Garib Rath ਰੇਲਗੱਡੀ 'ਚ ਟਕਰਾਏ ਜਾਮ ਨਾਲ ਜਾਮ, ਬੋਗੀ 'ਚ ਕੀਤੀ ਅਯਾਸ਼ੀ, 3 ਮੁਲਾਜ਼ਮ SUSPEND

ਸ਼ਰਾਬ ਪੀਣ ਤੋਂ ਇਲਾਵਾ ਪਾਵਰ ਬੋਗੀ 'ਚ ਯਾਤਰੀ ਕੋਲੋਂ ਪੈਸੇ ਲੈ ਕੇ ਸਫ਼ਰ ਕਰਾਇਆ ਗਿਆ। ਅਯਾਸ਼ੀ ਵੀ ਕੀਤੀ ਗਈ। ਵਿਭਾਗ ਦੇ ਇੱਕ ਮੁਲਾਜ਼ਮ ਨੇ ਇਸਦੀ ਸ਼ਿਕਾਇਤ ਸੀਨੀਅਰ ਅਧਿਕਾਰੀਆਂ ਨੂੰ ਕੀਤੀ। 

ਰਾਸ਼ਟਰੀ ਨਿਊਜ਼। ਅੰਮ੍ਰਿਤਸਰ ਤੋਂ ਰਵਾਨਾ ਹੋਈ ਗਰੀਬ ਰੱਥ ਰੇਲਗੱਡੀ 'ਚ ਤਿੰਨ ਮੁਲਾਜ਼ਮਾਂ ਨੂੰ ਸ਼ਰਾਬ ਪੀਣਾ ਮਹਿੰਗਾ ਪਿਆ। ਮੁੱਢਲੀ ਜਾਂਚ ਦੌਰਾਨ ਇਹਨਾਂ ਨੂੰ ਸਸਪੈਂਡ ਕਰ ਦਿੱਤਾ ਗਿਆ ਹੈ। ਨਾਲ ਹੀ ਵਿਭਾਗੀ ਜਾਂਚ ਵੀ ਸ਼ੁਰੂ ਹੋ ਗਈ ਹੈ। ਜਾਂਚ ਪੂਰੀ ਹੋਣ ਉਪਰੰਤ ਨੌਕਰੀ ਜਾਣ ਦਾ ਵੀ ਖ਼ਤਰਾ ਹੈ। ਇਹ ਮੁਲਾਜ਼ਮਾਂ ਵੱਲੋਂ ਗਰੀਬ ਰੱਥ ਰੇਲਗੱਡੀ ਦੀ ਪਾਵਰ ਬੋਗੀ 'ਚ ਇੱਕ ਯਾਤਰੀ ਤੋਂ ਪੈਸੇ ਲੈ ਕੇ ਸਫ਼ਰ ਕਰਾਉਣ, ਸ਼ਰਾਬ ਪੀਣ ਤੇ ਇੱਕ ਲੜਕੀ ਨੂੰ ਬੁਲਾਉਣ ਦਾ ਮਾਮਲਾ ਦੱਸਿਆ ਜਾ ਰਿਹਾ ਹੈ।  

