ਏਮਜ਼ ਦਾ ਨਵਾਂ ਰਿਕਾਰਡ - 5 ਸਾਲਾਂ ਦੀ ਬੱਚੀ ਨੂੰ ਬੇਹੋਸ਼ ਕੀਤੇ ਬਗੈਰ ਸਰਜਰੀ

ਮਾਸੂਮ ਬੱਚੀ ਦੇ ਸਿਰ 'ਚ ਟਿਊਮਰ ਸੀ। ਨਿਊਰੋਅਨੇਸਥੀਸੀਆ ਅਤੇ ਨਿਊਰੋਰਾਡੀਓਲੋਜੀ ਟੀਮ ਨੇ ਦਿਮਾਗ ਦੇ ਐਮਆਰਆਈ ਦਾ ਬਹੁਤ ਚੰਗੀ ਤਰ੍ਹਾਂ ਅਧਿਐਨ ਕੀਤਾ। ਸਫ਼ਲ ਆਪ੍ਰੇਸ਼ਨ ਕੀਤਾ ਗਿਆ

Last Updated : 06 January 2024, 07:39 PM IST

ਅਕਸਰ ਤਕਨੀਕੀ ਦੇ ਦੌਰ 'ਚ ਕਈ ਤਰ੍ਹਾਂ ਦੀਆਂ ਨਵੀਆਂ ਖੋਜਾਂ ਹੁੰਦੀਆਂ ਰਹਿੰਦੀਆਂ ਹਨ। ਦਿੱਲੀ ਏਮਜ਼ ਨੇ ਨਵਾਂ ਰਿਕਾਰਡ ਬਣਾਇਆ ਹੈ। ਪੰਜ ਸਾਲ ਦੀ ਬੱਚੀ ਨੂੰ ਬੇਹੋਸ਼ ਕੀਤੇ ਬਗੈਰ ਹੀ ਉਸਦੇ ਦਿਮਾਗ ਦੀ ਸਰਜਰੀ ਕੀਤੀ ਗਈ। ਬੱਚੀ ਦੇ ਦਿਮਾਗ ਦੇ ਖੱਬੇ ਹਿੱਸੇ 'ਚ ਟਿਊਮਰ ਸੀ, ਜਿਸ ਨੂੰ ਏਮਜ਼ ਨੇ ਸਰਜਰੀ ਰਾਹੀਂ ਸਫਲਤਾਪੂਰਵਕ ਹਟਾ ਦਿੱਤਾ। ਇਸਦੇ ਨਾਲ ਹੀ ਏਮਜ਼ ਬੱਚੀ ਨੂੰ ਹੋਸ਼ 'ਚ ਰੱਖਦੇ ਹੋਏ ਸਫਲਤਾਪੂਰਵਕ ਸਰਜਰੀ ਕਰਵਾਉਣ ਵਾਲੀ ਦੁਨੀਆ ਦੀ ਪਹਿਲੀ ਸੰਸਥਾ ਬਣੀ। ਹਸਪਤਾਲ ਪ੍ਰਸ਼ਾਸਨ ਨੇ ਦੱਸਿਆ ਕਿ ਬੱਚੀ ਨੇ ਪੂਰੀ ਪ੍ਰਕਿਰਿਆ 'ਚ ਕਾਫੀ ਸਹਿਯੋਗ ਦਿੱਤਾ ਅਤੇ ਅੰਤ 'ਚ ਉਹ ਆਪਰੇਸ਼ਨ ਤੋਂ ਬਾਅਦ ਵੀ ਠੀਕ ਰਹੀ। ਏਮਜ਼ ਨੇ ਕਿਹਾ ਕਿ ਨਿਊਰੋਅਨੇਸਥੀਸੀਆ ਅਤੇ ਨਿਊਰੋਰਾਡੀਓਲੋਜੀ ਟੀਮ ਨੇ ਦਿਮਾਗ ਦੇ ਐਮਆਰਆਈ ਦਾ ਬਹੁਤ ਚੰਗੀ ਤਰ੍ਹਾਂ ਅਧਿਐਨ ਕੀਤਾ ਅਤੇ ਸਰਜਰੀ ਦੌਰਾਨ ਸਾਰੇ ਮੈਂਬਰਾਂ ਨੇ ਵਧੀਆ ਟੀਮ ਵਰਕ ਕੀਤਾ।

ਨਵੀਂ ਤਕਨੀਕ ਬਾਰੇ ਜਾਣੋ

'ਅਵੇਕ ਕ੍ਰੈਨੀਓਟੋਮੀ' ਇੱਕ ਨਿਊਰੋਸੁਰਜੀਕਲ ਤਕਨੀਕ ਅਤੇ ਕ੍ਰੈਨੀਓਟੋਮੀ ਦੀ ਕਿਸਮ ਹੈ ਜੋ ਇੱਕ ਸਰਜਨ ਨੂੰ ਦਿਮਾਗੀ ਟਿਊਮਰ ਨੂੰ ਹਟਾਉਣ ਦੀ ਇਜਾਜ਼ਤ ਦਿੰਦੀ ਹੈ ਜਦੋਂ ਕਿ ਮਰੀਜ਼ ਸਰਜਰੀ ਦੌਰਾਨ ਹੋਸ਼ ਵਿੱਚ ਹੁੰਦਾ ਹੈ। ਸਰਜਰੀ ਦੇ ਦੌਰਾਨ, ਨਿਊਰੋਸਰਜਨ ਦਿਮਾਗ ਦੇ ਵੱਖ-ਵੱਖ ਹਿੱਸਿਆਂ ਦੀ ਕੋਰਟੀਕਲ ਮੈਪਿੰਗ ਕਰਦਾ ਹੈ ਤਾਂ ਜੋ ਟਿਊਮਰ ਨੂੰ ਹਟਾਉਣ ਦੌਰਾਨ ਕੋਈ ਬੇਅਰਾਮੀ ਨਾ ਹੋਵੇ