ਹਰਿਆਣਾ ਨੂੰ ਛੇਤੀ ਮਿਲੇਗਾ ਨਵਾਂ ਭਾਜਪਾ ਪ੍ਰਧਾਨ, 4 ਵੱਡੇ ਆਗੂਆਂ ਖਿਲਾਫ ਕਾਰਵਾਈ ਦੀ ਵੀ ਤਿਆਰੀ 

ਭਾਜਪਾ ਸੂਤਰਾਂ ਅਨੁਸਾਰ ਅਗਲੇ 2-3 ਦਿਨਾਂ ਵਿੱਚ ਸੰਗਠਨ ਚੋਣ ਇੰਚਾਰਜ ਅਰੁਣ ਸਿੰਘ ਸੂਬਾ ਪ੍ਰਧਾਨ ਦੀ ਚੋਣ ਦਾ ਐਲਾਨ ਕਰ ਸਕਦੇ ਹਨ। 

ਹਰਿਆਣਾ ਭਾਜਪਾ ਨੂੰ ਨਵਾਂ ਪ੍ਰਧਾਨ ਛੇਤੀ ਮਿਲਣ ਦੀ ਖ਼ਬਰ ਹੈ। ਇਸੇ ਹਫ਼ਤੇ ਪ੍ਰਧਾਨਗੀ ਦੇ ਲਈ ਨਾਮ ਦੀ ਐਲਾਨ ਹੋਣ ਦੀ ਉਮੀਦ ਹੈ। ਇਸਦੇ ਲਈ ਮੌਜੂਦਾ ਪ੍ਰਧਾਨ ਮੋਹਨ ਲਾਲ ਬੜੌਲੀ ਦਾ ਨਾਮ ਲਗਭਗ ਤੈਅ ਮੰਨਿਆ ਜਾ ਰਿਹਾ ਹੈ। ਬੜੌਲੀ ਦਿੱਲੀ ਗਏ ਸੀ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਰਾਸ਼ਟਰੀ ਪ੍ਰਧਾਨ ਜੇਪੀ ਨੱਡਾ ਨਾਲ ਮੁਲਾਕਾਤ ਵੀ ਕੀਤੀ। ਭਾਜਪਾ ਸੂਤਰਾਂ ਅਨੁਸਾਰ ਅਗਲੇ 2-3 ਦਿਨਾਂ ਵਿੱਚ ਸੰਗਠਨ ਚੋਣ ਇੰਚਾਰਜ ਅਰੁਣ ਸਿੰਘ ਸੂਬਾ ਪ੍ਰਧਾਨ ਦੀ ਚੋਣ ਦਾ ਐਲਾਨ ਕਰ ਸਕਦੇ ਹਨ। 

ਪ੍ਰਧਾਨਗੀ ਲਈ ਪਾਰਟੀ ਨੂੰ ਕੀਤਾ ਬਦਨਾਮ 

ਹਰਿਆਣਾ ਪ੍ਰਧਾਨ ਦੇ ਬਣਨ ਦੇ ਨਾਲ ਨਾਲ ਪਾਰਟੀ ਦੇ 2 ਸਾਬਕਾ ਸੰਸਦ ਮੈਂਬਰਾਂ, ਕੇਂਦਰੀ ਮੰਤਰੀ ਦੇ ਕਰੀਬੀ ਇੱਕ ਨੇਤਾ ਅਤੇ ਇੱਕ ਜਾਤੀ ਨਾਲ ਸਬੰਧਤ ਇੱਕ ਲਾਬੀ ਵਿਰੁੱਧ ਵੀ ਕਾਰਵਾਈ ਕੀਤੀ ਜਾ ਸਕਦੀ ਹੈ। ਭਾਜਪਾ ਹਾਈਕਮਾਨ ਨੇ ਇਸ 'ਤੇ ਸਖ਼ਤ ਰੁਖ਼ ਅਪਣਾਇਆ ਹੈ। ਪਾਰਟੀ ਨੂੰ ਸ਼ੱਕ ਹੈ ਕਿ ਇਹ ਲੋਕ ਕਸੌਲੀ ਸਮੂਹਿਕ ਬਲਾਤਕਾਰ ਮਾਮਲੇ ਵਿੱਚ ਸਰਗਰਮ ਸਨ ਤਾਂ ਜੋ ਬੜੌਲੀ ਨੂੰ ਦੁਬਾਰਾ ਪ੍ਰਧਾਨ ਬਣਨ ਤੋਂ ਰੋਕਿਆ ਜਾ ਸਕੇ। ਇਹ ਪੂਰੀ ਲਾਬੀ ਹਾਲੇ ਵੀ ਇਸ ਮੁੱਦੇ ਨੂੰ ਉਭਾਰ ਰਹੀ ਹੈ, ਜਿਸ ਕਾਰਨ ਨਾ ਸਿਰਫ਼ ਬੜੌਲੀ ਸਗੋਂ ਪਾਰਟੀ ਵੀ ਬਦਨਾਮ ਹੋ ਰਹੀ ਹੈ।

