ਦੋ ਵਿਆਹ ਟੁੱਟਣ ਦਾ ਦਰਦ ਝੱਲ ਚੁਕੀ ਹੈ ਜੀਨਤ ਅਮਾਨ, ਹੁਣ ਨੌਜਵਾਨਾਂ ਨੂੰ ਦੇ ਰਹੀ ਮੈਰਿਜ ਤੋਂ ਪਹਿਲਾਂ ਲਿਵ-ਇਨ 'ਚ ਰਹਿਣ ਦੀ ਨਸੀਹਤ

ਅਦਾਕਾਰਾ ਜ਼ੀਨਤ ਅਮਾਨ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਹਰ ਰੋਜ਼ ਕੋਈ ਨਾ ਕੋਈ ਪੋਸਟ ਸ਼ੇਅਰ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨਾਲ ਜੁੜੀ ਰਹਿੰਦੀ ਹੈ। ਹੁਣ ਹਾਲ ਹੀ 'ਚ ਉਸ ਨੇ ਇਕ ਨਵੀਂ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ਕਾਰਨ ਉਹ ਸੁਰਖੀਆਂ 'ਚ ਆ ਗਈ ਹੈ। ਇਸ ਪੋਸਟ 'ਚ ਜੀਨਤ ਨੇ ਨੌਜਵਾਨਾਂ ਨੂੰ ਵਿਆਹ ਤੋਂ ਪਹਿਲਾਂ ਲਿਵ-ਇਨ ਰਿਲੇਸ਼ਨਸ਼ਿਪ 'ਚ ਰਹਿਣ ਦੀ ਸਲਾਹ ਦਿੱਤੀ ਹੈ।

 Entertainment News: ਦਿੱਗਜ ਅਭਿਨੇਤਰੀ ਜ਼ੀਨਤ ਅਮਾਨ ਆਪਣੇ ਸਮੇਂ ਦੀਆਂ ਸਭ ਤੋਂ ਵੱਧ ਪ੍ਰਤਿਭਾਸ਼ਾਲੀ ਅਭਿਨੇਤਰੀਆਂ ਵਿੱਚੋਂ ਇੱਕ ਰਹੀ ਹੈ। ਆਪਣੀ ਸ਼ਾਨਦਾਰ ਅਦਾਕਾਰੀ ਤੋਂ ਇਲਾਵਾ ਉਹ ਆਪਣੀ ਖੂਬਸੂਰਤੀ ਲਈ ਵੀ ਜਾਣੀ ਜਾਂਦੀ ਸੀ। ਹਾਲਾਂਕਿ 72 ਸਾਲ ਦੀ ਉਮਰ 'ਚ ਵੀ ਉਹ ਆਪਣੀ ਚੰਗੀ ਸ਼ਖਸੀਅਤ ਕਾਰਨ ਲੱਖਾਂ ਲੋਕਾਂ ਦੇ ਦਿਲਾਂ 'ਤੇ ਰਾਜ ਕਰ ਰਹੀ ਹੈ। ਜ਼ੀਨਤ ਸੋਸ਼ਲ ਮੀਡੀਆ 'ਤੇ ਵੀ ਕਾਫੀ ਐਕਟਿਵ ਰਹਿੰਦੀ ਹੈ ਜਿੱਥੇ ਉਹ ਪ੍ਰਸ਼ੰਸਕਾਂ ਨਾਲ ਕੋਈ ਨਾ ਕੋਈ ਤਸਵੀਰ ਜਾਂ ਵੀਡੀਓ ਸ਼ੇਅਰ ਕਰਦੀ ਰਹਿੰਦੀ ਹੈ ਅਤੇ ਉਨ੍ਹਾਂ ਨਾਲ ਜੁੜੀ ਰਹਿੰਦੀ ਹੈ। ਜ਼ੀਨਤ ਆਪਣੀ ਹਾਲੀਆ ਪੋਸਟ ਕਾਰਨ ਇੱਕ ਵਾਰ ਫਿਰ ਲਾਈਮਲਾਈਟ ਵਿੱਚ ਆ ਗਈ ਹੈ।

