ਕਲਿਆਣ ਬੈਨਰਜੀ ਨਾਲ ਵਿਵਾਦ ਮਗਰੋਂ ਸੀਐਮ ਮਮਤਾ ਨੇ ਮਹੂਆ ਮੋਇਤਰਾ ਨੂੰ ਪਾਰਟੀ ਤੋਂ ਮੁਅੱਤਲ ਕਰਨ ਦੀ ਚੇਤਾਵਨੀ ਦਿੱਤੀ, ਜਾਣੋ ਹੋਰ ਕੀ ਹੋਇਆ 

ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਪਾਰਟੀ ਸੰਸਦ ਮੈਂਬਰ ਮਹੂਆ ਮੋਇਤਰਾ ਨੂੰ ਪਾਰਟੀ ਤੋਂ ਮੁਅੱਤਲ ਕਰਨ ਦੀ ਚਿਤਾਵਨੀ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਮਹੂਆ ਦਾ ਕਲਿਆਣ ਬੈਨਰਜੀ ਨਾਲ ਝਗੜਾ ਸੀ।

ਤ੍ਰਿਣਮੂਲ ਕਾਂਗਰਸ ਦੀ ਮੁਖੀ ਅਤੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਪਾਰਟੀ ਸੰਸਦ ਮੈਂਬਰ ਮਹੂਆ ਮੋਇਤਰਾ ਨੂੰ ਸਖ਼ਤ ਚੇਤਾਵਨੀ ਦਿੱਤੀ ਹੈ। ਸੂਤਰਾਂ ਅਨੁਸਾਰ, ਸੀਐਮ ਮਮਤਾ ਨੇ ਮਹੂਆ ਮੋਇਤਰਾ ਨੂੰ ਪਾਰਟੀ ਤੋਂ ਮੁਅੱਤਲ ਕਰਨ ਦੀ ਚੇਤਾਵਨੀ ਦਿੱਤੀ। ਜਾਣਕਾਰੀ ਅਨੁਸਾਰ, ਤ੍ਰਿਣਮੂਲ ਕਾਂਗਰਸ ਦੇ ਦੋ ਸੰਸਦ ਮੈਂਬਰਾਂ, ਮਹੂਆ ਮੋਇਤਰਾ ਅਤੇ ਕਲਿਆਣ ਬੈਨਰਜੀ ਵਿਚਕਾਰ ਬਹਿਸ ਹੋਈ ਸੀ। ਇਸਤੋਂ ਬਾਅਦ, ਮਹੂਆ ਨੂੰ ਇਹ ਚੇਤਾਵਨੀ ਦਿੱਤੀ ਗਈ। ਆਓ ਜਾਣਦੇ ਹਾਂ ਇਸ ਪੂਰੇ ਮਾਮਲੇ ਬਾਰੇ.....

ਸੂਤਰਾਂ ਵੱਲੋਂ ਮਿਲੀ ਜਾਣਕਾਰੀ ਅਨੁਸਾਰ, ਤ੍ਰਿਣਮੂਲ ਕਾਂਗਰਸ (ਟੀਐਮਸੀ) ਦੇ ਨੇਤਾ ਡੇਰੇਕ ਓਬੇਰੋਨ ਨੇ ਮਮਤਾ ਬੈਨਰਜੀ ਨੂੰ ਪੂਰੀ ਘਟਨਾ ਬਾਰੇ ਜਾਣਕਾਰੀ ਦਿੱਤੀ। ਇਸਤੋਂ ਬਾਅਦ, ਮੁੱਖ ਮੰਤਰੀ ਮਮਤਾ ਬੈਨਰਜੀ ਦਾ ਸੁਨੇਹਾ ਇੱਕ ਮਹਿਲਾ ਰਾਜ ਸਭਾ ਮੈਂਬਰ ਰਾਹੀਂ ਮਹੂਆ ਮੋਇਤਰਾ ਤੱਕ ਪਹੁੰਚਾਇਆ ਗਿਆ। ਮੁੱਖ ਮੰਤਰੀ ਮਮਤਾ ਦੇ ਸੰਦੇਸ਼ ਵਿੱਚ, ਸੰਸਦ ਮੈਂਬਰ ਮਹੂਆ ਮੋਇਤਰਾ ਨੂੰ ਸਖ਼ਤ ਕਾਰਵਾਈ ਅਤੇ ਮੁਅੱਤਲੀ ਦੀ ਚੇਤਾਵਨੀ ਦਿੱਤੀ ਗਈ। 

ਮਹੂਆ ਮੋਇਤਰਾ ਅਤੇ ਕਲਿਆਣ ਬੈਨਰਜੀ ਵਿਚਕਾਰ ਕੀ ਵਿਵਾਦ ? 

