Last Updated :
19 October 2023, 08:00 PM IST
Himanta Sharma: ਇਜ਼ਰਾਈਲ-ਹਮਾਸ ਯੁੱਧ ਤੇ ਸ਼ਰਦ ਪਵਾਰ (Sharad Pawar) ਦੀਆਂ ਟਿੱਪਣੀਆਂ ਨੂੰ ਲੈ ਕੇ ਚੱਲ ਰਹੀ ਸਿਆਸੀ ਹਲਚਲ ਦੇ ਵਿਚਕਾਰ ਅਸਾਮ ਦੇ ਮੁੱਖ ਮੰਤਰੀ ਹਿਮੰਤ ਬਿਸਵਾ ਸਰਮਾ ਨੇ ਬੁੱਧਵਾਰ ਨੂੰ ਜਵਾਬ ਦਿੱਤਾ। ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ ਦੇ ਮੁਖੀ ਤੇ ਵਿਅੰਗ ਕਰਦਿਆਂ ਹਿਮੰਤ ਸ਼ਰਮਾ ਨੇ ਕਿਹਾ ਕਿ ਅਜਿਹਾ ਲੱਗਦਾ ਹੈ ਕਿ ਉਹ ਆਪਣੀ ਧੀ ਸੁਪ੍ਰੀਆ ਸੁਲੇ ਨੂੰ ਲੜਾਈ ਲਈ ਗਾਜ਼ਾ ਭੇਜਣਗੇ। ਉਹਨਾਂ ਕਿਹਾ ਕਿ ਮੈਨੂੰ ਲਗਦਾ ਹੈ ਕਿ ਸ਼ਰਦ ਪਵਾਰ (Sharad Pawar) ਸੁਪ੍ਰਿਆ ਮੈਡਮ ਨੂੰ ਹਮਾਸ ਲਈ ਲੜਨ ਲਈ ਗਾਜ਼ਾ ਭੇਜੇਗਾ। ਸਰਮਾ ਨੇ ਨਿਊਜ਼ ਏਜੰਸੀ ਏਐਨਆਈ ਨੂੰ ਨਾਲ ਗੱਲਬਾਤ ਦੌਰਾਨ ਇਹ ਬਿਆਨ ਦਿੱਤਾ। ਐੱਨਸੀਪੀ ਮੁਖੀ ਵੱਲੋਂ ਇਜ਼ਰਾਈਲ ਨਾਲ ਇਕਜੁੱਟਤਾ ਦਿਖਾਉਣ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਆਲੋਚਨਾ ਕਰਨ ਤੋਂ ਬਾਅਦ ਸਿਆਸੀ ਭੜਾਸ ਪੈਦਾ ਹੋ ਗਈ ਹੈ।
ਹੋਰ ਪੜ੍ਹੋ : ਪ੍ਰਧਾਨ ਮੰਤਰੀ ਮੋਦੀ ਮਹਾਰਾਸ਼ਟਰ ਵਿੱਚ 500 ਤੋਂ ਵੱਧ ਪੇਂਡੂ ਹੁਨਰ ਵਿਕਾਸ ਕੇਂਦਰਾਂ ਦੀ ਸ਼ੁਰੂਆਤ ਕਰਨਗੇ
ਸ਼ਰਧ ਪਵਾਰ (Sharad Pawar) ਨੇ ਸੰਬੋਧਨ ਕਰਦਿਆਂ ਕਿਹਾ ਪੂਰੀ ਜ਼ਮੀਨ ਫਲਸਤੀਨ ਦੀ ਹੈ ਅਤੇ ਇਜ਼ਰਾਈਲ ਨੇ ਉਨ੍ਹਾਂ ਦੀ ਜ਼ਮੀਨ ਤੇ ਕਬਜ਼ਾ ਕਰ ਲਿਆ ਹੈ। ਉਹ ਜਗ੍ਹਾ, ਜ਼ਮੀਨ ਅਤੇ ਘਰ, ਸਭ ਕੁਝ ਫਲਸਤੀਨ ਦਾ ਸੀ ਅਤੇ ਬਾਅਦ ਵਿੱਚ ਇਜ਼ਰਾਈਲ ਨੇ ਇਸ ਤੇ ਕਬਜ਼ਾ ਕਰ ਲਿਆ।