ਜੀਨਤ ਅਮਾਨ ਨੇ ਫੈਂਸ ਨੂੰ ਡਾਗੀ ਲਿਲੀ ਨਾਲ ਮਿਲਵਾਇਆ 

ਦਰਅਸਲ, ਹਾਲ ਹੀ 'ਚ ਜੀਨਤ ਨੇ ਇੰਸਟਾ 'ਤੇ ਆਪਣੀ ਡੌਗੀ ਲਿਲੀ ਨਾਲ ਦੋ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਸ ਤਸਵੀਰ 'ਚ ਜ਼ੀਨਤ 72 ਸਾਲ ਦੀ ਉਮਰ 'ਚ ਵੀ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਜੀਨਤ ਨੇ ਇੱਕ ਲੰਮਾ ਕੈਪਸ਼ਨ ਵੀ ਲਿਖਿਆ ਹੈ। ਕੈਪਸ਼ਨ ਦੀ ਸ਼ੁਰੂਆਤ 'ਚ ਅਭਿਨੇਤਰੀ ਆਪਣੇ ਕੁੱਤੇ ਲਿਲੀ ਨਾਲ ਸਾਰਿਆਂ ਦੀ ਜਾਣ-ਪਛਾਣ ਕਰਵਾ ਰਹੀ ਹੈ। ਉਸ ਨੇ ਦੱਸਿਆ ਕਿ ਲਿਲੀ ਨੂੰ ਮੁੰਬਈ ਦੀਆਂ ਸੜਕਾਂ ਤੋਂ ਬਚਾਇਆ ਗਿਆ ਸੀ ਅਤੇ ਇਸ ਲਈ ਉਹ ਉਸ ਦੇ ਨਾਲ ਹੈ। ਇਸ ਤੋਂ ਬਾਅਦ ਆਪਣੇ ਕੈਪਸ਼ਨ 'ਚ ਅਦਾਕਾਰਾ ਨੌਜਵਾਨਾਂ ਨੂੰ ਵਿਆਹ ਤੋਂ ਪਹਿਲਾਂ ਲਿਵ-ਇਨ ਕਰਨ ਦੀ ਸਲਾਹ ਦਿੰਦੀ ਨਜ਼ਰ ਆ ਰਹੀ ਹੈ।

ਜੀਨਤ ਨੇ ਦਿੱਤੀ ਨੌਜਵਾਨਾਂ ਨੂੰ ਇਹ ਸਲਾਹ 

ਜ਼ੀਨਤ ਲਿਖਦੀ ਹੈ ਕਿ- 'ਜੇਕਰ ਤੁਸੀਂ ਰਿਸ਼ਤੇ 'ਚ ਹੋ ਤਾਂ ਮੈਂ ਤੁਹਾਨੂੰ ਵਿਆਹ ਤੋਂ ਪਹਿਲਾਂ ਇਕੱਠੇ ਰਹਿਣ ਦੀ ਸਲਾਹ ਦੇਵਾਂਗੀ। ਇਹ ਉਹੀ ਸਲਾਹ ਹੈ ਜੋ ਮੈਂ ਹਮੇਸ਼ਾ ਪੁੱਤਰਾਂ ਨੂੰ ਦਿੱਤੀ ਹੈ, ਜੋ ਦੋਵੇਂ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਰਹੇ ਹਨ। ਮੇਰੇ ਲਈ ਇਹ ਤਰਕਸੰਗਤ ਜਾਪਦਾ ਹੈ ਕਿ ਦੋ ਲੋਕਾਂ ਨੂੰ ਪਰਿਵਾਰ ਅਤੇ ਸਰਕਾਰ ਨੂੰ ਆਪਣੇ ਸਮੀਕਰਨ ਵਿੱਚ ਸ਼ਾਮਲ ਕਰਨ ਤੋਂ ਪਹਿਲਾਂ, ਉਨ੍ਹਾਂ ਨੂੰ ਪਹਿਲਾਂ ਆਪਣੇ ਰਿਸ਼ਤੇ ਦੀ ਜਾਂਚ ਕਰਨੀ ਚਾਹੀਦੀ ਹੈ। ਅਜਿਹਾ ਕਰਨ ਨਾਲ ਇੱਕ ਦੂਜੇ ਦੇ ਕਈ ਚੰਗੇ ਗੁਣ ਅਤੇ ਕਮੀਆਂ ਸਾਹਮਣੇ ਆਉਂਦੀਆਂ ਹਨ, ਜਿਨ੍ਹਾਂ ਨੂੰ ਵਿਆਹ ਤੋਂ ਪਹਿਲਾਂ ਘਟਾਇਆ ਜਾ ਸਕਦਾ ਹੈ। ਇਹ ਨਹੀਂ ਸੋਚਣਾ ਚਾਹੀਦਾ ਕਿ ਲੋਕ ਕੀ ਕਹਿਣਗੇ।

