Last Updated :
23 October 2023, 03:48 PM IST
Army: ਦੇਸ਼ ਅਤੇ ਦੁਨੀਆਂ ਦੇ ਕਈ ਹਿੱਸਿਆਂ ਤੋਂ ਕਈ ਖਬਰਾਂ ਸਾਹਮਣੇ ਆ ਰਹੀਆਂ ਹਨ। ਪਰ ਅੱਜ ਦੀਆਂ ਸਭ ਤੋ ਮੁੱਖ ਅਤੇ ਵੱਡੀਆਂ ਕੁਝ ਖਬਰਾਂ ਤੁਹਾਡੇ ਨਾਲ ਸਾਝੀਆ ਕਰ ਰਹੇ ਹਾਂ। ਇਸ ਵਿੱਚ ਇੱਕ ਭਾਰਤੀ ਫੌਜ਼ ਅਗਨੀਵੀਰ ਨਾਲ ਜੁੜੀ ਹੋਈ ਹੈ। ਭਾਰਤੀ ਫੌਜ ਨੇ ਐਤਵਾਰ ਨੂੰ ਅਗਨੀਵੀਰ (Agniveer) ਗਵਤੇ ਅਕਸ਼ੈ ਲਕਸ਼ਮਣ ਦੇ ਪਰਿਵਾਰ ਨੂੰ ਦਿੱਤੀ ਜਾਣ ਵਾਲੀ ਵਿੱਤੀ ਸਹਾਇਤਾ ਤੇ ਸਪੱਸ਼ਟੀਕਰਨ ਦਿੱਤਾ ਹੈ। ਦਰਅਸਲ ਵਿੱਚ ਉਕਤ ਜਵਾਨ ਡਿਊਟੀ ਦੌਰਾਨ ਮਰ ਗਏ ਸਨ। ਕਿਹਾ ਗਿਆ ਹੈ ਕਿ ਉਸਦੇ ਨਜ਼ਦੀਕੀ ਰਿਸ਼ਤੇਦਾਰਾਂ ਨੂੰ ਮੁਆਵਜ਼ਾ ਸਬੰਧਤ ਸ਼ਰਤਾਂ ਦੁਆਰਾ ਨਿਯੰਤਰਿਤ ਕੀਤਾ ਜਾਂਦਾ ਹੈ। ਇਸ ਅਗਨੀਵੀਰ (Agniveer) ਭਰਤੀ ਰਾਹੀਂ ਸ਼ਾਮਲ ਹੋਏ ਸਿਪਾਹੀ ਲਕਸ਼ਮਣ ਦੀ ਦੁਨੀਆ ਦੇ ਸਭ ਤੋਂ ਉੱਚੇ ਫੌਜੀ ਖੇਤਰ ਸਿਆਚਿਨ ਵਿੱਚ ਡਿਊਟੀ ਦੌਰਾਨ ਮੌਤ ਹੋ ਗਈ ਸੀ। ਭਾਰਤੀ ਫੌਜ ਨੇ ਕਿਹਾ ਕਿ ਭੱਤਿਆਂ ਵਿੱਚ 48 ਲੱਖ ਦੀ ਗੈਰ-ਅੰਸ਼ਦਾਨ ਵਾਲੀ ਬੀਮਾ ਰਕਮ, ਅਤੇ 44 ਲੱਖ ਦੀ ਐਕਸ-ਗ੍ਰੇਸ਼ੀਆ ਭੁਗਤਾਨ, ਅਗਨੀਵੀਰ ਤੋਂ ਸੇਵਾ ਨਿਧੀ ਯੋਗਦਾਨ (30%) ਅਤੇ ਸਰਕਾਰ ਦੁਆਰਾ ਮੇਲ ਖਾਂਦਾ ਯੋਗਦਾਨ, ਇਕੱਠੇ ਹੋਏ ਵਿਆਜ ਸਮੇਤ ਸ਼ਾਮਲ ਹਨ। ਇਸ ਵਿੱਚ ਉਸ ਦੀ ਮੌਤ ਦੀ ਮਿਤੀ ਤੋਂ ਚਾਰ ਸਾਲ ਪੂਰੇ ਹੋਣ ਤੱਕ ਬਾਕੀ ਰਹਿੰਦੇ ਕਾਰਜਕਾਲ ਲਈ ਸਿਪਾਹੀ ਦੀ ਤਨਖਾਹ ਵੀ ਸ਼ਾਮਲ ਹੁੰਦੀ ਹੈ। ਜੋ ਪਰਿਵਾਰ ਨੂੰ ਦੇ ਦਿੱਤੀ ਜਾਵੇਗੀ। ਆਰਮੀ ਨੇ ਸਪਸ਼ਟ ਕੀਤਾ ਹੈ ਕਿ ਅਗਨੀਵੀਰ (Agniveer) ਦੀ ਰਾਸ਼ੀ ਨਾਲ ਕੋਈ ਵੀ ਛੇੜਛਾੜ ਨਹੀਂ ਕੀਤੀ ਜਾਵੇਗੀ। ਦੱਸਿਆ ਗਿਆ ਸੀ ਕਿ ਇਸ ਨੂੰ ਲੈਕੇ ਕਈ ਤਰਾਂ ਦੀਆਂ ਅਟਕਲਾਂ ਲਗਾਈਆਂ ਜਾ ਰਹੀਆਂ ਸਨ ਕਿ ਇਸ ਅਗਨੀਵੀਰ ਸ਼ਹੀਦ ਨੂੰ ਰਾਸ਼ੀ ਦਿੱਤੀ ਜਾਵੇਗੀ ਜਾਂ ਨਹੀਂ। ਇਸ ਨੂੰ ਲੈਕੇ ਕਈ ਬਿਆਨ ਵੀ ਸਾਹਮਣੇ ਆਏ ਸਨ। ਜਿਸ ਉੱਪਰ ਆਰਮੀ ਨੇ ਆਪਣਾ ਸਪਸ਼ਟੀਕਰਨ ਦੇ ਦਿੱਤਾ ਹੈ।
ਦੂਜੇ ਪਾਸੇ ਤਾਮਿਲਨਾਡੂ ਵਿੱਚ ਰਾਸ਼ਟਰੀ ਸਵੈਮ ਸੇਵਕ ਸੰਘ (ਆਰਐਸਐਸ) ਨੇ ਮਦਰਾਸ ਹਾਈ ਕੋਰਟ ਦੁਆਰਾ ਇਜਾਜ਼ਤ ਦਿੱਤੇ ਜਾਣ ਦੇ ਬਾਵਜੂਦ ਐਤਵਾਰ ਨੂੰ ਆਪਣਾ ਰੂਟ ਮਾਰਚ ਕਰਨ ਦੀ ਇਜਾਜ਼ਤ ਦੇਣ ਵਿੱਚ ਅਸਫਲ ਰਹਿਣ ਲਈ ਰਾਜ ਦੇ ਗ੍ਰਹਿ ਵਿਭਾਗ ਅਤੇ ਸੀਨੀਅਰ ਪੁਲਿਸ ਅਧਿਕਾਰੀਆਂ ਨੂੰ ਮਾਣਹਾਨੀ ਨੋਟਿਸ ਭੇਜਿਆ ਹੈ। ਪਿਛਲੇ ਹਫ਼ਤੇ ਅਦਾਲਤ ਨੇ 11 ਜ਼ਿਲ੍ਹਿਆਂ ਵਿੱਚ ਰੂਟ ਮਾਰਚ ਦੀ ਇਜਾਜ਼ਤ ਦਿੱਤੀ ਸੀ ਅਤੇ ਤਿੰਨ ਜ਼ਿਲ੍ਹਿਆਂ ਵਿੱਚ ਰੱਦ ਕਰ ਦਿੱਤੀ ਸੀ। ਆਰਐਸਐਸ ਦੀ ਸੂਬਾ ਇਕਾਈ ਨੇ ਇੱਕ ਬਿਆਨ ਜਾਰੀ ਕੀਤਾ ਕਿ ਰਾਜ ਭਰ ਵਿੱਚ ਪੁਲਿਸ ਨੇ ਇਜਾਜ਼ਤ ਨਹੀਂ ਦਿੱਤੀ ਹੈ।
