CM ਯੋਗੀ ਦੇ ਹੈਲੀਕਾਪਟਰ ਦੀ ਐਮਰਜੈਂਸੀ ਲੈਂਡਿੰਗ, ਜਾਣੋ ਕੀ ਰਹੀ ਵਜ੍ਹਾ

ਇਹ ਘਟਨਾ ਐਤਵਾਰ ਨੂੰ ਵਾਪਰੀ, ਜਦੋਂ ਸੀਐਮ ਯੋਗੀ ਕਾਨਪੁਰ ਦੇ ਮੈਟਰੋ ਪ੍ਰੋਜੈਕਟ ਅਤੇ ਪਾਵਰ ਪਲਾਂਟ ਦਾ ਨਿਰੀਖਣ ਕਰਨ ਪਹੁੰਚੇ ਸਨ।

ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਵਿੱਚ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੇ ਹੈਲੀਕਾਪਟਰ ਦੀ ਐਮਰਜੈਂਸੀ ਲੈਂਡਿੰਗ ਕਰਾਉਣੀ ਪਈ। ਦਰਅਸਲ, ਜਿਵੇਂ ਹੀ ਹੈਲੀਕਾਪਟਰ ਨੇ ਉਡਾਣ ਭਰੀ, ਤੇਜ਼ ਹਵਾਵਾਂ ਕਾਰਨ ਇਸਦੀ ਦਿਸ਼ਾ ਬਦਲ ਗਈ। ਇਹ ਘਟਨਾ ਐਤਵਾਰ ਨੂੰ ਵਾਪਰੀ, ਜਦੋਂ ਸੀਐਮ ਯੋਗੀ ਕਾਨਪੁਰ ਦੇ ਮੈਟਰੋ ਪ੍ਰੋਜੈਕਟ ਅਤੇ ਪਾਵਰ ਪਲਾਂਟ ਦਾ ਨਿਰੀਖਣ ਕਰਨ ਪਹੁੰਚੇ ਸਨ।

ਦਿਸ਼ਾ ਤੇ ਗਤੀ ਵਿੱਚ ਅਚਾਨਕ ਬਦਲਾਅ 

ਜਦੋਂ ਸੀਐਮ ਯੋਗੀ ਦਾ ਹੈਲੀਕਾਪਟਰ ਹਵਾ ਵਿੱਚ ਸੀ, ਤਾਂ ਹਵਾ ਦੀ ਦਿਸ਼ਾ ਅਤੇ ਗਤੀ ਵਿੱਚ ਅਚਾਨਕ ਬਦਲਾਅ ਆਇਆ, ਜਿਸ ਕਾਰਨ ਹੈਲੀਕਾਪਟਰ ਦੀ ਦਿਸ਼ਾ ਬਦਲਣੀ ਸ਼ੁਰੂ ਹੋ ਗਈ। ਸਥਿਤੀ ਨੂੰ ਸਮਝਦੇ ਹੋਏ, ਪਾਇਲਟ ਨੇ ਤੁਰੰਤ ਹੈਲੀਕਾਪਟਰ ਦੀ ਐਮਰਜੈਂਸੀ ਲੈਂਡਿੰਗ ਕਰਵਾਈ। ਲੈਂਡਿੰਗ ਤੋਂ ਬਾਅਦ, ਪਾਇਲਟ ਨੇ ਹੈਲੀਕਾਪਟਰ ਨੂੰ ਦੁਬਾਰਾ ਉਡਾਣ ਭਰੀ। ਲੈਂਡਿੰਗ ਦਾ 1 ਮਿੰਟ 53 ਸੈਕਿੰਡ ਦਾ ਵੀਡਿਓ ਵੀ ਸਾਮਣੇ ਆਇਆ ਹੈ। ਜਿਸ ਵਿੱਚ ਪਾਇਲਟ ਜਦੋਂ ਹੈਲੀਕਾਪਟਰ ਦੀ ਉਡਾਣ ਭਰਦਾ ਹੈ ਤਾਂ ਹੈਲੀਪੈਡ ਦੇ ਉਪਰ ਹੀ ਥੋੜ੍ਹਾ ਜਿਹਾ ਉਪਰ ਜਾਣ ਸਮੇਂ ਤੇਜ਼ ਹਵਾ ਕਰਕੇ ਹੈਲੀਕਾਪਟਰ ਦੀ ਦਿਸ਼ਾ ਬਦਲ ਜਾਂਦੀ ਹੈ ਤਾਂ ਪਾਇਲਟ ਹੈਲੀਕਾਪਟਰ ਨੂੰ ਐਮਰਜੈਂਸੀ ਤੌਰ ਉਪਰ ਦੁਬਾਰਾ ਹੈਲੀਪੈਡ ਤੇ ਉਤਾਰ ਕੇ ਨਾਲ ਦੀ ਨਾਲ ਹੀ ਦੁਬਾਰਾ ਸੁਰੱਖਿਅਤ ਉਡਾਨ ਭਰ ਲੈਂਦਾ ਹੈ। ਇਸ ਦੌਰਾਨ ਸੀਐਮ ਨੂੰ ਥੱਲੇ ਉਤਰਨ ਦੀ ਲੋੜ ਵੀ ਨਹੀਂ ਪੈਂਦੀ ਤੇ ਨਾ ਹੀ ਕੋਈ ਹੈਲੀਕਾਪਟਰ ਕੋਲ ਆਉਂਦਾ ਹੈ। ਨਾਲ ਦੀ ਨਾਲ ਹੀ ਉਡਾਣ ਭਰੀ ਜਾਂਦੀ ਹੈ। 

