Bollywood News: ਬੰਗਲਾ ਤੇ ਫੇਰਾਰੀ ਸਭ ਵਿਕਿਆ, ਅਰਸ਼ ਤੋਂ ਫਰਸ਼ 'ਤੇ ਆਇਆ ਇਹ ਅਦਾਕਾਰ, ਇਸ ਹਾਲਤ 'ਚ ਬਿਤਾ ਰਿਹਾ ਜ਼ਿੰਦਗੀ

Bollywood News: ਇਸ ਅਦਾਕਾਰ ਨੇ ਬਾਲੀਵੁੱਡ ਵਿੱਚ ਧਮਾਕੇਦਾਰ ਡੈਬਿਊ ਕੀਤਾ ਸੀ। ਉਨ੍ਹਾਂ ਦੀ ਪਹਿਲੀ ਹੀ ਫਿਲਮ ਸੁਪਰਹਿੱਟ ਸਾਬਤ ਹੋਈ ਪਰ ਅੱਜ ਉਨ੍ਹਾਂ ਦੀ ਜ਼ਿੰਦਗੀ ਪੂਰੀ ਤਰ੍ਹਾਂ ਬਦਲ ਚੁੱਕੀ ਹੈ। ਉਨਾਂ ਦੀ ਕਾਰ ਅਤੇ ਬੰਗਲਾ ਸਭ ਵਿਕ ਗਿਆ ਹੈ ਅਤੇ ਅਦਾਕਾਰ ਦੀ ਪਤਨੀ ਨੇ ਵੀ ਉਸਨੂੰ ਤਲਾਕ ਦੇ ਦਿੱਤਾ।

Last Updated : 08 February 2024, 01:48 PM IST

Bollywood News: ਬਾਲੀਵੁੱਡ ਦੀ ਚਕਾਚੌਂਧ ਵਾਲੀ ਦੁਨੀਆ ਬਾਹਰੋਂ ਤਾਂ ਚੰਗੀ ਲੱਗਦੀ ਹੈ ਪਰ ਅਸਲ 'ਚ ਇਸ ਤੋਂ ਬਹੁਤ ਵੱਖਰੀ ਹੈ। ਇੱਥੇ ਕੋਈ ਰਾਤੋ-ਰਾਤ ਸੁਪਰਸਟਾਰ ਬਣ ਜਾਂਦਾ ਹੈ ਤੇ ਕੋਈ ਅਰਸ਼ ਤੋਂ ਫਰਸ਼ 'ਤੇ ਡਿੱਗ ਜਾਂਦਾ ਹੈ। ਅੱਜ ਇੱਥੇ ਅਸੀਂ ਇੱਕ ਅਜਿਹੇ ਅਦਾਕਾਰ ਦੀ ਗੱਲ ਕਰ ਰਹੇ ਹਾਂ ਜਿਸ ਦੀ ਸ਼ੁਰੂਆਤੀ ਫਿਲਮ 'ਜਾਨੇ ਤੂ ਯਾ ਨਾ ਜਾਨੇ ਨਾ' ਸੁਪਰਹਿੱਟ ਰਹੀ ਸੀ ਪਰ ਫਿਰ ਉਨ੍ਹਾਂ ਦੀ ਜ਼ਿੰਦਗੀ ਨੇ ਅਜਿਹਾ ਮੋੜ ਲਿਆ ਕਿ ਉਨ੍ਹਾਂ ਦਾ ਬੰਗਲਾ ਅਤੇ ਕਾਰ ਸਭ ਵੇਚਣੀ ਪੈ ਗਈ।

ਜੀ ਹਾਂ, ਇੱਥੇ ਅਸੀਂ ਗੱਲ ਕਰ ਰਹੇ ਹਾਂ ਮਿਸਟਰ ਪਰਫੈਕਸ਼ਨਿਸਟ ਆਮਿਰ ਖਾਨ ਦੇ ਭਤੀਜੇ ਇਮਰਾਨ ਖਾਨ ਦੀ। ਇਮਰਾਨ ਖਾਨ ਕਾਫੀ ਸਮੇਂ ਤੋਂ ਇੰਡਸਟਰੀ ਤੋਂ ਗਾਇਬ ਹਨ। ਹਾਲ ਹੀ 'ਚ ਉਨ੍ਹਾਂ ਨੂੰ ਆਮਿਰ ਖਾਨ ਦੀ ਬੇਟੀ ਅਤੇ ਉਨ੍ਹਾਂ ਦੀ ਚਚੇਰੀ ਭੈਣ ਆਇਰਾ ਖਾਨ ਦੇ ਵਿਆਹ 'ਚ ਦੇਖਿਆ ਗਿਆ ਸੀ ਅਤੇ ਹੁਣ ਚਰਚਾ ਹੈ ਕਿ ਉਹ ਫਿਰ ਤੋਂ ਵਾਪਸੀ ਕਰ ਸਕਦੇ ਹਨ।

