ਦਿੱਲੀ ਧਮਾਕੇ ਪਿੱਛੇ ਖਾਲਿਸਤਾਨੀ ਅੱਤਵਾਦੀ ? ਇਸ ਟੈਲੀਗ੍ਰਾਮ ਚੈਨਲ ਤੋਂ ਹੋਏ ਹਨ ਵੱਡੇ ਖੁਲਾਸੇ

ਦਿੱਲੀ ਦੇ ਰੋਹਿਣੀ ਵਿੱਚ ਹੋਏ ਬੰਬ ਧਮਾਕੇ ਨੂੰ ਲੈ ਕੇ ਅਜੇ ਵੀ ਸਸਪੈਂਸ ਬਣਿਆ ਹੋਇਆ ਹੈ। ਹਾਲਾਂਕਿ ਹੁਣ ਇਸ ਮਾਮਲੇ ਦੀਆਂ ਤਾਰਾਂ ਖਾਲਿਸਤਾਨੀ ਗਰੁੱਪ ਅਤੇ ਪਾਕਿਸਤਾਨ ਨਾਲ ਜੁੜੀਆਂ ਜਾਪ ਰਹੀਆਂ ਹਨ। ਤਾਂ ਆਓ ਜਾਣਦੇ ਹਾਂ ਕੀ ਹੈ ਪੂਰੀ ਕਹਾਣੀ? 

ਨਵੀਂ ਦਿੱਲੀ। ਦਿੱਲੀ ਦੇ ਰੋਹਿਣੀ ਵਿੱਚ ਸਥਿਤ ਕੇਂਦਰੀ ਰਿਜ਼ਰਵ ਪੁਲਿਸ ਬਲ (ਸੀਆਰਪੀਐਫ) ਦੇ ਸਕੂਲ ਨੇੜੇ ਹੋਏ ਧਮਾਕੇ ਦੀ ਜਾਂਚ ਜਾਰੀ ਹੈ।  ਐਨਆਈਏ ਸਮੇਤ ਕਈ ਜਾਂਚ ਏਜੰਸੀਆਂ ਇਸ ਧਮਾਕੇ ਦੇ ਸੁਰਾਗ ਲੱਭਣ ਵਿੱਚ ਰੁੱਝੀਆਂ ਹੋਈਆਂ ਹਨ। ਏਸੇ ਦੌਰਾਨ ਸੋਸ਼ਲ ਮੀਡੀਆ ਪੋਸਟ ਤੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਹਮਲਾ ਖਾਲਿਸਤਾਨੀ ਐਂਗਲ ਤੋਂ ਕੀਤਾ ਗਿਆ ਐ। ਇਸ ਕਾਰਨ ਦਿੱਲੀ ਪੁਲਿਸ ਇਸ ਹਮਲੇ ਪਿੱਛੇ ਖਾਲਿਸਤਾਨੀ ਕੁਨੈਕਸ਼ਨ ਦੀ ਜਾਂਚ ਕੀਤੀ ਜਾ ਰਹੀ ਐ। 

 ਧਮਾਕਾ ਸੀਆਰਪੀਐਫ ਸਕੂਲ ਨੇੜੇ ਹੋਇਆ

ਰੋਹਿਣੀ 'ਚ ਐਤਵਾਰ ਸਵੇਰੇ ਕਰੀਬ 8 ਵਜੇ ਬੰਬ ਧਮਾਕਾ ਹੋਇਆ। ਇਹ ਧਮਾਕਾ ਸੀਆਰਪੀਐਫ ਸਕੂਲ ਦੇ ਨਾਲ ਲੱਗਦੀ ਕੰਧ ਨੇੜੇ ਦੇਖਿਆ ਗਿਆ। ਧਮਾਕੇ ਦੀ ਆਵਾਜ਼ ਨੇ ਪੂਰੀ ਦਿੱਲੀ ਨੂੰ ਹਿਲਾ ਕੇ ਰੱਖ ਦਿੱਤਾ ਅਤੇ ਦਿੱਲੀ ਪੁਲਿਸ ਤੁਰੰਤ ਸਰਗਰਮ ਹੋ ਗਈ। ਐਨਐਸਜੀ, ਐਫਐਸਐਲ ਸਮੇਤ ਵਿਸ਼ੇਸ਼ ਬਲ ਮੌਕੇ ’ਤੇ ਪਹੁੰਚ ਗਏ, ਪਰ ਸ਼ਾਮ ਤੱਕ ਇਸ ਮਾਮਲੇ ਬਾਰੇ ਕੋਈ ਵੱਡੀ ਜਾਣਕਾਰੀ ਸਾਹਮਣੇ ਨਹੀਂ ਆਈ।

ਸਾਜ਼ਿਸ਼ ਦਾ ਸ਼ੱਕ

ਰੋਹਿਣੀ ਧਮਾਕੇ ਤੋਂ ਬਾਅਦ ਹਾਈ ਅਲਰਟ 'ਤੇ ਰਹੀ ਦਿੱਲੀ ਪੁਲਿਸ ਨੇ ਸਾਜ਼ਿਸ਼ ਦਾ ਸ਼ੱਕ ਜਤਾਇਆ ਹੈ। ਪੁਲਿਸ ਨੇ ਕਿਹਾ ਕਿ ਧਮਾਕੇ ਪਿੱਛੇ ਕਿਸੇ ਵੱਡੀ ਸਾਜਿਸ਼ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਦਿੱਲੀ ਦੇ ਸਾਰੇ ਵੱਡੇ ਬਾਜ਼ਾਰਾਂ ਵਿੱਚ ਪੁਲਿਸ ਤਾਇਨਾਤ ਕੀਤੀ ਗਈ ਸੀ। ਜ਼ਿਆਦਾਤਰ ਲੋਕਾਂ ਨੇ ਸਾਜ਼ਿਸ਼ ਨੂੰ ਅੱਤਵਾਦੀ ਹਮਲਾ ਸਮਝ ਲਿਆ ਸੀ ਪਰ ਦੇਰ ਸ਼ਾਮ ਵਾਇਰਲ ਹੋਈ ਵੀਡੀਓ ਨੇ ਇਸ ਧਮਾਕੇ ਵਿਚ ਇਕ ਨਵਾਂ ਐਂਗਲ ਜੋੜ ਦਿੱਤਾ ਹੈ।

ਖਾਲਿਸਤਾਨ ਕੋਣ

ਰੋਹਿਣੀ ਧਮਾਕੇ ਦੀ ਕਲਿੱਪ ਟੈਲੀਗ੍ਰਾਮ ਚੈਨਲ ਦੀ ਸਾਹਮਣੇ ਆਈ ਐ। ਇਸ ਵੀਡੀਓ ਦੇ ਹੇਠਾਂ ਮੌਜੂਦ ਵਾਟਰਮਾਰਕ ਨੂੰ ਦੇਖ ਕੇ ਹਰ ਕੋਈ ਦੰਗ ਰਹਿ ਗਿਆ। ਇਹ ਵਾਟਰਮਾਰਕ 'ਖਾਲਿਸਤਾਨ ਜ਼ਿੰਦਾਬਾਦ' ਦਾ ਸੀ। ਵੀਡੀਓ ਸੋਸ਼ਲ ਮੀਡੀਆ 'ਤੇ ਜੰਗਲ ਦੀ ਅੱਗ ਵਾਂਗ ਵਾਇਰਲ ਹੋ ਗਿਆ ਅਤੇ ਹਰ ਕੋਈ ਇਸ ਘਟਨਾ ਪਿੱਛੇ ਖਾਲਿਸਤਾਨੀ ਸਾਜ਼ਿਸ਼ ਬਾਰੇ ਕਿਆਸ ਲਗਾਉਣ ਲੱਗਾ। ਹੈਰਾਨੀ ਤਾਂ ਉਦੋਂ ਹੋਈ ਜਦੋਂ ਇਸ ਮਾਮਲੇ ਦੇ ਤਾਰ ਪਾਕਿਸਤਾਨ ਨਾਲ ਵੀ ਜੁੜਨ ਲੱਗੇ। ਦਰਅਸਲ, ਜਿਸ ਟੈਲੀਗ੍ਰਾਮ ਚੈਨਲ ਤੋਂ ਰੋਹਿਣੀ ਧਮਾਕੇ ਦਾ ਵੀਡੀਓ ਵਾਇਰਲ ਹੋਇਆ ਸੀ, ਉਹ ਪਾਕਿਸਤਾਨ ਦਾ ਸੀ ਅਤੇ ਪਾਕਿਸਤਾਨ ਦੀ ਧਰਤੀ ਤੋਂ ਕੰਮ ਕਰ ਰਿਹਾ ਐ। ਹੁਣ ਸਵਾਲ ਇਹ ਹੈ ਕਿ ਇਸ ਵੀਡੀਓ ਵਿੱਚ ਕਿੰਨੀ ਸੱਚਾਈ ਹੈ? ਦਿੱਲੀ ਪੁਲਿਸ ਵੀ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।

ਪੰਨੂ ਕੇਸ ਨਾਲ ਕੀ ਸਬੰਧ?

