ਰਘੁਬੀਰ ਯਾਦਵ ਅਨੁਸਾਰ, ਪਾਤਰ ਦੀ ਰੂਹ ਵਿੱਚ ਉਤਰਨਾ ਹੀ ਅਦਾਕਾਰੀ ਹੈ

ਨੈਸ਼ਨਲ ਸਕੂਲ ਆਫ਼ ਡਰਾਮਾ (ਐਨਐੱਸਡੀ) ਦੇ ਗ੍ਰੈਜੂਏਟ ਦਾ ਮੰਨਣਾ ਹੈ ਕਿ ਪਾਤਰਾਂ ਦਾ ਡੂੰਘਾਈ ਵਿੱਚ ਜਾਣਾ ਮਹੱਤਵਪੂਰਨ ਹੈ ਭਾਵੇਂ ਇਸ ਲਈ ਅਣਚਾਹੇ ਖੇਤਰਾਂ ਵਿੱਚ ਮਿਹਨਤ ਕਰਨ ਦੀ ਲੋੜ ਹੀ ਕਿਉਂ ਨਾ ਕਰਨੀ ਪਵੇ। ਉਸਨੇ ਕਿਹਾ ਕਿ ਅਦਾਕਾਰੀ ਕਰਨਾ ਮੇਰੇ ਲਈ ਬਹੁਤ ਬੇਕਾਰ ਸ਼ਬਦ ਹੈ, ਮੈਂ ਇਸਨੂੰ ਪਸੰਦ ਨਹੀਂ ਕਰਦਾ। ਇਹ ਪੇਸ਼ੇ ਦੇ ਕੱਦ ਨੂੰ ਘਟਾਉਂਦਾ […]

ਨੈਸ਼ਨਲ ਸਕੂਲ ਆਫ਼ ਡਰਾਮਾ (ਐਨਐੱਸਡੀ) ਦੇ ਗ੍ਰੈਜੂਏਟ ਦਾ ਮੰਨਣਾ ਹੈ ਕਿ ਪਾਤਰਾਂ ਦਾ ਡੂੰਘਾਈ ਵਿੱਚ ਜਾਣਾ ਮਹੱਤਵਪੂਰਨ ਹੈ ਭਾਵੇਂ ਇਸ ਲਈ ਅਣਚਾਹੇ ਖੇਤਰਾਂ ਵਿੱਚ ਮਿਹਨਤ ਕਰਨ ਦੀ ਲੋੜ ਹੀ ਕਿਉਂ ਨਾ ਕਰਨੀ ਪਵੇ। ਉਸਨੇ ਕਿਹਾ ਕਿ ਅਦਾਕਾਰੀ ਕਰਨਾ ਮੇਰੇ ਲਈ ਬਹੁਤ ਬੇਕਾਰ ਸ਼ਬਦ ਹੈ, ਮੈਂ ਇਸਨੂੰ ਪਸੰਦ ਨਹੀਂ ਕਰਦਾ। ਇਹ ਪੇਸ਼ੇ ਦੇ ਕੱਦ ਨੂੰ ਘਟਾਉਂਦਾ ਹੈ। ਮੈਂ ਇਸ ਸ਼ਬਦ ਨੂੰ ਕਿਰਦਾਰ ਦੀ ਸਮਝ ਲੈਣ ਅਤੇ ਭੂਮਿਕਾ ਨਾਲ ਨੇੜਤਾ ਵਧਾਉਣ ਦੇ ਸੰਦਰਭ ਵਿੱਚ ਲੈਂਦਾ ਹਾਂ।

ਰਘੁਬੀਰ ਯਾਦਵ ਨੇ ਇੱਥੇ ਇੱਕ ਇੰਟਰਵਿਊ ਵਿੱਚ ਪੀਟੀਆਈ ਨੂੰ ਕਿਹਾ ਕਿ ਜੇ ਕੋਈ ਕਹੇ ਕਿ ਯਾਦਵ ਸਾਹਿਬ, ਇਸਦਾ ਥੋੜੀ ਅਦਾਕਾਰੀ ਕਰ ਦੇਵੋ ਤਾਂ ਇਹ ਇੱਕ ਪਾਤਰ ਦੀ ਅਦਾਕਾਰੀ ਹੁੰਦੀ ਹੈ ਨਾ ਕਿ ਕਿਸੇ ਪਾਤਰ ਦੀ ਰੂਹ ਵਿੱਚ ਉਤਰਨਾ ਹੁੰਦਾ ਹੈ। ਤੁਹਾਨੂੰ ਕਿਰਦਾਰ ਮਹਿਸੂਸ ਕਰਨ ਦੀ ਅਤੇ ਉਸ ਦੀ ਆਤਮਾ ਨਾਲ ਜੁੜਨ ਦੀ ਲੋੜ ਹੁੰਦੀ ਹੈ। 