1985 'ਚ ਕੀਤਾ ਸੀ ਚੁੱਪ ਚਾਪ ਵਿਆਹ

ਦੱਸ ਦੇਈਏ ਕਿ ਜ਼ੀਨਤ ਅਮਾਨ ਨੇ ਸਾਲ 1985 'ਚ ਅਭਿਨੇਤਾ ਸੰਜੇ ਖਾਨ ਨਾਲ ਗੁਪਤ ਵਿਆਹ ਕੀਤਾ ਸੀ। ਸੰਜੇ ਖਾਨ ਉਸ ਸਮੇਂ ਪਹਿਲਾਂ ਹੀ ਵਿਆਹੇ ਹੋਏ ਸਨ, ਪਰ ਉਹ ਜ਼ੀਨਤ ਵੱਲ ਆਕਰਸ਼ਿਤ ਸਨ। ਫਿਰ ਕੁਝ ਮਹੀਨੇ ਇਕ-ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਸੰਜੇ ਖਾਨ ਅਤੇ ਜ਼ੀਨਤ ਅਮਾਨ ਨੇ ਵਿਆਹ ਕਰਵਾ ਲਿਆ। ਹਾਲਾਂਕਿ ਵਿਆਹ ਦੇ ਕੁਝ ਸਮੇਂ ਬਾਅਦ ਹੀ ਉਨ੍ਹਾਂ ਦੇ ਰਿਸ਼ਤੇ ਵਿਗੜਨ ਲੱਗੇ ਅਤੇ ਉਹ ਵੱਖ ਹੋ ਗਏ। ਕਿਹਾ ਜਾਂਦਾ ਹੈ ਕਿ ਸੰਜੇ ਖਾਨ ਬਹੁਤ ਗੁੱਸੇ ਵਾਲੇ ਸੁਭਾਅ ਦੇ ਸਨ। ਉਸ ਨੇ ਜ਼ੀਨਤ ਅਮਾਨ 'ਤੇ ਕਈ ਵਾਰ ਹੱਥ ਚੁੱਕਿਆ ਸੀ, ਜਿਸ ਕਾਰਨ ਉਸ ਦੀ ਇਕ ਅੱਖ 'ਤੇ ਡੂੰਘੀ ਸੱਟ ਲੱਗ ਗਈ ਸੀ, ਜਿਸ ਕਾਰਨ ਉਸ ਨੂੰ ਪੇਟੋਸਿਸ ਹੋ ਗਿਆ ਸੀ। ਇਸ ਸਾਲ ਅਦਾਕਾਰਾ ਨੇ ਆਪਣੀ ਅੱਖ ਦਾ ਇਲਾਜ ਕਰਵਾਇਆ।

