जनभावना टाइम्स India Daily English इंडिया डेली लाइव
facebook twitter instagram

ਅੰਤਰਰਾਸ਼ਟਰੀ ਜੈਜ਼ ਦਿਵਸ 2023 ਇਤਿਹਾਸ ਮਹੱਤਵ ਅਤੇ ਹੋਰ ਜਾਣਕਾਰੀ

ਇਹ ਦਿਨ ਜੈਜ਼ ਸੱਭਿਆਚਾਰ, ਪਰੰਪਰਾਵਾਂ ਅਤੇ ਇਤਿਹਾਸ ਬਾਰੇ ਜਾਣਨ ਦਾ ਇੱਕ ਵਧੀਆ ਮੌਕਾ ਪ੍ਰਦਾਨ ਕਰਨ ਸਮੇਤ ਭਵਿੱਖ ਵਿੱਚ ਜੈਜ਼ ਨੂੰ ਅੱਗੇ ਵਧਾਉਣ ਲਈ ਵੀ ਮਦਦਗਾਰੀ ਹੈ ਅੰਤਰਰਾਸ਼ਟਰੀ ਜੈਜ਼ ਦਿਵਸ ਸਿਰਫ਼ ਸੰਗੀਤ ਦਾ ਜਸ਼ਨ ਨਹੀਂ ਸਗੋਂ ਇਹ ਜੈਜ਼ ਦੇ ਸਾਂਝੇ ਪਿਆਰ ਰਾਹੀਂ ਸਿੱਖਿਆ, ਅੰਤਰ-ਸੱਭਿਆਚਾਰਕ ਸਮਝ ਅਤੇ ਸਹਿਯੋਗ ਨੂੰ ਵੀ ਵਧਾਉਂਦਾ ਹੈ। ਵੱਖ-ਵੱਖ ਪਿਛੋਕੜਾਂ ਅਤੇ ਸੱਭਿਆਚਾਰਾਂ ਦੇ […]

Sweety Kaur
  • Last Updated : 30 April 2023, 05:11 PM IST

Share:

ਇਹ ਦਿਨ ਜੈਜ਼ ਸੱਭਿਆਚਾਰ, ਪਰੰਪਰਾਵਾਂ ਅਤੇ ਇਤਿਹਾਸ ਬਾਰੇ ਜਾਣਨ ਦਾ ਇੱਕ ਵਧੀਆ ਮੌਕਾ ਪ੍ਰਦਾਨ ਕਰਨ ਸਮੇਤ ਭਵਿੱਖ ਵਿੱਚ ਜੈਜ਼ ਨੂੰ ਅੱਗੇ ਵਧਾਉਣ ਲਈ ਵੀ ਮਦਦਗਾਰੀ ਹੈ

ਅੰਤਰਰਾਸ਼ਟਰੀ ਜੈਜ਼ ਦਿਵਸ ਸਿਰਫ਼ ਸੰਗੀਤ ਦਾ ਜਸ਼ਨ ਨਹੀਂ ਸਗੋਂ ਇਹ ਜੈਜ਼ ਦੇ ਸਾਂਝੇ ਪਿਆਰ ਰਾਹੀਂ ਸਿੱਖਿਆ, ਅੰਤਰ-ਸੱਭਿਆਚਾਰਕ ਸਮਝ ਅਤੇ ਸਹਿਯੋਗ ਨੂੰ ਵੀ ਵਧਾਉਂਦਾ ਹੈ। ਵੱਖ-ਵੱਖ ਪਿਛੋਕੜਾਂ ਅਤੇ ਸੱਭਿਆਚਾਰਾਂ ਦੇ ਲੋਕਾਂ ਨੂੰ ਇਕੱਠੇ ਲਿਆ ਕੇ, ਜੈਜ਼ ਹਮਦਰਦੀ, ਗੱਲਬਾਤ ਅਤੇ ਸਹਿਯੋਗ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਸਾਧਨ ਵਜੋਂ ਕੰਮ ਕਰ ਕਰਦਾ ਹੈ।

ਇਹ ਦਿਨ, ਜੈਜ਼ ਸੰਗੀਤਕਾਰਾਂ ਦੇ ਯੋਗਦਾਨ ਅਤੇ ਸਾਡੀ ਸੱਭਿਆਚਾਰਕ ਵਿਰਾਸਤ ਨੂੰ ਰੂਪ ਦੇਣ ਵਿੱਚ ਉਨ੍ਹਾਂ ਦੀ ਬਣਦੀ ਭੂਮਿਕਾ ਨੂੰ ਮਾਨਤਾ ਦੇਣ ਦਾ ਇੱਕ ਮੌਕਾ ਵੀ ਹੈ। ਲੁਈਸ ਆਰਮਸਟ੍ਰਾਂਗ, ਬਿਲੀ ਹੋਲੀਡੇ, ਨੈਟ ‘ਕਿੰਗ’ ਕੋਲ, ਰੇ ਚਾਰਲਸ ਅਤੇ ਨੀਨਾ ਸਿਮੋਨ ਕੁਝ ਮਹਾਨ ਸੰਗੀਤਕਾਰ ਹਨ ਜਿਨ੍ਹਾਂ ਨੇ ਅਮਰੀਕੀ ਜੈਜ਼ ਵਿੱਚ ਕ੍ਰਾਂਤੀ ਲਿਆ ਦਿੱਤੀ।

