ਮੋਢੇ ਦੇ ਦਰਦ ਤੋਂ ਰਾਹਤ ਲਈ ਇਹ 3 ਆਸਾਨ ਕਸਰਤਾਂ ਕਰੋ

ਬੈਠ ਕੇ ਕੰਮ ਕਰਨ ਵਾਲੀ ਜੀਵਨਸ਼ੈਲੀ ਵਿੱਚ ਵਾਧਾ ਅਤੇ ਲੈਪਟਾਪ ‘ਤੇ ਲੰਬੇ ਕੰਮ ਦੇ ਘੰਟਿਆਂ ਨਾਲ ਸਾਡੇ ਵਿੱਚੋਂ ਬਹੁਤਿਆਂ ਨੇ ਮੋਢੇ ਦੇ ਤੀਬਰ ਦਰਦ ਨੂੰ ਹੰਡਾਇਆ ਹੈ। ਭਾਵੇਂ ਕਿ ਦਰਦ ਤੋਂ ਰਾਹਤ ਦੇਣ ਵਾਲੀਆਂ ਦਵਾਈਆਂ ਅਸਥਾਈ ਰਾਹਤ ਦਿੰਦਿਆਂ ਹਨ, ਪਰ ਕੁਝ ਅਭਿਆਸਾਂ ਦੀ ਸਹਾਇਤਾ ਨਾਲ ਦਰਦ ਨੂੰ ਠੀਕ ਕਰਕੇ ਮੁਦਰਾ (ਪੋਜ਼) ਨੂੰ ਬਿਹਤਰ ਬਣਾਉਣ ਵਿੱਚ […]

Last Updated : 05 July 2023, 06:11 PM IST

ਬੈਠ ਕੇ ਕੰਮ ਕਰਨ ਵਾਲੀ ਜੀਵਨਸ਼ੈਲੀ ਵਿੱਚ ਵਾਧਾ ਅਤੇ ਲੈਪਟਾਪ ‘ਤੇ ਲੰਬੇ ਕੰਮ ਦੇ ਘੰਟਿਆਂ ਨਾਲ ਸਾਡੇ ਵਿੱਚੋਂ ਬਹੁਤਿਆਂ ਨੇ ਮੋਢੇ ਦੇ ਤੀਬਰ ਦਰਦ ਨੂੰ ਹੰਡਾਇਆ ਹੈ। ਭਾਵੇਂ ਕਿ ਦਰਦ ਤੋਂ ਰਾਹਤ ਦੇਣ ਵਾਲੀਆਂ ਦਵਾਈਆਂ ਅਸਥਾਈ ਰਾਹਤ ਦਿੰਦਿਆਂ ਹਨ, ਪਰ ਕੁਝ ਅਭਿਆਸਾਂ ਦੀ ਸਹਾਇਤਾ ਨਾਲ ਦਰਦ ਨੂੰ ਠੀਕ ਕਰਕੇ ਮੁਦਰਾ (ਪੋਜ਼) ਨੂੰ ਬਿਹਤਰ ਬਣਾਉਣ ਵਿੱਚ ਮਦਦ ਲਈ ਜਾ ਸਕਦੀ ਹੈ।

ਆਲ ਫ਼ੋਰ ਸਟਰੇਨਮ ਡ੍ਰੋਪਸ (6-8 ਰੈਪਸ):

ਇਹ ਅਭਿਆਸ ਮੁਦਰਾ ਵਿੱਚ ਸੁਧਾਰ ਕਰਨ ਅਤੇ ਉੱਪਰੀ ਪਿੱਠ ਸਮੇਤ ਮੋਢਿਆਂ ਵਿੱਚ ਤਣਾਅ ਨੂੰ ਦੂਰ ਕਰਨ ਵਿੱਚ ਸਹਾਇਕ ਹੈ।

ਇਸਨੂੰ ਕਿਵੇਂ ਕਰਨਾ ਹੈ

* ਸਿਰ ਨੂੰ ਸਥਿਰ ਰੱਖਦੇ ਹੋਏ ਆਪਣੇ ਮੋਢੇ ਦੀ ਸੇਧ ਵਿੱਚ ਕਰੋ

* ਆਪਣੇ ਸਟਰਨਮ/ਛਾਤੀ ਨੂੰ ਫਰਸ਼ ਨਾਲ ਲਗਾਓ ਅਤੇ ਚੁੱਕੋ।

ਪ੍ਰੋਨ ਥੰਬਸ ਅੱਪ

ਮਾਹਰ ਨੇ ਦੱਸਿਆ ਕਿ ਇਹ ਕਸਰਤ ਘੁਮਾਉਣ ਵਾਲੀਆਂ ਕਫ ਮਾਸਪੇਸ਼ੀਆਂ ਸਮੇਤ ਉੱਪਰੀ ਪਿੱਠ ਅਤੇ ਮੋਢਿਆਂ ਦੀਆਂ ਮਾਸਪੇਸ਼ੀਆਂ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਕਰਦੀ ਹੈ। ਇਹ ਕਸਰਤ ਮੁਦਰਾ ਸਮੇਤ ਮੋਢੇ ਦੀ ਸਥਿਰਤਾ ਵਿੱਚ ਸੁਧਾਰ ਕਰ ਸਕਦੀ ਹੈ ਅਤੇ ਮੋਢੇ ਦੀਆਂ ਸੱਟਾਂ ਦੇ ਜੋਖਮ ਨੂੰ ਘਟਾਉਂਦੀ ਹੈ।

