America ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਅਤੇ ਰੌਬਰਟ ਐਫ ਕੈਨੇਡੀ ਦੀ ਹੱਤਿਆ ਨਾਲ ਜੁੜੇ ਗੁਪਤ ਦਸਤਾਵੇਜ਼ ਕਰੇਗਾ ਜਨਤਕ

ਜ਼ਿਕਰਯੋਗ ਹੈ ਕਿ ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਦੀ 4 ਅਪ੍ਰੈਲ, 1968 ਨੂੰ ਟੈਨੇਸੀ ਦੇ ਮੈਮਫ਼ਿਸ ਵਿੱਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਇਸਦੇ ਅਲਾਵਾ ਰੌਬਰਟ ਐਫ. ਕੈਨੇਡੀ ਦੀ 5 ਜੂਨ, 1968 ਨੂੰ ਲਾਸ ਏਂਜਲਸ ਵਿੱਚ ਹੱਤਿਆ ਕਰ ਦਿੱਤੀ ਗਈ ਸੀ, ਜਦੋਂ ਉਹ ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰੀ ਦੀ ਦੌੜ ਵਿੱਚ ਅੱਗੇ ਵਧ ਰਹੇ ਸਨ।

America will make public secret documents : ਅਮਰੀਕਾ ਵਿੱਚ 1968 ਵਿੱਚ ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਅਤੇ ਸੈਨੇਟਰ ਰੌਬਰਟ ਐਫ ਕੈਨੇਡੀ ਦੀ ਹੱਤਿਆ ਨਾਲ ਜੁੜੇ ਗੁਪਤ ਦਸਤਾਵੇਜ਼ ਜਲਦੀ ਹੀ ਜਨਤਕ ਕੀਤੇ ਜਾ ਸਕਦੇ ਹਨ। ਇਹ ਜਾਣਕਾਰੀ ਅਮਰੀਕਾ ਦੀ ਰਾਸ਼ਟਰੀ ਖੁਫੀਆ ਏਜੰਸੀ ਦੀ ਡਾਇਰੈਕਟਰ ਤੁਲਸੀ ਗੈਬਾਰਡ ਨੇ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਇਤਿਹਾਸਕ ਦਸਤਾਵੇਜ਼ਾਂ ਨੂੰ ਸਕੈਨ ਕਰਨ ਲਈ 100 ਤੋਂ ਵੱਧ ਲੋਕ ਦਿਨ-ਰਾਤ ਕੰਮ ਕਰ ਰਹੇ ਹਨ।

ਦਹਾਕਿਆਂ ਤੋਂ ਡੱਬਿਆਂ ਵਿੱਚ ਬੰਦ 

ਗੈਬਾਰਡ ਨੇ ਕੈਬਨਿਟ ਮੀਟਿੰਗ ਵਿੱਚ ਕਿਹਾ ਕਿ ਇਹ ਦਸਤਾਵੇਜ਼ ਦਹਾਕਿਆਂ ਤੋਂ ਡੱਬਿਆਂ ਵਿੱਚ ਬੰਦ ਸਨ ਅਤੇ ਪਹਿਲਾਂ ਕਦੇ ਸਕੈਨ ਨਹੀਂ ਕੀਤੇ ਗਏ ਸਨ। ਉਨ੍ਹਾਂ ਕਿਹਾ ਕਿ ਅਸੀਂ ਜਲਦੀ ਹੀ ਇਨ੍ਹਾਂ ਨੂੰ ਜਾਰੀ ਕਰਨ ਦੀ ਤਿਆਰ ਕਰ ਰਹੇ ਹਾਂ। ਮੀਟਿੰਗ ਵਿੱਚ ਮੌਜੂਦ ਸਿਹਤ ਸਕੱਤਰ ਅਤੇ ਰਾਬਰਟ ਐਫ. ਕੈਨੇਡੀ ਦੇ ਪੁੱਤਰ, ਰਾਬਰਟ ਐਫ. ਕੈਨੇਡੀ ਜੂਨੀਅਰ ਨੇ ਇਸ ਕਦਮ ਦਾ ਸਵਾਗਤ ਕਰਦਿਆਂ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਧੰਨਵਾਦ ਕੀਤਾ ਹੈ। ਹਾਲਾਂਕਿ, ਟਰੰਪ ਨੇ ਇਸ ਮਾਮਲੇ 'ਤੇ ਵੀ ਜ਼ੋਰ ਦਿੱਤਾ ਅਤੇ ਕਿਹਾ ਕਿ ਅਸੀਂ ਸਭ ਕੁਝ ਜਨਤਕ ਕਰਨਾ ਚਾਹੁੰਦੇ ਹਾਂ, ਕਿਉਂਕਿ ਦੁਨੀਆ ਨੂੰ ਸੱਚਾਈ ਜਾਣਨ ਦਾ ਅਧਿਕਾਰ ਹੈ। 