ਅੰਤਰਰਾਸ਼ਟਰੀ ਜੈਜ਼ ਦਿਵਸ ਹਰ ਸਾਲ 30 ਅਪ੍ਰੈਲ ਨੂੰ ਮਨਾਇਆ ਜਾਂਦਾ ਹੈ। ਇੱਥੇ ਅਸੀਂ ਇਸ ਦਿਨ ਦੇ ਇਤਿਹਾਸ ਅਤੇ ਮਹੱਤਵ ਨੂੰ ਦੇਖਾਂਗੇ।

ਇਤਿਹਾਸ

ਹਰਬੀ ਹੈਨਕੌਕ, ਇੱਕ ਮਸ਼ਹੂਰ ਜੈਜ਼ ਪਿਆਨੋਵਾਦਕ ਅਤੇ ਸੰਗੀਤਕਾਰ, ਨੇ ਅੰਤਰਰਾਸ਼ਟਰੀ ਜੈਜ਼ ਦਿਵਸ ਦੇ ਵਿਚਾਰ ਨੂੰ ਜੈਜ਼ ਸੰਗੀਤ ਦੇ ਸਾਂਝੇ ਪਿਆਰ ਦੁਆਰਾ ਅੰਤਰ-ਸੱਭਿਆਚਾਰਕ ਗੱਲਬਾਤ, ਸਮਝ ਅਤੇ ਸਹਿਯੋਗ ਨੂੰ ਉਤਸ਼ਾਹਿਤ ਕਰਨ ਦੇ ਇੱਕ ਤਰੀਕੇ ਵਜੋਂ ਪ੍ਰਸਤਾਵਿਤ ਕੀਤਾ। ਅੰਤਰ-ਸੱਭਿਆਚਾਰਕ ਸੰਵਾਦ ਲਈ ਯੂਨੈਸਕੋ ਦੇ ਸਦਭਾਵਨਾ ਰਾਜਦੂਤ ਵਜੋਂ, ਹੈਨਕੌਕ ਨੇ ਸੰਗਠਨ ਦਾ ਸਮਰਥਨ ਪ੍ਰਾਪਤ ਕਰਨ ਲਈ ਕੰਮ ਕੀਤਾ, ਜਿਸ ਨੇ ਅਧਿਕਾਰਤ ਤੌਰ ‘ਤੇ 30 ਅਪ੍ਰੈਲ ਨੂੰ, 2011 ਵਿੱਚ ਅੰਤਰਰਾਸ਼ਟਰੀ ਜੈਜ਼ ਦਿਵਸ ਵਜੋਂ ਮਨੋਨੀਤ ਕੀਤਾ।

ਜੈਜ਼ ਸੰਗੀਤ ਦੇ ਸੱਭਿਆਚਾਰਕ ਮਹੱਤਵ ਅਤੇ ਅਮੀਰ ਵਿਰਸੇ ਦਾ ਸਨਮਾਨ ਕਰਨ ਲਈ ਸੰਗੀਤਕਾਰਾਂ, ਸਿੱਖਿਅਕਾਂ ਅਤੇ ਜੈਜ਼ ਪ੍ਰੇਮੀਆਂ ਨੂੰ ਇੱਕਮੁੱਠ ਕਰਨ ਲਈ ਇਸ ਦਿਨ ਨੂੰ ਦੁਨੀਆ ਭਰ ਵਿੱਚ ਹਰ ਸਾਲ ਮਨਾਇਆ ਜਾਂਦਾ ਹੈ।

