जनभावना टाइम्स India Daily English इंडिया डेली लाइव
facebook twitter instagram

Chhath Puja: ਸਪੈਸ਼ਲ ਟਰੇਨ ਵਿੱਚ ਦੇਰੀ ਦਾ ਮਾਮਲਾ ਪ੍ਰਧਾਨ ਮੰਤਰੀ ਤੱਕ ਪਹੁੰਚਿਆ, ਜਵਾਬ ਤਲਬ

ਛਠ ਤਿਉਹਾਰ 'ਤੇ ਚੱਲਣ ਵਾਲੀ ਸਪੈਸ਼ਲ ਟਰੇਨ 'ਚ ਦੇਰੀ ਦਾ ਮਾਮਲਾ ਪ੍ਰਧਾਨ ਮੰਤਰੀ ਦਫਤਰ ਅਤੇ ਰੇਲ ਮੰਤਰੀ ਅਸ਼ਵਿਨ ਵੈਸ਼ਨਵ ਤੱਕ ਪਹੁੰਚ ਗਿਆ ਹੈ। ਰੇਲਵੇ ਬੋਰਡ ਤੋਂ ਲੈ ਕੇ ਡਵੀਜ਼ਨਲ ਪੱਧਰ ਤੱਕ ਦੇ ਅਧਿਕਾਰੀਆਂ ਤੋਂ ਜਵਾਬ ਮੰਗਦੇ ਹੋਏ ਉੱਤਰੀ ਰੇਲਵੇ ਦੇ ਚਾਰ ਸੀਨੀਅਰ ਅਧਿਕਾਰੀਆਂ ਨੂੰ ਬੋਰਡ ਕੋਲ ਤਲਬ ਕੀਤਾ ਗਿਆ ਹੈ। ਟਰੇਨ ਨਾ ਚੱਲਣ ਦਾ ਕਾਰਨ ਇਹ ਦੱਸਿਆ ਗਿਆ ਕਿ ਸਹਰਸਾ ਤੋਂ ਰੈਕ (ਟਰੇਨ) ਸਮੇਂ ਸਿਰ ਨਹੀਂ ਪਹੁੰਚੀ।

Palwinder Singh
  • Last Updated : 16 November 2023, 08:13 AM IST

Share:

ਛਠ ਪੂਜਾ ਨੂੰ ਲੈ ਕੇ ਜਿਥੇ ਰੇਲਵੇ ਨੇ ਤਿਆਰੀਆਂ ਪੂਰੀਆਂ ਕੀਤੀਆਂ ਸਨ ਅਤੇ ਯਾਤਰੀਆਂ ਨੂੰ ਕਿਸੇ ਤਰ੍ਹਾਂ ਦੀ ਪਰੇਸ਼ਾਨੀ ਨਾ ਆਵੇ ਇਸ ਸਪੈਸ਼ਲ ਟਰੇਨਾਂ ਵੀ ਚਲਾਈਆਂ ਗਈ ਸਨ,ਪਰ ਉੱਥੇ ਹੀ ਸਪੈਸ਼ਲ ਟਰੇਨ ਦੇ ਦੇਰੀ ਨਾਲ ਚੱਲਣ ਦੇ ਕਾਰਨ ਯਾਤਰੀਆਂ ਨੂੰ ਭਾਰੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਉੱਥੇ ਹੀ ਹੁਣ ਇਹ ਮਾਮਲਾ ਤੂਲ ਫੜਦਾ ਨਜ਼ਰ ਆ ਰਿਹਾ ਹੈ। ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਸੀਨੀਅਰ ਅਧਿਕਾਰੀਆਂ ਨੇ ਦੱਸਿਆ ਕਿ ਗੋਰਖਪੁਰ ਰੂਟ 'ਤੇ ਧੁੰਦ ਕਾਰਨ ਟਰੇਨ ਲੇਟ ਹੋ ਗਈ। ਉੱਤਰੀ ਰੇਲਵੇ ਦੇ ਜਨਰਲ ਮੈਨੇਜਰ ਨੇ ਮੰਗਲਵਾਰ ਸ਼ਾਮ 4 ਵਜੇ ਨਵੀਂ ਦਿੱਲੀ ਤੋਂ ਵੀਡੀਓ ਕਾਨਫਰੰਸਿੰਗ ਰਾਹੀਂ ਸਾਰੇ ਮੰਡਲ ਪ੍ਰਬੰਧਕਾਂ ਨਾਲ ਛਠ ਦੀਆਂ ਤਿਆਰੀਆਂ ਦਾ ਜਾਇਜ਼ਾ ਲਿਆ ਪਰ ਉਦੋਂ ਅੰਬਾਲਾ ਡਿਵੀਜ਼ਨ ਦੇ ਅਧਿਕਾਰੀਆਂ ਨੇ ਰੈਕ ਨਾ ਮਿਲਣ ਦਾ ਮਾਮਲਾ ਨਹੀਂ ਉਠਾਇਆ।

