ਸੈੱਟ ‘ਤੇ ਹਾਦਸੇ ਤੋਂ ਬਾਅਦ ਸ਼ਾਹਰੁਖ ਖਾਨ ਦੀ ਸਰਜਰੀ ਕਰਵਾਈ ਗਈ

ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਦੀ ਅਮਰੀਕਾ ‘ਚ ਦੁਰਘਟਨਾ ਕਾਰਨ ਜਖਮੀ ਹੋਣ ਕਰਕੇ ਨੱਕ ‘ਤੇ ਸੱਟ ਲੱਗ ਗਈ ਹੈ। ਹੁਣ ਉਸ ਦੀ ਮਾਮੂਲੀ ਸਰਜਰੀ ਹੋਈ ਹੈ। ਈ-ਟਾਈਮਜ਼ ਨੇ ਦੱਸਿਆ ਕਿ ਪਠਾਨ ਅਭਿਨੇਤਾ ਆਪਣੇ ਆਉਣ ਵਾਲੇ ਪ੍ਰੋਜੈਕਟਾਂ ਵਿੱਚੋਂ ਇੱਕ ਦੀ ਸ਼ੂਟਿੰਗ ਕਰ ਕਰਦੇ ਹੋਏ ਲਾਸ ਏਂਜਲਸ ਵਿੱਚ ਇੱਕ ਫਿਲਮੀ ਸੈੱਟ ‘ਤੇ ਮਾਮੂਲੀ ਦੁਰਘਟਨਾ ਦਾ ਸ਼ਿਕਾਰ ਹੋ ਗਿਆ। […]

ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਦੀ ਅਮਰੀਕਾ ‘ਚ ਦੁਰਘਟਨਾ ਕਾਰਨ ਜਖਮੀ ਹੋਣ ਕਰਕੇ ਨੱਕ ‘ਤੇ ਸੱਟ ਲੱਗ ਗਈ ਹੈ। ਹੁਣ ਉਸ ਦੀ ਮਾਮੂਲੀ ਸਰਜਰੀ ਹੋਈ ਹੈ। ਈ-ਟਾਈਮਜ਼ ਨੇ ਦੱਸਿਆ ਕਿ ਪਠਾਨ ਅਭਿਨੇਤਾ ਆਪਣੇ ਆਉਣ ਵਾਲੇ ਪ੍ਰੋਜੈਕਟਾਂ ਵਿੱਚੋਂ ਇੱਕ ਦੀ ਸ਼ੂਟਿੰਗ ਕਰ ਕਰਦੇ ਹੋਏ ਲਾਸ ਏਂਜਲਸ ਵਿੱਚ ਇੱਕ ਫਿਲਮੀ ਸੈੱਟ ‘ਤੇ ਮਾਮੂਲੀ ਦੁਰਘਟਨਾ ਦਾ ਸ਼ਿਕਾਰ ਹੋ ਗਿਆ। ਕਿੰਗ ਖਾਨ ਹੁਣ ਭਾਰਤ ਵਾਪਸ ਪਰਤੇ ਹੋਏ ਹਨ ਅਤੇ ਠੀਕ ਹੋਣ ਲਈ ਆਰਾਮ ਕਰ ਰਹੇ ਹਨ।

