Viral Girl ਮੋਨਾਲੀਸਾ ਨੂੰ ਫਿਲਮ ਦੀ ਪੇਸ਼ਕਸ਼ ਦੇਣ ਵਾਲਾ ਨਿਰਦੇਸ਼ਕ ਸਨੋਜ ਮਿਸ਼ਰਾ ਗ੍ਰਿਫ਼ਤਾਰ, ਬਲਾਤਕਾਰ ਦੇ ਮਾਮਲੇ 'ਚ ਗ੍ਰਿਫ਼ਤਾਰੀ

ਸਾਲ 2020 ਵਿੱਚ ਪੀੜਤਾ ਸਨੋਜ ਮਿਸ਼ਰਾ ਨੂੰ ਟਿਕਟੌਕ ਅਤੇ ਇੰਸਟਾਗ੍ਰਾਮ ਰਾਹੀਂ ਮਿਲੀ ਸੀ। ਉਸ ਸਮੇਂ ਉਹ ਝਾਂਸੀ ਵਿੱਚ ਰਹਿੰਦੀ ਸੀ। ਦੋਵਾਂ ਵਿਚਕਾਰ ਗੱਲਬਾਤ ਕੁਝ ਸਮੇਂ ਤੱਕ ਜਾਰੀ ਰਹੀ ਅਤੇ ਫਿਰ ਡਾਇਰੈਕਟਰ ਨੇ 17 ਜੂਨ, 2021 ਨੂੰ ਉਸਨੂੰ ਫ਼ੋਨ ਕੀਤਾ ਅਤੇ ਦੱਸਿਆ ਕਿ ਉਹ ਝਾਂਸੀ ਰੇਲਵੇ ਸਟੇਸ਼ਨ ਪਹੁੰਚ ਗਿਆ ਹੈ।

ਮਹਾਕੁੰਭ ਮੇਲੇ 'ਚ ਵਾਇਰਲ ਗਰਲ ਮੋਨਾਲੀਸਾ ਨੂੰ ਫਿਲਮ ਦੀ ਪੇਸ਼ਕਸ਼ ਕਰਨ ਵਾਲੇ ਨਿਰਦੇਸ਼ਕ ਸਨੋਜ ਮਿਸ਼ਰਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਬਲਾਤਕਾਰ ਮਾਮਲੇ ਵਿੱਚ ਇਹ ਗ੍ਰਿਫ਼ਤਾਰੀ ਹੋਈ ਹੈ। ਦਿੱਲੀ ਹਾਈ ਕੋਰਟ ਵੱਲੋਂ ਉਸਦੀ ਜ਼ਮਾਨਤ ਰੱਦ ਹੋਣ ਤੋਂ ਬਾਅਦ,  ਦਿੱਲੀ ਦੇ ਨਬੀ ਕਰੀਮ ਪੁਲਿਸ ਸਟੇਸ਼ਨ ਨੇ ਗ੍ਰਿਫ਼ਤਾਰ ਕੀਤਾ। ਇਹ ਦੋਸ਼ ਹੈ ਕਿ ਸਨੋਜ ਮਿਸ਼ਰਾ ਨੇ ਇੱਕ ਛੋਟੇ ਜਿਹੇ ਸ਼ਹਿਰ ਦੀ ਇੱਕ ਕੁੜੀ ਨਾਲ ਕਈ ਵਾਰ ਬਲਾਤਕਾਰ ਕੀਤਾ, ਜੋ ਹੀਰੋਇਨ ਬਣਨ ਦੀ ਇੱਛਾ ਰੱਖਦੀ ਸੀ। 