ਵਿਸ਼ੇਸ਼ ਟਾਸਕ ਫੋਰਸ ਵੀ ਬਣਾਈ ਗਈ 

ਤੁਹਾਨੂੰ ਦੱਸ ਦੇਈਏ ਕਿ ਜਿਵੇਂ ਹੀ ਟਰੰਪ ਨੇ ਜਨਵਰੀ ਵਿੱਚ ਅਮਰੀਕਾ ਦੇ ਰਾਸ਼ਟਰਪਤੀ ਦਾ ਅਹੁਦਾ ਸੰਭਾਲਿਆ ਸੀ। ਉਨ੍ਹਾਂ ਨੇ ਕਤਲਾਂ ਨਾਲ ਸਬੰਧਤ ਸਰਕਾਰੀ ਦਸਤਾਵੇਜ਼ਾਂ ਨੂੰ ਜਾਰੀ ਕਰਨ ਲਈ ਇੱਕ ਕਾਰਜਕਾਰੀ ਆਦੇਸ਼ 'ਤੇ ਦਸਤਖਤ ਕੀਤੇ ਸਨ। ਗੈਬਾਰਡ ਨੇ ਕਿਹਾ ਕਿ ਇੱਕ ਵਿਸ਼ੇਸ਼ ਟਾਸਕ ਫੋਰਸ ਵੀ ਬਣਾਈ ਗਈ ਹੈ, ਜੋ ਇਹ ਫੈਸਲਾ ਕਰੇਗੀ ਕਿ ਕੀ ਕੋਵਿਡ-19 ਦੀ ਉਤਪਤੀ, ਔਨਲਾਈਨ ਭਾਸ਼ਣ ਦੇ ਨਿਯੰਤਰਣ ਅਤੇ ਹਵਾਨਾ ਸਿੰਡਰੋਮ ਵਰਗੇ ਹੋਰ ਮਹੱਤਵਪੂਰਨ ਮੁੱਦਿਆਂ ਨਾਲ ਸਬੰਧਤ ਦਸਤਾਵੇਜ਼ਾਂ ਨੂੰ ਵੀ ਜਨਤਕ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਬਾਰੇ ਗੈਬਾਰਡ ਨੇ ਕਿਹਾ ਕਿ ਐੱਫਬੀਆਈ, ਸੀਆਈਏ ਅਤੇ ਹੋਰ ਏਜੰਸੀਆਂ ਦੇ ਗੁਪਤ ਦਸਤਾਵੇਜ਼ਾਂ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ ਤਾਂ ਜੋ ਹੋਰ ਜਾਣਕਾਰੀ ਪ੍ਰਾਪਤ ਕੀਤੀ ਜਾ ਸਕੇ। 

• 

  ਅਮਰੀਕਾ ਵਿੱਚ ਵਿਦੇਸ਼ੀ ਨਾਗਰਿਕਾਂ ਲਈ ਰਜਿਸਟ੍ਰੇਸ਼ਨ ਲਾਜ਼ਮੀ, ਨਿਯਮਾਂ ਦੀ ਉਲੰਘਣਾ ਕਰਨ 'ਤੇ ਹੋਵੇਗਾ ਜੁਰਮਾਨਾ,ਜਾਣਾ ਪਵੇਗਾ ਜੇਲ੍ਹ

  International

• 

  Trump ਨੇ ਸਮਾਰਟਫੋਨ, ਕੰਪਿਊਟਰਾਂ ਨੂੰ Reciprocal Tariff ਤੋਂ ਦਿੱਤੀ ਰਾਹਤ,ਇੰਨਾਂ ਇਲੈਕਟ੍ਰਾਨਿਕ ਡਿਵਾਈਸਾਂ ਨੂੰ ਨਹੀਂ ਮਿਲੀ ਛੋਟ

  International

• 

  ਮੌਤ ਤੋਂ ਬਾਅਦ ਲਾਸ਼ ਨੂੰ ਪਹਾੜ ਤੋਂ ਲਟਕਣ ਦੀ ਪਰੰਪਰਾ! ਸਦੀਆਂ ਪੁਰਾਣੇ ਤਾਬੂਤ ਅਜੇ ਵੀ ਲਟਕ ਰਹੇ ਹਨ ਇੱਥੇ

  International

• 

  Israel ਨੇ 1000 ਸੈਨਿਕਾਂ ਨੂੰ ਫੌਜ 'ਚੋਂ ਕੱਢਿਆ ਬਾਹਰ,ਗਾਜ਼ਾ ’ਚ ਚੱਲ ਰਹੀ ਜੰਗ ਖਿਲਾਫ ਚੁੱਕੀ ਸੀ ਅਵਾਜ਼

  International

• 

  ਟਰੰਪ ਦੀ ਸਖ਼ਤੀ ਤੋਂ ਡਰਿਆ ਚੀਨ, ਟੈਰਿਫ ਵਾਰ ਦੇ ਵਿਚਕਾਰ ਡਰੈਗਨ ਨੇ EU ਵਿੱਚ ਸ਼ਰਨ ਲਈ

  International