ਇਸਨੂੰ ਕਿਵੇਂ ਕਰਨਾ ਹੈ (6-8 ਰੈਪਸ):

* ਆਪਣੇ ਪੈਰਾਂ ਨੂੰ ਅਲੱਗ ਰੱਖ ਕੇ ਲੇਟ ਜਾਓ ਤਾਂ ਜੋ ਤੁਹਾਡਾ ਪੇਡੂ ਸਥਿਰ ਰਹੇ।

* ਇਹ ਯਕੀਨੀ ਬਣਾਉਣ ਲਈ ਕਿ ਕੰਨ ਤੁਹਾਡੇ ਮੋਢਿਆਂ ਦੇ ਸਮਾਂਤਰ ਹੋਣ, ਸਿਰਹਾਣੇ ਨਾਲ ਆਪਣੇ ਸਿਰ ਨੂੰ ਸਹਾਰਾ ਦਿਓ।

* ਅੰਗੂਠੇ ਉੱਪਰ ਰਖਦੇ ਹੋਏ ਆਪਣੀ ਬਾਂਹਾਂ ਨੂੰ T ਅਕਾਰ ਵਿੱਚ ਬਾਹਰ ਪਸਾਰੋ।

* ਪਿੱਠ ਨੂੰ ਖਿਚਦੇ ਹੋਏ ਚੁੱਕੋ ਅਤੇ ਆਰਾਮ ਕਰੋ।

ਵਾਲ ਐਂਗਲਜ਼

‘ਵੀ’ ਨੂੰ ‘ਡਬਲਿਊ’ ਸਟ੍ਰੈਚ ਵਜੋਂ ਵੀ ਜਾਣਿਆ ਜਾਂਦਾ ਹੈ, ਜਿਸਦਾ ਨਾਮ ਸ਼ੁਰੂਆਤੀ ਅਤੇ ਸਮਾਪਤੀ ਸਮੇਂ ਬਾਂਹ ਦੀਆਂ ਸਥਿਤੀਆਂ ਕਰਕੇ ਰੱਖਿਆ ਗਿਆ ਹੈ, ਵਾਲ ਐਂਗਲਜ਼ ਆਮ ਤੌਰ ‘ਤੇ ਇੱਕ ਕੰਧ ਸਹਾਰੇ ਪਿੱਠ ਲਗਾਕੇ ਕੀਤੀ ਜਾਣ ਵਾਲੀ ਕਸਰਤ ਹੈ। ਕੰਧ ਤੁਹਾਡੀ ਰੀੜ੍ਹ ਦੀ ਹੱਡੀ ਨੂੰ ਸਿੱਧੀ ਰੱਖਦੇ ਹੋਏ ਤੁਹਾਡੀਆਂ ਬਾਹਾਂ ਨੂੰ ਸਥਿਤੀ ਵਿੱਚ ਰੱਖਣ ਲਈ ਸਹਾਰਾ ਦਿੰਦੀ ਹੈ।

ਇਸਨੂੰ ਕਿਵੇਂ ਕਰਨਾ ਹੈ (6-8 ਰੈਪਸ):

* ਕੰਧ ਨਾਲ ਖੜ੍ਹੇ ਹੋਵੋ ਅਤੇ ਪਸਲੀਆਂ ਨੂੰ ਢਿੱਲਾ ਛੱਡੋ।

* ਆਪਣੀਆਂ ਬਾਹਾਂ ਨੂੰ ਮੋਢਿਆਂ ਤੋਂ ਥੋੜ੍ਹਾ ਹੇਠਾਂ ਲੈ ਜਾਓ।

* ਆਪਣੀਆਂ ਬਾਹਾਂ ਨੂੰ ਗੋਲ ਪੋਸਟ ਸਥਿਤੀ ਵਿੱਚ ਕਰੋ।

* ਆਪਣੀ ਕੂਹਣੀ ਨੂੰ ਹਿਲਾਏ ਬਿਨਾਂ ਜਿੱਥੋਂ ਤੱਕ ਹੋ ਸਕੇ ਆਪਣੀਆਂ ਬਾਹਾਂ ਨੂੰ ਹੇਠਾਂ ਕਰੋ ਅਤੇ ਇਸਨੂੰ ਵਾਪਸ ਉੱਪਰ ਲੈ ਜਾਓ।

ਜਕੜੇ ਮੋਢਿਆਂ ਨੂੰ ਠੀਕ ਕਰਨ ਲਈ ਕਸਰਤਾਂ ਲਾਭਦਾਇਕ ਹੋ ਸਕਦੀਆਂ ਹਨ। ਨਿਯਮਤ ਸਰੀਰਕ ਗਤੀਵਿਧੀ ਲਚਕਤਾ ਨੂੰ ਵਧਾਉਣ, ਮਾਸਪੇਸ਼ੀਆਂ ਨੂੰ ਮਜ਼ਬੂਤ ਕਰਨ, ਸਰਕੂਲੇਸ਼ਨ ਨੂੰ ਉਤਸ਼ਾਹਿਤ ਕਰਨ ਅਤੇ ਜੋੜਾਂ ਦੇ ਜਕੜਨ ਨੂੰ ਘਟਾਉਣ ਵਿੱਚ ਮਦਦ ਕਰਦੀ ਹੈ।

Tags :