ਬਾਲੀਵੁੱਡ ਨਿਊਜ। ਜਦੋਂ ਤੋਂ ਸੋਨਾਕਸ਼ੀ ਸਿਨਹਾ ਦਾ ਵਿਆਹ ਹੋਇਆ ਹੈ, ਲੋਕ ਉਸ ਦੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ 'ਚ ਹਨ। ਅਦਾਕਾਰਾ ਨੇ ਹਾਲ ਹੀ ਵਿੱਚ ਜ਼ਹੀਰ ਇਕਬਾਲ ਨਾਲ ਵਿਆਹ ਕੀਤਾ ਹੈ। ਵਿਆਹ ਤੋਂ ਬਾਅਦ ਦੋਵੇਂ ਆਪਣੇ-ਆਪਣੇ ਕੰਮ 'ਚ ਰੁੱਝ ਗਏ ਹਨ ਪਰ ਹਰ ਰੋਜ਼ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਖਬਰਾਂ ਆਉਂਦੀਆਂ ਰਹਿੰਦੀਆਂ ਹਨ। ਹੁਣ ਖਬਰ ਆਈ ਹੈ ਕਿ ਅਦਾਕਾਰਾ ਆਪਣਾ ਮੁੰਬਈ ਵਾਲਾ ਘਰ ਵੇਚ ਰਹੀ ਹੈ, ਜਿਸ ਤੋਂ ਬਾਅਦ ਪ੍ਰਸ਼ੰਸਕ ਜਾਣਨਾ ਚਾਹੁੰਦੇ ਹਨ ਕਿ ਅਭਿਨੇਤਰੀ ਅਜਿਹਾ ਕਿਉਂ ਕਰ ਰਹੀ ਹੈ ਕਿਉਂਕਿ ਇੱਥੇ ਹੀ ਸੋਨਾਕਸ਼ੀ ਨੇ ਜ਼ਹੀਰ ਨਾਲ ਵਿਆਹ ਕੀਤਾ ਸੀ।
ਜਿਵੇਂ ਕਿ ਅਸੀਂ ਸਾਰੇ ਜਾਣਦੇ ਹਾਂ ਕਿ ਅਦਾਕਾਰਾ ਨੇ ਜ਼ਹੀਰ ਇਕਬਾਲ ਨਾਲ 23 ਜੂਨ ਨੂੰ ਬਾਂਦਰਾ ਵੈਸਟ ਸਥਿਤ ਆਪਣੇ ਘਰ ਵਿੱਚ ਰਜਿਸਟਰਡ ਵਿਆਹ ਕਰਵਾਇਆ ਸੀ। ਹੁਣ ਜਦੋਂ ਇਹ ਅਦਾਕਾਰਾ ਘਰ ਵੇਚ ਰਹੀ ਹੈ ਤਾਂ ਹਰ ਕਿਸੇ ਦੇ ਦਿਮਾਗ 'ਚ ਕਈ ਸਵਾਲ ਚੱਲ ਰਹੇ ਹਨ।
ਸੋਨਾਕਸ਼ੀ ਸਿਨਹਾ ਇਸ ਕਾਰਨ ਵੇਚ ਰਹੀ ਆਪਣਾ ਘਰ
ਖਬਰਾਂ ਦੀ ਮੰਨੀਏ ਤਾਂ ਸੋਨਾਕਸ਼ੀ ਨੇ ਵਿਆਹ ਤੋਂ ਬਾਅਦ ਹੁਣ ਨਵਾਂ ਘਰ ਖਰੀਦ ਲਿਆ ਹੈ। ਇਕ ਕਰੀਬੀ ਸੂਤਰ ਨੇ ਦੱਸਿਆ ਕਿ ਸੋਨਾਕਸ਼ੀ ਨੇ ਉਸੇ ਬਿਲਡਿੰਗ 'ਚ ਇਕ ਹੋਰ ਵੱਡਾ ਘਰ ਖਰੀਦਿਆ ਹੈ, ਜਿਸ ਨੂੰ ਜ਼ਹੀਰ ਬਣਾ ਰਹੇ ਹਨ। ਇਹੀ ਕਾਰਨ ਹੈ ਕਿ ਸੋਨਾਕਸ਼ੀ ਘਰ ਵੇਚ ਰਹੀ ਹੈ। ਹਾਲਾਂਕਿ, ਹੁਣ ਤੱਕ ਇਸ ਬਾਰੇ ਸੋਨਾਕਸ਼ੀ ਜਾਂ ਜ਼ਹੀਰ ਦੇ ਪੱਖ ਤੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ, ਦੋਨਾਂ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਹਾਲ ਹੀ ਵਿੱਚ ਸੋਨਾਕਸ਼ੀ ਸਿਨਹਾ ਬਡੇ ਮੀਆਂ-ਛੋਟੇ ਮੀਆਂ ਵਿੱਚ ਨਜ਼ਰ ਆਈ ਸੀ।
ਜ਼ਹੀਰ ਇਕਬਾਲ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਕਰੀਅਰ ਦੀ ਸ਼ੁਰੂਆਤ ਫਿਲਮ ਨੋਟਬੁੱਕ ਨਾਲ ਕੀਤੀ ਸੀ। ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਦੀ ਮੁਲਾਕਾਤ ਸਲਮਾਨ ਖਾਨ ਦੇ ਘਰ ਹੋਈ, ਇੱਥੋਂ ਹੀ ਉਨ੍ਹਾਂ ਦੀ ਦੋਸਤੀ ਸ਼ੁਰੂ ਹੋਈ ਅਤੇ ਉਨ੍ਹਾਂ ਦੀ ਦੋਸਤੀ ਨੇ ਪਿਆਰ ਦਾ ਰੂਪ ਲੈ ਲਿਆ।