ਕੇਂਦਰੀ ਮੰਤਰੀ ਪਿਊਸ਼ ਗੋਇਲ ਨੇ ਪਵਾਰ ਦੀ ਟਿੱਪਣੀ ਤੇ ਨਿਰਾਸ਼ਾ ਜ਼ਾਹਰ ਕਰਦੇ ਹੋਏ ਦੁਨੀਆ ਭਰ ਵਿੱਚ ਅੱਤਵਾਦ ਦੀ ਨਿੰਦਾ ਕਰਨ ਦੀ ਲੋੜ ਤੇ ਜ਼ੋਰ ਦਿੱਤਾ। ਗੋਇਲ ਨੇ ਧਿਆਨ ਦਿਵਾਇਆ ਕਿ ਪਵਾਰ (Sharad Pawar) ਨੇ ਸੁਰੱਖਿਆ ਦੀਆਂ ਗੰਭੀਰ ਘਟਨਾਵਾਂ ਦੌਰਾਨ ਸਰਕਾਰ ਵਿਚ ਪ੍ਰਮੁੱਖ ਅਹੁਦਿਆਂ ਤੇ ਕੰਮ ਕੀਤਾ ਸੀ। ਉਹਨਾਂ ਨੇ ਕਿਹਾ ਕਿ ਇਹ ਬਹੁਤ ਹੀ ਪਰੇਸ਼ਾਨ ਕਰਨ ਵਾਲੀ ਗੱਲ ਹੈ ਜਦੋਂ ਸ਼ਰਦ ਪਵਾਰ ਵਰਗਾ ਸੀਨੀਅਰ ਨੇਤਾ ਇਜ਼ਰਾਈਲ ਚ ਹੋਏ ਅੱਤਵਾਦੀ ਹਮਲੇ ਤੇ ਭਾਰਤ ਦੇ ਸਟੈਂਡ ਤੇ ਬੇਤੁਕੀ ਬਿਆਨਬਾਜ਼ੀ ਕਰਦਾ ਹੈ। ਅੱਤਵਾਦ ਦੇ ਖਤਰੇ ਦੀ ਦੁਨੀਆ ਦੇ ਕਿਸੇ ਵੀ ਹਿੱਸੇ, ਰੂਪ ਵਿੱਚ ਨਿੰਦਾ ਕੀਤੀ ਜਾਣੀ ਚਾਹੀਦੀ ਹੈ। ਇਹ ਦੁੱਖ ਦੀ ਗੱਲ ਹੈ ਕਿ ਉਹ ਵਿਅਕਤੀ ਜੋ ਭਾਰਤ ਦੇ ਰੱਖਿਆ ਮੰਤਰੀ ਦੇ ਨਾਲ-ਨਾਲ ਕਈ ਵਾਰ ਮੁੱਖ ਮੰਤਰੀ ਵੀ ਰਿਹਾ ਹੈ, ਅੱਤਵਾਦ ਨਾਲ ਸਬੰਧਤ ਮੁੱਦਿਆਂ ਬਾਰੇ ਅਜਿਹਾ ਆਮ ਵਿਚਾਰ ਰੱਖਦਾ ਹੈ। ਆਪਣੀ ਪੋਸਟ ਵਿੱਚ ਗੋਇਲ ਨੇ ਕਿਹਾ ਕਿ ਪਵਾਰ ਜੀ ਉਸੇ ਸਰਕਾਰ ਦਾ ਹਿੱਸਾ ਸਨ ਜਿਸ ਨੇ ਬਾਟਲਾ ਹਾਊਸ ਮੁਕਾਬਲੇ ਤੇ ਹੰਝੂ ਵਹਾਏ ਸਨ ਅਤੇ ਭਾਰਤ ਦੀ ਧਰਤੀ ਤੇ ਅੱਤਵਾਦੀ ਹਮਲੇ ਹੋਣ ਤੇ ਸੌਂ ਗਏ ਸਨ।
ਮਹਾਰਾਸ਼ਟਰ ਦੇ0 ਉਪ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਵੀ ਐੱਨਸੀਪੀ ਮੁਖੀ ਦੀ ਟਿੱਪਣੀ ਦੀ ਨਿੰਦਾ ਕੀਤੀ ਅਤੇ ਕਿਹਾ ਕਿ ਦੇਸ਼ ਨੇ ਇਸ ਮੁੱਦੇ ਤੇ ਕਦੇ ਵੀ ਆਪਣੀ ਸਥਿਤੀ ਨਹੀਂ ਬਦਲੀ ਪਰ ਹਮੇਸ਼ਾ ਅੱਤਵਾਦ ਦਾ ਸਖ਼ਤ ਵਿਰੋਧ ਕੀਤਾ ਹੈ। ਉਨ੍ਹਾਂ ਨੇ ਐਕਸ ਤੇ ਇਕ ਪੋਸਟ ਵਿਚ ਕਿਹਾ ਭਾਰਤ ਨੇ ਕਦੇ ਵੀ ਇਜ਼ਰਾਈਲ-ਫਲਸਤੀਨ ਵਿਵਾਦ ਤੇ ਆਪਣਾ ਰੁਖ ਨਹੀਂ ਬਦਲਿਆ ਹੈ। ਹਾਲਾਂਕਿ ਇਸ ਦੇ ਨਾਲ ਹੀ ਭਾਰਤ ਲਗਾਤਾਰ ਕਿਸੇ ਵੀ ਰੂਪ ਵਿਚ ਅਤੇ ਕਿਸੇ ਦੇ ਵੀ ਵਿਰੁੱਧ ਅੱਤਵਾਦ ਦਾ ਲਗਾਤਾਰ ਵਿਰੋਧ ਕਰਦਾ ਰਿਹਾ ਹੈ।