ਐੱਸਆਰਕੇ ਇੱਕ ਪ੍ਰੋਜੈਕਟ ਲਈ ਲਾਸ ਏਂਜਲਸ ਵਿੱਚ ਸ਼ੂਟਿੰਗ ਕਰ ਰਿਹਾ ਸੀ ਅਤੇ ਉਸ ਦੀ ਨੱਕ ਵਿੱਚ ਸੱਟ ਲੱਗ ਗਈ। ਉਸ ਦਾ ਖੂਨ ਵਹਿਣ ਲੱਗਾ ਅਤੇ ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਉਨ੍ਹਾਂ ਦੀ ਟੀਮ ਨੂੰ ਡਾਕਟਰਾਂ ਨੇ ਦੱਸਿਆ ਕਿ ਚਿੰਤਾ ਦੀ ਕੋਈ ਗੱਲ ਨਹੀਂ ਹੈ ਅਤੇ ਕਿੰਗ ਖਾਨ ਨੂੰ ਖੂਨ ਵਹਿਣ ਤੋਂ ਰੋਕਣ ਲਈ ਮਾਮੂਲੀ ਸਰਜਰੀ ਕਰਵਾਉਣੀ ਪਵੇਗੀ। ਓਪਰੇਸ਼ਨ ਤੋਂ ਬਾਅਦ ਐੱਸਆਰਕੇ ਨੂੰ ਨੱਕ ‘ਤੇ ਬੰਨੀ ਪੱਟੀ ਸਮੇਤ ਦੇਖਿਆ ਗਿਆ ਸੀ। ਇਸ ਦੇ ਨਾਲ ਹੀ ਇਹ ਵੀ ਨੋਟ ਕੀਤਾ ਜਾਣਾ ਚਾਹੀਦਾ ਹੈ ਕਿ ਅਜੇ ਤੱਕ ਨਾ ਤਾਂ ਅਭਿਨੇਤਾ ਅਤੇ ਨਾ ਹੀ ਉਸਦੀ ਟੀਮ ਨੇ ਹਾਦਸੇ ਬਾਰੇ ਕੋਈ ਬਿਆਨ ਜਾਰੀ ਕੀਤਾ ਹੈ।

ਇਸ ਸਾਲ ਦੀ ਸ਼ੁਰੂਆਤ ‘ਚ ਸ਼ਾਹਰੁਖ ਖਾਨ ਨੇ ਪਠਾਨ ਨਾਲ ਵੱਡੇ ਪਰਦੇ ‘ਤੇ ਧਮਾਕੇਦਾਰ ਵਾਪਸੀ ਕੀਤੀ ਸੀ। ਸਿਧਾਰਥ ਆਨੰਦ ਦੁਆਰਾ ਨਿਰਦੇਸ਼ਤ ਇਸ ਫਿਲਮ ਵਿੱਚ ਦੀਪਿਕਾ ਪਾਦੂਕੋਣ ਅਤੇ ਜੌਨ ਅਬ੍ਰਾਹਮ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਸਨ। ਫਿਲਮ ਨੂੰ ਸਾਰਿਆਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲਿਆ ਜਿਸਨੇ ਬਾਕਸ ਆਫਿਸ ‘ਤੇ 1000 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ।

ਹੁਣ ਅੱਗੇ ਸ਼ਾਹਰੁਖ ਖਾਨ ‘ਜਵਾਨ’ ‘ਚ ਨਜ਼ਰ ਆਉਣਗੇ। ਇਹ ਫਿਲਮ ਪਹਿਲਾਂ ਹੀ ਸਿਨੇਮਾ ਪ੍ਰੇਮੀਆਂ ਵਿੱਚ ਬਹੁਤ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਜਵਾਨ ਸ਼ਾਹਰੁਖ ਖਾਨ ਨਯਨਥਾਰਾ ਅਤੇ ਵਿਜੇ ਸੇਤੂਪਤੀ ਦੀਆਂ ਪ੍ਰਤਿਭਾਵਾਂ ਨੂੰ ਅਟਲੀ ਕੁਮਾਰ ਨੇ ਨਿਰਦੇਸ਼ਿਤ ਕੀਤਾ ਹੈ ਅਤੇ ਸਿਨੇਮਾ ਜਗਤ ਵਿੱਚ ਧੂਮ ਮਚਾਉਣ ਲਈ ਤਿਆਰ ਹੈ। ਫਿਲਮ ਇੱਕ ਦਿਲਚਸਪ ਬਿਰਤਾਂਤ ਪੇਸ਼ ਕਰੇਗੀ ਜੋ ਭਾਵਨਾਵਾਂ, ਐਕਸ਼ਨ ਅਤੇ ਦਿਲਚਸਪ ਕਹਾਣੀ ਨਾਲ ਲਬਰੇਜ਼ ਹੈ। ਇਹ ਇਸ ਸਾਲ 7 ਸਤੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ।