ਦੂਜਾ ਵਿਆਹ ਕਰਵਾਇਆ ਫੇਰ ਵੀ ਨਹੀਂ ਮਿਲਿਆ ਸੁਖ 

ਸੰਜੇ ਖਾਨ ਨਾਲ ਉਸਦਾ ਵਿਆਹ ਟੁੱਟਣ ਤੋਂ ਬਾਅਦ, ਜ਼ੀਨਤ ਅਮਾਨ ਨੂੰ ਫਿਰ ਅਭਿਨੇਤਾ ਮਜ਼ਹਰ ਖਾਨ ਨਾਲ ਪਿਆਰ ਹੋ ਗਿਆ ਅਤੇ 1985 ਵਿੱਚ ਉਸ ਨਾਲ ਵਿਆਹ ਕਰ ਲਿਆ। ਪਰ ਇਹ ਰਿਸ਼ਤਾ ਵੀ ਠੀਕ ਨਹੀਂ ਚੱਲਿਆ। ਜ਼ੀਨਤ ਨੇ ਇਕ ਵਾਰ ਖੁਲਾਸਾ ਕੀਤਾ ਸੀ ਕਿ ਮਜ਼ਹਰ ਨਾਲ ਵਿਆਹ ਕਰਨਾ ਉਸ ਦੀ ਜ਼ਿੰਦਗੀ ਦੀ ਸਭ ਤੋਂ ਵੱਡੀ ਗਲਤੀ ਸੀ। ਉਹ ਉਨ੍ਹਾਂ ਨੂੰ ਕੰਮ ਨਹੀਂ ਕਰਨ ਦੇ ਰਿਹਾ ਸੀ। ਨਾਲ ਹੀ, ਅਭਿਨੇਤਰੀ ਨੇ ਵਿਆਹ ਦੇ 12 ਸਾਲ ਬਾਅਦ ਉਸ 'ਤੇ ਹਮਲੇ ਦਾ ਦੋਸ਼ ਲਗਾਉਂਦੇ ਹੋਏ ਤਲਾਕ ਦਾਇਰ ਕੀਤਾ ਸੀ।

• 

  ਸੁੱਕਾ ਚਿਹਰਾ, ਵਿਗੜੇ ਵਾਲ, ਡੇਂਗੂ ਤੋਂ ਬਾਅਦ ਇੰਝ ਹੋਈ ਟਾਈਗਰ ਸ਼ਰਾਫ ਦੀ ਹਾਲਤ, ਇਹ ਦੇਖ ਕੇ ਮਾਂ ਹੋਈ ਭਾਵੁਕ

  Entertainment

• 

  ਐਮਰਜੈਂਸੀ ਟ੍ਰੇਲਰ ਰਿਲੀਜ਼: ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੀ ਭੂਮਿਕਾ ਚ ਨਜ਼ਰ ਆਈ ਕੰਗਨਾ ਰਣੌਤ, ਦੁਸ਼ਮਣਾਂ ਵਿਰੁੱਧ ਛੇੜੀ ਜੰਗ

  Entertainment

• 

  'ਡਾਕੂ ਮਹਾਰਾਜ' ਦਾ ਟ੍ਰੇਲਰ ਰਿਲੀਜ਼, ਨੰਦਮੁਰੀ-ਬੌਬੀ ਦਿਓਲ ਦਾ ਸ਼ਾਨਦਾਰ ਐਕਸ਼ਨ

  Entertainment

• 

  ਸੰਜੇ ਦੱਤ ਦੇ ਘਰ ਪਹੁੰਚੇ 'ਬਾਬਾ ਬਾਗੇਸ਼ਵਰ', ਗੁਰੂ ਦੇ ਦਰਸ਼ਨ ਕਰ ਕੇ ਹੋਇਆ ਖੁਸ਼, ਖੁਦ ਦਿਖਾਈ ਫੋਟੋ

  Entertainment

• 

  Arjun Kapoor ਕਪੂਰ ਅਤੇ ਭੂਮੀ ਪੇਡਨੇਕਰ ਦੀ ਜਮੇਗੀ ਤਿਕੜੀ, ਕਾਮੇਡੀ ਫਿਲਮ 'ਮੇਰੇ ਪਤੀ ਕੀ ਬੀਬੀ' ਦਾ ਪੋਸਟਰ ਰਿਲੀਜ਼

  Entertainment