66 ਸਾਲਾ ਰਘੁਬੀਰ ਯਾਦਵ ਨੇ ਇਹ ਸਭ ਮੀਰਾ ਨਾਇਰ ਦੀ 1988 ਦੀ ਫਿਲਮ “ਸਲਾਮ ਬਾਂਬੇ!” ਦੀ ਤਿਆਰੀ ਕਰਦੇ ਸਮੇਂ ਯਾਦ ਕੀਤਾ, ਜਿਸ ਵਿੱਚ ਉਸਨੇ ਇੱਕ ਨਸ਼ੇੜੀ ਚਿਲਮ ਪੀਣ ਵਾਲੇ ਦਾ ਕਿਰਦਾਰ ਨਿਭਾਇਆ ਹੈ, ਉਸਨੇ ਨਾਨਾ ਪਾਟੇਕਰ ਦੀ ਸਲਾਹ ‘ਤੇ ਅਸਲ ਜ਼ਿੰਦਗੀ ਦੇ ਨਸ਼ੇੜੀਆਂ ਨਾਲ ਵੀ ਕੁਝ ਸਮਾਂ ਬਿਤਾਇਆ ਸੀ। ਉਸਨੇ ਕਿਹਾ ਕਿ ਮੈਂ ਸਿੱਖਦਾ ਰਹਿੰਦਾ ਹਾਂ ਅਤੇ ਮੈਨੂੰ ਲੱਗਦਾ ਹੈ ਕਿ ਮੈਂ ਅਜਿਹੇ ਹੋਰ ਤਜ਼ਰਬਿਆਂ ਦੀ ਭਾਲ ਕਰਨਾ ਚਾਹਾਂਗਾ। ਇੱਕ ਸਮਾਂ ਅਜਿਹਾ ਸੀ ਜਦੋਂ ਲੋਕਾਂ ਨੇ ਉਸਨੂੰ ਇੱਕ ਕਾਮੇਡੀਅਨ ਵਜੋਂ ਸਮਝਣ ਦੀ ਕੋਸ਼ਿਸ਼ ਕੀਤੀ, ਉਸਨੇ ਕਿਹਾ ਕਿ ਅਜਿਹਾ ਦੁਹਰਾਉਣ ਦੀ ਬਜਾਏ ਉਹ ਭੁੱਖੇ ਮਰਨਾ ਪਸੰਦ ਕਰੇਗਾ।

ਉਸਨੇ ਅੱਗੇ ਕਿਹਾ ਕਿ ਮੈਂ ਆਪਣੇ ਕਿਰਦਾਰਾਂ ਰਾਹੀਂ ਬਹੁਤ ਸਾਰੀਆਂ ਜ਼ਿੰਦਗੀਆਂ ਬਤੀਤ ਕੀਤੀਆਂ ਹਨ। ਸਾਨੂੰ ਹਰ ਦੂਜੇ ਵਿਅਕਤੀ ਦੀ ਆਤਮਾ ਅਤੇ ਭਾਵਨਾ ਨਾਲ ਜੁੜਨਾ ਚਾਹੀਦਾ ਹੈ ਜੇਕਰ ਅਸੀਂ ਫਿਲਮਾਂ ਜਾਂ ਥੀਏਟਰਾਂ ਵਿੱਚ ਅਦਾਕਾਰੀ ਕਰਦੇ ਹਾਂ। ਹਰ ਕਿਰਦਾਰ ਵੱਖਰਾ ਹੁੰਦਾ ਹੈ। ਇਹ ਨਿੱਕੀ-ਨਿੱਕੀ-ਚੀਜ਼ ਨੂੰ ਸਿੱਖਣ ਬਾਰੇ ਹੈ ਜਿਸ ਵਿੱਚ ਤੁਸੀਂ ਪਾਤਰ ਦੀ ਤਰ੍ਹਾਂ ਬਣਦੇ ਹੋ ਅਤੇ ਉਸਨੂੰ ਜਿਉਂਦੇ ਹੋ।

