ਟਰੰਪ ਪ੍ਰਸ਼ਾਸਨ ਨੂੰ ਝੱਟਕਾ, Indian researcher ਦੇ ਦੇਸ਼ ਨਿਕਾਲੇ ‘ਤੇ ਅਮਰੀਕੀ ਅਦਾਲਤ ਨੇ ਲਾਈ ਰੋਕ

ਬਦਰ ਸੂਰੀ ਨੂੰ ਲੁਈਸਿਆਨਾ ਦੇ ਇੱਕ ਨਜ਼ਰਬੰਦੀ ਕੇਂਦਰ ਵਿੱਚ ਰੱਖਿਆ ਗਿਆ ਹੈ। । ਉਸਨੂੰ ਸੋਮਵਾਰ ਨੂੰ ਉਸਦੇ ਆਰਲਿੰਗਟਨ ਸਥਿਤ ਨਿਵਾਸ ਤੋਂ ਹਿਰਾਸਤ ਵਿੱਚ ਲਿਆ ਗਿਆ ਸੀ। ਅਮਰੀਕਾ ਵਿੱਚ ਇੱਕ ਮਨੁੱਖੀ ਅਧਿਕਾਰ ਸੰਗਠਨ, ਅਮੈਰੀਕਨ ਸਿਵਲ ਲਿਬਰਟੀਜ਼ ਯੂਨੀਅਨ ਨੇ ਵੀ ਇਸ ਮਾਮਲੇ ਵਿੱਚ ਇੱਕ ਪਟੀਸ਼ਨ ਦਾਇਰ ਕੀਤੀ ਸੀ

Blow to the Trump administration : ਹਮਾਸ ਦਾ ਸਮਰਥਨ ਕਰਨ ਦੇ ਦੋਸ਼ ਵਿੱਚ ਦੇਸ਼ ਨਿਕਾਲੇ ਦਾ ਸਾਹਮਣਾ ਕਰ ਰਹੇ ਭਾਰਤੀ ਖੋਜਕਰਤਾ ਨੂੰ ਹੁਣ ਇੱਕ ਅਮਰੀਕੀ ਜੱਜ ਤੋਂ ਵੱਡੀ ਰਾਹਤ ਮਿਲੀ ਹੈ, ਜਿਨ੍ਹਾਂ ਨੇ ਉਸ ਦੇ ਦੇਸ਼ ਨਿਕਾਲੇ 'ਤੇ ਫਿਲਹਾਲ ਰੋਕ ਲਗਾ ਦਿੱਤੀ ਹੈ। ਬਦਰ ਖਾਨ ਸੂਰੀ ਵਾਸ਼ਿੰਗਟਨ, ਡੀਸੀ ਵਿੱਚ ਜਾਰਜਟਾਊਨ ਯੂਨੀਵਰਸਿਟੀ ਵਿੱਚ ਪੋਸਟ-ਡਾਕਟੋਰਲ ਫੈਲੋ ਹੈ। ਬਦਰ ਖਾਨ ਸੂਰੀ 'ਤੇ ਅਮਰੀਕਾ ਵਿੱਚ ਹਮਾਸ ਦੇ ਸਮਰਥਨ ਵਿੱਚ ਹੋਏ ਹਾਲ ਹੀ ਦੇ ਵਿਰੋਧ ਪ੍ਰਦਰਸ਼ਨਾਂ ਦੌਰਾਨ ਅੱਤਵਾਦੀ ਸੰਗਠਨ ਦਾ ਸਮਰਥਨ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਟਰੰਪ ਪ੍ਰਸ਼ਾਸਨ ਹਮਾਸ ਸਮਰਥਕਾਂ ਨੂੰ ਦੇਸ਼ ਤੋਂ ਬਾਹਰ ਕੱਢ ਰਿਹਾ ਹੈ, ਜਿਸ ਤੋਂ ਬਾਅਦ ਬਦਰ ਖਾਨ ਸੂਰੀ ਨੂੰ ਵੀ ਹਿਰਾਸਤ ਵਿੱਚ ਲੈ ਲਿਆ ਗਿਆ ਹੈ।