ਖੁਦਕੁਸ਼ੀ ਦੀ ਧਮਕੀ ਦੇ ਕੇ ਪੀੜਤਾ ਨੂੰ ਫਸਾਇਆ 

ਸਾਲ 2020 ਵਿੱਚ ਪੀੜਤਾ ਸਨੋਜ ਮਿਸ਼ਰਾ ਨੂੰ ਟਿਕਟੌਕ ਅਤੇ ਇੰਸਟਾਗ੍ਰਾਮ ਰਾਹੀਂ ਮਿਲੀ ਸੀ। ਉਸ ਸਮੇਂ ਉਹ ਝਾਂਸੀ ਵਿੱਚ ਰਹਿੰਦੀ ਸੀ। ਦੋਵਾਂ ਵਿਚਕਾਰ ਗੱਲਬਾਤ ਕੁਝ ਸਮੇਂ ਤੱਕ ਜਾਰੀ ਰਹੀ ਅਤੇ ਫਿਰ ਡਾਇਰੈਕਟਰ ਨੇ 17 ਜੂਨ, 2021 ਨੂੰ ਉਸਨੂੰ ਫ਼ੋਨ ਕੀਤਾ ਅਤੇ ਦੱਸਿਆ ਕਿ ਉਹ ਝਾਂਸੀ ਰੇਲਵੇ ਸਟੇਸ਼ਨ ਪਹੁੰਚ ਗਿਆ ਹੈ। ਜਦੋਂ ਪੀੜਤ ਨੇ ਸਮਾਜਿਕ ਦਬਾਅ ਦਾ ਹਵਾਲਾ ਦਿੰਦੇ ਹੋਏ ਉਸਨੂੰ ਮਿਲਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਦੋਸ਼ੀ ਸਨੋਜ ਮਿਸ਼ਰਾ ਨੇ ਖੁਦਕੁਸ਼ੀ ਕਰਨ ਦੀ ਧਮਕੀ ਦਿੱਤੀ। ਇਸਤੋਂ ਬਾਅਦ, ਡਰ ਦੇ ਮਾਰੇ, ਪੀੜਤਾ ਉਸਨੂੰ ਮਿਲਣ ਗਈ। ਅਗਲੇ ਦਿਨ 18 ਜੂਨ, 2021 ਨੂੰ, ਦੋਸ਼ੀ ਨੇ ਦੁਬਾਰਾ ਫ਼ੋਨ ਕੀਤਾ ਅਤੇ ਖੁਦਕੁਸ਼ੀ ਦੀ ਧਮਕੀ ਦਿੱਤੀ ਅਤੇ ਉਸਨੂੰ ਰੇਲਵੇ ਸਟੇਸ਼ਨ 'ਤੇ ਬੁਲਾਇਆ। ਉਸਨੇ ਉਸਨੂੰ ਫਿਲਮਾਂ ਵਿੱਚ ਕੰਮ ਦੇਣ ਦਾ ਲਾਲਚ ਦੇ ਕੇ ਉਸਦਾ ਸ਼ੋਸ਼ਣ ਕੀਤਾ। ਦੋਸ਼ ਹੈ ਕਿ ਉੱਥੋਂ ਦੋਸ਼ੀ ਉਸਨੂੰ ਇੱਕ ਰਿਜ਼ੋਰਟ ਵਿੱਚ ਲੈ ਗਿਆ ਅਤੇ ਉਸਨੂੰ ਨਸ਼ੀਲਾ ਪਦਾਰਥ ਦੇਣ ਤੋਂ ਬਾਅਦ ਉਸ ਨਾਲ ਬਲਾਤਕਾਰ ਕੀਤਾ। 