ਸੂਤਰਾਂ ਅਨੁਸਾਰ ਮਹੂਆ ਮੋਇਤਰਾ ਅਤੇ ਕਲਿਆਣ ਬੈਨਰਜੀ ਵਿਚਕਾਰ ਕਈ ਮੁੱਦਿਆਂ ਨੂੰ ਲੈ ਕੇ ਤਣਾਅ ਹੈ। ਕਥਿਤ ਤੌਰ 'ਤੇ ਮਹੂਆ ਮੋਇਤਰਾ ਕਲਿਆਣ ਬੈਨਰਜੀ ਤੋਂ ਨਾਰਾਜ਼ ਹੈ ਕਿਉਂਕਿ ਉਨ੍ਹਾਂ ਨੂੰ ਲੋਕ ਸਭਾ ਵਿੱਚ ਬੋਲਣ ਲਈ ਲੋੜੀਂਦਾ ਸਮਾਂ ਨਹੀਂ ਦਿੱਤਾ ਗਿਆ ਸੀ। ਕਲਿਆਣ ਬੈਨਰਜੀ ਕਈ ਸੰਸਦ ਮੈਂਬਰਾਂ ਵਿਚਕਾਰ ਫਲੋਰ ਟਾਈਮ ਦੇ ਪ੍ਰਬੰਧਨ ਲਈ ਜ਼ਿੰਮੇਵਾਰ ਹਨ। ਮਹੂਆ ਮੋਇਤਰਾ ਸਦਨ ​​ਦੇ ਜ਼ਿਆਦਾਤਰ ਮੁੱਦਿਆਂ 'ਤੇ ਆਪਣੀ ਰਾਏ ਪ੍ਰਗਟ ਕਰਨਾ ਚਾਹੁੰਦੇ ਸੀ। ਹਾਲਾਂਕਿ, ਕਥਿਤ ਤੌਰ 'ਤੇ ਉਹਨਾਂ ਨੂੰ ਕਈ ਵਾਰ ਇਸ ਤੋਂ ਇਨਕਾਰ ਕੀਤਾ ਗਿਆ ਜਿਸ ਕਾਰਨ ਉਹ ਨਿਰਾਸ਼ ਹੋਏ।  ਜਾਣਕਾਰੀ ਅਨੁਸਾਰ, ਮਹੂਆ ਨੇ ਕਲਿਆਣ ਬੈਨਰਜੀ ਅਤੇ ਉਨ੍ਹਾਂ ਦੀ ਧੀ ਵਿਰੁੱਧ ਕਥਿਤ ਤੌਰ 'ਤੇ ਅਪਮਾਨਜਨਕ ਭਾਸ਼ਾ ਦੀ ਵਰਤੋਂ ਕੀਤੀ ਸੀ। ਇੱਕ ਵਾਰ ਉਹਨਾਂ ਨੇ ਕਲਿਆਣ ਬੈਨਰਜੀ ਨੂੰ 'ਛੋਟੋ ਲੋਕ' (ਬੰਗਾਲੀ ਵਿੱਚ ਨੀਵਾਂ ਵਿਅਕਤੀ) ਕਿਹਾ ਜਿਸ ਕਾਰਨ ਬੈਨਰਜੀ ਬਹੁਤ ਦੁਖੀ ਹੋਏ। 