ਅਭਿਨੇਤਾ ਅਗਲੀ ਵਾਰ “ਮਾਇਨਸ 31 – ਦਿ ਨਾਗਪੁਰ ਫਾਈਲਜ਼” ਵਿੱਚ ਨਜ਼ਰ ਆਉਣਗੇ, ਜੋ ਪ੍ਰਤੀਕ ਮੋਇਤਰੋ ਦੁਆਰਾ ਨਿਰਦੇਸ਼ਿਤ ਇੱਕ ਥ੍ਰਿਲਰ ਫਿਲਮ ਹੈ। ਯਾਦਵ ਇੱਕ ਸਾਬਕਾ ਪੁਲਿਸ ਅਧਿਕਾਰੀ ਦੀ ਭੂਮਿਕਾ ਨਿਭਾ ਰਿਹਾ ਹੈ, ਜਿਸਦੀ ਧੀ ਇੱਕ ਪੁਲਿਸ ਅਧਿਕਾਰੀ ਵੀ ਹੈ, ਅਤੇ ਇੱਕ ਕਤਲ ਦੀ ਜਾਂਚ ਕਰ ਰਹੀ ਹੈ।

“ਮਾਇਨਸ 31” ਵਿੱਚ ਨਿਸ਼ਾ ਧਰ, ਰਾਜੇਸ਼ ਸ਼ਰਮਾ, ਜਯਾ ਭੱਟਾਚਾਰੀਆ, ਕਮਭਾਰੀ, ਸੰਤੋਸ਼ ਜੁਵੇਕਰ, ਸ਼ਿਵਾਂਕਿਤ ਪਰਿਹਾਰ ਅਤੇ ਦੇਬਾਸ਼ੀਸ਼ ਨਾਹਾ ਵੀ ਹਨ। ਔਰੇਂਜਪਿਕਸਲ ਸਟੂਡੀਓਜ਼ ਦੁਆਰਾ ਨਿਰਮਿਤ ਇਹ ਫਿਲਮ ਸ਼ੁੱਕਰਵਾਰ ਨੂੰ ਰਿਲੀਜ਼ ਹੋਣ ਵਾਲੀ ਹੈ।

• 

  ਬਾਲੀਵੁੱਡ ਦੀ ਦੇਸੀ ਗਰਲ ਨੂੰ ਕਿਸ ਨੇ ਮਾਰਿਆ ਥੱਪੜ? ਇਸ ਦਾ ਖੁਲਾਸਾ ਖੁਦ ਅਦਾਕਾਰਾ ਨੇ ਕੀਤਾ ਹੈ

  Entertainment

• 

  'ਜ਼ਿੰਦਗੀ ਨਰਕ ਬਣ ਜਾਂਦੀ...', ਜਦੋਂ ਅਮਿਤਾਭ-ਰੇਖਾ ਦੇ ਅਫੇਅਰ ਦੀਆਂ ਅਫਵਾਹਾਂ ਵਿਚਕਾਰ ਜਯਾ ਬੱਚਨ ਨੇ ਖੁੱਲ੍ਹ ਕੇ ਰੱਖੇ ਵਿਚਾਰ 

  Entertainment

• 

  ਬਿੱਗ ਬੌਸ 18: ਸਲਮਾਨ ਖਾਨ ਤੋਂ ਹੋਸਟ ਦੀ ਕੁਰਸੀ ਖੋਹਣਾ ਚਾਹੁੰਦਾ ਹੈ ਇਹ ਰੈਪਰ!

  Entertainment

• 

  ਬਾਕਸ ਆਫਸ ਤੇ ਮੂਧੇ ਮੂੰਹ ਡਿੱਗੀ 'ਗੇਮ ਚੇਂਜਰ,ਪੁਸ਼ਪਾ ਦਾ ਰਾਜ ਬਰਕਰਾਰ

  Entertainment

• 

  ਨਾ ਐਕਸ਼ਨ, ਨਾ ਨ-ਖਰਾਬਾ ਪਰ ਅਭਿਸ਼ੇਕ ਬੱਚਨ ਦੀ ਇਹ ਫਿਲਮ ਤੁਹਾਡੇ ਦਿਮਾਗ ਨੂੰ ਹਿਲਾ ਦੇਵੇਗੀ

  Entertainment