ਬੋਗੀ ਖਾਲੀ ਹੋਣ 'ਤੇ ਬੁਲਾਈ ਲੜਕੀ 

ਪ੍ਰਾਪਤ ਜਾਣਕਾਰੀ ਅਨੁਸਾਰ ਘਟਨਾ 14 ਜਨਵਰੀ ਦੀ ਦੱਸੀ ਜਾ ਰਹੀ ਹੈ। ਮਾਘੀ ਵਾਲੇ ਦਿਨ ਅੰਮ੍ਰਿਤਸਰ ਤੋਂ ਰਵਾਨਾ ਹੋਈ ਗਰੀਬ ਰਥ ਰੇਲਗੱਡੀ 'ਚ ਸਫਰ ਕਰ ਰਹੇ ਸਹਾਇਕ ਟੈਕਨੀਕਲ ਰਾਹੁਲ ਕੁਸ਼ਵਾਹਾ ਨੇ ਦੇਖਿਆ ਕਿ ਟੈਕਨੀਕਲ ਸਟਾਫ ਦੇ ਤਿੰਨ ਮੁਲਾਜ਼ਮ ਪਾਵਰ ਬੋਗੀ 'ਚ ਬੈਠ ਕੇ ਸ਼ਰਾਬ ਪੀ ਰਹੇ ਸਨ। ਇਸ ਦੌਰਾਨ ਇਹਨਾਂ ਮੁਲਾਜ਼ਮਾਂ ਨੇ ਇੱਕ ਯਾਤਰੀ ਨੂੰ ਵੀ ਫੜ ਲਿਆ ਤੇ ਉਸ ਤੋਂ ਪੈਸੇ ਲੈ ਕੇ ਬੋਗੀ ਵਿੱਚ ਬਿਠਾ ਲਿਆ। ਜਦੋਂ ਬੋਗੀ ਖਾਲੀ ਹੋਈ ਤਾਂ ਲੜਕੀ ਨੂੰ ਉਥੇ ਬੁਲਾਇਆ ਗਿਆ। ਰਾਹੁਲ ਕੁਸ਼ਵਾਹਾ ਨੇ ਇਸ ਮਾਮਲੇ ਦੀ ਸ਼ਿਕਾਇਤ ਆਪਣੇ ਸੀਨੀਅਰ ਅਧਿਕਾਰੀਆਂ ਨੂੰ ਕੀਤੀ ਹੈ ਅਤੇ ਸ਼ਿਕਾਇਤਕਰਤਾ ਨੇ ਇਹ ਵੀ ਲਿਖਿਆ ਹੈ ਕਿ ਉਕਤ ਤਿੰਨਾਂ ਮੁਲਾਜ਼ਮਾਂ ਨੇ ਉਸਨੂੰ ਧਮਕੀ ਦਿੱਤੀ ਸੀ ਕਿ ਜੇਕਰ ਉਹ ਕੋਈ ਕਾਰਵਾਈ ਕਰਾਉਂਦਾ ਹੈ ਤਾਂ ਉਸਨੂੰ ਗੰਭੀਰ ਨਤੀਜੇ ਭੁਗਤਣੇ ਪੈਣਗੇ। ਦੂਜੇ ਪਾਸੇ ਸ਼ਿਕਾਇਤ ਮਿਲਣ 'ਤੇ ਸੀਨੀਅਰ ਅਧਿਕਾਰੀਆਂ ਨੇ ਤੁਰੰਤ ਇਸਦਾ ਨੋਟਿਸ ਲੈਂਦਿਆਂ ਉਕਤ ਮੁਲਾਜ਼ਮਾਂ ਨੂੰ ਫਿਲਹਾਲ ਮੁਅੱਤਲ ਕਰ ਦਿੱਤਾ ਹੈ।

• 

  ਸ੍ਰੀ ਆਨੰਦਪੁਰ ਸਾਹਿਬ ਅਤੇ ਸ੍ਰੀ ਨੈਣਾ ਦੇਵੀ ਵਿਚਕਾਰ ਰੋਪਵੇਅ ਲਈ ਹਿਮਾਚਲ ਸਰਕਾਰ ਨਾਲ ਗੱਲ ਕਰਨਗੇ ਮੁੱਖ ਮੰਤਰੀ ਭਗਵੰਤ ਮਾਨ

  National

• 

  Rajsthan: ਸਵਾਰੀਆਂ ਨਾਲ ਭਰੀ ਬੱਸ ਨੂੰ ਲੱਗੀ ਅੱਗ,ਦੇਖਦੇ ਹੀ ਦੇਖਦੇ ਧਾਰਿਆ ਭਿਆਨਕ ਰੂਪ, ਮਚੀ ਹਫੜਾ-ਦਫੜੀ 

  National

• 

  Ayodhya ਵਿੱਚ ਰਾਮ ਨੌਮੀ ਤੇ ਜਗਣਗੇ 2,50,000 ਦੀਵੇ, ਡਰੋਨ ਰਾਹੀਂ ਸਰਯੂ ਦਾ ਜਲ ਛਿੜਕਿਆ ਜਾਵੇਗਾ ਸ਼ਰਧਾਲੂਆਂ 'ਤੇ

  National

• 

  ਕੇਂਦਰ ਨੇ ਸਾਬਕਾ ਪ੍ਰਧਾਨਮੰਤਰੀ ਡਾ. ਮਨਮੋਹਨ ਸਿੰਘ ਦੀ ਪਤਨੀ ਦੀ ਸੁਰੱਖਿਆ ਘਟਾਈ

  National

• 

  ਖੂਹ 'ਚ ਡਿੱਗਿਆ ਟਰੈਕਟਰ, 9 ਜਣਿਆਂ ਦੀ ਮੌਤ, 15 ਸਾਲ ਦਾ ਲੜਕਾ ਚਲਾ ਰਿਹਾ ਸੀ ਟਰੈਕਟਰ

  National