ਸਾਇਟਿਕਾ ਦਾ ਦਰਦ ਅਤੇ ਇਸਤੋਂ ਛੁਟਕਾਰਾ ਪਾਉਣ ਦੇ ਤਰੀਕਾ

ਸਾਇਟਿਕਾ ਜੋ ਪਿੱਠ ਵਿੱਚ ਦਰਦ ਅਤੇ ਬੇਅਰਾਮੀ ਦਾ ਕਾਰਨ ਬਣਦੀ ਹੈ ਉਦੋਂ ਵਾਪਰਦੀ ਹੈ ਜਦੋਂ ਤੁਹਾਡੀ ਸਾਇਏਟਿਕ ਨਰਵ ਸੁੰਗੜ ਜਾਂ ਸੁੱਜ ਜਾਂਦੀ ਹੈ ਜਿਸਦੇ ਸਿੱਟੇ ਵਜੋਂ ਤੁਹਾਡੀ ਪਿੱਠ ਅਤੇ ਲੱਤਾਂ ਵਿੱਚ ਦਰਦ, ਸੁੰਨ ਹੋਣਾ ਅਤੇ ਝਰਨਾਹਟ ਹੁੰਦੀ ਹੈ। ਇੱਥੇ ਬਹੁਤ ਸਾਰੇ ਇਲਾਜ ਹਨ ਜੋ ਰਾਹਤ ਪਹੁੰਚਾ ਸਕਦੇ ਹਨ। ਇਹ ਦਰਦਨਾਕ ਕਿਉਂ ਹੈ? ਸਾਇਟਿਕਾ, ਨਸਾਂ ਦੀਆਂ […]

ਸਾਇਟਿਕਾ ਜੋ ਪਿੱਠ ਵਿੱਚ ਦਰਦ ਅਤੇ ਬੇਅਰਾਮੀ ਦਾ ਕਾਰਨ ਬਣਦੀ ਹੈ ਉਦੋਂ ਵਾਪਰਦੀ ਹੈ ਜਦੋਂ ਤੁਹਾਡੀ ਸਾਇਏਟਿਕ ਨਰਵ ਸੁੰਗੜ ਜਾਂ ਸੁੱਜ ਜਾਂਦੀ ਹੈ ਜਿਸਦੇ ਸਿੱਟੇ ਵਜੋਂ ਤੁਹਾਡੀ ਪਿੱਠ ਅਤੇ ਲੱਤਾਂ ਵਿੱਚ ਦਰਦ, ਸੁੰਨ ਹੋਣਾ ਅਤੇ ਝਰਨਾਹਟ ਹੁੰਦੀ ਹੈ। ਇੱਥੇ ਬਹੁਤ ਸਾਰੇ ਇਲਾਜ ਹਨ ਜੋ ਰਾਹਤ ਪਹੁੰਚਾ ਸਕਦੇ ਹਨ।

ਇਹ ਦਰਦਨਾਕ ਕਿਉਂ ਹੈ?

ਸਾਇਟਿਕਾ, ਨਸਾਂ ਦੀਆਂ ਜੜ੍ਹਾਂ ਜਾਂ ਸਾਇਟਿਕ ਨਰਵ ਦੇ ਸੁੰਗੜਨ ਕਾਰਨ ਹੁੰਦਾ ਹੈ। ਇਹ ਗੰਭੀਰ ਦਰਦ ਲੱਤਾਂ ਵਿੱਚ ਕਮਜ਼ੋਰੀ ਸਮੇਤ ਚੱਲਣ ਦੀ ਸਮਰੱਥਾ ਵਿੱਚ ਰੁਕਾਵਟ ਪਾ ਸਕਦਾ ਹੈ।

ਦਰਦ ਤੋਂ ਰਾਹਤ ਕਿਵੇਂ ਪਾਈ ਜਾਵੇ?

