ਮਹਾਰਾਜਗੰਜ ਪਹੁੰਚੇ CM Yogi, ਬੋਲੇ-ਉੱਤਰ ਪ੍ਰਦੇਸ਼ ਵਿੱਚ ਗਰੀਬੀ ਖਤਮ ਕਰਕੇ  ਦੇਸ਼ ਦਾ ਨੰਬਰ ਇੱਕ ਸੂਬਾ ਬਣਾਇਆ ਜਾਵੇਗਾ

ਯੋਗੀ ਨੇ ਕਿਹਾ ਕਿ ਉੱਤਰ ਪ੍ਰਦੇਸ਼ ਵਿੱਚ ਵਕਫ਼ ਬੋਰਡ ਦੇ ਨਾਮ 'ਤੇ ਲੱਖਾਂ ਏਕੜ ਜ਼ਮੀਨ 'ਤੇ ਨਾਜਾਇਜ਼ ਕਬਜ਼ਾ ਕੀਤਾ ਗਿਆ ਹੈ, ਜਿਸ ਕਾਰਨ ਗਰੀਬਾਂ ਦੀ ਭਲਾਈ ਨਹੀਂ ਹੋ ਰਹੀ ਹੈ। ਹੁਣ ਇਸ ਮਨਮਾਨੀ ਨੂੰ ਠੱਲ੍ਹ ਪਵੇਗੀ। ਉਨ੍ਹਾਂ ਕਿਹਾ ਅਗਲੇ 3 ਸਾਲਾਂ ਵਿੱਚ ਉੱਤਰ ਪ੍ਰਦੇਸ਼ ਤੋਂ ਗਰੀਬੀ ਖਤਮ ਕਰਕੇ  ਇਸਨੂੰ ਦੇਸ਼ ਦਾ ਨੰਬਰ ਇੱਕ ਸੂਬਾ ਬਣਾਇਆ ਜਾਵੇਗਾ।

ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਸ਼ਨੀਵਾਰ ਨੂੰ ਇੱਕ ਦਿਨ ਦੇ ਦੌਰੇ 'ਤੇ ਮਹਾਰਾਜਗੰਜ ਪਹੁੰਚੇ। ਜਨਤਕ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਸੰਕਲਪ ਲਿਆ ਹੈ ਕਿ ਅਗਲੇ 3 ਸਾਲਾਂ ਵਿੱਚ ਉੱਤਰ ਪ੍ਰਦੇਸ਼ ਤੋਂ ਗਰੀਬੀ ਖਤਮ ਕਰਕੇ  ਇਸਨੂੰ ਦੇਸ਼ ਦਾ ਨੰਬਰ ਇੱਕ ਸੂਬਾ ਬਣਾਇਆ ਜਾਵੇਗਾ।  ਮੁੱਖ ਮੰਤਰੀ ਨੇ ਕਿਹਾ ਕਿ ਹਾਲ ਹੀ ਵਿੱਚ ਦੇਸ਼ ਦੀ ਸੰਸਦ ਵਿੱਚ ਵਕਫ਼ ਬੋਰਡ ਸੋਧ ਐਕਟ ਪਾਸ ਕੀਤਾ ਗਿਆ ਹੈ, ਜਿਸ ਨਾਲ ਵਕਫ਼ ਦੇ ਨਾਮ 'ਤੇ ਜ਼ਮੀਨਾਂ ਦੀ ਲੁੱਟ ਅਤੇ ਗੈਰ-ਕਾਨੂੰਨੀ ਕਬਜ਼ੇ ਰੁਕਣਗੇ। ਉਨ੍ਹਾਂ ਕਿਹਾ ਕਿ ਹੁਣ ਕੋਈ ਵੀ ਚੌਰਾਹਿਆਂ ਦੀ ਜ਼ਮੀਨ 'ਤੇ ਕਬਜ਼ਾ ਨਹੀਂ ਕਰ ਸਕੇਗਾ। ਸਰਕਾਰੀ ਜਾਇਦਾਦ ਦੀ ਵਰਤੋਂ ਸਕੂਲ, ਹਸਪਤਾਲ, ਕਾਲਜ, ਮੈਡੀਕਲ ਕਾਲਜ, ਬੈਰਾਜ ਅਤੇ ਰਿਹਾਇਸ਼ ਵਰਗੇ ਲੋਕ ਭਲਾਈ ਕਾਰਜਾਂ ਲਈ ਕੀਤੀ ਜਾਵੇਗੀ। ਸੀਐਮ ਯੋਗੀ ਨੇ ਇਸ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਉੱਤਰ ਪ੍ਰਦੇਸ਼ ਵਿੱਚ ਵਕਫ਼ ਬੋਰਡ ਦੇ ਨਾਮ 'ਤੇ ਲੱਖਾਂ ਏਕੜ ਜ਼ਮੀਨ 'ਤੇ ਨਾਜਾਇਜ਼ ਕਬਜ਼ਾ ਕੀਤਾ ਗਿਆ ਹੈ, ਜਿਸ ਕਾਰਨ ਗਰੀਬਾਂ ਦੀ ਭਲਾਈ ਨਹੀਂ ਹੋ ਰਹੀ ਹੈ। ਹੁਣ ਇਸ ਮਨਮਾਨੀ ਨੂੰ ਠੱਲ੍ਹ ਪਵੇਗੀ।

