ਾਮ ਨੂੰ ਲਗਭਗ 4 ਵਜੇ, ਅੰਸ਼ੂ, ਪਨਾਰੂ ਆਪਣੇ ਚਚੇਰੇ ਭਰਾ ਸ਼੍ਰੀਨਿਵਾਸ (17) ਪੁੱਤਰ ਵਿਕਾਸ ਤਿਵਾੜੀ ਅਤੇ ਪਰਿਵਾਰ ਉਮੰਗ ਤਿਵਾੜੀ (10) ਨਾਲ ਗੰਗਾ ਵਿੱਚ ਇਸ਼ਨਾਨ ਕਰਨ ਲਈ ਰਾਮਘਾਟ ਪਹੁੰਚੇ।

ਗੋਤਾਖੋਰਾਂ ਦੀ ਮਦਦ ਨਾਲ ਭਾਲ ਕੀਤੀ ਸ਼ੁਰੂ

ਅੰਸ਼ੂ, ਪਾਨਾਰੂ ਅਤੇ ਸ਼੍ਰੀਨਿਵਾਸ ਗੰਗਾ ਵਿੱਚ ਇਸ਼ਨਾਨ ਕਰ ਰਹੇ ਸਨ। ਉਮੰਗ ਘਾਟ 'ਤੇ ਹੀ ਬੈਠਾ ਸੀ। ਨਹਾਉਂਦੇ ਸਮੇਂ, ਤਿੰਨੋਂ ਡੂੰਘੇ ਪਾਣੀ ਵਿੱਚ ਡੁੱਬ ਗਏ। ਉਮੰਗ ਘਰ ਭੱਜਿਆ ਅਤੇ ਆਪਣੇ ਪਰਿਵਾਰ ਨੂੰ ਡੁੱਬਣ ਬਾਰੇ ਦੱਸਿਆ। ਜਿਸ ਤੋਂ ਬਾਅਦ ਪਰਿਵਾਰਕ ਮੈਂਬਰ ਘਾਟ 'ਤੇ ਪਹੁੰਚ ਗਏ। ਸੂਚਨਾ ਮਿਲਦੇ ਹੀ ਪੁਲਿਸ ਵੀ ਮੌਕੇ 'ਤੇ ਪਹੁੰਚ ਗਈ ਅਤੇ ਗੋਤਾਖੋਰਾਂ ਦੀ ਮਦਦ ਨਾਲ ਭਾਲ ਸ਼ੁਰੂ ਕਰ ਦਿੱਤੀ।

ਗੋਤਾਖੋਰਾਂ ਦੀ ਮਦਦ ਨਾਲ 2 ਲਾਸ਼ਾ ਬਰਾਮਦ 

ਐਸਡੀਐਮ ਰਾਜੇਸ਼ ਕੁਮਾਰ ਵਰਮਾ ਵੀ ਮੌਕੇ 'ਤੇ ਪਹੁੰਚ ਗਏ। ਗੋਤਾਖੋਰਾਂ ਦੀ ਗਿਣਤੀ ਵਧਾਈ। ਗੋਤਾਖੋਰਾਂ ਨੇ ਤਿੰਨ-ਚਾਰ ਜਣਿਆਂ ਦੀਆਂ ਟੀਮਾਂ ਬਣਾ ਕੇ ਭਾਲ ਸ਼ੁਰੂ ਕਰ ਦਿੱਤੀ। ਗੋਤਾਖੋਰਾਂ ਨੇ ਲਗਭਗ ਡੇਢ ਘੰਟੇ ਬਾਅਦ ਪਨਾਰੂ ਤਿਵਾੜੀ ਨੂੰ ਪਾਣੀ ਵਿੱਚੋਂ ਬਾਹਰ ਕੱਢਿਆ। ਪੁਲਿਸ ਉਸਨੂੰ ਤੁਰੰਤ ਪ੍ਰਾਇਮਰੀ ਸਿਹਤ ਕੇਂਦਰ ਲੈ ਗਈ। ਜਿੱਥੇ ਡਾਕਟਰ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਸਾਢੇ ਤਿੰਨ ਘੰਟਿਆਂ ਬਾਅਦ, ਅੰਸ਼ੂ ਤਿਵਾੜੀ ਦੀ ਲਾਸ਼ ਘਟਨਾ ਵਾਲੀ ਥਾਂ ਤੋਂ 50 ਫੁੱਟ ਦੂਰ ਬਰਾਮਦ ਕੀਤੀ ਗਈ। ਡੁੱਬੇ ਸ਼੍ਰੀਨਿਵਾਸ ਦੀ ਭਾਲ ਜਾਰੀ ਹੈ। ਘਾਟ 'ਤੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਚੁਨਾਰ ਕੋਤਵਾਲ ਰਵਿੰਦਰ ਭੂਸ਼ਣ ਮੌਰਿਆ ਨੇ ਦੱਸਿਆ ਕਿ ਤਿੰਨ ਬੱਚੇ ਨਹਾਉਂਦੇ ਸਮੇਂ ਡੁੱਬ ਗਏ। ਦੋ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ। ਤੀਜੇ ਦੀ ਭਾਲ ਕੀਤੀ ਜਾ ਰਹੀ ਹੈ।

• 

  ਪਹਿਲਗਾਮ ਹਮਲੇ ਮਗਰੋਂ ਪੰਜਾਬ ਅੰਦਰ ਪਾਕਿਸਤਾਨ ਸਬੰਧਾਂ ਦੀ ਘੋਖ ਕਰ ਰਹੀ NIA, ਕਈ ਸੂਬਿਆਂ 'ਚ ਮਾਰੀ ਰੇਡ 

  National

• 

  ਪਾਕਿਸਤਾਨ ਦੀ ਨਾਪਾਕ ਹਰਕਤ - 48 ਘੰਟਿਆਂ ਮਗਰੋਂ ਵੀ ਰਿਹਾਅ ਨਹੀਂ ਕੀਤਾ BSF ਜਵਾਨ, ਪਰਿਵਾਰ ਚਿੰਤਤ 

  National

• 

  ਨੈਸ਼ਨਲ ਹੈਰਾਲਡ ਮਨੀ ਲਾਂਡਰਿੰਗ ਮਾਮਲੇ ਵਿੱਚ ਸੋਨੀਆ ਅਤੇ ਰਾਹੁਲ ਗਾਂਧੀ ਨੂੰ ਫਿਲਹਾਲ ਰਾਹਤ, ਅਦਾਲਤ ਨੇ ਨੋਟਿਸ ਜਾਰੀ ਕਰਨ ਤੋਂ ਕੀਤਾ ਇਨਕਾਰ

  National

• 

  ਇਸਰੋ ਦੇ ਸਾਬਕਾ ਮੁਖੀ ਕ੍ਰਿਸ਼ਨਾਸਵਾਮੀ ਕਸਤੂਰੀਰੰਗਨ ਦਾ ਦੇਹਾਂਤ, 84 ਸਾਲ ਦੀ ਉਮਰ ਵਿੱਚ ਬੈਂਗਲੁਰੂ ਵਿੱਚ ਆਖਰੀ ਸਾਹ ਲਿਆ

  National

• 

  ਬਿਹਾਰ ਵਿੱਚ ਦਰਦਨਾਕ ਕਤਲ, ਸਾਧੂ ਦੇ ਵਾਲ ਉਖਾੜੇ, ਔਰਤ ਦੀਆਂ ਅੱਖਾਂ ਕੱਢੀਆਂ, ਲਾਸ਼ਾਂ ਦੇ ਚਿਹਰੇ ਤੱਕ ਕੁਚਲ ਦਿੱਤੇ

  National