ਅਦਾਲਤ ਵਿੱਚ ਕੀਤੀ ਸੀ ਅਪੀਲ 

ਬਦਰ ਖਾਨ ਸੂਰੀ ਨੇ ਆਪਣੇ ਦੇਸ਼ ਨਿਕਾਲਾ ਵਿਰੁੱਧ ਅਦਾਲਤ ਵਿੱਚ ਅਪੀਲ ਕੀਤੀ। ਹੁਣ ਵੀਰਵਾਰ ਨੂੰ ਵਰਜੀਨੀਆ ਅਦਾਲਤ ਦੀ ਜੱਜ ਪੈਟਰੀਸ਼ੀਆ ਟੋਲੀਵਰ ਗਾਈਲਸ ਨੇ ਆਪਣੇ ਹੁਕਮ ਵਿੱਚ ਬਦਰ ਖਾਨ ਸੂਰੀ ਦੇ ਦੇਸ਼ ਨਿਕਾਲੇ 'ਤੇ ਅਦਾਲਤ ਦੇ ਅਗਲੇ ਹੁਕਮ ਤੱਕ ਰੋਕ ਲਗਾ ਦਿੱਤੀ ਹੈ। ਬਦਰ ਸੂਰੀ ਨੂੰ ਲੁਈਸਿਆਨਾ ਦੇ ਇੱਕ ਨਜ਼ਰਬੰਦੀ ਕੇਂਦਰ ਵਿੱਚ ਰੱਖਿਆ ਗਿਆ ਹੈ। ਅਮਰੀਕਾ ਵਿੱਚ ਇੱਕ ਮਨੁੱਖੀ ਅਧਿਕਾਰ ਸੰਗਠਨ, ਅਮੈਰੀਕਨ ਸਿਵਲ ਲਿਬਰਟੀਜ਼ ਯੂਨੀਅਨ ਨੇ ਵੀ ਇਸ ਮਾਮਲੇ ਵਿੱਚ ਇੱਕ ਪਟੀਸ਼ਨ ਦਾਇਰ ਕੀਤੀ ਸੀ। ਬਦਰ ਖਾਨ ਸੂਰੀ ਨੂੰ ਸੋਮਵਾਰ ਨੂੰ ਉਨ੍ਹਾਂ ਦੇ ਆਰਲਿੰਗਟਨ ਸਥਿਤ ਨਿਵਾਸ ਤੋਂ ਹਿਰਾਸਤ ਵਿੱਚ ਲਿਆ ਗਿਆ ਸੀ। ਅਮਰੀਕੀ ਗ੍ਰਹਿ ਸੁਰੱਖਿਆ ਵਿਭਾਗ ਦਾ ਦਾਅਵਾ ਹੈ ਕਿ ਬਦਰ ਖਾਨ ਸੂਰੀ ਸੋਸ਼ਲ ਮੀਡੀਆ 'ਤੇ ਹਮਾਸ ਦਾ ਪ੍ਰਚਾਰ ਅਤੇ ਯਹੂਦੀ ਵਿਰੋਧੀ ਭਾਵਨਾ ਫੈਲਾ ਰਿਹਾ ਸੀ। ਗ੍ਰਹਿ ਸੁਰੱਖਿਆ ਵਿਭਾਗ ਦਾ ਦੋਸ਼ ਹੈ ਕਿ ਬਦਰ ਖਾਨ ਸੂਰੀ ਦੇ ਹਮਾਸ ਨਾਲ ਵੀ ਸਬੰਧ ਹਨ।