5400 ਹੈਕਟੇਅਰ ਤੋਂ ਵੱਧ ਜ਼ਮੀਨ ਨੂੰ ਸਿੰਚਾਈ ਦਾ ਲਾਭ ਮਿਲੇਗਾ

ਮੁੱਖ ਮੰਤਰੀ ਨੇ ਵਾਸੰਤੀ ਨਵਰਾਤਰੀ ਦੀ ਅਸ਼ਟਮੀ ਦੇ ਮੌਕੇ 'ਤੇ ਮਾਂ ਬਨੈਲੀਆ ਦੇਵੀ ਨੂੰ ਮੱਥਾ ਟੇਕਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਨੌਤਨਵਾ ਵਿਧਾਨ ਸਭਾ ਹਲਕੇ ਵਿੱਚ ਰੋਹੀਨ ਨਦੀ 'ਤੇ ਬੈਰਾਜ ਦਾ ਉਦਘਾਟਨ ਕਰਨ ਦਾ ਸੁਭਾਗ ਪ੍ਰਾਪਤ ਹੋਇਆ ਹੈ। ਇਸ ਬੈਰਾਜ ਤੋਂ 16 ਹਜ਼ਾਰ ਅਨਾਜ ਉਤਪਾਦਕ ਕਿਸਾਨਾਂ ਅਤੇ 5400 ਹੈਕਟੇਅਰ ਤੋਂ ਵੱਧ ਜ਼ਮੀਨ ਨੂੰ ਸਿੰਚਾਈ ਦਾ ਲਾਭ ਮਿਲੇਗਾ। 
ਯੋਗੀ ਨੇ ਕਿਹਾ ਕਿ ਇਸ ਬੈਰਾਜ ਨੂੰ ਮਾਂ ਬਨੈਲੀਆ ਦੇਵੀ ਦੇ ਨਾਮ ਨਾਲ ਜਾਣਿਆ ਜਾਵੇਗਾ।