ਵਿਆਹ ਦਾ ਝਾਂਸਾ ਦੇ ਕੇ ਸ਼ਰੀਰਕ ਸਬੰਧ ਬਣਾਏ

ਪੀੜਤਾ ਨੇ ਐਫਆਈਆਰ ਵਿੱਚ ਦੱਸਿਆ ਕਿ ਮੁਲਜ਼ਮ ਨੇ ਉਸ ਦੀਆਂ ਇਤਰਾਜ਼ਯੋਗ ਤਸਵੀਰਾਂ ਅਤੇ ਵੀਡੀਓ ਬਣਾਏ ਅਤੇ ਧਮਕੀ ਦਿੱਤੀ ਕਿ ਜੇਕਰ ਉਸਨੇ ਵਿਰੋਧ ਕੀਤਾ ਤਾਂ ਉਹ ਉਨ੍ਹਾਂ ਨੂੰ ਜਨਤਕ ਕਰ ਦੇਵੇਗਾ। ਇਸ ਤੋਂ ਬਾਅਦ ਉਸਨੇ ਵਿਆਹ ਦੇ ਬਹਾਨੇ ਉਸਨੂੰ ਕਈ ਵਾਰ ਵੱਖ-ਵੱਖ ਥਾਵਾਂ 'ਤੇ ਬੁਲਾਇਆ ਅਤੇ ਉਸ ਨਾਲ ਸਰੀਰਕ ਸਬੰਧ ਬਣਾਏ। ਇਸ ਤੋਂ ਇਲਾਵਾ, ਉਸਨੇ ਉਸਨੂੰ ਫਿਲਮਾਂ ਵਿੱਚ ਕੰਮ ਦਿਵਾਉਣ ਦੇ ਵਾਅਦੇ ਨਾਲ ਭਰਮਾਇਆ। 

ਮੋਨਾਲੀਸਾ 'ਤੇ ਫ਼ਿਲਮ ਬਣਾਉਣ ਦਾ ਦਾਅਵਾ 

ਦੱਸ ਦੇਈਏ ਕਿ ਪਹਿਲਾਂ ਖ਼ਬਰ ਆਈ ਸੀ ਕਿ ਮਹਾਂਕੁੰਭ ​​ਵਿੱਚ ਮਣਕੇ ਵੇਚ ਕੇ ਸੋਸ਼ਲ ਮੀਡੀਆ ਦੀ ਰਾਣੀ ਬਣੀ ਮੋਨਾਲੀਸਾ 'ਤੇ ਇੱਕ ਫਿਲਮ ਬਣਨ ਜਾ ਰਹੀ ਹੈ। ਫਿਲਮ ਨਿਰਦੇਸ਼ਕ ਸਨੋਜ ਮਿਸ਼ਰਾ ਨੇ ਆਪਣੀ ਅਗਲੀ ਫਿਲਮ 'ਦਿ ਡਾਇਰੀ ਆਫ 2025' ਵਿੱਚ ਮੋਨਾਲੀਸਾ ਨੂੰ ਲੈਣ ਦਾ ਐਲਾਨ ਕੀਤਾ ਸੀ। ਇਹ ਵੀ ਖ਼ਬਰਾਂ ਸਨ ਕਿ ਸਨੋਜ ਮਿਸ਼ਰਾ ਮੋਨਾਲੀਸਾ ਨੂੰ ਅਦਾਕਾਰੀ ਦੀ ਸਿਖਲਾਈ ਦੇ ਰਹੇ ਹਨ ਅਤੇ ਮੋਨਾਲੀਸਾ ਨੂੰ ਆਪਣੇ ਨਾਲ ਕੁਝ ਥਾਵਾਂ 'ਤੇ ਵੀ ਲੈ ਜਾ ਰਹੇ ਹਨ। ਹਾਲ ਹੀ ਵਿੱਚ, ਮੋਨਾਲੀਸਾ ਨੂੰ  ਸਨੋਜ ਮਿਸ਼ਰਾ ਨਾਲ ਇੱਕ ਜਹਾਜ਼ ਵਿੱਚ ਯਾਤਰਾ ਕਰਦੇ ਵੀ ਦੇਖਿਆ ਗਿਆ ਸੀ। ਅਜਿਹੇ ਵਿੱਚ ਕਈ ਥਾਵਾਂ 'ਤੇ ਦੋਸ਼ ਲਗਾਏ ਜਾ ਰਹੇ ਸਨ ਕਿ ਸਨੋਜ ਮਿਸ਼ਰਾ ਮੋਨਾਲੀਸਾ ਦਾ ਫਾਇਦਾ ਉਠਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਸਨੋਜ ਮਿਸ਼ਰਾ ਨੇ ਇਨ੍ਹਾਂ ਦੋਸ਼ਾਂ ਦਾ ਢੁਕਵਾਂ ਜਵਾਬ ਦਿੱਤਾ ਸੀ। ਸਨੋਜ ਮਿਸ਼ਰਾ ਨੇ ਕਿਹਾ ਸੀ ਕਿ ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਕੁੰਭ ਮੇਲੇ ਵਿੱਚ ਮੋਨਾਲੀਸਾ ਨਾਮ ਦੀ ਕੁੜੀ ਵਾਇਰਲ ਹੋ ਰਹੀ ਹੈ, ਤਾਂ ਉਨ੍ਹਾਂ ਨੇ ਪਹਿਲੀ ਵਾਰ ਉਸ ਨੂੰ ਦੇਖਿਆ। ਉਸਨੇ ਕਿਹਾ ਕਿ ਮੋਨਾਲੀਸਾ ਦੇ ਆਲੇ-ਦੁਆਲੇ ਭੀੜ ਸੀ ਅਤੇ ਲੋਕ ਉਸ ਦੀਆਂ ਰੀਲਾਂ ਬਣਾ ਰਹੇ ਸਨ ਪਰ ਕਿਸੇ ਨੇ ਵੀ ਉਸ ਗਰੀਬ ਕੁੜੀ ਦੀ ਮਦਦ ਨਹੀਂ ਕੀਤੀ। ਸਨੋਜ ਨੇ ਕਿਹਾ ਕਿ ਮੋਨਾਲੀਸਾ ਦਾ ਪਰਿਵਾਰ ਇੱਕ ਤੰਬੂ ਵਿੱਚ ਰਹਿੰਦਾ ਹੈ ਅਤੇ ਉਨ੍ਹਾਂ ਕੋਲ ਘਰ ਵੀ ਨਹੀਂ ਹੈ। ਅਜਿਹੀ ਸਥਿਤੀ ਵਿੱਚ, ਲੋਕ ਉਸਦੀ ਮਦਦ ਕਰਨ ਦੀ ਬਜਾਏ, ਉਸਨੂੰ ਹੋਰ ਪ੍ਰੇਸ਼ਾਨ ਕਰ ਰਹੇ ਸਨ।

