ਸਰਦੀਆਂ 'ਚ ਖੁਸ਼ਕ ਚਮੜੀ ਦੀ ਸਮੱਸਿਆ, ਸਿਰਫ਼ ਇੱਕ ਚੀਜ਼ ਨਾਲ ਹੋ ਜਾਵੇਗੀ ਛੂ-ਮੰਤਰ

ਘਰੇਲੂ ਨੁਸਖੇ ਨਾਲ ਚਮੜੀ ਨੂੰ ਨਮੀ ਮਿਲੇਗੀ। ਨਿਖਾਰ ਆਵੇਗਾ ਤੇ ਹੋਰ ਵੀ ਕਈ ਸਮੱਸਿਆਵਾਂ ਹੱਲ ਹੋਣਗੀਆਂ। ਜਾਣੋ ਇਹ ਕਿਹੜੀ ਚੀਜ਼ ਹੈ ਜੋ ਸੁੰਦਰਤਾ ਦਾ ਰਾਜ ਹੈ.....

Last Updated : 13 December 2023, 03:22 PM IST

ਸਰਦੀਆਂ ਵਿੱਚ ਜ਼ਿਆਦਾਤਰ ਲੋਕ ਖੁਸ਼ਕ ਚਮੜੀ ਤੋਂ ਪ੍ਰੇਸ਼ਾਨ ਰਹਿੰਦੇ ਹਨ। ਦਰਅਸਲ, ਠੰਡੀ ਹਵਾ ਕਾਰਨ ਚਮੜੀ ਅੰਦਰ ਤੋਂ ਖੁਸ਼ਕ ਹੋ ਜਾਂਦੀ ਹੈ ਅਤੇ ਨਮੀ ਦੀ ਕਮੀ ਕਾਰਨ ਚਿਹਰਾ ਫਟਣ ਲੱਗ ਜਾਂਦਾ ਹੈ ਅਤੇ ਚਿਹਰਾ ਬੇਜਾਨ ਦਿਖਣ ਲੱਗਦਾ ਹੈ। ਅਜਿਹੀ ਸਥਿਤੀ ਵਿੱਚ ਤੁਸੀਂ ਨਮੀ ਨੂੰ ਦੂਰ ਕਰਨ ਅਤੇ ਖੁਸ਼ਕੀ ਨੂੰ ਘੱਟ ਕਰਨ ਲਈ ਸ਼ਹਿਦ ਦੀ ਵਰਤੋਂ ਕਰ ਸਕਦੇ ਹੋ। ਇਹ ਉਹ ਚੀਜ਼ ਹੈ ਜੋ ਚਿਹਰੇ ਲਈ ਵੱਖ-ਵੱਖ ਤਰੀਕਿਆਂ ਨਾਲ ਕੰਮ ਕਰਦੀ ਹੈ। ਇਹ ਐਂਟੀ-ਬੈਕਟੀਰੀਅਲ ਹੁੰਦਾ ਹੈ ਜੋ ਚਿਹਰੇ ਨੂੰ ਮੁਹਾਸੇ ਅਤੇ ਕਈ ਤਰ੍ਹਾਂ ਦੀ ਇਨਫੈਕਸ਼ਨ ਤੋਂ ਬਚਾਉਂਦਾ ਹੈ। ਇਸਦੇ ਕੁਝ ਐਂਟੀਆਕਸੀਡੈਂਟ ਚਮੜੀ ਵਿੱਚ ਕੋਲੇਡਨ ਨੂੰ ਵਧਾਉਣ ਅਤੇ ਇਸਦੀ ਬਣਤਰ ਨੂੰ ਬਿਹਤਰ ਬਣਾਉਣ ਵਿੱਚ ਮਦਦ ਕਰਦੇ ਹਨ। ਇਸਤੋਂ ਇਲਾਵਾ ਖੁਸ਼ਕ ਚਮੜੀ ਲਈ ਸ਼ਹਿਦ ਦੇ ਹੋਰ ਕਈ ਫਾਇਦੇ ਹਨ। ਆਓ ਜਾਣਦੇ ਹਾਂ ਕਿ ਚਿਹਰੇ ਲਈ ਸ਼ਹਿਦ ਦੀ ਵਰਤੋਂ ਕਿਵੇਂ ਕਰੀਏ?