ਦੱਸ ਦਈਏ ਕਿ ਰੋਹਿਣੀ ਧਮਾਕਾ ਅਜਿਹੇ ਸਮੇਂ 'ਚ ਦੇਖਣ ਨੂੰ ਮਿਲਿਆ ਹੈ ਜਦੋਂ ਅਮਰੀਕਾ ਨੇ ਭਾਰਤ 'ਤੇ ਗੰਭੀਰ ਦੋਸ਼ ਲਗਾਏ ਹਨ। ਅਮਰੀਕਾ ਦਾ ਕਹਿਣਾ ਹੈ ਕਿ ਸਾਬਕਾ ਭਾਰਤੀ ਰਾਅ ਏਜੰਟ ਵਿਕਾਸ ਗੁਪਤਾ ਨੇ ਖਾਲਿਸਤਾਨੀ ਪੰਨੂ ਨੂੰ ਮਾਰਨ ਦੀ ਕੋਸ਼ਿਸ਼ ਕੀਤੀ ਐ। ਇਸ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਬਿਆਨਬਾਜੀ ਸ਼ੁਰੂ ਹੋ ਗਈ ਹੈ। ਕਈ ਲੋਕ ਵਿਕਾਸ ਯਾਦਵ ਦੀ ਬਹਾਦਰੀ ਦੀ ਤਾਰੀਫ ਕਰ ਰਹੇ ਹਨ, ਉਥੇ ਹੀ ਕੁਝ ਲੋਕਾਂ ਨੇ ਉਨ੍ਹਾਂ 'ਤੇ ਇਲਜ਼ਾਮ ਲਗਾਉਣੇ ਵੀ ਸ਼ੁਰੂ ਕਰ ਦਿੱਤੇ। 

• 

  Chardham Yatra : ਇਸ ਵਾਰ BKTC ਖੁਦ ਕਰੇਗਾ ਪ੍ਰਸ਼ਾਦ ਦੀ ਪੈਕਿੰਗ, ਨਹੀਂ ਹੋਵੇਗੀ ਪੋਲੀਥੀਨ ਦੀ ਵਰਤੋਂ

  National

• 

  ਭਾਰਤ 'ਚ ਆਇਆ ਭੂਚਾਲ, ਡਰ ਦੇ ਮਾਰੇ ਘਰਾਂ ਚੋਂ ਬਾਹਰ ਨਿਕਲੇ ਲੋਕ, ਜਾਣੋ ਕਿਹੜਾ ਸੂਬਾ ਰਿਹਾ ਕੇਂਦਰ ਬਿੰਦੂ ਤੇ ਕਿਉਂ ਆਉਂਦੇ ਨੇ ਭੂਚਾਲ 

  National

• 

  ਲੋਕ ਸਭਾ ‘ਚ ਕੱਲ 12 ਵਜੇ ਪੇਸ਼ ਕੀਤਾ ਜਾਵੇਗਾ ਵਕਫ਼ ਸੋਧ ਬਿੱਲ,ਸਪੀਕਰ ਨੇ ਦਿੱਤਾ ਚਰਚਾ ਲਈ 8 ਘੰਟੇ ਦਾ ਸਮਾਂ

  National

• 

  ਕਰੰਟ ਲੱਗਣ ਨਾਲ ਇਕੱਠੇ ਦੁਨੀਆਂ ਤੋਂ ਵਿਦਾ ਹੋਏ Husband ਅਤੇ Wife, ਕੱਪੜੇ ਸੁਖਾਉਣ ਸਮੇਂ ਵਾਪਰਿਆ ਹਾਦਸਾ  

  National

• 

  ਸਕੂਲ ਵੈਨ ਅਤੇ ਮਿੰਨੀ ਬੱਸ ਵਿਚਕਾਰ ਆਹਮੋ-ਸਾਹਮਣੇ ਟੱਕਰ, 8 ਬੱਚੇ ਗੰਭੀਰ ਜਖਮੀ, ਬੱਸ ਚਾਲਕ ਫਰਾਰ 

  National