25 ਸਾਲਾਂ ਤੋਂ  ਸੀ ਮੰਗ 

ਰੋਹਿਨ ਨਦੀ ਦਾ ਪਾਣੀ ਮਿੱਠਾ ਹੈ ਅਤੇ ਇਹ ਨੇਪਾਲ ਤੋਂ ਗੋਰਖਪੁਰ ਵੱਲ ਵਗਦਾ ਹੈ। ਇਸ ਬੈਰਾਜ ਦਾ ਕਿਸਾਨਾਂ ਨੂੰ ਲੰਬੇ ਸਮੇਂ ਤੱਕ ਫਾਇਦਾ ਹੋਵੇਗਾ। ਰੋਹੀਨ ਬੈਰਾਜ ਬਾਰੇ ਉਨ੍ਹਾਂ ਕਿਹਾ ਕਿ 25 ਸਾਲਾਂ ਤੋਂ ਇਸਦੀ ਮੰਗ ਸੀ, ਪਰ ਪਹਿਲਾਂ ਦੀਆਂ ਸਰਕਾਰਾਂ ਆਪਣੇ ਪਰਿਵਾਰਾਂ ਦੀਆਂ ਜੇਬਾਂ ਭਰਨ ਅਤੇ ਜ਼ਮੀਨ ਲੁੱਟਣ ਵਿੱਚ ਰੁੱਝੀਆਂ ਹੋਈਆਂ ਸਨ। ਹੁਣ ਇਹ ਬੈਰਾਜ ਹੜ੍ਹ ਸੁਰੱਖਿਆ ਅਤੇ ਸਿੰਚਾਈ ਲਈ ਪਾਣੀ ਮੁਹੱਈਆ ਕਰਵਾਏਗਾ। ਇਸਦੇ ਆਲੇ-ਦੁਆਲੇ ਜਲ ਸਰੋਤਾਂ ਦੀ ਉਸਾਰੀ, ਸੈਰ-ਸਪਾਟਾ, ਬੋਟਿੰਗ ਅਤੇ ਰੈਸਟੋਰੈਂਟਾਂ ਨਾਲ ਰੁਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਹੋਣਗੇ।  ਸੀਐਮ ਯੋਗੀ ਨੇ ਕਿਹਾ ਕਿ ਉੱਤਰ ਪ੍ਰਦੇਸ਼ ਨੇ ਪਿਛਲੇ 8 ਸਾਲਾਂ ਵਿੱਚ ਨਵੀਆਂ ਉਚਾਈਆਂ ਨੂੰ ਛੂਹਿਆ ਹੈ। 2017 ਵਿੱਚ, ਉੱਤਰ ਪ੍ਰਦੇਸ਼ ਦੇਸ਼ ਦੀ ਸੱਤਵੀਂ ਸਭ ਤੋਂ ਵੱਡੀ ਅਰਥਵਿਵਸਥਾ ਸੀ, ਅੱਜ ਇਹ ਦੇਸ਼ ਦੀ ਦੂਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਹੈ। ਮੁਸਾਹਰ, ਵਾਂਟੰਗੀਆ ਅਤੇ ਥਾਰੂ ਵਰਗੇ ਕਬੀਲਿਆਂ ਦੇ ਪਿੰਡਾਂ ਨੂੰ ਲੋਕ ਭਲਾਈ ਯੋਜਨਾਵਾਂ ਨਾਲ ਜੋੜਿਆ ਜਾ ਰਿਹਾ ਹੈ।

• 

  ਪ੍ਰਧਾਨ ਮੰਤਰੀ ਮੋਦੀ ਅੱਜ ਪੰਬਨ ਪੁਲ ਦਾ ਕਰਨਗੇ ਉਦਘਾਟਨ,ਨਵੀਂ ਰੇਲ ਸੇਵਾ ਅਤੇ ਜ਼ਹਾਜ ਨੂੰ ਦਿਖਾਉਣਗੇ ਹਰੀ ਝੰਡੀ

  National

• 

  26 ਰਾਫੇਲ-ਮੈਰੀਟਾਈਮ ਸਟ੍ਰਾਈਕ ਫਾਈਟਰ ਖਰੀਦੇਗਾ India, ਹਿੰਦ ਮਹਾਸਾਗਰ ਖੇਤਰ ਵਿੱਚ ਵਧੇਗੀ ਮਜ਼ਬੂਤ

  National

• 

  Rajsthan: ਜਦੋਂ ਮੋਰ ਅਤੇ ਸੱਪ ਦਾ ਹੋਇਆ ਆਪਸ ਵਿੱਚ ਆਹਮੋ-ਸਾਹ੍ਹਮਣੇ, ਵੇਖਣ ਨੂੰ ਮਿਲੀ ਅਨੋਖੀ ਲੜਾਈ, ਵੀਡੀਓ ਵਾਇਰਲ

  National

• 

  ਤੰਤਰ ਵਿਦਿਆ ਦੇ ਨਾਮ 'ਤੇ Sexual abuse ਅਤੇ ਬਲੈਕਮੇਲਿੰਗ, ਨਿੱਜੀ ਯੂਨੀਵਰਸਿਟੀ ਦਾ ਪ੍ਰੋਫੈਸਰ ਕਾਬੂ

  National

• 

  ਹੈਰਾਨ ਕਰਨ ਵਾਲਾ ਮਾਮਲਾ - ਪਿਤਾ 46 ਸਾਲ ਦਾ, ਪੁੱਤਰ 83 ਸਾਲ ਦਾ ਅਤੇ ਮਾਂ 57 ਸਾਲ ਦੀ, ਪੂਰਾ ਮਾਮਲਾ ਪੜ੍ਹੋ......  

  National