24 ਅਪ੍ਰੈਲ ਨੂੰ ਆਉਣਗੇ ਨਰਿੰਦਰ ਮੋਦੀ 

ਦਰਅਸਲ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 24 ਅਪ੍ਰੈਲ ਨੂੰ ਕਾਨਪੁਰ ਆਉਣਗੇ। ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਆਪਣੇ ਪ੍ਰਸਤਾਵਿਤ ਪ੍ਰੋਗਰਾਮ ਦੀਆਂ ਤਿਆਰੀਆਂ ਦਾ ਜਾਇਜ਼ਾ ਲੈਣ ਲਈ ਕਾਨਪੁਰ ਪਹੁੰਚੇ ਸਨ। ਜਨਤਕ ਮੀਟਿੰਗ ਦੇ ਨਾਲ ਸੀਐਮ ਯੋਗੀ ਨੇ ਮੈਟਰੋ, ਘਾਟਮਪੁਰ ਅਤੇ ਪੰਕੀ ਪਾਵਰ ਪਲਾਂਟ ਸਮੇਤ 19,728 ਕਰੋੜ ਰੁਪਏ ਦੇ 225 ਵਿਕਾਸ ਪ੍ਰੋਜੈਕਟਾਂ ਦੇ ਉਦਘਾਟਨ ਅਤੇ ਨੀਂਹ ਪੱਥਰ ਰੱਖਣ ਦੀਆਂ ਤਿਆਰੀਆਂ ਦਾ ਜਾਇਜ਼ਾ ਲਿਆ।