ਇਸਦਾ ਇਲਾਜ ਕਰਨ ਤੋਂ ਪਹਿਲਾਂ ਇਮੇਜਿੰਗ ਟੈਸਟ ਜਿਵੇਂ ਕਿ ਐਕਸ-ਰੇ, ਸੀਟੀ ਸਕੈਨ ਅਤੇ ਐਮ.ਆਰ.ਆਈ. ਦੇ ਨਾਲ-ਨਾਲ ਇਲੈਕਟ੍ਰੋਫਿਜ਼ੀਓਲੋਜੀਕਲ ਟੈਸਟਿੰਗ ਹੁੰਦੀ ਹੈ। ਪਤਾ ਲੱਗ ਜਾਣ ਤੋਂ ਬਾਅਦ ਸਮਸਿਆ ਦੀ ਜੜ ’ਤੇ ਇਲਾਜ ਸ਼ੁਰੂ ਹੁੰਦਾ ਹੈ। 

ਸਾਇਟਿਕਾ ਦੇ ਦਰਦ ਤੋਂ ਛੁਟਕਾਰਾ ਪਾਉਣ ਦੇ 6 ਤਰੀਕੇ

1. ਐਂਟੀ-ਇਨਫਲੇਮੇਟਰੀ ਦਵਾਈਆਂ

ਗੈਰ-ਸਟੀਰੌਇਡਲ ਐਂਟੀ-ਇਨਫਲੇਮੇਟਰੀ ਦਵਾਈਆਂ ਤੁਹਾਡੇ ਸਰੀਰ ਦੀ ਸੋਜਸ਼ ਨੂੰ ਘਟਾਕੇ ਦਰਦ ਨੂੰ ਖਤਮ ਕਰਦੀਆਂ ਹਨ।

2. ਗਰਮ ਅਤੇ ਠੰਡੇ ਪੈਕ

ਠੰਡੇ ਅਤੇ ਗਰਮ ਪੈਕਾਂ ਦੀ ਥੈਰੇਪੀ ਨਾਲ ਸਾਇਟਿਕਾ ਦੇ ਦਰਦ ਨੂੰ ਪ੍ਰਭਾਵਸ਼ਾਲੀ ਢੰਗ ਸਮੇਤ ਤੁਰੰਤ ਰਾਹਤ ਮਿਲਦੀ ਹੈ। ਕੋਲਡ ਥੈਰੇਪੀ ਆਮ ਤੌਰ ‘ਤੇ ਸਾਇਟਿਕਾ ਦੀ ਸ਼ੁਰੂਆਤ ਵਿੱਚ ਮਦਦਗਾਰ ਹੁੰਦੀ ਹੈ ਅਤੇ ਫਿਰ ਹੀਟ ਥੈਰੇਪੀ ਦੇ ਨਾਲ ਵਿਕਲਪਿਕ ਤੌਰ ‘ਤੇ ਵਰਤੀ ਜਾਂਦੀ ਹੈ।

3. ਸਰੀਰਕ ਥੈਰੇਪੀ

ਇਸ ਵਿੱਚ ਦਰਦ ਦਾ ਇਲਾਜ ਕਰਨ ਲਈ ਸਰੀਰਕ ਥੈਰੇਪੀ ਭਾਵ ਟ੍ਰਾਂਸਕਿਊਟੇਨੀਅਸ ਇਲੈਕਟ੍ਰੀਕਲ ਨਰਵ ਸਟੀਮੂਲੇਸ਼ਨ (ਟੀ.ਈ.ਐਨ.ਐੱਸ), ਅਲਟਰਾਸਾਊਂਡ ਥੈਰੇਪੀ ਜਾਂ ਇੰਟਰਫੇਰੈਂਸ਼ੀਅਲ ਥੈਰੇਪੀ (ਆਈ.ਐਫ.ਟੀ.) ਵਰਗੇ ਢੰਗਾਂ ਦੀ ਵਰਤੋਂ ਸ਼ਾਮਿਲ ਹੈ।

4. ਸਹੀ ਸਥਿਤੀ ਵਿੱਚ ਬੈਠਣਾ

ਚੰਗੀ ਮੁਦਰਾ ਬਣਾਈ ਰੱਖਣਾ ਅਤੇ ਐਰਗੋਨੋਮਿਕਸ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿਉਂਕਿ ਸਾਇਟਿਕਾ ਦੇ ਜ਼ਿਆਦਾਤਰ ਕੇਸ ਕੰਮ ਵਾਲੀ ਥਾਂ ‘ਤੇ ਖਰਾਬ ਮੁਦਰਾ ਅਤੇ ਗਲਤ ਬੈਠਣ ਕਾਰਨ ਹੁੰਦੇ ਹਨ।