ਹਾਈਕਮਾਂਡ ਨੇ ਮੰਗੀ ਹੈ ਰਿਪੋਰਟ 

ਭਾਜਪਾ ਨਾਲ ਜੁੜੇ ਸੂਤਰਾਂ ਅਨੁਸਾਰ, ਹਰਿਆਣਾ ਵਿਧਾਨ ਸਭਾ ਚੋਣਾਂ ਵਿੱਚ ਪਾਰਟੀ ਦੇ ਬਹੁਮਤ ਤੋਂ ਬਾਅਦ, ਬੜੌਲੀ ਨੂੰ ਦੁਬਾਰਾ ਪ੍ਰਧਾਨ ਬਣਾ ਕੇ ਇਨਾਮ ਮਿਲਣਾ ਯਕੀਨੀ ਸੀ। ਇਸ ਦੌਰਾਨ ਪਿਛਲੇ ਸਾਲ ਹਿਮਾਚਲ ਪ੍ਰਦੇਸ਼ ਦੇ ਕਸੌਲੀ ਵਿੱਚ ਹੋਏ ਸਮੂਹਿਕ ਬਲਾਤਕਾਰ ਮਾਮਲੇ ਸੰਬੰਧੀ ਉਹਨਾਂ ਦੇ ਖਿਲਾਫ ਐਫਆਈਆਰ ਵਾਇਰਲ ਹੋ ਗਈ ਸੀ। ਹਾਲਾਂਕਿ, ਪੁਲਿਸ ਜਾਂਚ ਦੌਰਾਨ ਇਹ ਫਰਜੀ ਕੇਸ ਨਿਕਲਿਆ। ਇਸਦੇ ਉਲਟ, ਬਲਾਤਕਾਰ ਦੇ ਦੋਸ਼ ਲਗਾਉਣ ਵਾਲੀ ਕੁੜੀ ਹਨੀਟ੍ਰੈਪ ਮਾਮਲੇ ਵਿੱਚ ਫਸ ਗਈ। ਹੁਣ ਭਾਜਪਾ ਦੀ ਅੰਦਰੂਨੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਕੁਝ ਆਗੂ ਜਿਨ੍ਹਾਂ ਦੀ ਬੜੌਲੀ ਨਾਲ ਨਫ਼ਰਤ ਸੀ ਅਤੇ ਪ੍ਰਧਾਨ ਦੇ ਅਹੁਦੇ 'ਤੇ ਨਜ਼ਰਾਂ ਰੱਖ ਰਹੇ ਸਨ, ਇਸ ਸਾਜ਼ਿਸ਼ ਵਿੱਚ ਸ਼ਾਮਲ ਸਨ। ਇਸਦੇ ਨਾਲ ਹੀ ਮਾਮਲਾ ਦਰਜ ਹੋਣ ਤੋਂ ਬਾਅਦ ਕੁਝ ਨੇਤਾਵਾਂ ਨੇ ਬੜੌਲੀ 'ਤੇ ਦਬਾਅ ਪਾਉਣ ਦੀ ਕੋਸ਼ਿਸ਼ ਵੀ ਕੀਤੀ, ਜਿਸ ਨਾਲ ਭਾਜਪਾ ਦੀ ਬਦਨਾਮੀ ਹੋਈ। ਇਸ ਲਈ, ਇਸ ਮਾਮਲੇ 'ਤੇ ਗੁਪਤ ਰੂਪ ਵਿੱਚ ਰਿਪੋਰਟ ਮੰਗੀ ਗਈ ਹੈ। ਇਨ੍ਹਾਂ ਆਗੂਆਂ ਵਿਰੁੱਧ ਜਲਦੀ ਹੀ ਕਾਰਵਾਈ ਕੀਤੀ ਜਾ ਸਕਦੀ ਹੈ।

• 

  Chardham Yatra : ਇਸ ਵਾਰ BKTC ਖੁਦ ਕਰੇਗਾ ਪ੍ਰਸ਼ਾਦ ਦੀ ਪੈਕਿੰਗ, ਨਹੀਂ ਹੋਵੇਗੀ ਪੋਲੀਥੀਨ ਦੀ ਵਰਤੋਂ

  National

• 

  ਭਾਰਤ 'ਚ ਆਇਆ ਭੂਚਾਲ, ਡਰ ਦੇ ਮਾਰੇ ਘਰਾਂ ਚੋਂ ਬਾਹਰ ਨਿਕਲੇ ਲੋਕ, ਜਾਣੋ ਕਿਹੜਾ ਸੂਬਾ ਰਿਹਾ ਕੇਂਦਰ ਬਿੰਦੂ ਤੇ ਕਿਉਂ ਆਉਂਦੇ ਨੇ ਭੂਚਾਲ 

  National

• 

  ਲੋਕ ਸਭਾ ‘ਚ ਕੱਲ 12 ਵਜੇ ਪੇਸ਼ ਕੀਤਾ ਜਾਵੇਗਾ ਵਕਫ਼ ਸੋਧ ਬਿੱਲ,ਸਪੀਕਰ ਨੇ ਦਿੱਤਾ ਚਰਚਾ ਲਈ 8 ਘੰਟੇ ਦਾ ਸਮਾਂ

  National

• 

  ਕਰੰਟ ਲੱਗਣ ਨਾਲ ਇਕੱਠੇ ਦੁਨੀਆਂ ਤੋਂ ਵਿਦਾ ਹੋਏ Husband ਅਤੇ Wife, ਕੱਪੜੇ ਸੁਖਾਉਣ ਸਮੇਂ ਵਾਪਰਿਆ ਹਾਦਸਾ  

  National

• 

  ਸਕੂਲ ਵੈਨ ਅਤੇ ਮਿੰਨੀ ਬੱਸ ਵਿਚਕਾਰ ਆਹਮੋ-ਸਾਹਮਣੇ ਟੱਕਰ, 8 ਬੱਚੇ ਗੰਭੀਰ ਜਖਮੀ, ਬੱਸ ਚਾਲਕ ਫਰਾਰ 

  National