ਦਿੱਲੀ ਤੋਂ ਮੰਗਵਾਇਆ ਰੈਕ

ਜਾਣਕਾਰੀ ਦੇ ਅਨੁਸਾਰ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ ਅਤੇ ਉੱਤਰੀ ਰੇਲਵੇ ਦੇ ਵਪਾਰਕ, ​​ਸੰਚਾਲਨ, ਯਾਤਰੀ ਆਵਾਜਾਈ ਆਦਿ ਵਿਭਾਗਾਂ ਦੇ ਮੁਖੀਆਂ ਨੂੰ ਰੇਲਵੇ ਬੋਰਡ ਕੋਲ ਤਲਬ ਕੀਤਾ ਗਿਆ ਹੈ। ਜਦੋਂ ਯਾਤਰੀਆਂ ਨੇ ਹੰਗਾਮਾ ਕੀਤਾ ਤਾਂ ਅੰਬਾਲਾ ਡਿਵੀਜ਼ਨ ਦੇ ਅਧਿਕਾਰੀਆਂ ਨੇ ਇੱਕ ਹੋਰ ਰੈਕ ਲੈਣ ਲਈ ਯਤਨ ਸ਼ੁਰੂ ਕਰ ਦਿੱਤੇ। ਦਿੱਲੀ ਤੋਂ ਇੱਕ ਰੈਕ ਮੰਗਵਾਇਆ ਗਿਆ ਸੀ ਅਤੇ ਟਰੇਨ ਨੂੰ ਬੁੱਧਵਾਰ ਸਵੇਰੇ 4 ਵਜੇ 16 ਘੰਟੇ 35 ਮਿੰਟ ਦੀ ਦੇਰੀ ਨਾਲ ਰਵਾਨਾ ਕੀਤਾ ਗਿਆ ਸੀ।

ਟਰੇਨ ਰੱਦ ਕਰਨ ਦਾ ਕੋਈ ਐਲਾਨ ਨਹੀਂ

ਜੀਐੱਮ ਉੱਤਰੀ ਰੇਲਵੇ ਦੇ ਜਨਰਲ ਮੈਨੇਜਰ ਸ਼ੋਭਨ ਚੌਧਰੀ ਨੇ ਦੱਸਿਆ ਕਿ ਸਮੇਂ 'ਤੇ ਰੈਕ ਨਾ ਮਿਲਣ ਕਾਰਨ ਟਰੇਨ ਲੇਟ ਹੋ ਗਈ। ਭਵਿੱਖ ਵਿੱਚ ਅਜਿਹਾ ਨਾ ਹੋਣ ਨੂੰ ਯਕੀਨੀ ਬਣਾਉਣ ਲਈ ਅਲਰਟ ਜਾਰੀ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਟਰੇਨ ਰੱਦ ਕਰਨ ਦਾ ਕੋਈ ਐਲਾਨ ਨਹੀਂ ਹੋਇਆ। ਰੈਕ ਦੇ ਆਉਣ ਵਿੱਚ ਦੇਰੀ ਹੋ ਗਈ, ਇਸ ਲਈ ਇੱਕ ਹੋਰ ਰੇਲਗੱਡੀ ਦਾ ਪ੍ਰਬੰਧ ਕੀਤਾ ਗਿਆ।

ਇਹ ਵੀ ਪੜ੍ਹੋ

Tags :

Related News
×