5. ਕੋਰਟੀਕੋਸਟੀਰੋਇਡ ਟੀਕੇ

ਕੁਝ ਡਾਕਟਰੀ ਪੇਸ਼ੇਵਰ ਸਾਇਟਿਕਾ ਦੇ ਲੱਛਣਾਂ ਨੂੰ ਅਤੇ ਸੋਜ ਨੂੰ ਰੋਕਣ ਲਈ ਆਪਣੇ ਮਰੀਜ਼ਾਂ ਦੇ ਰੀੜ੍ਹ ਦੀ ਹੱਡੀ ਦੇ ਸਥਾਨ ’ਤੇ ਸਿੱਧੇ ਕੋਰਟੀਕੋਸਟੀਰੋਇਡਜ਼ (ਐਂਟੀ-ਇਨਫਲਾਮੇਟਰੀ ਡਰੱਗਜ਼) ਦੇ ਟੀਕੇ ਲਗਾਉਂਦੇ ਹਨ।

6. ਸਰਜਰੀ

ਸਰਜਰੀ ਸਿਰਫ ਉਹਨਾਂ ਮਾਮਲਿਆਂ ਵਿੱਚ ਹੀ ਵਰਤੀ ਜਾਂਦੀ ਹੈ ਜਿੱਥੇ ਮਰੀਜ਼ਾਂ ਨੂੰ ਗੰਭੀਰ ਤੰਤੂ ਸੰਬੰਧੀ ਵਿਗਾੜਾਂ ਦਾ ਅਨੁਭਵ ਹੁੰਦਾ ਹੈ। ਇਹ ਕੁਝ ਗੈਰ-ਡੀਜਨਰੇਟਿਵ ਪੈਥੋਲੋਜੀ ਲਾਗਾਂ ਅਤੇ ਟਿਊਮਰਾਂ ਲਈ ਵੀ ਲੋੜੀਂਦੀ ਹੋ ਸਕਦੀ ਹੈ।

ਇਸ ਤਰਾਂ ਤੁਸੀਂ ਇਹਨਾਂ ਦੱਸੇ ਉਪਚਾਰਾਂ ਦੀ ਢੁਕਵੀਂ ਵਰਤੋਂ ਕਰਦੇ ਹੋਏ ਸਾਇਟਿਕਾ ਦੇ ਦਰਦ ਤੋਂ ਰਾਹਤ ਪਾ ਸਕਦੇ ਹੋ। ਗੰਭੀਰ ਹਾਲਤਾਂ ਵਿੱਚ ਡਾਕਟਰੀ ਸਲਾਹ ਵੀ ਅਤਿ ਜਰੂਰੀ ਹੈ।

• 

  ਠੰਡੇ ਪਾਣੀ ਨਾਲ ਨਹਾਉਣ ਨਾਲ ਹੋ ਸਕਦਾ ਹੈ ਦਿਲ ਦਾ ਦੌਰਾ! ਜਾਣੋ ਇਸਦਾ ਇਲਾਜ

  Lifestyle

• 

  ਕੀ ਤੁਹਾਡਾ ਸਾਥੀ ਵੀ ਧੋਖਾ ਦੇ ਰਿਹਾ ਹੈ? ਇਨ੍ਹਾਂ ਸੰਕੇਤਾਂ ਨਾਲ ਤੁਰੰਤ ਟੁੱਟ ਜਾਓ

  Lifestyle

• 

  ਸਰਦੀਆਂ ਵਿੱਚ ਫੇਫੜਿਆਂ ਨੂੰ ਰੱਖਣਾ ਚਾਹੁੰਦੇ ਹੋ ਸਿਹਤਮੰਦ, ਤਾਂ ਇਹ ਚੀਜ਼ਾਂ ਹਨ ਤੁਹਾਡੇ ਲਈ ਬੈਸਟ

  Lifestyle

• 

  ਕਿਸ ਵਿਟਾਮਿਨ ਦੀ ਕਮੀ ਕਾਰਨ ਅਕਸਰ ਜ਼ੁਕਾਮ ਹੁੰਦਾ ਹੈ? ਜਾਣੋ ਇਸਦਾ ਇਲਾਜ

  Lifestyle

• 

  ਸ਼ੀਸ਼ੇ ਵਾਂਗੀ ਚਮਕ ਉੱਠੇਗੀ ਚਿਹਰਾ, ਇਨ੍ਹਾਂ ਤਰੀਕਿਆਂ ਨਾਲ ਘਰ ਵਿੱਚ ਕਰੋ ਟਮਾਟਰ ਫੇਸ਼ੀਅਲ

  Lifestyle