ਹਰਿਆਣਾ ਦਾ ਗੈਂਗਸਟਰ ਜੋਗਿੰਦਰ ਗਯੋਂਗ ਦਿੱਲੀ ਏਅਰਪੋਰਟ ਤੋਂ ਗ੍ਰਿਫਤਾਰ, ਫਿਲੀਪੀਨਜ਼ ਨੇ ਦੇਸ਼ ਨਿਕਾਲਾ ਦਿੱਤਾ 

ਗਯੋਂਗ ਵਿਰੁੱਧ ਹਰਿਆਣਾ, ਪੰਜਾਬ, ਦਿੱਲੀ ਅਤੇ ਉੱਤਰ ਪ੍ਰਦੇਸ਼ ਵਿੱਚ ਕਤਲ ਅਤੇ ਜਬਰਨ ਵਸੂਲੀ ਵਰਗੇ ਕਈ ਗੰਭੀਰ ਮਾਮਲੇ ਦਰਜ ਹਨ। ਉਹ ਕਾਂਗਰਸ ਨੇਤਾ ਤੇ ਸੰਸਦ ਮੈਂਬਰ ਰਣਦੀਪ ਸੂਰਜੇਵਾਲਾ ਨੂੰ ਧਮਕੀ ਦੇ ਕੇ ਸੁਰਖੀਆਂ ਵਿੱਚ ਆਇਆ ਸੀ। ਇਸਤੋਂ ਇਲਾਵਾ ਉਸਨੇ ਬਿਹਾਰ ਦੇ ਰਾਸ਼ਟਰੀ ਜਨਤਾ ਦਲ ਦੇ ਸੰਸਦ ਮੈਂਬਰ ਸੰਜੇ ਯਾਦਵ ਤੋਂ 20 ਕਰੋੜ ਰੁਪਏ ਦੀ ਫਿਰੌਤੀ ਦੀ ਮੰਗ ਵੀ ਕੀਤੀ ਸੀ।

ਰਾਸ਼ਟਰੀ ਨਿਊਜ਼। ਹਰਿਆਣਾ ਦੇ ਕੈਥਲ ਵਾਸੀ ਅੰਤਰਰਾਸ਼ਟਰੀ ਗੈਂਗਸਟਰ ਜੋਗਿੰਦਰ ਗਯੋਂਗ ਨੂੰ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਨੇ ਗ੍ਰਿਫ਼ਤਾਰ ਕਰ ਲਿਆ। ਉਸਨੂੰ ਫਿਲੀਪੀਨਜ਼ 'ਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਜਿੱਥੇ ਉਹ 2 ਸਾਲਾਂ ਤੋਂ ਜਾਅਲੀ ਪਛਾਣ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਜਿਸਤੋਂ ਬਾਅਦ ਉਸਨੂੰ ਦੇਸ਼ ਨਿਕਾਲਾ ਦੇ ਦਿੱਤਾ ਗਿਆ। ਜਦੋਂ ਉਹ ਐਤਵਾਰ ਨੂੰ ਦਿੱਲੀ ਹਵਾਈ ਅੱਡੇ 'ਤੇ ਪਹੁੰਚਿਆ ਤਾਂ ਪੁਲਿਸ ਨੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ। ਗਯੋਂਗ ਵਿਰੁੱਧ ਹਰਿਆਣਾ, ਪੰਜਾਬ, ਦਿੱਲੀ ਅਤੇ ਉੱਤਰ ਪ੍ਰਦੇਸ਼ ਵਿੱਚ ਕਤਲ ਅਤੇ ਜਬਰਨ ਵਸੂਲੀ ਵਰਗੇ ਕਈ ਗੰਭੀਰ ਮਾਮਲੇ ਦਰਜ ਹਨ। ਉਹ ਕਾਂਗਰਸ ਨੇਤਾ ਤੇ ਸੰਸਦ ਮੈਂਬਰ ਰਣਦੀਪ ਸੂਰਜੇਵਾਲਾ ਨੂੰ ਧਮਕੀ ਦੇ ਕੇ ਸੁਰਖੀਆਂ ਵਿੱਚ ਆਇਆ ਸੀ। ਇਸਤੋਂ ਇਲਾਵਾ ਉਸਨੇ ਬਿਹਾਰ ਦੇ ਰਾਸ਼ਟਰੀ ਜਨਤਾ ਦਲ ਦੇ ਸੰਸਦ ਮੈਂਬਰ ਸੰਜੇ ਯਾਦਵ ਤੋਂ 20 ਕਰੋੜ ਰੁਪਏ ਦੀ ਫਿਰੌਤੀ ਦੀ ਮੰਗ ਵੀ ਕੀਤੀ ਸੀ। ਉਸਦੀ ਗ੍ਰਿਫ਼ਤਾਰੀ ਲਈ 1 ਲੱਖ ਰੁਪਏ ਦੇ ਇਨਾਮ ਦਾ ਐਲਾਨ ਕੀਤਾ ਗਿਆ ਸੀ। ਕੈਥਲ ਦੇ ਐਸਪੀ ਰਾਜੇਸ਼ ਕਾਲੀਆ ਦੇ ਅਨੁਸਾਰ, ਸੁਰੇਂਦਰ ਗਯੋਂਗ ਇਸ ਸਮੇਂ ਦਿੱਲੀ ਪੁਲਿਸ ਦੀ ਹਿਰਾਸਤ ਵਿੱਚ ਹੈ। ਹਰਿਆਣਾ ਐਸਟੀਐਫ ਜਲਦੀ ਹੀ ਉਸਨੂੰ ਆਪਣੀ ਹਿਰਾਸਤ ਵਿੱਚ ਲੈ ਲਵੇਗੀ ਅਤੇ ਕੈਥਲ ਵਿੱਚ ਦਰਜ ਮਾਮਲਿਆਂ ਦੀ ਦੁਬਾਰਾ ਜਾਂਚ ਕਰਕੇ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।