ਕਲਿਆਣ ਬੈਨਰਜੀ ਅਤੇ ਸੌਗਤ ਰਾਏ ਵੀ ਆਪਸ ਵਿੱਚ ਭਿੜੇ

 ਤ੍ਰਿਣਮੂਲ ਕਾਂਗਰਸ ਦੇ ਇੱਕ ਹੋਰ ਸੰਸਦ ਮੈਂਬਰ ਸੌਗਤ ਰਾਏ ਨੇ ਇਸ ਪੂਰੇ ਮਾਮਲੇ ਵਿੱਚ ਕਲਿਆਣ ਬੈਨਰਜੀ 'ਤੇ ਹਮਲਾ ਬੋਲਿਆ। ਉਨ੍ਹਾਂ ਨੇ ਕਲਿਆਣ ਬੈਨਰਜੀ 'ਤੇ ਇੱਕ ਮਹਿਲਾ ਸੰਸਦ ਮੈਂਬਰ ਨਾਲ ਦੁਰਵਿਵਹਾਰ ਕਰਨ ਦਾ ਵੀ ਦੋਸ਼ ਲਗਾਇਆ। ਸੌਗਤ ਰਾਏ ਨੇ ਕਿਹਾ, "ਉਨ੍ਹਾਂ ਦਾ ਅਸੱਭਿਅਕ ਵਿਵਹਾਰ ਸਾਡੇ ਧਿਆਨ ਵਿੱਚ ਕਈ ਵਾਰ ਆਇਆ ਹੈ। ਕਲਿਆਣ ਨੂੰ ਤੁਰੰਤ ਪਾਰਟੀ ਦੇ ਮੁੱਖ ਵ੍ਹਿਪ ਦੇ ਅਹੁਦੇ ਤੋਂ ਹਟਾ ਦੇਣਾ ਚਾਹੀਦਾ ਹੈ। ਮੈਂ ਇਹ ਫੈਸਲਾ ਮਮਤਾ ਬੈਨਰਜੀ 'ਤੇ ਛੱਡਦਾ ਹਾਂ।" ਇਸ ਦੇ ਨਾਲ ਹੀ, ਕਲਿਆਣ ਬੈਨਰਜੀ ਨੇ ਸੌਗਤ ਰਾਏ ਨੂੰ ਜਵਾਬ ਦਿੰਦੇ ਹੋਏ ਕਿਹਾ - "ਸੌਗਤ ਰਾਏ ਨੇ ਬਹੁਤ ਪਹਿਲਾਂ ਪਾਰਟੀ ਦੀ ਛਵੀ ਨੂੰ ਖਰਾਬ ਕਰ ਦਿੱਤਾ ਸੀ। 2016 ਦੇ ਉਹ ਦਿਨ ਯਾਦ ਹਨ ਜਦੋਂ ਨਾਰਦ ਸਟਿੰਗ ਦੌਰਾਨ, ਸਾਡੇ ਵਿਰੁੱਧ ਚੋਰ ਚੋਰ ਦੇ ਨਾਅਰੇ ਲਗਾਏ ਗਏ ਸਨ। ਉਨ੍ਹਾਂ ਵਿੱਚੋਂ ਕਿਸੇ ਨੂੰ ਵੀ ਇਸਦਾ ਸਾਹਮਣਾ ਨਹੀਂ ਕਰਨਾ ਪਿਆ। ਮੈਨੂੰ ਇਕੱਲੇ ਨੂੰ ਇਸਦਾ ਸਾਹਮਣਾ ਕਰਨਾ ਪਿਆ। ਇਸ ਲਈ ਛਵੀ ਨੂੰ ਸੌਗਤ ਰਾਏ ਨੇ ਖਰਾਬ ਕੀਤਾ, ਮੈਂ ਨਹੀਂ।"

• 

  ਲਖਨਊ ਵਿਖੇ ਹਸਪਤਾਲ 'ਚ ਭਿਆਨਕ ਅੱਗ, ਯੋਗੀ ਨੇ ਲਿਆ ਸਖਤ ਨੋਟਿਸ, Deputy CM ਖੁਦ ਮੌਕੇ 'ਤੇ ਪੁੱਜੇ 

  National

• 

  ਅਦਾਕਾਰ ਮੁਕੇਸ਼ ਖੰਨਾ ਦੀ ਬਿਹਾਰ ਦੀ ਸਿੱਖਿਆ ਅਤੇ ਰਾਜਨੀਤੀ 'ਤੇ ਤਿੱਖੀ ਪ੍ਰਤੀਕਿਰਿਆ, ਬੋਲੇ- ਜੇਕਰ ਮੰਦਰਾਂ ਜਿੰਨੇ ਸਕੂਲ ਖੋਲ੍ਹੇ ਜਾਣ ਤਾਂ ਦੇਸ਼ ਦੀ ਬਦਲ ਸਕਦੀ ਤਸਵੀਰ

  National

• 

  ਕੌਣ ਹੈ ਰਾਮਪਾਲ? ਜੋ PM Modi ਨੂੰ ਮਿਲਣ ਲਈ 14 ਸਾਲ ਰਿਹਾ ਨੰਗੇ ਪੈਰ,ਅੱਜ ਹੋਈ ਇੱਛਾ ਪੂਰੀ

  National

• 

  Uttar Pardesh: ਅੰਬੇਡਕਰ ਜਯੰਤੀ ‘ਤੇ ਨੌਜਵਾਨ ਨੂੰ ਮਾਰੀ ਗੋਲੀ, ਵਿਰੋਧ ਵਿੱਚ ਸੜਕਾ ‘ਤੇ ਉਤਰੇ SC ਭਾਈਚਾਰੇ ਦੇ ਲੋਕ, 3 ਘੰਟੇ ਤੱਕ ਹੋਇਆ ਹੰਗਾਮਾ

  National

• 

  ਮੁੰਬਈ ਅੱਤਵਾਦੀ ਹਮਲੇ ਦੇ ਮਾਸਟਰਮਾਈਂਡ Tahawwur Rana ਤੋਂ ਰੋਜ਼ਾਨਾ 10 ਘੰਟੇ ਪੁੱਛਗਿੱਛ, ਇਨ੍ਹਾਂ ਤਿੰਨ ਚੀਜ਼ਾਂ ਦੀ ਕੀਤੀ ਮੰਗ

  National