2016 'ਚ ਸ਼ੁਰੂ ਹੋਇਆ ਸੀ ਬੁਰਾ ਦੌਰ

ਆਪਣੇ ਹਾਲੀਆ ਇੰਟਰਵਿਊ 'ਚ ਇਮਰਾਨ ਨੇ ਕਿਹਾ ਕਿ 2016 'ਚ ਉਨ੍ਹਾਂ ਦੀ ਜ਼ਿੰਦਗੀ 'ਚ ਬਹੁਤ ਬੁਰਾ ਦੌਰ ਆਇਆ ਅਤੇ ਫਿਰ ਉਨ੍ਹਾਂ ਨੇ ਐਕਟਿੰਗ ਛੱਡਣ ਦਾ ਫੈਸਲਾ ਕੀਤਾ। ਉਨ੍ਹਾਂ ਕਿਹਾ ਕਿ ਹੁਣ ਉਹ ਆਪਣੀ ਬੇਟੀ ਇਮਾਰਾ ਲਈ ਖੁਦ ਨੂੰ ਠੀਕ ਕਰਨਾ ਚਾਹੁੰਦੇ ਹਨ।

ਬੰਗਲਾ, ਕਾਰ ਸਭ ਵਿਕ ਗਿਆ, ਇਹੋ ਹਾਲ ਹੋਇਆ

ਇਮਰਾਨ ਖਾਨ ਦੀ ਜ਼ਿੰਦਗੀ ਹੁਣ ਪੂਰੀ ਤਰ੍ਹਾਂ ਬਦਲ ਚੁੱਕੀ ਹੈ। ਮਾੜੀ ਆਰਥਿਕ ਹਾਲਤ ਕਾਰਨ ਉਸ ਨੇ ਆਪਣੀ ਕਰੋੜਾਂ ਦੀ ਫੇਰਾਰੀ ਵੇਚ ਦਿੱਤੀ ਅਤੇ ਪਾਲੀ ਹਿੱਲ ਬੰਗਲਾ ਛੱਡਣ ਤੋਂ ਬਾਅਦ ਹੁਣ ਉਹ ਬਾਂਦਰਾ ਦੇ ਇੱਕ ਅਪਾਰਟਮੈਂਟ ਵਿੱਚ ਰਹਿ ਕੇ ਸਾਦਾ ਜੀਵਨ ਬਤੀਤ ਕਰ ਰਿਹਾ ਹੈ।

ਮੈਂ ਆਪਣੀ ਧੀ ਲਈ ਸਭ ਤੋਂ ਵਧੀਆ ਬਣਨਾ ਚਾਹੁੰਦਾ ਹਾਂ-ਇਮਰਾਨ

ਆਪਣੇ ਵਿਆਹੁਤਾ ਜੀਵਨ ਬਾਰੇ ਗੱਲ ਕਰਦਿਆਂ ਅਦਾਕਾਰ ਨੇ ਕਿਹਾ ਕਿ ਮੈਂ ਹਾਲ ਹੀ ਵਿੱਚ ਪਿਤਾ ਬਣਿਆ ਹਾਂ, ਜੋ ਮੇਰੇ ਲਈ ਬਹੁਤ ਹੀ ਖਾਸ ਅਹਿਸਾਸ ਸੀ। ਮੈਂ ਇਸ ਨੂੰ ਬਹੁਤ ਗੰਭੀਰਤਾ ਨਾਲ ਲੈਂਦਾ ਹਾਂ। ਮੈਂ ਆਪਣੀ ਧੀ ਇਮਾਰਾ ਲਈ ਸਭ ਤੋਂ ਵਧੀਆ ਕਰਨਾ ਚਾਹੁੰਦਾ ਸੀ। ਮੈਂ ਫੈਸਲਾ ਕੀਤਾ ਕਿ ਅਭਿਨੇਤਾ ਬਣਨਾ ਹੁਣ ਮੇਰਾ ਕੰਮ ਨਹੀਂ ਹੈ। ਹੁਣ ਮੈਨੂੰ ਆਪਣੇ ਆਪ ਨੂੰ ਠੀਕ ਕਰਨਾ ਹੈ ਅਤੇ ਮੈਂ ਆਪਣੀ ਧੀ ਲਈ ਸਭ ਤੋਂ ਸਿਹਤਮੰਦ ਅਤੇ ਮਜ਼ਬੂਤ ਬਣਨਾ ਹੈ।

ਜ਼ਿਕਰਯੋਗ ਹੈ ਕਿ ਇਮਰਾਨ ਆਖਰੀ ਵਾਰ ਫਿਲਮ 'ਕੱਟੀ-ਬੱਤੀ' 'ਚ ਨਜ਼ਰ ਆਏ ਸਨ। ਆਪਣੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 2011 'ਚ ਅਵੰਤਿਕਾ ਮਲਿਕ ਨਾਲ ਵਿਆਹ ਕੀਤਾ, ਜਿਸ ਤੋਂ ਬਾਅਦ ਉਹ 2014 'ਚ ਇਕ ਲੜਕੀ ਦੇ ਪਿਤਾ ਬਣੇ। ਦੋਵਾਂ ਦਾ ਸਾਲ 2019 'ਚ ਤਲਾਕ ਹੋ ਗਿਆ ਸੀ।