ਤਿਆਰੀਆਂ ਦਾ ਜਾਇਜ਼ਾ ਲੈਣ ਪਹੁੰਚੇ ਸੀ ਯੋਗੀ 

ਮੁੱਖ ਮੰਤਰੀ ਦਾ ਜਹਾਜ਼ ਦੁਪਹਿਰ 12:30 ਵਜੇ ਚਕੇਰੀ ਹਵਾਈ ਅੱਡੇ 'ਤੇ ਉਤਰਿਆ, ਜਿੱਥੇ ਉਨ੍ਹਾਂ ਦਾ ਸਵਾਗਤ ਭਾਜਪਾ ਦੇ ਖੇਤਰੀ ਪ੍ਰਧਾਨ ਪ੍ਰਕਾਸ਼ ਪਾਲ ਨੇ ਕੀਤਾ। ਇਸ ਦੌਰਾਨ ਸੀਐਮ ਯੋਗੀ ਨੇ ਖੇਤਰੀ ਪ੍ਰਧਾਨ ਨਾਲ ਤਿਆਰੀਆਂ ਬਾਰੇ ਚਰਚਾ ਕੀਤੀ। ਇਸ ਦੌਰਾਨ ਦੱਸਿਆ ਗਿਆ ਕਿ ਪ੍ਰਧਾਨ ਮੰਤਰੀ ਮੋਦੀ ਤੀਜੀ ਵਾਰ ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ ਕਾਨਪੁਰ ਆ ਰਹੇ ਹਨ। ਇਸ ਲਈ ਜ਼ੋਰਦਾਰ ਤਿਆਰੀਆਂ ਹੋਣੀਆਂ ਚਾਹੀਦੀਆਂ ਹਨ। ਇਸ ਤੋਂ ਬਾਅਦ, ਮੁੱਖ ਮੰਤਰੀ ਘਾਟਮਪੁਰ ਸਥਿਤ ਨਵੇਲੀ ਪਾਵਰ ਪਲਾਂਟ ਦਾ ਨਿਰੀਖਣ ਕਰਨ ਲਈ ਹੈਲੀਕਾਪਟਰ ਰਾਹੀਂ ਰਵਾਨਾ ਹੋਏ। ਘਾਟਮਪੁਰ ਤੋਂ, ਉਹ ਹਵਾਈ ਰਸਤੇ ਅਰਮਾਪੁਰ ਵਿੱਚ ਬਣੇ ਹੈਲੀਪੈਡ 'ਤੇ ਆਏ। ਇੱਥੋਂ ਉਹ ਪੰਕੀ ਪਾਵਰ ਹਾਊਸ ਪਹੁੰਚੇ ਅਤੇ ਪਲਾਂਟ ਦਾ ਨਿਰੀਖਣ ਕੀਤਾ। ਇਸ ਤੋਂ ਬਾਅਦ ਸੀਐਮ ਯੋਗੀ ਨੇ ਨਯਾਗੰਜ ਮੈਟਰੋ ਸਟੇਸ਼ਨ ਦਾ ਨਿਰੀਖਣ ਕੀਤਾ।

• 

  Gujarat: ਦਾਹੋਦ ਵਿੱਚ NTPC ਦੇ ਸੋਲਰ ਪਲਾਂਟ ਦੇ ਗੋਦਾਮ ਵਿੱਚ ਭਿਆਨਕ ਅੱਗ, ਕਰੋੜਾਂ ਦਾ ਨੁਕਸਾਨ

  National

• 

  'ਇੱਕ ਰਾਸ਼ਟਰ ਇੱਕ ਚੋਣ' 'ਤੇ JPC ਦੀ ਮੀਟਿੰਗ ਅੱਜ,7 ਘੰਟੇ ਚੱਲੇਗੀ ਮੀਟਿੰਗ ਸੁਪਰੀਮ ਕੋਰਟ ਅਤੇ ਹਾਈ ਕੋਰਟ ਦੇ ਸਾਬਕਾ ਜੱਜ ਮੀਟਿੰਗ ਵਿੱਚ ਲੈਣਗੇ ਹਿੱਸਾ

  National

• 

  ED ਪ੍ਰਿਯੰਕਾ ਗਾਂਧੀ ਦੇ ਖਿਲਾਫ਼ ਸੰਮਨ ਜਾਰੀ ਕਰਨ ਦੀ ਤਿਆਰੀ ਵਿੱਚ! ਜਾਣੋ ਕਿਸ ਮਾਮਲੇ ਨਾਲ ਜੁੜ੍ਹੇ ਨੇ ਤਾਰ

  National

• 

  ਹੁਣ 10 ਸਾਲ ਤੋਂ ਵੱਧ ਉਮਰ ਦੇ ਬੱਚੇ ਵੀ ਖੋਲ ਸਕਣਗੇ ਸੁਤੰਤਰ ਤੌਰ 'ਤੇ ਬੈਂਕ ਖਾਤੇ, RBI ਨੇ ਦਿੱਤੀ ਇਜਾਜ਼ਤ

  National

• 

  ਹੁਣ Bengaluru ਵਿੱਚ ਭਾਰਤੀ ਹਵਾਈ ਸੈਨਾ ਦੇ ਅਧਿਕਾਰੀ 'ਤੇ ਹਮਲਾ, ਪਲਿਸ 'ਤੇ ਅਣਗਹਿਲੀ ਕਰਨ ਦੇ ਆਰੋਪ, ਵੇਖੋ ਵੀਡਿਓ

  National