ਪਤਨੀ ਫਲਸਤੀਨੀ ਮੂਲ ਦੀ 

ਮੀਡੀਆ ਰਿਪੋਰਟਾਂ ਅਨੁਸਾਰ, ਸੂਰੀ ਦੇ ਵਕੀਲ ਹਸਨ ਅਹਿਮਦ ਨੇ ਆਪਣੀ ਪਟੀਸ਼ਨ ਵਿੱਚ ਦਲੀਲ ਦਿੱਤੀ ਕਿ ਸੂਰੀ ਨੂੰ ਉਸਦੀ ਫਲਸਤੀਨੀ ਪਤਨੀ ਦੀ ਵਿਰਾਸਤ ਕਾਰਨ ਸਜ਼ਾ ਦਿੱਤੀ ਜਾ ਰਹੀ ਹੈ। ਉਸਦੀ ਪਤਨੀ ਮੇਫੇਜ ਸਾਲੇਹ ਗਾਜ਼ਾ ਮੂਲ ਦੀ ਹੈ। ਉਹ ਇਸ ਵੇਲੇ ਜਾਰਜਟਾਊਨ ਯੂਨੀਵਰਸਿਟੀ ਦੇ ਸੈਂਟਰ ਫਾਰ ਕੰਟੈਂਪਰੇਰੀ ਅਰਬ ਸਟੱਡੀਜ਼ ਵਿੱਚ ਪਹਿਲੇ ਸਾਲ ਦੀ ਵਿਦਿਆਰਥਣ ਹੈ। ਉਸਨੇ ਫਲਸਤੀਨ ਦੀ ਗਾਜ਼ਾ ਇਸਲਾਮਿਕ ਯੂਨੀਵਰਸਿਟੀ ਤੋਂ ਪੱਤਰਕਾਰੀ ਵਿੱਚ ਬੈਚਲਰ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ। ਉਸਨੇ ਜਾਮੀਆ ਮਿਲੀਆ ਇਸਲਾਮੀਆ, ਨਵੀਂ ਦਿੱਲੀ, ਭਾਰਤ ਵਿਖੇ ਨੈਲਸਨ ਮੰਡੇਲਾ ਸੈਂਟਰ ਫਾਰ ਪੀਸ ਐਂਡ ਕਨਫਲਿਕਟ ਰੈਜ਼ੋਲਿਊਸ਼ਨ ਤੋਂ ਕਨਫਲਿਕਟ ਵਿਸ਼ਲੇਸ਼ਣ ਅਤੇ ਸ਼ਾਂਤੀ ਨਿਰਮਾਣ ਵਿੱਚ ਮਾਸਟਰ ਡਿਗਰੀ ਵੀ ਪ੍ਰਾਪਤ ਕੀਤੀ ਹੋਈ ਹੈ।
 

• 

  ਉੱਤਰੀ ਕੋਰੀਆ ਨੇ ਨਵੀਆਂ ਏਅਰਕ੍ਰਾਫਟ ਮਿਜ਼ਾਈਲਾਂ ਦਾ ਕੀਤਾ ਪ੍ਰੀਖਣ, ਹਮਲੇ ਦੀ ਤਿਆਰੀ ਵਿੱਚ Kim Jong!

  International

• 

  Pakistan ਨੂੰ ਅੱਤਵਾਦੀ ਸੰਗਠਨਾਂ ਤੋਂ ਖਤਰਾ, ਚੁੱਕਿਆ ਵੱਡਾ ਕਦਮ, ਹੁਣ ਤੱਕ 8,74,282 ਅਫਗਾਨੀਆਂ ਨੂੰ ਦੇਸ਼ ਤੋਂ ਕੱਢਿਆ

  International

• 

  ਪੱਤਰਕਾਰਾਂ 'ਤੇ ਮੰਡਰਾਇਆ ਖ਼ਤਰਾ, Italy ਵਿੱਚ ਦੁਨੀਆ ਦਾ ਪਹਿਲਾ AI ਅਖਬਾਰ ਪ੍ਰਕਾਸ਼ਿਤ, ਰਚ ਦਿੱਤਾ ਇਤਿਹਾਸ

  International

• 

  Canada ਦੇ ਹਿੰਦੂ MP ਚੰਦਰ ਆਰੀਆ ਨੂੰ ਖਾਲਿਸਤਾਨੀਆਂ ਵਿਰੁੱਧ ਬੋਲਣ ਦੀ ਚੁਕਾਉਣੀ ਪਈ ਕੀਮਤ, ਕੱਟੀ ਗਈ ਟਿਕਟ

  International

• 

  ਲੰਡਨ: ਪਾਵਰ ਸਬਸਟੇਸ਼ਨ 'ਚ ਅੱਗ ਲੱਗਣ ਕਾਰਨ ਹੀਥਰੋ ਏਅਰਪੋਰਟ 'ਤੇ ਹਵਾਈ ਸੇਵਾਵਾਂ ਠੱਪ, 1351 ਉਡਾਣਾਂ ਰੱਦ, ਯਾਤਰੀਆਂ ਲਈ ਐਡਵਾਈਜ਼ਰੀ 

  International