ਖੁਸ਼ਕ ਚਮੜੀ ਦੀ ਸਮੱਸਿਆ ਹੋਵੇਗੀ ਦੂਰ

ਸ਼ਹਿਦ ਇੱਕ ਕੁਦਰਤੀ ਹਿਊਮੈਕਟੈਂਟ ਹੈ। ਇਸਦਾ ਮਤਲਬ ਹੈ ਕਿ ਇਹ ਨਮੀ ਨੂੰ ਖਿੱਚਦਾ ਹੈ ਅਤੇ ਨਮੀ ਨੂੰ ਚਮੜੀ ਵਿੱਚ ਬਣਾਈ ਰੱਖਦਾ ਹੈ। ਇਹ ਖੁਸ਼ਕਤਾ ਨੂੰ ਰੋਕਣ ਲਈ ਇੱਕ ਸੁਰੱਖਿਆ ਪਰਤ ਵੀ ਬਣਾਉਂਦਾ ਹੈ। ਇਸਤੋਂ ਇਲਾਵਾ ਸ਼ਹਿਦ ਵਿਚ ਮੌਜੂਦ ਐਨਜ਼ਾਈਮ ਚਮੜੀ ਦੇ ਮੁਰਦਾ ਸੈੱਲਾਂ ਨੂੰ ਹਟਾ ਕੇ ਚਮੜੀ ਨੂੰ ਨਿਖਾਰਨ ਅਤੇ ਖੁਰਦਰੀ ਚਮੜੀ ਨੂੰ ਨਰਮ ਕਰਨ ਵਿਚ ਮਦਦ ਕਰਦੇ ਹਨ। ਇਹ ਇੱਕ ਸ਼ਾਨਦਾਰ ਮਾਇਸਚਰਾਈਜ਼ਰ ਵੀ ਹੈ ਜੋ ਚਮੜੀ ਨੂੰ ਅੰਦਰੋਂ ਨਮੀ ਦਿੰਦਾ ਹੈ ਅਤੇ ਇਸਨੂੰ ਫਟਣ ਤੋਂ ਰੋਕਦਾ ਹੈ। ਇਸ ਤਰ੍ਹਾਂ ਇਹ ਚਿਹਰੇ 'ਤੇ ਨਮੀ ਨੂੰ ਬੰਦ ਕਰਕੇ ਖੁਸ਼ਕ ਚਮੜੀ ਦੀ ਸਮੱਸਿਆ ਨੂੰ ਦੂਰ ਕਰਨ 'ਚ ਮਦਦ ਕਰਦਾ ਹੈ।

ਫੇਸ-ਪੈਕ ਬਣਾ ਕੇ ਕਰੋ ਵਰਤੋਂ

ਖੁਸ਼ਕ ਚਮੜੀ ਲਈ ਤੁਸੀਂ ਸ਼ਹਿਦ ਨੂੰ ਕਈ ਤਰੀਕਿਆਂ ਨਾਲ ਵਰਤ ਸਕਦੇ ਹੋ। ਪਰ ਸਭ ਤੋਂ ਵਧੀਆ ਤਰੀਕਾ ਹੈ ਇਸਦਾ ਇੱਕ ਫੇਸ ਪੈਕ ਬਣਾ ਲਈਏ। ਤੁਸੀਂ ਬੱਸ ਸ਼ਹਿਦ ਲੈਣਾ ਹੈ ਅਤੇ ਇਸ ਵਿਚ ਥੋੜ੍ਹਾ ਜਿਹਾ ਗੁਲਾਬ ਜਲ, ਹਲਦੀ ਅਤੇ ਮਲਾਈ ਮਿਲਾਉਣੀ ਹੈ। ਫਿਰ ਸਭ ਨੂੰ ਮਿਲਾ ਕੇ ਆਪਣੇ ਚਿਹਰੇ 'ਤੇ ਲਗਾਓ ਅਤੇ ਫਿਰ ਚਿਹਰੇ 'ਤੇ ਹੌਲੀ-ਹੌਲੀ ਮਾਲਿਸ਼ ਕਰੋ। ਕੁਝ ਦੇਰ ਇਸ ਤਰ੍ਹਾਂ ਕਰੋ ਅਤੇ ਫਿਰ ਕੋਸੇ ਪਾਣੀ ਨਾਲ ਆਪਣਾ ਚਿਹਰਾ ਧੋ ਲਓ। ਤੁਸੀਂ ਦੇਖੋਗੇ ਕਿ ਇਹ ਤੁਹਾਡੀ ਚਮੜੀ ਦੀ ਬਣਤਰ ਨੂੰ ਸੁਧਾਰਦਾ ਹੈ।ਨਿਖਾਰ ਲੈ ਕੇ ਆਉਂਦਾ ਹੈ।