ਅੰਤਰਰਾਸ਼ਟਰੀ ਜੈਜ਼ ਦਿਵਸ ‘ਤੇ ਕਈ ਦੇਸ਼ ਆਲ-ਸਟਾਰ ਗਲੋਬਲ ਕੰਸਰਟ ਨਾਮਕ ਸਮਾਗਮ ਵਿੱਚ ਹਿੱਸਾ ਲੈਂਦੇ ਹਨ। ਇਹਨਾਂ ਪ੍ਰਦਰਸ਼ਨਾਂ ਨੂੰ ਲਾਈਵ-ਸਟ੍ਰੀਮ ਵੀ ਕੀਤਾ ਜਾਂਦਾ ਹੈ। ਇਸ ਸਾਲ ਲਈ, ਹਰਬੀ ਹੈਨਕੌਕ, ਬੀਜਿੰਗ, ਬੇਰੂਤ, ਕੈਸਾਬਲਾਂਕਾ, ਜੋਹਾਨਸਬਰਗ, ਜ਼ਿੰਬਾਬਵੇ ਦੇ ਮਾਰੋਂਡੇਰਾ, ਪੈਰਿਸ, ਰੀਓ ਡੀ ਜਨੇਰੀਓ, ਹੋਨੋਲੂਲੂ ਵਿੱਚ ਵਿਏਨਾ ਫੇਅਰਬੈਂਕਸ, ਅਤੇ ਨਿਊਯਾਰਕ, ਸੈਨ ਫਰਾਂਸਿਸਕੋ ਅਤੇ ਵਾਸ਼ਿੰਗਟਨ, ਡੀ.ਸੀ. ਰਾਹੀਂ ਵਿਸ਼ਵ ਟੂਰ ਕਰੇਗਾ। ਲਾਈਵ ਵੈਬਕਾਸਟ jazzday.com, unesco.org ਅਤੇ ਅੰਤਰਰਾਸ਼ਟਰੀ ਜੈਜ਼ ਦਿਵਸ ਦੇ ਯੂ ਟਿਊਬ ਅਤੇ ਫੇਸਬੁੱਕ ਚੈਨਲਾਂ ‘ਤੇ ਦੇਖਿਆ ਜਾ ਸਕਦਾ ਹੈ।

ਮਹੱਤਵ

ਅੰਤਰਰਾਸ਼ਟਰੀ ਜੈਜ਼ ਦਿਵਸ, ਜੈਜ਼ ਸੰਗੀਤ ਦੀ ਸ਼ਕਤੀ ਦੁਆਰਾ ਇੱਕਜੁੱਟਤਾ ਦਾ ਜਸ਼ਨ ਹੈ। ਇਹ ਨਾ ਸਿਰਫ਼ ਜੈਜ਼ ਪ੍ਰੇਮੀਆਂ ਅਤੇ ਕਲਾਕਾਰਾਂ ਨੂੰ, ਸਗੋਂ ਇਤਿਹਾਸਕਾਰਾਂ, ਅਕਾਦਮਿਕ, ਕਲਾਕਾਰਾਂ, ਬੱਚਿਆਂ ਅਤੇ ਭਾਈਚਾਰਿਆਂ ਸਮੇਤ ਜੀਵਨ ਦੇ ਵੱਖ-ਵੱਖ ਖੇਤਰਾਂ ਵਿਚਲੇ ਲੋਕਾਂ ਨੂੰ ਵੀ ਇੱਕਜੁੱਟ ਕਰਦਾ ਹੈ।

ਇਹ ਦਿਨ ਜੈਜ਼ ਸੱਭਿਆਚਾਰ, ਪਰੰਪਰਾਵਾਂ ਅਤੇ ਇਤਿਹਾਸ ਬਾਰੇ ਜਾਣਨ ਦਾ ਇੱਕ ਵਧੀਆ ਮੌਕਾ ਪ੍ਰਦਾਨ ਕਰਨ ਸਮੇਤ ਭਵਿੱਖ ਵਿੱਚ ਜੈਜ਼ ਨੂੰ ਅੱਗੇ ਵਧਾਉਣ ਲਈ ਵੀ ਮਦਦ ਕਰਦਾ ਹੈ। ਸੰਗੀਤ ਇੱਕ ਮਹਾਨ ਸੰਗਠਨਾਤਮਕ ਸਾਧਨ ਹੈ ਜੋ ਸੱਭਿਆਚਾਰਕ ਵਖਰੇਵਿਆਂ ਨੂੰ ਪੂਰਦਾ ਹੈ।

ਇਹ ਅੰਤਰਰਾਸ਼ਟਰੀ ਅਤੇ ਅੰਤਰ-ਸੱਭਿਆਚਾਰਕ ਸੰਚਾਰ ਅਤੇ ਸਹਿਯੋਗ ਦੀ ਲੋੜ ਨੂੰ ਉਜਾਗਰ ਕਰਨ ਵਿੱਚ ਮਦਦ ਕਰਨ ਸਮੇਤ ਸ਼ਾਂਤੀ, ਮਨੁੱਖੀ ਅਧਿਕਾਰ ਅਤੇ ਸਨਮਾਨ, ਮੌਕਿਆਂ ਦੀ ਸਮਾਨਤਾ, ਪ੍ਰਗਟਾਵੇ ਦੀ ਆਜ਼ਾਦੀ ਅਤੇ ਲਿੰਗ ਸਮਾਨਤਾ ਨੂੰ ਵੀ ਉਤਸ਼ਾਹਿਤ ਕਰਦਾ ਹੈ।

Tags :

Related News
×