• 

  ਯੂਪੀ ਵਿੱਚ ਦਰਦਨਾਕ ਹਾਦਸਾ, ਦਰਖੱਤ ਨਾਲ ਟਕਰਾਈ ਕਾਰ, 2 ਨੌਜਵਾਨਾਂ ਦੀ ਮੌਤ

  National

• 

  ਝਾਰਖੰਡ ‘ਚ ਵੱਡਾ ਹਾਦਸਾ, ਆਪਸ ਵਿੱਚ ਟਕਰਾਈਆਂ 2 ਮਾਲਗੱਡੀਆਂ,ਲੋਕੋ ਪਾਇਲਟ ਸਮੇਤ ਤਿੰਨ ਦੀ ਮੌਤ

  National

• 

  ਨਸ਼ੇੜੀ ਨੇ ਨਾਬਾਲਗ ਲੜਕੀ ਨੂੰ ਲਗਾਈ ਅੱਗ, ਝੁਲਸੀ, ਗੰਦੀਆਂ ਗਾਲ੍ਹਾਂ ਕੱਢਣ ਤੋਂ ਸੀ ਰੋਕਿਆ

  National

• 

  Himachal ਵਿੱਚ ਆਉਣ ਵਾਲੇ ਲੋਕਾਂ ਲਈ ਬੁਰੀ ਖਬਰ, ਵਾਹਨਾਂ ਦੀ Entry ਹੋਈ ਮਹਿੰਗੀ, ਜੇਬ ਕਰਨੀ ਹੋਵੇਗੀ ਢਿੱਲੀ

  National

• 

  Kathua: ਪੰਜਤੀਰਥੀ ਇਲਾਕੇ ਵਿੱਚ ਦੇਰ ਰਾਤ ਸੁਰੱਖਿਆਂ ਬਲਾਂ ਅਤੇ ਅੱਤਵਾਦੀਆਂ ਵਿਚਾਲੇ ਮੁਕਾਬਲਾ, 9 ਦਿਨਾਂ ਵਿੱਚ ਤੀਜਾ ਐਨਕਾਉਂਟਰ

  National