ਜਾਣੋ ਕੌਣ ਹੈ ਗੈਂਗਸਟਰ ਗਯੋਂਗ 

ਜੋਗਿੰਦਰ ਗਯੋਂਗ ਕੈਥਲ ਦੇ ਗਯੋਂਗ ਪਿੰਡ ਦਾ ਵਸਨੀਕ ਹੈ। ਉਹ ਪੁਲਿਸ ਦੀ ਲੋੜੀਂਦੀ ਸੂਚੀ ਵਿੱਚ ਦੂਜੇ ਨੰਬਰ 'ਤੇ ਹੈ। ਉਸਦਾ ਭਰਾ ਸੁਰੇਂਦਰ ਗਯੋਂਗ ਵੀ ਇੱਕ ਖਤਰਨਾਕ ਅਪਰਾਧੀ ਸੀ। ਉਸ ਦੀਆਂ ਧਮਕੀਆਂ ਤੋਂ ਤੰਗ ਆ ਕੇ ਕਾਂਗਰਸੀ ਨੇਤਾ ਅਤੇ ਸੰਸਦ ਮੈਂਬਰ ਰਣਦੀਪ ਸੂਰਜੇਵਾਲਾ ਨੇ ਵੀ ਹਾਈ ਕੋਰਟ ਤੋਂ ਸੁਰੱਖਿਆ ਮੰਗੀ ਸੀ। 2017 ਵਿੱਚ ਕਰਨਾਲ ਪੁਲਿਸ ਨੇ ਸੁਰੇਂਦਰ ਨੂੰ ਰਾਹਦਾ ਪਿੰਡ ਵਿੱਚ ਇੱਕ ਮੁਕਾਬਲੇ ਵਿੱਚ ਮਾਰ ਦਿੱਤਾ ਸੀ। ਇਸ ਤੋਂ ਬਾਅਦ ਜੋਗਿੰਦਰ ਨੇ ਵੀ ਅਪਰਾਧ ਦੀ ਦੁਨੀਆ ਵਿੱਚ ਪ੍ਰਵੇਸ਼ ਕਰ ਲਿਆ। ਉਸਨੂੰ ਪਤਾ ਲੱਗਾ ਕਿ ਜੈਦੇਵ, ਜੋ ਕਿ ਪੁਲਿਸ ਇੰਸਪੈਕਟਰ ਦੇ ਅਹੁਦੇ ਤੋਂ ਸੇਵਾਮੁਕਤ ਸੀ, ਨੇ ਉਸਦੇ ਭਰਾ ਬਾਰੇ ਜਾਣਕਾਰੀ ਦਿੱਤੀ ਸੀ। ਇਸਤੋਂ ਬਾਅਦ ਉਹ ਜੋਗਿੰਦਰ ਜੈਦੇਵ ਦਾ ਪਿੱਛਾ ਕਰਨ ਲੱਗ ਪਿਆ ਸੀ। ਸੁਰੇਂਦਰ ਦੀ ਮੌਤ ਤੋਂ ਬਾਅਦ ਜੋਗਿੰਦਰ ਪੈਰੋਲ 'ਤੇ ਆਇਆ ਸੀ। ਉਹ ਆਪਣੇ ਭਰਾ ਦੇ ਕਤਲ ਦਾ ਬਦਲਾ ਲੈਣਾ ਚਾਹੁੰਦਾ ਸੀ।