ਇਸ ਤੋਂ ਇਲਾਵਾ ਸ਼ਾਹਰੁਖ ਖਾਨ ਕੋਲ ‘ਡੰਕੀ’ ਫਿਲਮ ਵੀ ਹੈ। ਰਾਜਕੁਮਾਰ ਹਿਰਾਨੀ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਵਿੱਚ ਐੱਸਆਰਕੇ ਦੇ ਨਾਲ ਤਾਪਸੀ ਪੰਨੂ ਵੀ ਨਜ਼ਰ ਆਵੇਗੀ। ‘ਡੰਕੀ’ ਸਿਨੇਮਾਘਰਾਂ ਵਿੱਚ ਇਸ ਸਾਲ ਦੇ ਅੰਤ ਵਿੱਚ ਆਵੇਗੀ।

ਇਨ੍ਹਾਂ ਤੋਂ ਇਲਾਵਾ ਸ਼ਾਹਰੁਖ ਖਾਨ, ਸਲਮਾਨ ਖਾਨ ਨਾਲ ਮਿਲਕੇ ਬੇਸਬਰੀ ਨਾਲ ਉਡੀਕ ਕੀਤੀ ਜਾਣ ਵਾਲੀ ਫਿਲਮ ‘ਟਾਈਗਰ 3’ ‘ਚ ਵੀ ਖਾਸ ਭੂਮਿਕਾ ਨਿਭਾਉਣਗੇ।

• 

  ਬਾਲੀਵੁੱਡ ਦੀ ਦੇਸੀ ਗਰਲ ਨੂੰ ਕਿਸ ਨੇ ਮਾਰਿਆ ਥੱਪੜ? ਇਸ ਦਾ ਖੁਲਾਸਾ ਖੁਦ ਅਦਾਕਾਰਾ ਨੇ ਕੀਤਾ ਹੈ

  Entertainment

• 

  'ਜ਼ਿੰਦਗੀ ਨਰਕ ਬਣ ਜਾਂਦੀ...', ਜਦੋਂ ਅਮਿਤਾਭ-ਰੇਖਾ ਦੇ ਅਫੇਅਰ ਦੀਆਂ ਅਫਵਾਹਾਂ ਵਿਚਕਾਰ ਜਯਾ ਬੱਚਨ ਨੇ ਖੁੱਲ੍ਹ ਕੇ ਰੱਖੇ ਵਿਚਾਰ 

  Entertainment

• 

  ਬਿੱਗ ਬੌਸ 18: ਸਲਮਾਨ ਖਾਨ ਤੋਂ ਹੋਸਟ ਦੀ ਕੁਰਸੀ ਖੋਹਣਾ ਚਾਹੁੰਦਾ ਹੈ ਇਹ ਰੈਪਰ!

  Entertainment

• 

  ਬਾਕਸ ਆਫਸ ਤੇ ਮੂਧੇ ਮੂੰਹ ਡਿੱਗੀ 'ਗੇਮ ਚੇਂਜਰ,ਪੁਸ਼ਪਾ ਦਾ ਰਾਜ ਬਰਕਰਾਰ

  Entertainment

• 

  ਨਾ ਐਕਸ਼ਨ, ਨਾ ਨ-ਖਰਾਬਾ ਪਰ ਅਭਿਸ਼ੇਕ ਬੱਚਨ ਦੀ ਇਹ ਫਿਲਮ ਤੁਹਾਡੇ ਦਿਮਾਗ ਨੂੰ ਹਿਲਾ ਦੇਵੇਗੀ

  Entertainment