ਇੰਸਪੈਕਟਰ ਨੂੰ ਮਾਰੀਆਂ ਸੀ 13 ਗੋਲੀਆਂ 

ਇਸ ਦੌਰਾਨ ਮਧੂਵਨ ਚ ਇੰਸਪੈਕਟਰ ਰਹੇ ਜਿਲ੍ਹੇ ਸਿੰਘ ਦੀ 30 ਦਸੰਬਰ, 2017 ਨੂੰ ਪਾਣੀਪਤ ਦੇ ਸੈਕਟਰ 18 ਵਿੱਚ ਇੱਕ ਰਿਟਾਇਰਮੈਂਟ ਪਾਰਟੀ ਰੱਖੀ ਸੀ। ਜਿਲ੍ਹੇ ਸਿੰਘ ਨੇ ਆਪਣੇ ਸਾਢੂ ਕਾਬੜੀ ਵਾਸੀ ਓਮਪ੍ਰਕਾਸ਼ ਅਤੇ ਆਪਣੇ ਜਵਾਈ ਜੈਦੇਵ ਸ਼ਰਮਾ (28) ਵਾਸੀ ਰਾਹੜਾ ਨੂੰ ਵੀ ਪਾਰਟੀ ਵਿੱਚ ਸੱਦਾ ਦਿੱਤਾ ਸੀ। ਜੈਦੇਵ ਸ਼ਰਮਾ ਆਪਣੀ ਪਤਨੀ ਸੁਸ਼ੀਲਾ, ਚਾਰ ਸਾਲ ਦੇ ਪੁੱਤਰ ਕੁਨਾਲ ਅਤੇ ਸਹੁਰਾ ਓਮ ਪ੍ਰਕਾਸ਼ ਨਾਲ ਪਾਰਟੀ ਵਿੱਚ ਸ਼ਾਮਲ ਹੋਣ ਲਈ ਆਏ ਸਨ। ਦੁਪਹਿਰ 3 ਵਜੇ ਦੇ ਕਰੀਬ ਜੈਦੇਵ ਨੂੰ ਜਿਲ੍ਹੇ ਸਿੰਘ ਦੇ ਘਰ ਤੋਂ ਲਗਭਗ 150 ਮੀਟਰ ਦੂਰ ਹਮਲਾਵਰਾਂ ਨੇ ਗੋਲੀਆਂ ਮਾਰੀਆਂ ਸੀ। ਹਮਲਾਵਰਾਂ ਨੇ ਜੈਦੇਵ ਦੇ ਮੱਥੇ, ਚਿਹਰੇ, ਗਰਦਨ, ਛਾਤੀ ਅਤੇ ਪੇਟ 'ਤੇ 13 ਗੋਲੀਆਂ ਚਲਾਈਆਂ ਸੀ। ਇਸ ਕੇਸ ਵਿੱਚ ਪੁਲਿਸ ਨੇ ਜੋਗਿੰਦਰ ਗਯੋਂਗ, ਕਰਨਾਲ ਦੇ ਕੌਂਸਲਰ ਭਾਗ ਸਿੰਘ, ਉਸਦੇ ਭਰਾ ਸੁਸ਼ੀਲ ਅਤੇ ਤਿੰਨ-ਚਾਰ ਹੋਰਾਂ ਵਿਰੁੱਧ ਮਾਮਲਾ ਦਰਜ ਕੀਤਾ ਸੀ।

 

 

• 

  ਦਿੱਲੀ ਵਿੱਚ ਚੋਣ ਪ੍ਰਚਾਰ ਅੱਜ ਸ਼ਾਮ 5 ਵਜੇ ਹੋਵੇਗਾ ਬੰਦ, 699 ਉਮੀਦਵਾਰ ਮੈਦਾਨ ਵਿੱਚ, 2696 ਪੋਲਿੰਗ ਸਟੇਸ਼ਨ ਬਣਾਏ

  National

• 

  ਪਹਿਲਾਂ ਪਤੀ ਦਾ 10,00,000 ਰੁਪਏ ਵਿੱਚ ਵੇਚਿਆ ਗੁਰਦਾ, ਫਿਰ ਪੈਸੇ ਲੈ ਕੇ ਪ੍ਰੇਮੀ ਨਾਲ ਹੋ ਗਈ ਫਰਾਰ

  National

• 

  ਬਸੰਤ ਪੰਚਮੀ ਨੂੰ ਤੀਜਾ ਅੰਮ੍ਰਿਤ ਇਸ਼ਨਾਨ ਸ਼ੁਰੂ, ਅਖਾੜਿਆਂ ਦੇ ਸੰਤਾਂ ਨੇ ਕੀਤਾ ਪਵਿੱਤਰ ਇਸ਼ਨਾਨ

  National

• 

  ਗਟਾਰੂ ਕਤਲ ਕੇਸ ਵਿੱਚ ਸ਼ਾਮਲ ਮੁਲਜ਼ਮਾਂ ਦੀਆਂ ਤਸਵੀਰਾਂ ਸਾਂਝਾ ਕਰਦੇ ਹੀ ਦਿੱਲੀ ਤੋਂ ਫੜੇ ਗਏ ਤਿੰਨ ਗੈਂਗਸਟਰ

  National

• 

  ਜਿਵੇਂ ਰੇਲਗੱਡੀ ਦੇ ਡੱਬੇ ਪੱਟੜੀ ਬਦਲਣ ਸਮੇਂ ਕੰਬਦੇ ਹਨ, ਉਵੇਂ ਲੱਗੇ ਭੂਚਾਲ ਦੇ ਝਟਕੇ

  National